#نجم_الشمال
#جميلة_جاسم
نهاية الجزء الاول
ثريا...قعدت واقفه في الممر بروحي...ونتخيييل في غزلان وموقفها ..
خووف اجتااحني ...جهاد البراء وااقف بعيد ومعاه رااجل ايأشر بإيده ويتكلم ...
سلمى فاتت لغزلان ممنوع اتنين قعدت واقفه في نص الزحمه ..
تفكرت حكيم لما قالي خشي دااخل معش تطلعي
قلبي شدني معقوله ربي يحرمني من حكيم...مش متخيله روحي مع شخص تاااني
كيف ايامنا تعدلت وحسينا بالفرح شوية .مصيبة عزلان مصيبة. وطاحت اعلينا من السماء ..
كلمتني امي وفادية ...ومقدرتش نقللهم اي شي ..خفت امي تمرض خفت اتجيها حااجه نقعدو نادمين علي افعالنا...
دماغي سيطر اعليه الوسواس...
قعدت انهلوس.. اكيدة ربي بياخد فيا الحق اكيدة ....حتي اني جاي دوري....
لبنى غزلان...سلمى...
خديت طاسة مية شربتها دفعة وحدة ولوحتها....قعمزت علي الكرسي نزلت بلوزتي والكبوط علي السروال .. ونشبح في مراء مقابلتني تشبحلي...
سلمى عطلت واني منعرف شي.
وقفت المراء جت قعمزت جنبي....قتلي شن اسسمك انتي
شبحتلها..قتلها اعلااش
مشبهة عليك بنت نبي نعرف انتي نفسها او لا....
ثريا....اسمي وانتي
عاشت الاسامي...اني خديجه...بنت مني انتي
ثريا...تعيشي...وبوي متوفي اسمه اسماعيل
خديجه... اااي عرفت سبحاان الله سبحاان الله
ثريا ... شن عرفتي ...
خديجه ..لا هكي قصدي.....شن اديري اهني انتي ...ومتوترة باين اعليك...
ثريا.. اختي مريضة ...جاية معاها اني واختي وخوي البراء...
خديجه...اي واحد من خوتك جاي معاك
ثريا...كنت نتكلم ونشبح لوطي...لما قالت هكي....شبحتلها في عيوونها....وخفت منها ...
قتلها....انتي تعرفي خوتي وتسألي اي واحد منهم مرات عندنا راس ولد
ارتبكت...عدلت شاربتها....وقفت قتلي ..ربي يشفيها اختك...
ثريا....تعالي معليشي ..اختي ....خديجه...
مشت طلعت ...طويله وبيضاء..صغيرة في العمر....وقفت تبعتها....وقفت علي قسم العناية....طلعت بنت صغيرة معاها هكي حوها اعدادي ....واني نشبحلها ...
وهيا تعدل في شاربتها....وتلتفت....واني بين الزحمه مش مركزة علي اي شخص حسيت بايد علي كتفي ..التفتت مخلووعه
لقيت جهاد في وجهي
جهاد....وين ماشية ساعه انضبح اعليك زحمه وناس قتلك شدي قسم النساء
YOU ARE READING
نجم الشمال
Actionرواية ليبية...دات طابع حاد غريب .لرجل رماه الفقر والعوز الي طريق الشمال فوجد نفسه نجما الشمال ... عندما ادرك طريق النهاية زارهو منقد طييف عشق حب اجتااح قلب ميت قلب الصخر وانقده من وسط الركاام ... ربما كلمه وااحدة ترمي بنا نحو الهلاك كيف نستطيع ان...
