أحببت معلمة ابنتي «مكتملة».

البارت الرابع

ابتلع من أمامها تلك الغصة التي تشكلت بحلقه علَّه يستطيع التحدث : كانت مع ابوها

صرخت وهي تشدد من قبضة يديها على خصلات شعرها : وانت خايف من ابوها ولا ايه

اجابها بثقة وخوف بكلا الوقت : اكيد دا مراد الشاذلي..ممكن يمحيني من علي وش الأرض..وانا وانت عارفين ان أغلى حاجة بنتو وممكن لو عرفلي طريق اموت

ألقت الكوب من يديها بغضب : غبي..مانا قولتلك هساعدك تهرب افهم بقى

اجابها بسخرية : محدش بيهرب من تحت ايد مراد الشاذلي

أشارت على باب ذلك المكان بغضب هيستيري صارخة به : غووووووووور

هرول من أمام تلك المجنونة التي يمكنها حتماً قتله في تلك اللحظة
بينما جلست هي مرة أخرى على كُرسيها وهي تردد في شرود : هتشوف ملك منصور هتعمل ايه يا مراد هتشوف
ــــــــــــــــــــــــــــــــــــــــــــــــــــــــــــــــ
صباح يوم جديد فتح عينيه على صوتها الضجر تصرخ به ككل يوم  : يووووه يا بابا هو كل يوم بقى ولا ايه

نظر له بحدة يدفعها عن الفراش يصرخ بها : عايزة مني ايه يا بت انتي ع الصبح

وقفت عن الأرض بتذمر : يلا عشان متأخرش على المدرسة يا عمنا

نظر لها مُضيقاً بين جفون عينيه بشك : ايه التغيير المفاجئ ده

نظرت له وهي تتصنع الصدمة : تغيير ايه بس يا والدي

_ بيتهيألي انك مش بتحبي المدرسة يعني ولا ايه

ربتت على قدمه : بيتهيألك انت بس لكن انا يختي بحب المدرسة اه والله زي ما بقولك كدا

رفع طرف شفتيه للأعلى مستنكراً : وده من ايه ان شاء الله

ضمت يداها لصدرها تتحدث في ثقة : ميس آية

شرد مراد على ذكر اسمها وهو يتذكر كيف كانت تتعامل مع ملاك كوالدتها
آفاق من شروده على صوتها وهي تلوح أمام وجهه : سرحت في ايه يا درش

نظر له مدققا بحديثها : يا ايه

أعادت تكرار الكلمة مرة أخرى : درش

امسك بأذنها مردفاً بتحذير : احنا مش قولنا نبطل الكلام الوحش ده هاها

تحسست أثر ضغطة اصابعه على اذنه بتذمر وهي تقول في استنكار : وانا اش عرفني انو كلام وحش انا الله