وقف جاسر برفقة اية ببهو المنزل وهو يقول بمرح : يتري بقى اوضتي زي ما هي ولا عملتي فيها حاجه
اتجهت صوب غرفتها وهي تقول بتهكم : لا ياخويا زي ماهي
صاح بغضب وهو ينظر لباب غرفتها : بنت عيب كدا لما اكملك تقفي تبصيلي
لم يأتيه ردها ليتجه لغرفته وهو يردد بحسرة : ضاعت هيبتك يا جاسر
ــــــــــــــــــــــــــــــــــــــــــــــــــــــــــــــــ
ولج مراد برفقة الجميع لداخل المنزل فأوقفته ملاك وهي تتشبث بقدمه تمنع تحركه : هو أنا ليه معنديش أخ زي أنكل جاسر
إنخفض لمستواه وهو يحملها عاقداً حاجبيه بتساؤل :مين انكل جاسر يا لوكا
أجابته : أخو ميس آية
نظر أمامه بشرود وهو يُجيب عن سؤالها : عشان لو كان عندك أخ كنت هحبه اكتر
نظرت له تتضم يداها لصدرها بتذمر : أكتر مني
اومئ لها إيجابياً ومن ثم أنزلها أرضاً وهو يشير للأعلى : طب يلا اطلعِ غيري هدومك وانزلي عشان نتغدى
صعدت السلالم متجهة صوب غرفتها ليقترب مُحمد والد مراد منه وهو يقول بلوم : ايه اللي إنت قولته للبنت ده يا مراد
رفع كتفيه ببساطة : امال اقولها ايه يا بابا
لوح مُحمد بيديه : اي حاجة لكن افرض الوقتي انك اتجوزت وخلفت ... متزرعش فكرة غلط في دماغها لانها طفلة والأطفال في سنها بيسمعوا الكلام ويخزنوه في عقلهم الباطن فحاول تعدل من الفكرة دي
أجابه مراد ببساطة : بابا انا فعلا مش هتجوز ولا هخلف انا مش عايز حاجة غير ملاك ... مش عايز اشغل نفسي بحد غيرها ... ومش عايز اهتمامي ليها يقل
تنهد مُحمد يحرك رأسه نفياً بنفاذ صبر يصعد السلالم وهو يغمغم بيأس : مفيش فايده في الكلام معاك
ــــــــــــــــــــــــــــــــــــــــــــــــــــــــــــــــ
توجهت اسراء للجلوس بجانب والدها الذي أخبرها أنه يُريد التحدث معها لتقول بمرح : نعم يابوب
التفت لها وهو يقول باشمئزاز : انا ابوكي مش شغال سواق الهانم
ابتسمت ببراءة تومئ إيجابياً : حاضر كنت عايزني ليه
_ جهزي نفسك لبكرة.
عقدت حاجبيها وهي تسأله باستفهام : ليه !!
نقل بصره عن التلفاز ينظر لها : هتروحي مع رائد وامك تشتروا الدهب
أجابته باستنكار : بالسرعة دي
أردف حسين بتهكم وهو يتابع مشاهدة التلفاز : اومال انتي عايزة امتى دا الخطوبة بعد بكرة
قفزت عن الاريكة تنظر له وهي تصفق بيدها : نعم ياعوووووومري
خرجت سارة من غرفتها على أثر صوت اسراء لتقول بسخرية لازعة : ايه ياست إسراء شغل المصاطب ده
اتجهت إسراء نحوها بغضب : وانتي مالك انتي
خرجت فاطِمة من المطبخ وهي تضع الصحون بيدها على الطاولة وهي تردد : كمان كمان ماحنا قُلقستين هنا
نفت اسراء حديث والدتها وهي تقول بأدب : لا لا سمح الله يا حاجة متقوليش كدا على نفسك
استرسلت سارة حديث إسراء وهي تضع يدها على رأسها باحترام : دانتي على راسي من فوق
إلتف الجميع حول طاولة الطعام فنظرت سارة لوالدها وهي تقول بمكر : يعني هتشتري الدبل بكرة
اومئ لها حسين وهو يتناول طعامه لتقول سارة بسرعة : هروح معاهم
رفعت إسراء وجهها عن صحنها وهي تقول بعناد : لأ
ابتسمت سارة باستفزاز : هاجي
وقفت إسراء عن مقعدها تدفع المقعد من خلفها وهي تضرب بيديها الطاولة : مش هتيجي
وقفت سارة هي الأخرى تفعل المثل وهي تقول : هاجي
كانت اسراء على وشك الرد عليها ليقاطعها صوت صراخ والدتهم الغاضبة : بااااااااااااااس
نظرت لوالدتها بخوف وهي تلتفت لسارة : احم ... سارة ياروحي ابقى تعالى معايا عادي
نظرت سارة برعب لوالدتها وهي تقول نافية : لأ لأ خلاص مش عايزة اجي
ــــــــــــــــــــــــــــــــــــــــــــــــــــــــــــــــ
دمتم سالمين..❤️
