Unicode;
ညစာစားပြီး ကိုယ်လက်သန့်စင်ကာ အခန်းထဲရှိ ထိုင်ခုံလေးပေါ်တွင် ထိုင်နေမိသည်။ညပိုင်းလေသည် အေးမြ၍ ပြတင်းပေါက်မှ မြင်နေရသော မြို့ပြ၏ ည အချိန် မြင်ကွင်းသည် Jimin မြင်နေကြဖြစ်သော ရွာ၏ ညနေခင်း အချိန်နှင့် လားလားမှ မသက်ဆိုင်။တစ်မျိုးတစ်ဖုံ အတွေးတွေနှင့် အတူ သွားလေသူ မေမေကိုပင် သတိရလာမိသည်။မေမေသည်လည်း ညအချိန်မြင်ကွင်းကို သဘောကျတတ်သည်လေ။တိတ်ဆိတ်၍ အေးချမ်းကာ မိသားစု များ နှင့်တွေ့ရန် အိမ်လေးဆီသို့ ပြန်လာကြတော့မည့် ညအချိန်လေးဆိုသည့် အတွေးလေးရယ်,ငှက်ကလေးတို့ ပြန်တန်းဝင်ချိန် ကြားရသော ကျီကျီကြာကြာ အသံလေးတွေ
နှင့်တင် မေမေသည် ညပိုင်းမှသာ လူစုံတက်စုံ ရှိကြမည့် မိသားစုတိုင်းအတွက် ဝမ်းမြောက်ဝမ်းသာရှိတတ်လေသည်။ ထိုသို့သောစိတ်ထားဖြူစင်သော မေမေ သည် လောကကြီးမှ အဘယ်ကြောင့် စောစီးစွာထွက်သွားရပါသနည်း။မေမေအကြောင်း စဥ်းစားမိ၍ Jimin တစ်ယောက်မျက်ရည်များပင် ဝဲလာရသည်။
ဒေါက် ဒေါက်
" ကိုကို ကျွန်တော်ဝင်လာလို့ ရမလားဟင် "
သေချာပါသည်။ဟို Kookie ဆိုသော ကောင်လေး ဖြစ်မည်။Jimin လည်း မျက်ဝန်းရှိ အရည်လေးများကို တစ်ချက် လက်လေးနှင့် အလျင်အမြန် ဝေ့ထုတ်လိုက်ပြီး တံခါး သွားဖွင့်ပေးသည်။ဖွင့်ဖွင့်ချင်း မြင်ရပါသော ကောင်လေး၏ ပုံစံမှာ ညအိပ်ဝတ်စုံ မီးခိုးရောင်လေးနှင့်
လက်တစ်ဖက်ထဲတွင်လည်း စာအုပ်တစ်အုပ်ကိုင်ကာ နောက်တစ်ဖက်တွင်တော့ Milk ဗူးဟု ထင်ရသော အဝါရောင်ဗူးလေးက်ို ထောင်ပြကာ
" ကိိုကို ရော banana milk သောက်ဦးမလား ''
ယုန်သွားလေးနဲ့ ပြုံးပြကာပြောလာ သောကောင်လေး။
"အာ မသောက်ဘူး ညီလေးရဲ့။ညီက စာတွေကျက်ရမှာ။ညီဘဲ သောက်တော့ "
"ဟာကိုကို ကလည်း ကျွန်တော်က သောက်စေချင်လို့ဟာ ပြီးတော့ အလကား မတိုက်ဘူး။ "
ပြောရင်းဆိုရင်း Jimin လက်ထဲကို Banana milk
ဗူး က်ို အတင်းထိုးထည့်ရင်း အခန်းထဲရှိ အခုနက Jimin ထိုင်နေသော စားပွဲဝိုင်းနှင့် ကုလားထိုင်တွင် အကျအန ဝင်ထိုင်ကာ လက်ထဲတွင်ပါလာသော စာအုပ်များကို လှန်နေသည်။Jimin လည်း တံခါးဘေးတွင် ရပ်နေ၍ ဒီကလေး လုပ်သမျှကိုအကြောင်သားထိုင်ကြည့်မိသည်။
