Unicode (Zawgyi👇)
ဒီနေ့ဟာ အရင်နေ့တွေကလိုပင် Baekhyun အတွက် ထွေထွေထူးထူး မရှိ။ ကလေးတွေဆီသွားတယ် စာသင်တယ် အိမ်ပြန်တယ် .. နေ့တဒူ၀ကိစ္စတွေထဲ Chanyeol မပါရုံကလွဲပြီး အရာအားလုံးက ပုံမှန်လည်ပတ်အတိုင်း လည်ပတ်နေသည်။
ပုံမှန်မဟုတ်တော့တာ သူနဲ့နှစ်ယောက်ရဲ့ ဆက်ဆံရေးသာ ဖြစ်လိမ့်မည်။
အရင်လို ညတိုင်း ဖုန်းပြောရင်ပြော မဟုတ်ရင် Video call ပြောဖြစ်ကြသည့် အချိန်တွေနဲ့ ခြားနားစွာ ဖုန်းမပြောဖြစ်ကြတော့သလို မက်ဆေ့ဂျ်တွေလဲ မပို့တော့။
အေးစက်သွားတဲ့ ဆက်ဆံရေးဟာ ကြာလာလေ ပိုဆိုးလာလေ။ အရင်လိုဖုန်းခေါ်တိုင်း ကိုယ့်နာမည်ခေါ်တတ်သော လူသည် အခုဆို ဖုန်းပင်မကိုင်တော့။ လွမ်းတယ်ဟု မကြာခနရပြောလေ့ရှိသော သူသည် အခုတော့ သူ့ကို သတိမရတော့ဘူး ထင်တယ်။
ပြောင်းလဲလာတဲ့ အကြောင်းအရင်းကို မေးမယ် ဖုန်းဆက်တော့ အရင်လို ပြန်လည်ဖြေကြားခြင်းမရှိနဲ့သာ အခါခါတိုးသည်။ အကို JinYoungက တဆင့်မေးတော့ အလုပ်များနေတယ်ဆိုတဲ့ ခေါင်းစဥ်အောက်သာ ဆွဲသွင်းထားသည်။
ကြာလာတော့ သူဒီလိုတွေ လုပ်နေရတာ ပင်ပန်းနေပြီ။ ဘယ်လောက်ပဲ အဆင်ပြေဖို့ ကြိုးစားကြိုးစား ကိုယ်ဆက်တဲ့ဖုန်းတွေကို မကိုင်မြဲ နောက်တော့ စာတွေကိုပါ မဖတ်တော့တဲ့အထိကို ပိုပိုဆိုးလာခဲ့သည်။ အရင်ကစာတွေကို အနည်းဆုံးတော့ ဖတ်သေးသည်။ အခုတော့ သူပို့တဲ့ စာတွေကို မဖတ်တာ လေးရက် ငါးရက်ရှိနေပြီ။ ဒါတွေဟာ ကြာလာတော့ အချိန်မရှိတာထက် လျစ်လျူရှုခြင်းဆိုတဲ့သဘောပင် ဖြစ်နေခဲ့သည်။
ဒီလိုမျိုးသာဆို ကျွန်တော်တို့ ဘယ်လိုရှေ့ဆက်ကြမှာလဲ Chanyeol!
~~~
တစ်မနက်လုံး တစ်ခန်း၀င် တစ်ခန်းထွက် ပညာဒါနပြုအပြီးတွင် နေ့လည်စာ ထမင်းစားနားချိန်သို့ ရောက်လာခဲ့သည်။ Baekhyun ဗိုက်မဆာတာကြောင့် စာသင်ဆောင်ရှေ့ဆီက မြက်ခင်းပြင်ပေါ် သွားကာ ခြေဆန့်လက်ပစ် ထိုင်ကာ မျက်စိတို့ကို မှိတ်ထားရင်း စိတ်တွေကို ဖြေလျော့ထားသည်။
VOUS LISEZ
Sleep With ME (Z+U)
FanfictionLOVE is not always belonged. Cover by @Thaesu_baekyeollie ❤