ندى لصكر

البارت ١١

لــســت مــغــروره ولــكن ثــقــتــي بــنــفــســي هزت الــبــعــض🌸♥️😴
ندى: كامن البنات للمطبخ ورحت وياهن
سرى: انس سويت عجينه بيتزا راح اسوي تعالن ساعدني
ندى: جذب جنج تعرفين بيه مشتهيته
سرى: القلوب عند بعضها
براء: ولله عاشت ايدج يعني انتي تسوينه
سرى: لي مايرادله شي تعالن اعلمكن عليه
ندى: اي ولجج براء تعلمي
براء: ماتتعلمين انتي
ندى: اني شاطرة من الله (cool)
براء: اي صحيح صدكتج
تبارك: ولجن بنتي تبجي
ندى: ليش عندج بنيه
تبارك: اي ولجج نايمة بغرفة حبوبتي
ندى: هاا انتي كعدي اني اروحله
تبارك: اي ديري بالج عليه
ندى: لاتخافين مااسويله شي بس اشمرهه من الدرج
تبارك: يا صخام الصخمج
براء: ههههه كلشي اتوقع منج
ندى: صدك تبارك بنتج شسمه
تبارك: ليان
ندى:: ويييي فديت
تبارك: ولجج روحيله
ندى: رحت للغرفة بيبي ولكيته طفلة تخبل شعرها اسود وعيونه سود كبار ..فديت اني البنوتات الحلوات
ماتعرفيني لولو اني اسمي ندى اصير بنت خال امج ..شهل الغباء ندى هيه طفله شتفتهم اخذته وطلعت من الغرفه اخذها الغرفه البنات جاي اصعد ع الدرج وصاحت تبارك
تبارك :: ولججج وين مااخذته
ندى: غير اشمرها من الدرج
تبارك: يا صخام
ندى: هههه داشاقه راح نأكل عمم يعني اكل اخذته وصعدتت
سرى: هسه شسوي بيه
براء: متسوي شي بس راح تعلمه تكول كولي احب ندى كولي ماما حمارة من ترحين تفلي ع بابا
تبارك: يا صخام صخمه تروح تفضحني كدام خالد(خالد زوج تبارك)
زهراء: ولله هاي البنيه خبله
براء: اي ولله من يجي ابن جيرانه زغير تعلمه هيج حتى امه كامت مدزها النه تكول خربت أخلاق ابني
تبارك: خايبات تتدرن متمنيه صكر يأخذها جمال واخلاق ولسان مثل العسل
سرى: اي ولله علواه ترضى هلخبله
براء: كلت بكلبي علواه ولله وين اكو مثل صكر وندى يرادله هيج واحد يكص لسانه الطويل
ندى: صعدتت فوك للغرفه وتلاكينه اني وصكر يحح طالع يخبل لابس تراك اسود وبي خطوط بيض اني شجاي اكول ويع منين اجه الجمال
صكر: من رجعت للديوان صعدتت فوك غيرت ملابسي لبست تراك اسود وابيض راح يجي صديق قيس عدنه شغل اني وياه من نزلت لكيت ام لسان وبيدها ليان بنت تبارك كلتله...ها خالو شونج واخذته من ايدها
ندى: اخذ ليان من ايدي كتله ولله سويت فضل علواه تضل لازمه منا من اغير ملابسي
صكر: كولي كضها مو لازمه
ندى: تمام كضها
صكر: بس بشرط
ندى: اصلن لو موافق بدون مقابل جان تعجبت
صكر: شكلتي
ندى : سلامتك تفضل
صكر: من تبدلين تلبسين لبس محشوم
ندى: اي تمام
صكر: وهوه يخزرها سمعتي شكلت
ندى: اي سمعت ليش تخوزر
صكر: بكيفي ويله بسرعه اريد اطلع
ندى: اييي تمام ...رحت لبست تراك تشيرت مالته لونه زيتوني والبيجامة تصير مثل الكيلوات عريضه لونه اسود ومطوبة بزيتوني وسويت شعري كعكه وطلعت
صكر: بقت ليان عندي وانتظر ست الحسن تجي طلعت لابسه ملابس عجبني عراض
ندى: طلعت ولكني ليان بحظنه فدوه شكلهم يخبل اني شجاي احجي يحاجيه ها ليان وهيه صافنه بوجهه ..كتله الي يكلم طفل يبتسم مو مخنزر بوجهه
صكر: ها يعني ابتسم ضحك بوجهه
ندى: من ضحك عطتتت لك صكر عندك غمازات
صكر: صرخت علمود الغمازات كتله اي عندي ليش تصرخين
ندى: لعد الي عندها غمازات لويش ميضحك
صكر: اعتقد ماكو شي يضحك ولي يبقى فاك حلكه ليل ونهار مثلج هاي اسمه فهاوة
ندى: نننن
صكر: لاتعيبين لا اكوملج وتعالي اخذيه
ندى: بس خ اطلع عمم ناتل اني ولولو يعني نأكل اني ولولو
صكر: ضحكت ع حجيه كتله انتي شلون تحجين هيج
ندى: عادي متعودة طلعت جبس ونساتل
اكلك صكر مو تشبهني
صكر: لا انتي احلى
ندى: لا مو هسه كن جنت زغيرونه
صكر: اي ادري من جنت زغيرونه انتي احلى
ندى: شمدريك انته وين شايفني
صكر : من كالت هيج ابتسمت اله وانطيته ليان وطلعت
ندى : شبي هذا شكلت اني علمود يضحك الله الله شوفي ليان هذا مخبل أدعي الله من تكبرين ما يصير عندج ابن عم مثله اخذته ونزلت
تبارك: يمه هلا ببنيتي
ندى: ثوفي ماما حالتي انتني عمعم يعني(شوفي ماما خالتي انطتني اكل)
تبارك: ههههه خرب ببليسج ولله عليج سوالف
براء: يمه فدوه لله تخبل
ندى: طالعه عليه
تبارك: علواه تتطلع عليج
ندى: اي فديتني
تبارك: الله يطيح حظج
صكر: من طلعت تذكرت خ اسولفلكم
من جنه زغار عمي علي من تزوج جان عايش ويانه من حملت زوجته بندى جنات بشهرهه بس اني وياه للبيت عمامي وجدي وابوي بلمزرعه واني عمري ١٣ سنه بس مبين عليه جبير لان ضخم وطويل كل بين عليه عمري ١٣ وعمتي صعدتت على الكرسي تعلك ستأير مال الشباك وزلكت من الكرسي وكعتت على ظهرهه وضلت تصرخخ من الألم كلت لحبوبتي خ ناخذه لطبيب حبوبتي تخاف عليه من سياقه اني اعرف اسوق بس حبوبتي مااقبلت عاندته وخذيته مرت عمي وحبوبتي ورحت بيهن للمستشفى دخلوهه صالة الولادة وشويه اجو عمامي وجدي وابوي جان فهد عمرها ١٦ هوه أكبر مني ب٣ سنوات شويه واجتي دكتورة كالت جابت المريضه بنيه اني ضجت لان جابت بنيه ورجعنا للبيت واني ضايج شفت جدي وعمامي كلهم فرحانين بيه عزلت روحي بغرفه شويه واجاني جدي كال تعال شوفه خذاني وياه وكال شيلة كتلو اخاف طيح كال لا ماعليه شي من شلته زغيرونه وبيضه كال عمي علي وليدي صكر لو ماانته موجود جان هسه اني ميته بنيتي واريدك انته تسميه من كال هيج طرت من الفرحه جانت دنيا شتاء جوان موجود هذا الندى المختصر ضباب كلت اسمه ندى الجد: حلو ها هيه اسمه ندى من كلت اسمه هيه كضت اصبعي وفتحت عيونه جانن يخبلن كلت جدي شوف عيونه
الجد: ما شالله تبارك الرحمن
صكر: جدي هاي الي
الجد: هههه صار تدلل
صكر: كبرت وصار عمرهه سنتين وصارت تمشي ومن اقره كله يمي انطيه اوراق علمته تكتب اسمه جانت تسميني سقل من صار عمره ٥ سنوات عمتي حياة ضربته راجدي وتعاركن هيه وام ندى ليش تضربهه وعمي علي طلع راح لاربيل جان بيومه اسواء يوم بحياتي بقيت كاعد بس ابجي ع بنتي لان احس اني ربيته اسبوع كامل عازل نفسي عن الكل ...بعدها رجعت من صفنتي وضحكت كلت اي صار وهسه لسانه اطول منه وماتريدك بعيشة الله
نسر: ها خويه شو صافن بس لااحد مااخذ عقلك
صكر: نسر تسكت لو اكسر سنونك بحلكك
نسر: وهوه يخلي ايدها ع لحلكه لا خويه دخيلك
علوش: ها صكر اجاك قيس
صكر: اييي دخله وروحو حضروا النه جاي
تبارك: ولجج تراكج حلو
ندى: تسلمين حياتي بس ماانطيه
تبارك: كشش اعوذ بالله منج
سرى: ندى بسرعه تقطع طريقه التقنيع
براء: لا حبيبتي كدامج
ندى: لا تصيرين خيرة براسي
براء: عابتلججج اي ولله
نسر: ها شلونهن
البنات: هلا نسر
نسر: شعندها صكورة مطنكرة شو ماترد
ندى: يعجبني
ودخلت بيبي
بيبي: ها يمه شتسون
زهراء: بيتزا حبوبه
ندى: اي بيبي اني سويته
بيبي: عفيه بلشاطرة
ملاك: يا فلك فلكج متى حتى مساعدتينه
بيبي: ها صج مااسويتيه
ندى: ها بيبي سويت نص بيتزا
براء: وين اكو نص بيتزا
ندى:لا بيبي اني اساعدهن اذوق المواد
نسر: سرى سوي جاي اجانه صديق صكر
بيبي: يا حبوبه حطلو عصير ليش جاي
نسر: حبوبه هوه يحب الجاي
ندى: مادام هوه يحب الجاي نخليله بجكه يعني دولكه صلاحيه ما اعرف شتسمونه
نسر : خايبه انتي صكورة انجبي
ندى: نسر لا تكولي صكورة
دخل علوش
علوش : ها وين الجاي
ندى: هوه الولد هسه اجه بسرعه تخلوله جاي
علوش : مو يريد يروح وصكر كال بسرعه
ندى: اممممم
علوش: اكولج اشو انتي ٢٤ ساعه تاكل حلويات عفيه سنون
براء: ليغرك مظهرهن ترا كل شهر تسوي جلسه اسنان اله من كد الحلويات
ندى: يله هسه الي يسمعج يكول انتي تاكلين كله خضروات منو الي تعلف وياي
علوش: 😂😂خرب بحظج صكورة
ندى : عاااااا حتى انته كنت تسميني صكورة😵
علوش: ولله حلو اسمح شبيج
ندى: نننننن🙄
براء: شعندج صكورة
ندى: لا ياادابسزز حتى انتي
نسر:هههههه من اشوف بىاء وضحكتها شكد انقهر اكول وين جانت عني تعجبني شكله طريقة كلامه احسه مختلفه بكل شي
براء: نظرات نسر تحسنسي مسويه شي غلط بس يخزر بيه ماادري ليش ثول حتى ثول
همست لندى اكلج نسر شبي
ندى: شبي
براء: شو بس يخازر
ندى: شمدريني بس يمكن متعجب لان لابسه طويل
براء: اكلي خرا
ندى: يطبج طوب هاج اخذي ليان اريد اروح لماما
براء: هلا بلحلوه
نسر: شفت ندى انطته ليان شون تضحكلها اوووف ياربي استغفرالله اخذت الشاي وطلعت
ندى: ها عيني نواره شعندج ماعندج
نور: هلا بلعوبه ولجج اني امج شون تكولين نواره
ندى: غير ادلعج من حبي
نور :اممممم منج
ندى: صار اليل وخلينه العشه وتعشينه والبنات غسل مواعين اني سويت روحي مريضة😂😂
خلصن المواعين وكال نسر
نسر: شنو رائيكن نلعب لعبة
ندى: اييييي موافقه
براء: غير مريضه
ندى: صدك جذب ابقى دوم مريضه
براء: امممم
نسر: يله خ ننطلع للحديقة
ندى: يله
نسر: شنلعب
ندى: اسئله وجواب خلال ١٠ ثواني تحسب من ال١ لل١٠ ولازم يجاوب
نسر: خوش لعبه
ندى: يله اجه عمو فهد وصكر
صكر: دخلنه اني وفهد ولكينه كاعدين بلحديقه نسر وعلي والبنات كلهن حتى مريم وياهن وسجى وتبارك
كتلهم خير شكو مجتمعين
نسر: نريد نلعب لعبه
فهد: خوش اني هم العب
صكر: تخبلتو نسر فهد
ندى: همست لبراء هذا المتعرجف شبي
براء: اسكتي لا يسمعج
نسر: تعال العب ويانه
صكر: لا مااريد رحت كعدتت على المرجوحه وصار ندى كدامي تباوعلي ورافعه حواجبه سويتله خير شكو
ندى: كلت شكد متعرجف ومليق عابت للهلخلقه جاي احجي عليه وسوالي خير شكو درت وجهي
صكر: من كتله دارت وجهه هسه اكومله
نسر : يله صكورة نلعب
ندى : يله فهمتهم ع العبه
فهد: حلو
ندى: جبنه البطل
نسر:اني ادير
فهد: انجب اني عمك اني الأكبر
نسر: دهاك اخذها
فهد: داره وصار ع علوش وبراء ...يله علي اسأله
علوش: امممم انتي تعرفين ندى كلشش
براء: اييي
علوش : خوش شنو اكثر شي ندى ماتهتم بي
صكر: من سأل علي هيج شكد ضجت هسه ماكو اي سؤال غير ماتحط نعل بي هيه شعليه
ندى: هلا هلا يله شنو اكثر شي اني ما اهتم بي
براء: بكلشي ماتهتم بس بنفسه
ندى: برافوووو
علوش: أو الثول اي ولله
فهد: صار عليه وعلى الخبله بنت اخوي
ندى: يبوووو عمو اني بنت اخوك ع كيفك
صكر: خ اشوف شيسأله فهد بس كون سوال زين
فهد: اممم شنو آخر جذبه جذبتيه وشنو هيه
ندى: صفنت وتذكرت من جذبت ع نسر همستلي براء
براء: كن كتيلي صكر مو حلو
ندى: لاجذبت بعد وراها
براء: ثول شنو
ندى: آخر جذبه جذبته عليك نسر
نسر: اني شنو هيه
ندى: تتذكر من اجينه وبراء دك موبايله وانت كلت منو كتلك خطيبه
براء: ياعزززا بعينج
ندى: جذب هذا مصطفى ويصير اخوه
نسر: من كالت هيج ماادري اعصب على ندى ماادري اضحك ماادري اصيح ياالله ضليت بس مبتسم
براء: ولجج عزا بعينج هذا آخر سي أتوقعه لعلوش كلتي لكينه بلشارع ولنسر كلتي مخطوبه بعد شمسوية بيه
ندى: لا بس هاهي بعد كلشي مامسويت
فهد: هههههههههه عمي الله يعين اخوي عليج
صكر: اشوف شمسويه من مصايب ام لسان اباوع ع نسر حلكه راح ينشك من الابتسامة شعندها هذا🤔
فهد: يله خ نرجع دارها وصارت عليه وع علوش
علوش :اجيت والله جابج
ندى: ولعياذ بالله انهو كافر يهودي
علوش: ههههههاي
براء: شهل ضحكة الشريرة
ندى: اي مثل شرشبيل هذا اسمك الجديد
علوش: انجبي شهل الاسم ..منو تحبين اكثر بيت خالج لو بيت عمامج بسرعه بدون تفكير
ندى: عليمن افكر اكيد بيت خالي
صكر: من كالت هيج ضوجتني كتله ليش بويه احنه اهلج
ندى: اه دخل العكرة كتله ولله شسوي الحب من الله يا سبحان الله
صكر:🤨🤨
ندى: اعوذ بالله ..بقينه نلعب وصكر بعد مااحجه شويه واجه جدي كال يله دخلوا جوه كافي تلعبون
دخلنه جوه وسجى وتبارك باتو عدنه صعدنه نمنه😴😴