نجم الشمال

البارت 17

#نجم_الشمال

#جميلة_جاسم

جهاد.... نااار ولعت فيا...بووها يعرفني ...بوها سعفني بأمر منهم... بووها ورى كل شي..

اني جهاد ضحكو عليا...مغفلل مغفللل  نضرب في ستيرس السياارة وناار والعه فيا..

طريق كاامله تليفوني ايرن..فرحه ..فرحه فرحه

عيووني ودمااغي وااقف علي حاجه وحدة ...نبي فؤاد ..اعلاش نبييه مش عاارف ..

طلعت من طريق الدهماني.. بعدها مساافة خشيت ...حوش سلمى.... الجديد ..اول مرة نمشيله..

شبحت الساعه ..لقيتها الساعه 12 وقفت السيارة ..وكلمت سلمى....

ردت عليا...سلمى ..انتي وين

سلمى...جهاد شن صااير شن فييه...في حوشي

جهاد...معاك فؤاد وله طالع

سلمى...ايي معااي قععد

جهاد...قوليلا يطلع ..نبييه

سلمى...خيرك وخيي خلعتني خش شن صااير شن فييه ...

جهاد...مستعججججل سلمى قوليلا يطلعلي ساعه زماان فم الحوش اني

سكرت التليفون وقعدت تحت العمارة نستني فييه اني شن نبي منه منعرفش ...

اخر شي طلع ...شبحلي .اشرتلا بإيدي...

لففف واركب ..

جي فتح الباب...وركب ....

فؤاد...جهاااد لو بديرلي موال الصبح اني مش مستعد انقعمز معاك...يارااجل ...منفصم شخصيا انته..مريض تعاالج...حرق دم الصببح مش طبييعي..

جهاد...من وين تعرف الصيد ورماح

فؤاد...لا اله الا الله محمد رسول الله...يااراجل معرفه سطحية نعرفهم اني قايلك سوااق بس..انته نبشت علي رووحك انته الي صاارلك بايدك ...
لو خليت روحك طبيعي..وعندك سيارتك وساعه العمل ..وتروح لحوش في جيبك الف جني...شن تبي اكثر.. في دوله بتعطيك.يوميتك الف جنيي ..في وزارة تعطيك هكيي

رميت في الولد عوقته ..رصااص لعب برصااص سااهل عندك...توة الولد مقعمز لاخدمة لاشي.... تعرف غطيت اعلييك ...لين ملقيتش ...منعرفش شن الي صااير معاك..
تحب تفهم ادوخ يارااجل ناجي من الموت انته وقعد تبي تعرف الصيد منو

جهاد....والله واياامي السووود ياااا فؤااد ....انطللع القصة من اولها الي اخرها ...والله العضيم  ولا يرتااحلي باالي ولا يهداالي خاااطر ..تطلع انته ورى كل شي. .تشبح فيا اني جهاااد انوصلك للبحر ونردك عطشااان وهبالي بنطلعه فييكم...

فؤاد...اني عاارفك ولد بلاد ولسانك قااطع وايدك دبااحه. ..لاكن اهو انقووولك ..اعرف مع من تلعب...رااهي حكاية كبييرة ...ونااس وااصله ...وحاكمين دوله من غير دوله ...طلعت منها انته وله .. اطلع منها كلها..
الشغل وسيبته ..
السيارة وسلمتها
اطلع منها اني وااحد شاايف ليين شاابع وبداية عمري نشتغل معااهم... ولما طلعت طلعت بكرامتي طلعت بارادتي