#نجم_الشمال_الجزء_الثاني
#جميلة_جاسم
لبنى ...
التفتت لقيت جهاد وفرحه معاه وحمودة في حضنه جهاد
أكيد بيقوول هذي ماتبوش واقفه علي رااجل ومامعاها حد
نرعش ونجمع في خاطري نبي شي انبرر بيه...نبي شي نقوله جهاد
خووف اجتاحني وخطوات جهاد انحس فيهم علي مدى بعيد...
عدلت روحت ورائد شاد فيا ويشبحلي... ماما اماما بابا حلووو واني نقووله اييي
ونقيم في راسي
نلقى في بوهم ايبوس في سما وفرحان
وقف جهاد صافح الراجل...شن اسمه يااربي شن اسمه ..لين سمعته قاله اني
نادر
ايي قالي نادر...صح .. حسيت روحي صفرت مع بعضي اكيدة بيقولي بطلي ...اكيد بيقولي معش في امان حتي في الروضات..
نموووت ياربي لو نبعد عليهم سااعدني ...
نطق في اصاابعي...وفرحه تشبحلي وتأشرلي برااسها
بمعني منو ...
واني سااكته تكلم جهاد وهو يشبحلي
جهاد....اهلا وسهلا ...خوي نادر كيف حالك...
نادر....تمام الحمد الله الاخ خو الابله ....
جهاد..ايي معاك ولي امرها
نادر......ايي هذو صغااري رائد وسما...حاطهم اهني عند الاخت ربي يباركلها في صحتها ....
جهاد...ااااه اي حكتلي عليهم لبنى...روحها معلقة فيهم ربي يحفظهم وتشوفهم في مكان يليق بيهم
نادر....ايبارك فيك ...وان شالله المجهود يشكر للاخت لبنى حسيت رائد تغير هلبا ....بفضل الله وبفضلها...
لبنى...انحس في روحي اول مرة اندير شي صح اول مرة نشوف روحي في عيون جهاد ومفتخر بيا...
مشى جهاد هو وبو الصغار حط ايده علي كتفه واشرلنا خودو راحتكم شوي وجاي ...
...واني قعدت واقفه مذهوله ...لين حسيت فرحه وايدها قدااامي
فرحه.....لبنى نحن هنا ..وين مشيتي
لبنى...وقضت علي روحي شبحتلها ...وتنحنحت....نشبح في رائد يلعب جنب بووه ..مشيت اني وفرحه انعرف فيها علي الابلات الي معاي..
ابله سعاد مع مستشارة نفسية من الوزارة..واقفه...
اخر شي ...بدو في التكريم ...وشهايد تقدير علي المجهود المبذول ...
وقفت جنب جهاد وفرحه....ونشبح في رائد وبوه وااقف والبنت تبكي ومش عاارف شن يديرلها...واني واقفه .... تبكي وهو مش منتبهلها وهيا من النوع الي عندها الفحمه تسكر لما تبكي
قلبي شدني سما بنتي هذي منطيقش تبكي...
عين عليه وعين علي الاسماء كل مرة يضبحو علي ابله يعطوها شهادة تقدير واني وااقفه نهتز مع بعضي وفرحه تقولي
الاسماء ابجدي انتي اخر وحدة اكيدة
واني بالي مش معاها صوت سما تبكي...معش قدرت مشيييت نجري بين الناس ونبعد فيهم وفرحه تقولي تعاالي اهني واني مش معاها واخيرا وصلت ...
YOU ARE READING
نجم الشمال
Actionرواية ليبية...دات طابع حاد غريب .لرجل رماه الفقر والعوز الي طريق الشمال فوجد نفسه نجما الشمال ... عندما ادرك طريق النهاية زارهو منقد طييف عشق حب اجتااح قلب ميت قلب الصخر وانقده من وسط الركاام ... ربما كلمه وااحدة ترمي بنا نحو الهلاك كيف نستطيع ان...
