نجم الشمال

البارت 25

انته ما مجبور تتحمل مزاجيتي ...
وحزن روحي
وتعبها
الصوج بيا انا مامنطيك فرصه
ومحتويك
عفت روحي..وما عرفت شلون احبها
وسبب حبك

سجاد خيري

#نجم_الشمال

#جميلة_جاسم

بارت مطوول لعيون قروب الفييس  ...احبكم

ثريا...
الحوش مقلووب قلب غزلان وسلمى كل وحدة في جيها...
وامي خلاص باين فيها الكبر ومش قاادرة تحكم ولا تتكلم..
جهاد وااخد.طرف برووحه ولا مشاركنا في هما ولا مدورنا في شي ..طلع من عندنا زعلان ....

مقعمزة علي تليفووني...وخشيت لفيس بحتت علي اسم حكيم..ممكن مليون حكيم طلعلي نبي نعرف شكله اسمه .. فضول قاتلني
ومش عارفه شن ندير
نبي نعرف من وين... حتي جهاد ماعنداش صفحه ولا اصلاا مدور نت نهائي حتي تليفونه كيم الاول حتي فيس ماعنده

مقعمزة ..ولبنى مقابلتني...تراسل وتضحك...مقرية فاتحتها ولا كانه خواتها رجالاتهم محبوسه ولا كانه في شي صااير...

مشيت قعمزت جنبها ...شبحتلي من فوق الي لوطي

لبنى....شن تبي شننن فييه مادة وجهك في النص

ثريا..نبي نعرف...شن يضحك فيك..معقوله سيد فرج..كوميدياان لدرجه هذي...

طفت التليفوون...وخداته وناضت طلعت..من الداار...مششيت...كيف بنطلع كلمتني فرحه...وحكيتلها القصة كلها ..
سكرت منها وطلعت لسلمى..

اتسلم عليك فرحه وقتلي تو نشبح جهاد ونشوف شن دايرين واعلاش هكي مبلغ فيهم

سلمى...البنت هذي واجعتني..الصراحه في قلبي...جهاد سااكت ومنعزل ميحبش من يكلمه ..ولا يقوله شن دااير..تو تلقيه ..ايعارك فاها كيف تدخل

ثريا..لاله حتي انتي مفضاك...جهاد  ايحبها...وميطيق فيها شي عيونه يحكوو وتصرفااته وكل شي فييه..ممكن نقداته ممكن ساعداته لما انضرب وهكي حب الاهتمام...

قعدين انهدرزو واني وسلمى... وجهاد في حجرها ...لين الباب تقلللع بطقاان..
مش عارفه كيف نطينا بسسسرعه...للباب..وامي...رجليها متقدرش تنوض...

لبست..المصلية ..وفتحت الباب..لقيت...مندر وفتحي ومعاد...خوت فؤاد...سلاف سلمى

وايديهم سلاااح...وللمرة التانية ايعاودوها...
لبست سلمى وطلعت

وقفت.. واني عيووني فييهم رعب في رعب منضرهم مسلحيين وهادين علي الحوش يبو يقتلو

سلمى...شن صااير شنو فييه ...مندر خيركم

مندر...هذا ولدكم ...... ايطلع خوي من الحبس ولا اليوم ...الحوش كله ينهد عليكم برصاص

سلمى...عييييب اعليكم عييييب ... حوش في بناويت بس...وانتو جايين تتمرجلو علينا...اني بنتكم ومرت خووكم هكي اديرو....برو للمديرية شوفو خوكم شن دااير وتعالو حاسبوو جهاد وخواته...