ندى لصكر

البارت 36

ندى : نقلوني الغرفة ثانيه واني كوه أكدر احجي شويه ودخل عليه بابا وجدو وفهد وعمو وخالو ومصطفى ونسسر وعلوش كله تحمدت إلى ع السلامة وبابا يبجي حجيت بصوت متقطع بابا لاتبجي هاي كلشي مابيه
الأب : ولله بابا احس روحي راحت وراج الحمدلله ولشكر الله ماخايب ضني ورجعتي النه
علوش : خايبن دشوف ام لسان شلون صوته هادى ولج طلقه اجت بكلبج لو بالساننج
ندى : باوعت عليه وضحكت شكد مشتاقتله ومشتاقه اتعارك وياهه كتله هسه خ اصير زينه وشوف إله اتعارك وياك من الصبح لليل
الجد : بويه انتي بس صيري زينه حتى ذبح إذا تردين اذبحه الج
علوش : ليش ولكم شمسوي كله علمود صكوره
ندى : من كال صكوره تذكرت صكر اباوع عليه ماكو وين راح اريد اشكرهه لأن هوه الوحيد الي طلعني من هاي الحديقه
مصطفى :تقربت عليه بسته من راسه الحمدلله على سلامتج ياعمري
ندى : الله يسلمك همست إله صكر وين
مصطفى : ها عيني ها الحب هسه يجي راح للدكتور.
ندى :استحيت من كال هيج عزا بعينك مصطفى
صكر :رحت وطمنت ع حالته ورجعت احس رجليه ثكلن اريد ادخل للغرفه مااكدر قويت نفسي ودخلت بابتسامه الحمدلله ع سلامتج بنيتي
ندى : من سمعت صوته احس صوت كلبي صار أعلى يدك سريع ومن وحدي ضحكت الله يسلمك
علوش : ضربت نسر بكتفه ولك شوف الحب مبين عليهم شوكت اني احب واصير مثلهم
نسر : بوجهك هذا تنحب
علوش : شبي وجهي يخبل
نسر : خايب غير لو اطلع بيك الصبح ع تقاطع واجدي بيك تتدري شكد احصل
علوش : خايب دمشي تغار مني لا اشكر وعيونه خضر
نسر: خايب دولي وين اكو بجمالي اني
الجد : بسكم عاد لا اكطع العكازه عليكم خ اخيتكم ترتاح تلغون فوك راسه
علوش : اي جدي انته بسرعه تبيعنه علمود
الجد : ابيعك مو بس انته وابوك وياك
ابو هيثم : ها بويه جا اني شعليه
علوش : كبسة 😂😂😂
نسر :كبسة دجاج لو لحم
صكر : كبسة اعظامك انته وياهه يلا اطلعوا دوختونه بس تتناكرون (تتعاركون)
ندى : اني اضحك عليهم يا شكد مشتاقتلكم
مصطفى : اباوع عليهم من عاط صكر كلهم سكتوا خرب شنو من صكر هذا اسم ع مسمى
صكر : دكتور كال باجر نكدر نطلعه هسه نسر تأخذ جدي وابوي وعمامي يرتاحون واحنه باجر الصبح نجي وانتم هم ترحون
نسر : خوش تدلل
ندى : نسر فدوه جيب وياك ملابس ذولي بيهن ريحة مستشفى
علوش :أوي عيني مستشفى
ندى : علوش ولله اكوم الك
صكر : لأن عليمن تعيين روحج اني هنا
علوش : لا عمي صدك جذب اني اجيب الج من عيوني
ندى : 😂😂😂
مصطفى : حبيبي اني اروح وبعد شويه اجي واجيب براء تساعدج علمود تلبسين
صكر : احس روحي طلعت من كال حبيبي احم لآخويه مصطفى لاتعب نفسك الولد يجيبونه واني هنا اساعدها
ندى : اباوع عليهم فتحو عيونهم من كال اساعدها عزا بعينك صكر
علوش : خويه صكر سمعت شكال
صكر : احد كالك اطرش مااسمع
نسر : خويه كال اجيب براء علمود تساعدها تلبس
صكر : صفنت عليهم شوكت كال؟
علوش : همست لنسر هذا سمع بس كلمة حبيبي
نسر : اي يمكن 😂😂😂
صكر : لا لتجي براء هنا ستتر تساعدها ويلا روحو جدي طلع كدامكم لا تخلونه يتانيكم
نسر : يلا مع سلامه
علوش : بيباي صكورة
مصطفى : بسته برأسه ديري بالج ع نفسج بعد شويه اجيج
ندى : ابتسمت إله الله وياكم راحو كلهم بقينه بس اني وصكر ابتسمت إله وسويتله مجال علمود يكعد بصفي
صكر : حظنته وبسته من راسه افيششش يريحتج
ندى : وين كله ريحة ديتول
صكر : عندي احلى ريحة
ندى : شكراً صكر
صكر : ع شنو
ندى : لأن انته الوحيد إلي نقذتني
صكر : شلون  نقذتج
ندى : سولفت إله ع الحلم وشون طلعني
صكر : تتدرين جنت مائيس انو اني ائثر عليج
ندى : ليش
صكر : ماادري بس الوحيد الي ماادخلت عليج اسبوعين ومابقى احد ماادخل عليج يحجي وياج إله اني جنت اكول اخاف ادخل اخاف تسوء حالته لأن اني تضوج مني منا من حجة نسر وقنعي ادخل الج وصار الي صار
ندى : لزمت أيدهه وبسته منو كلك إذا اشوفك حالتي تسوء بالعكس
صكر : باوعت بعيونه اويلي اروح فدوه لهل عيون الي شيبت حالي شنو العكس 😉
ندى : لا تصير منحرف عاد ويلا اطلع اريد انام
صكر : ههههههههه
ندى : همست بيني وبين نفسي اروح فدوه لهل ضحكه
صكر : ترا سمعت
ندى : أوي كافي صكر اطلع يلا
صكر : راجع الج وين تروحين ورانه حجي هواي غمزتله وطلعت
ندى : عزززا شكد استحيت كمت كوة للحمام خجلت اكول صكر احتاج حمام غسلت بس ع كيف لا صدري وايدي تأذيني سمعت الباب نفتح يمكن اجه صكر طلعت من الحمام وكلت ها صكر جبت الي ملابس وصار بوجهي 😳
أسد : بعد مااتصوبت وشالوهه للمستشفى اني لزمت الصوبه لأن شفته من فوك أخذته وبثناء التحقيق عرفت انو جاي يقتل صكر بس اكو مؤامرة صارت انو وحده كالتله إذا تريد تحرك كلب صكر اكتله خطيبته مثل مااقتل اخوك لأن الي عرفته هذا المجرم يصير اخو ابو ريشه بس منو البنيه لأن هيه هم مشتركة بالقتل منا من كعدتت الحلوه مااعرف اسمه 🙄 رحت إله أحقق وياهه لازم اكشف المستور دخلت للغرفه وسمعت تحجي عباله صكر من طلعت اباوع بوجهه نصدمت فدوه لهل وجهه حتى وهيه مريضه تخبل
ندى : شدسوي انته هنا اطلع برا
أسد :اهدي مو زين تصيحين وانتي بهيج حالة اني اجيت أحقق وياج بموضوع
ندى : يا موضوع واي تحقيق
أسد : احقق بموضوع ضربتج ومحاولات قتلج
ندى : بس اني مااريد احجي وياك وبلا زحمه اطلع برا
أسد : تمام فتحت الباب ودخلت الكلب 🦮 وهسه تحجين
ندى : اني شفته وآله بقيت سن يطك بسن عزززا بعينك شون كدرت ادخله هذا مستشفى
أسد : اعتقد الطلقه أثرت ع عيونج ماتشوفين شلابس محد يكد يحجي
ندى : شكد اناني ومتعرجف وشايف نفسك
أسد : ههههه ادري من زمان وهسه يلا مثل الحبابه كعدي هنا أشرت إله ع الجربايه وراح اسالج وانتي جاوبي وإذا ماجاوبتي اخلي ريكو يحقق وياج 😉
ندى : حسيت العصبيه ضربت براسي بسطيه اني اعلمك نوب هذا يباوع لي وبعض بسنونه اووع شكد مقرف
أسد : شنو المقرف عيني
ندى : هذا كلبك الغبي
أسد : هههههه دكعدي بابا كعدي
ندى : كعدتت وبداهه يسأل
أسد: اول شي عندج عداوة
ندى : ليش جاي تحسسني اشتغل بالمكافحة
أسد : جاوبي ع سؤال وبس
ندى : اهووو لا ماعندي
أسد : شطلعج برا
ندى : طلعت
أسد : اي شوداج انتي عندكم عزيمه الحديقه الورها شوداج إله
ندى : صفنت بوجهه وكتله اجتني رسائل
أسد : رسائل شنو؟
ندى : مااعرف رقم راسلني وكال انو اكو شخص يريد يقتل صكر واني لازم إنقذها وهوه بالحديقه الخلفية
أسد : صفنت بوجهه زين هاي رسايل عندج بعدهن
ندى : اي بتليفون لأن اني من طلعت اتذكر هوه بيدي بس بعد بقى بالحديقه جايبينه مااعرف
أسد : تمام لعد اني بغير وقت اجي ع تليفونج وأريد اعرف من هذا الي حاول يقتلج
ندى : لا هوه مو يريد يقتلني يريد يقتل صكر
أسد : لا تصيرين ثوله هاي كلة مخطط علمود انتي طلعين وتنقتلين
ندى : صفنت بوجهه ليش
أسد : شمدريني ليش
ندى : اني ماعندي عداوه ويه احد
أسد : هسه احل الموضوع واشوف من السبب إله اخليه يتندم ع ساعه الي فكر ياذيج بيه
ندى :شكراً
أسد : العفو هذا واجبي  بس انتي شنو اسمج
ندى : هذا هم واجبك
أسد : عفيه لسان
ندى :😒😒
أسد : لازم اعرف اسمج علمود القضيه مالتج
ندى : اها اسمي ندى
أسد : شمحلاه اسمج واني أسد
ندى : ترا اعرف محد كالك عرف عن نفسك
أسد : مو لسان ياالهي رشاشه وترمي
ندى : ماادري ليش ضحكت 😂
أسد : حلوه بكل حالاتج حتى وانتي مريضه
ندى : هااا
أسد : هيج يلا اني رايحه وها الحمدلله ع سلامتج
ندى : بعد وقت 😒الله وياك
أسد : طلعت واني عقلي بقى يمه شنو هل جمال شكد شفت بنات بس مثله ماكو نوب هذا لسان ماال كص ع طوله طلعت ولكاني صكر
صكر : حياك الله أسد من متى انته هنا
أسد : الله يحيك ولله اجيت علمود اشوفك الحمدلله ع سلامة مريضتكم من تخلص شغل وماعندك شي اريد تمرلي للدوام عندي كلام وياك
صكر : خير ان شاء الله شنو هوه
أسد : تجي وتفتهم أن شاء الله بأقرب وقت
صكر : ان شاء الله باجر امرلك
أسد : حياك الله بأي وقت يلا استرخص
صكر : الله وياك
ندى : جنت كاعده ودخل صكر
صكر : ها بنيتي
ندى : هلو
صكر : هلو هلو
ندى :😂😂😂😂
صكر : ها ليش تضحكين
ندى : شكلك يضحك كن تكول هلو
صكر : ها هيج صارت
ندى : اييي😂
صكر :سحبته وبسته من شفته
ندى : صكر من باسني حسيت كلبي راح يطلع من صدري كد مايدك قوي ماانحس إله الباب نفتح طفر صكر من مكانه
علوش : هااا ولكم جنتو تسون
صكر : ناس دك الباب يا فهيم
علوش : يمكن الله دزني الكم علمود اكضكم
صكر : لا اكسر سنونك سد حلكك
ندى : عزاا شكد استحيت ماحسيت إله براء اجتي
براء : بعد ماخابرونه اجو كلهم وكالوا راح تتطلع ندى باجر الفرحة إلي صارت عدنه كلنا نضحك انتهيت ع مريم وجهه صار اصفر معقوله زعلانه ع ندى بس مااشفته اصلا لا بجت لا شي يلا ختولي شعليه بيه شويه واجه علوش كال اخوج بريدج رحتله كبل حضنته رجعت اختنه مصطفى
مصطفى : اي يروحي انتن رجعت أم لسان اريدج هسه تحظرين إله ملابس وانتي هم تتحظرين علمود تروحين تساعدينه تلبس
براء : صار رايحه صعدتت اركض وسمعت مريم تخابر مااعرف منو
مريم : اذا عرفوا نروح بالرجلين
براء : شنو الي نعرفه فتحت الباب ودخلت كبل سدت تليفون
مريم : شبيج ومرض ماادكين الباب من دخلين
براء : اعتقد هاي مو غرفتج ذيج غرفتج انتي
مريم : فدوه بيتنه وتتامر بعد
براء : دفعتني وطلعت بس وجهه اصفر شبيه هاي شمسويه حظرت ملابس لندى ولبست وعلوش ونسر راح ياخذنه مصطفى مااقبل كال صكر من يشوفني يمه عيونه يردن يطلعن من العصبيه 😂😂
زهراء : بعد مااكعدتت ندى الفرحة صارت بيتنه وكلنا فرحانين ماعدا عمتي حياة ومريم 🐍 جدو كلي اخذ صابون للحمامات مال ديوان برا أخذتهن وطلعت واني اغني اغنيه نانسي عم بتعلق فيك شوي شوي وعم حس بحنيه دنكت اخلي صابون ورفعت راسي نضربت بواحد كل ضني علوش كتله ثول يالغبي
مصطفى : يالثولج هم ماتشوفين وهم لسانج شطوله
زهراء : عزا هذا مو صوت علوش رفعت عيني ولنه اخو براء اااااا سفه
مصطفى : رفعت عيونه وياريت ماارفعت شهل العيون الي عدها نوب لونهن أخضر وتضرب شمس عليه يابويه وشفايفه ترجف من الخوف ماتحملت منظرها كبل سحبت شفته وبقيت ابوس بيه
زهراء : صفن بوجهي بعدين باسني واني معت بيدها دفعت ونهزمت عزا بعينج زهراء هسه يطلع شايفج واحد يمه لو يشوفني صكر يذبحني صخام بعينج هسه شيكول عليج ذبت روحه عليه بسرعه
مصطفى : خرب شسويت اني مدري تروح تكول لاهله ولله فشله شون موقف بس شسوي عجبنتي وهاي اول مرة اني هيج تعجبني بنيه
ندى : دخلت براء
براء : عمري وحظنته وبقيت ابجي ولجج ولله ردتت اموت لو صاير عليج شي
ندى : لا حبيبتي لا تخافين كلشي مايصير بيج
براء : ثول ولله عبالي راح تموتين
علوش : خايبه ام نص لسان شبيج هاي عار ماتموت
صكر : ولك مني لعار
علوش : اني ولله اني
ندى : همزين تعرف نفسك شنو وطلعت لساني إله 😛
علوش : طلعت البيكيسسي
ندى : 😂😂
صكر : يلا سد حلكك واطلع وانتي ندى خ براء اساعدج وبدلي علمود اجيب الج شي تاكليه
ندى : تمام طلعوا وساعدتني براء لبستني فستان تسعيني لون احمر ولج وين لكيتي هذا لون إله احمر
براء : غير طالعه تخبلين بيه
ندى : اممم خلتي مرطب لوجهه وتريد تخلي كحل هااا حبي سلامات شبيج
براء : يمعوده دشوفي عيونج صفر خ ابرزهن شويه
ندى : ولله مالي خلك
براء : انجبي واسكتي خليت إله كحل صارت تخبل شويه اجه صكر وعلوش جايين اكل
ندى : خرب شكد جوعانه
علوش : ولله هذا طكج غلط لو مخليه بطنج بالكت بعد ماتكولين جوعانه
ندى : ثوله مااكله من صحنك خ يجي صكر واكله عليك
علوش : لايمعوده كلشي ولا صكر اكلي وإذا تردين بعد اجيب الج
ندى :😏😏😏
صكر : دخلت وشفته لابسه الحمر طركاعه مو بنيه همست إله ياكل ويشرب وياج الحمر
ندى : يعني شنو
صكر : يعني تنوكلين ع الحمر هذا
ندى ' ابتسمت بوجهه شويه وراحت براء وثاني يوم طلعونه واني جاي اركب بسيارة شفت جواد واكف من بعيد رجليني كامت ترجف تذكرت صكر شسوهه من عرف بيه شفت ابتسم الي وسلم من بعيد مااحبيت اكسر بخاطرهه رجعت لبتسامه إله واجه صكر وركبت واني بطريق تذكرت من اجه للمستشفى وحجه وياي ياترا اجه صدك لو اتحلم بس لا صكر مايخلي يدخل لو يموت طردت الأفكار من بالي وصلنا جدو حبيبي مسوي عزيمه وذبح ع رجلي خروف َاني بقيت ابجي عليه وصكر يضحك عليه دخلت حوهه وماما سوده عليه بس تبجي وبيبي رحومه شكد فرحت من شفته سلمت عليهم كلهم بس تفاجأت بعمتي حياة مهما يكون ابقى بنت اخوهه سلامه عادي وباستني من ورها خشمه ليش هلكد تكرهني وله مريم بس واكفه وتخزر بيه بجذب ماتحمدت ع السلامة كعدتت بين بيبي جميلة وبيبي رحومه
عمتي حياة : اي همزين رجعتي ولله طلعتي بزونه بسبع أرواح كلت ع هل طلقه راح تموتين
الأم نور : ها خيه حياة صدك جذب شرايده مني هيه بس هل وحيدة طلعت بهل دنيا وتكولين راح تموت
حياة : ع كيفج شكلنه لا تخافين عليه كل الحيل بيه بس هاي عيارة
بيبي جميله : حياة سدي حلكج لا اجي اسده الج بطريقتي وخ يعود أبوج وشوفي شيسوي بيج
بيبي رحمه : عيني ام فاضل لا تعصبين احنه اليوم اصلا نروح وناخذ ندى ويانه هم كافي نرفع الزحمه عنكم
بيبي جميلة : لا ولعباس ابو فاضل مااتطلعون وحفيدتي ماتروح كما من تصير زينه
بيبي رحمة : بس ياعيني هم صار النه هواي
بيبي جميلة : ياخيه صكد جذب نشيلج بعينه إذا ماكفتج الكاع
ملاك : ولجن دباعن هاي حبوبه ندى شون تحجي وطريقه كلامه ياعيني وعيوني شكد حلوه
براء : غير اني حفيدته عليمن تتطلع لعد
سرى : خايبه دنجبي انتي طالعه عليه مو هيه طالعه عليج
براء : هم صحيح 🙄
ندى : شويه واجتي عمتي هيفاء شون تحظن بيه وتبجي لعد هذيج شبيه مو هم عمتي الحمدلله ولشكر شويه وتغدينه كعدتت بصف بيبي وتوكل بيه وحياة بس تكلب بعيونه شويه وسحبت نفسي رحت نمت مااكعدتت منا لليل نزلت جوه مساء الخير
الكل : مساء النور
بيبي جميلة : هلا حبوبه تعالي هين بصفي
ندى : كعدتت يمه وكالت كومي حبوبه سرى حظري عشه كردوشه خليه تاكل ضحكت اويي بيبي شكد مشتاقه من تكولين كردوشه
جميلة : يحبوبه خذيتي روحي من شفتج شايلينج حيل مااضل بيه واناجي برب العالمين من عمري ع عمرج وبعد اسمي اسمه ماخيب ضني ردج النه
ندى : بسته من راسه اوف يجمول شكد احبج
جميلة : يع دهر صابج شنهي جمول ولج
ندى : دلع يايييي دلع
حياة : شنهي ازغر عيالج تكولين إله جمول
جميلة : لا تتدخلين حياة اني وياهه شتريد تسميني خ تسميني
حياة : يمه لا تنطونه عين لا تروح تسوي شي بنات هل وكت مو مال عيني وغاتي
ندى : عمه حبيبتي اني وبيبي رجاء لا تتدخلين محد يمج بست جموله من راسه وكمت للمطبخ
سرى : يمه هسه نور المطبخ ولج ولعباس اشتاقينه الج
ندى : ونبي اني الاكثرررر
براء : بس محد بكدي
ملاك : لج تعالي اسولف الج ع براء وكعدتت اسولف إله
ندى : يا ولج هيج تحبنيي
براء : شفتي ياداداه حظي الغبر خلاني احبج
ملاك : عاشووو شون يلوك عليج الحجي الجنوبي يا دادا
براء : 😂😂😂
ندى : شفت زهراء صافنه ها حبي وين وصلتي
زهراء : لا هنا
ندى : شبيج زوزو شو مو ع بعضج
زهراء : كلت خ إسولف ندى اعرف بيه امينه مااطلع الحجي سولفت إله
ندى : عزا ضربت ع وجهي زهراء متأكدة مصطفى
زهراء : اي و الله قابل اجذب عليج
ندى : لا يمعوده بس انتي وين تعرفين مصطفى
زهراء : اعرفه من الصور َاني فتحت الباب إله من اجه من أربيل
ندى : بقيت صافنه هذا مصطفى شجاهه وسوهه هيج لو يعرف صكر يذبحه هيه وياهه زوزو هذا الموضوع مايطلع لأي أحد ومصطفى اني احجي وياهه اوكي
زهراء : اوك هاهيه
براء : ها شعدكن بس تبسبن
ندى : هيج نسولف اكلج براء تليفوني وين
براء : عند صكر
ندى : شوداها
براء : هوه راحله صكر اخذهه بعد شنو شوداهه
ندى : وجع اقصد شيريد بيه
براء : مااعرف
ندى :تعشيت وشويه واجو الولد من ديوان كل ماارفع عيوني اشوف صكر يباوع الي احم صكر تليفوني وين
صكر : جنه بديوان ودخلنه للمطبخ وشفتي بنيتي كاعده صافن عليه لو صاير بيه شي اني شيصير بحالي منا من حجت احم بويه عندي
ندى : ها لعد أريدهه
صكر : أن شاء الله من اصعد للغرفه اجيبه الج
ندى : اوكي
صكر : دك تليفوني وطلع أسد كال لازم الصبح اجي موضوعه شغل بالي شنو هوه بعدين صفنت منو الي طك ندى طلقه تذكرت الكهوجي ركضت الديوان ماشفته سألت فهد عليه
فهد : ولله ياصكر ماادري بيه التهينه بندى ومن اجينه مالكيناهه بديوان مااخذ غراض ومااشي
صكر : عندي احساس إله ايد بموضوع ندى
فهد : اني هم كلت هيج بس لا هوه رجال جبير
صكر : لا هوه متأكد اني اصلا من زمان شكيت بي من شفت عندها مسدس
فهد : مسدس ليش ماحجيت
صكر : كلت يمكن يحمي روحه بي بقيت اراقبه مااشفت عليه شي
فهد :  يمكن انتبه عليك تراقبه
صكر : ماادري بس وين يروح مرجعه الي
ندى : صعدتت فوك وانتظر صكر يجيب تليفون تأخر صعدتت إله اني دكيت الباب محد جاوب فتحته ودخلت اجاني عطرهه افيش يعطرك شويه وتفتح باب الحمام طلع منه
صكر : هلا ولله منو اليوم جاينه ومنور الغرفه
ندى : هلو بيك تسلم
صكر : اي شعجب اجيتي
ندى :اريد تليفوني
صكر : اي تدللين بس ماكو شي بلاش
ندى : يعني تريد ادفع الك
صكر :ايي
ندى : اوك شكد اريد انطيك 25
صكر : ولج شنو مجدي منج مو فلوس اريد بوسه ومنا أشرت ع شفتي
ندى : لا صكر هذا غش ما
صكر :ولج شنو الغش سحبته ع صدري وسحبته شفايفه بقيت اتفنن بيه
ندى : من باسني حسيت نفسي اني هم مشتاقتله خليت اديني ع ركبته حسيت نفسي محتاجة هوى شويه وسحب نفسه خله كصتي ع كصته
صكر :تحبيني
ندى : ها
صكر : ندى تحبنيي
ندى : مااعرف صكر سحبت نفسي منه واجيت اطلع
صكر : اوكفي هذا تليفونج وانتظر جوابج
ندى :شردتت من عندها وبقيت واكفه باب الغرفه نوب تذكرت مصطفى راسلته كتله يجي بالحديقه وطلعت
مصطفى : هلا حبيبي
ندى : هلا بيك
مصطفى:بيج شي متاذيه
ندى : لا مابيه شي بس اجيت احجي وياك شعندك ويه زهراء
مصطفى : يا زهراء
ندى : شنو يا زهراء الي اليوم بايسه خرب بيك
مصطفى : اسمه زهراء شكد حلو
ندى : هاي شبيك ابني تعرف صكر شيسوي بيك إذا عرف
مصطفى : اكلج هيه اخت صكر
ندى :لا اخت علوش
مصطفى : ها خوش
ندى : بس صكر هوه المسؤول عليهن ليش هيج سويت عيب يااا بني
مصطفى : دمشي ام ابني شسوي عاجبتني عيونه مايرحن من بالي
ندى : تحبه
مصطفى : ماادري بس يمكن إعجاب
ندى : شوف اذا عاجبتك اخطبه  علمود متروح لغيرك
مصطفى : لا يمعوده تروح لغيري شنو هيه إليه
ندى : الله يكتب الخير الكم ولله هيه ماكو احسن منه
مصطفى : ها صدك معدله هيه
ندى : تجنن وين اكو احسن منه فديته غير طالعه ع بنت عمه
مصطفى : لا إذا ع بنت عمه مااريدهه بطلت
ندى : أنجب لك
مصطفى : حظنته ولج وين اكو اخت مثلج يلا روحي نامي لاتفترين نخاف كلشي يصير
ندى : اوك تصبح على خير أيها العاشق الولهان
مصطفى : بسرعه سويتيني عاشق
ندى : قابل جذب
مصطفى : يلا روحي نامي وبلا حجي
ندى : صعدتت فوك كعدنه نسولف اني وبراء وشويه ونمت مااكعدتت إله الصبح ب١٠ نزلت جوه وماما سوتلي ريوك وكلساع تبوسني ادري ماما هسه توج شفتيني
الأم : خايبه ولج أم لسان ردتت اموت وراج حتى ظغط صار عندي
ندى : يا صدوك عزا انتي ظغط وبابا سكر ماشاءالله
بيبي رحمه : غير من وراج يمكموعه
ندى : ها رحومه رجعنه ع المكموعه
بيبي رحمه : خايبه لعد مجذبه تبقين مكموعه طول عمرج
ندى : روحي بيبي زعلت
بيبي رحمه : وزعلتهم
ندى : خايبه هاي رحومه راح اكوم إله
براء : اكعدي يمعوده ماشفتيه شسوت من عرفت كطعت روحه بس تبجي
ندى : كولي ولله
براء : اي ولله ولج اني كلت من تتدري راح تهلهل تكول خلصت منه بس طلعت تحبنه اني وياج مو بس مصيفي
ندى : لعد خ اكوم ابوسه بسته من راسه
بيبي رحمه : ها المكموعه شعندها
ندى : بيبي عرفت شون تبحين عليه من وكعت
بيبي رحمه : اي صح بجيت بس دموع الفرح هاي
ندى : خوش بيبي زعلت أخذت براء وطلعنه ادري بيه تحبنه بس رحومه عنوديه ماتعترف بسهوله
الأم نور :😂😂😂اوف يوم انتي وياهه تبقن بس مناكرة
بيبي رحمه : خايبه نويره اني هاي بنتج احسه تونسي هيه وذيج مااكدر افاركهن اختنك صح اتعارك وياهن بس احبهن مااكدر بدونهن
الأم نور : قابل مااعرف يا يوم مو يسولف الي اخويه يكول من نروح تبقين بس تبجين عليهن
بيبي رحمه : اي بس لا تكولين الهن
الأم نور : اكول ندى عليمن طالعه كل هلكد عنودية
صكر: كعدتت الصبح وتريكت وطلعت لاسد خابرته وكتله جايك وصلت دخلت سلمت عليه السلام عليكم
أسد : وعليكم السلام هلا صكر
صكر : هلا بيك يخوي خير ان شاء الله بالي ضل ياخذ ويؤدي
أسد : أن شاء الله كل الخير بالأول شنو تشرب
صكر : لا مشكور ماتقصر بس كولي
أسد : اسمع صكر بيوم مااجنه عدكم بيوم العزيمه وصارت الحادثة اني شفت الي ضربه وركضت عليه امي وكم ولد ولزمناهه
صكر : طفرت من مكاني وين هسه هوه
أسد : اكعد وهسه اكولك هوه عندي موجود وهسه نروح سوه بس بدون عصبيه كلشي بتفاهم لأن اكو لغز لازم نحله
صكر : احس العصبيه طكت براسي فتح الباب ودخلت وين شايفه هذا منو انته وليش حاولت تقتل زوجتي
المجرم ا: اخذ بثار اخوي
صكر : منو اخوك
المجرم : ابو ريشه الي قتلته
صكر : هوه كال ابو ريشه واني فقدت جبته بوكسي وسحبني اسد
أسد : مو هيج صكر خ نفتهم  زين انته جاي تأخذ ثارك من صكر ليش ضربت البنيه
المجرم : اني راح اجي بس بدون ماتضربوني
صكر : طلع بس لسانه بوخه براشدي يعترف احجي وماانضربك
المجرم : اني دزيت واحد من زلم الي يشتغلون عندي يتجسس عليكم وصار كهوجي وكام يجب اخباركم اول بأول منا من اجه وكال انو عدكم عزيمه بسب ترقية مالتك وسويت خطة علمود اجي واقتلك بس بعدين خابرني وكالي انو احد لزمه بس أصحاب البيت َمن عرف انو جاي يشتغل وياي ونريد نقتلك اخذ رقمي وكال اني احجي وياهه
صكر : شنو ولك أصحاب البيت معقوله هاي الخطه صايره من جوه بيتنه احجي ولكم منو هوه
المجرم : مااعرفه منو بس هيه بنيه خابرتني وكالت إذا تريد تنقم من صكر موته ع بطيء اقتل خطيبته لأن يحبه واني كلت مثل ماحركت كلبي ع اخوي احرك كلبك على خطيبتك وبعدين اقتلك بس من اشوفك مدمر واتفقت وياهه بس ماكلت انو راح اقتلك الي عرفته منه تريد خطيبتك تموت بس انته لا سوينه الخطه اني وياهه والكهوجي وسولي مجال اصعد للسطح وهيه جانت ويانه فتحت الباب الي بس ماشفت وجهه لأن جانت مغطيته وهيه راسلت خطيبتك وطلعت الحديقه وصار الي صار
صكر : شنو اسمه
المجرم : ماادري مااقبلت تكول
صكر : ماتحملت احس شعر راسي وكف اني من جوه بيتي تصير هيج خطط يافشلتنه بيت شيخ جمال مخلي عصابه جوه بس منو الي عندها هيج حقارة هذا استلمت دك كتل كوه فكني عنه أسد والجنود
أسد : لازم تعرف منو الي ساعدها لأن ماادام سوت هيج ترجع تسوي الأكبر واخاف تقتله بنص بيتكم
صكر : شلون أعرف حتى اسمه ماايعرفه
أسد : رسايل الي بتليفون زوجتك من خلال الرقم ونطلع اسمه
صكر : من كال هيج أسد سحبت السويج وطلعت كبل للبيت دخلت جوه سألت ع ندى كالوا فوك بالغرفه فتحت الباب ودخلت ندى وين تليفونج
ندى : هذا ليش
صكر : فتحي الي بسرعه
ندى : سويت مثل ماكال وانطيته إله
صكر : قريت رسايل وبقيت صافن يعني مسوين كمين إله بحجة صكر ولله إذا عرفت منو الي اكرهه اليوم الي نولد بيه أخذت رقم ورسايل ودزيت لاسد كال العصر يطلع سجل ونعرف منو
براء : ليش اخذ تليفونج
ندى : يمكن علمود رسائل
براء : يا رسائل
ندى :شوفتهن اله
براء : عزاا هاي شنو رادو يقتلون صكر
ندى : يمكن مااعرف
صكر : صار العصر وطلعت لاسد بقيت كاعد واجه الجندي جاب الوراق وقراهن أسد
أسد : صكر الرقم مسجل باسم...

الكاتبة : وهسه نخليكم تتحللون وتعرفون منو الي إله أيد بقتل ندى ☹️