Unicode (Zawgyi👇)
ပိတ်ရက်တွေ ကုန်လွန်အပြီး နောက်ဆုံးနှစ် ကျောင်းတက်ရန် သူဆိုးလ်မြို့ကို ပြန်လာရတော့သည်။ ဒီရက်တွေမှာ ဘယ်လောက်ပဲ စိတ်ပြင်ဆင်ထားတယ် ပြောပြော တကယ်တမ်းကျ သူ့စိတ်ထဲ အရင်လို ပူနွေးတဲ့ ခံစားချက်တွေ ရှိနေဆဲ။
ဆိုးလ်ကို သူကိုယ်တိုင် လိုက်ပို့ပေးပါ့မယ်ဆိုပြီး ကိုယ့်ကို ဖော်ဖော်ရွေရွေ ပြောခဲ့သော WooJinကို သူအတင်းငြင်းခဲ့ရသေးသည်။ ဒီခရီးမှာ သူတစ်ယောက်တည်း ရှိနေချင်သည်။ ဘယ်သူနဲ့မှ စကားစမြည်မပြောချင်ပဲ တစ်ယောက်တည်း တိတ်တဆိတ် နေချင်သည်။
၃နာရီကျော်သာ မောင်းနှင်ရသော ခရီးသည် မနက်၆နာရီမှ စထွက်လာခဲ့တာ မနက်၉နာရီကွက်တိ ဘူတာရုံတွင် စိုက်သည်။ ခရီးဆောင်အိတ်ကိုဆွဲရင်း ရထားပေါ်က ဆင်းလာခဲ့သည်။ နောက်ဆုံးမှာ သူမလာချင်ခဲ့တဲ့မြို့ကို ရောက်လာခဲ့ပြီ။
မနည်းမများ လူထုသည် ရထားပေါ် တက်သွားတော့ စင်္ကြံတွင် လူ ဆယ်ယောက်လောက်သာ ကျန်တော့သည်။ ထိုလူတွေထဲ ကိုယ်နဲ့ သိတဲ့လူတစ်ယောက်တစ်လေမှ ရှိမနေ။ အကယ်၍ ကိုယ်သာသူနဲ့ လမ်းမခွဲဖြစ်ခဲ့ရင် အခုချိန်မှာ ကိုယ့်ကိုလာပြီး အပြုံးတွေနဲ့ ကြိုဆိုနေလိမ့်လေမလား။
ပထမဆုံးနေ့မှာတင် တစ်ယောက်သောသူကို သတိရမိသွားပြန်တော့ ကိုယ့်အဖြစ်ကိုကိုယ် ရယ်မိသွားသည်။ Byun Baekhyun တို့က အခုထိ အမှတ်မရှိသေးဘူး ထင်တယ်။
စိတ်ရှုပ်ရှုပ်နဲ့ ခေါင်းကို ခပ်ကြမ်းကြမ်းဆွဲဖွလိုက်ရင်း ကျောပိုးအိတ်ထဲက maskအနက်ရောင်ကိုထုတ်ကာ တပ်လိုက်သည်။ မျက်ကပ်မှန်မတပ်ချင်တော့တာကြောင့် မျက်မှန် ပြန်တပ်နေတာ ရက်ပိုင်းလောက်ရှိနေပြီ ဖြစ်တာကြောင့် သူ့ပုံစံက ရုတ်တရက်ဆို ဘယ်သူမှ မှတ်မိမှာမဟုတ်။
သိုသိုသိပ်သိပ် နေလေ့မရှိပေမယ့် အခုချိန်မှာ ဒီလိုမျိုး တိတ်ဆိတ်ငြိမ်သက်ပြီး လူတွေရဲ့ အကြည့်တွေကိုမလိုလားပေ။ ဘယ်သူမှမရှိမှန်း သိနေပေမယ့် ဒီလိုမျိုးက သူ့စိတ်ကို ပိုပြီးသက်တောင့်သက်သာ ဖြစ်စေသည်။
YOU ARE READING
Sleep With ME (Z+U)
FanfictionLOVE is not always belonged. Cover by @Thaesu_baekyeollie ❤