نجم الشمال

💕شكر وتقدير 💕

شكر وامتنان لاصحاب الكلمات الجميلة .لاصحااب التعليقاات الحلوة علي مدى كتاتبتي في الرواياات ... علي مدى خمس روايات ..مفعمه بالحب والاحساس

شكرر من قلب جميلة جاسم لقلوبكم

قداش متمنية عندي وقت ونرد علي تعليقاتكم الفيس والوتباد والرسائل الدايركت من كل قلبي واحساسي وجوارحي شكرا جزيلا...

1العبرة

العبرة من الرواية واضحه واكيد يعني متعبتش خمسين بارت وكلام فاضي علي قول البعض... ومافيش عبر

بدينا بنجم الشمال وبدينا بقضية البطاله وقضية الشباب الي تنجرف للحرام تهريب وبيع ممنوعات وما الي ذلك ....
شفنا الام الغيورة علي ولدها شفنا الام الي عكست حياتها ضد حياة ولادها وشن صار فيها
وموجود الشي في معضم بيوت ليبيا.. وشفنا رجعوها وشفنا حربها مع كنتها صاير شي هذا

شفنا الشخصية الي رضت بقضاء الله وقدره  الشخصية الكبيرة ام العيلة الثانية نقدت بقايا خواتها وخوتها بخبرتها  لانها الام الثانية لانه عقلها موازي عمرها لانها تشبح في روحها مكتفية داتيا ومعنويا ولازم انها تراعي خواتها خوتها ....سلمى...

2 الغربة

انك تتزوجي خارج منطقتك تشبحي عادات وتقاليد تانية تتحاربي من الناس تفشلي وطيحي وتنوضي من جديد فرحه
تفقدي بووك وزوجك نفس الوقت..
تنحطي في مقارنه بين الحب الوحيد وبين الحب الابوي
وكيف قدرت تحافظ علي حبها وعايلتها بطريقة محترمه

3 الغموض ...

(غزلان_زهراء_خديجه)

طبعا في هلبا قالو نهاية زهراء مش مرضية...نهاية غزلان مش مرضية... اختهم طلعت فجاة وماتت فجأة ..اكيد ليها غرض  والسبب امهم والسبب الاسرار القديمه والسبب انها مقدروش تعيش مع ربيبة لوحتها والبنت مقصرتش ..خديجه حدت صااير قدامي وحقيقي بحت  وقلت لاازم نكتبه من كثر ما اثر فيا الموقف الخو والاخت ميعرفوش بعضهم ضفته كحدت تشويقي لرواية

اما زهراء خدت جزاته من طمعها تزوجت من غير دخول واطلقت ...والحياة لازم تكون فيها شوي غموض...معقوله احني توة نعرفو شن صاير مع الناس كلها لازم نعرفو جانب وجانب مضلم منعرفوشي زهراء وقفت الحياة لما اطلقت من ولد خالتها وخسرت خالتها وامها الي تعبت اعليها والاهم خسرت لمه العيله غيرو المنطقة وممكن بدت حياة تانية الله اعلم

حتي تكون الرواية اقرب للواقعية بعدت علي النهايات السعيدة السعيدة...انما قربت من النهاية الي يستحقوها كل ابطال الروية

طبعا الرواية فيها اكثر من بطل ...اكثر من قصة ..اكثر من حكاية. وحدت ...
حتي مزييج ماخلف الوهم بنجم الشمال ليه دور كبييير في الرواية...

مديرية الامن نفسها المستشفي نفسه...
يعني لقيت روحي بندخل جهاد في قضايا ومحاكم ...ولازم في نقيب في الرواية
لقيت روحي
واخدة ضياء الدين وحاطاته بيينهم...
كاني نروى في الواقعية ...ان شالله فهمتوها بس ...