نجم الشمال

البارت 34

#نجم_الشمال

#جميلة_جاسم

مَعِي مَعِي ، لا تدمعي ، إن الدموعَ بحضرتي ، شيءٌ يُؤرقُ مضجعي ،
لا تفزعي ، و اختبئي داخل أضلعي.
قِفِي قِفِي ، لا تضعفي ، و امنحي قلبي الوفي ، يوماً أخيراً ، لكي أٌغَيِرَ موقفي .
سَلِي سَلِي ، لا تخجلي ، و تخيلي ، كل النجوم على يديكِ ، جاءت تضئ أناملي ، كل الورود بوجنتيكِ ، فاحت بعطرِ مُذهلِ ،
هيا أقبلي ، على الغصون تدللي ، و اسمعي همس المشاعر ، تقول لا ،
لا ترحلي.

_________

جهاد....ايام وليالي فاتت واني في مسلاته اول ما طلعت من طرابلس كان في بالي يوم اتنين ونرجع ...
طالت المدة وطاال الهم
اليوم شهر ليا ..اهني

طلعت اجرت حوش ارضي ...صغير مش كبير في حوازة وكملت فيه
عطيت علم لامين بيطلع صاحبي مسلاتي من اهنايا بيتلاقو علي الطريق الساحلي هو وامين وفرحه ...بيجيبهم عندي

حكيم تعاركت معاه قبل اربع ايام وطلع من الشقة ...صار سوء فهم بينه
انصدمت منه خشيت لقيته ايكلم بتليفون مرة ...
قالي صااحبك طايح في الحب زييك
اني من جيهة راسي ومن جيهة تفكيري بفرحه وزهراء مركزتش اعليه وقتها

فاتو الايام وهو كل يوم خانس في مكان يكلم فيها...
ومرات يرتبك لما نسأله

جهاد...من وين طاايح فيها ياعزري

حكيم....مش بعيييدة ولا قريبة..بين مد وجز ..معلق صاحبك

جهاد..قريبتك تعرفها ولا كيف

حكيم...اقرب من روحي وابعد من الشمس ..عاالق وحاصل...وزيدك خااايف خاااايف

جهاد...من شن خااايف

حكيم.. عندها خوها ميدريش اعليها...ومرات ميعطيهاش...

جهاد...ركككز كويس بنات الناس مش لعب...ركزلي علي الموضوع خوها ميدريش اعليها ..وانته متهني معاها ...ااه وحاط التقة فيها
الي خانت خوها تخوونك

حكيم...لو انقوولك انكلم في وحدة من خواتك

جهاد... لو اديرها حق ...وله وراس فرحتي العزيزة والغايبة حرق علي ملة ليهود ...

حكيم...لو نخطب وحدة من خواتك من الباب وتوا جااايك اني ..نخطب وحدة من خواتك ..تعطيني

جهاد...من الباب وله اني راجل حقاني وااضح...المدام .الي عندي شابحها...خطبتها من بووها بالسيف اعليه ..وخشيت من الباب ...وصار سوء فهم بينه وهيا السبب جتني الي عندي ...واني خطفتها...
وندمت هيا علي عملتها...
معش عاودتها نهائي..
لاكن اني تكلمت مع بوها في وجها وصلت الي الضرب بيني وبينه ..
لكلام هذا قبل سنة ونص...

وتوة مرتي...لو بتجيني من وجهي نعطيك...
ولو بتضربني في ضهري وتضحك في وجهي...
لا تعرفني لا نعرفك...
السيف والدم بينه