ندى لصكر

البارت ١٠

ندى: طلعت من المطبخ رحت للصاله خليت جهازي علي شحن واجتي براء
براء: ها قردة شعندج
ندى: جهازي مابي شحن كعدتت على حافه الكرويته وبراء كعدتت عليه
براء: من انطيج دفره هسه أحد يكولي ليش
ندى: ليش(surprised)
براء:  بكيفي(yummi)
ندى: ولثول اي ولله ...كاعده اني وبراء واجتي حياة كلت بكلبي لاهلا
حياة: ها شعدجن
ندى: سلامتج
حياة: امممم
براء: ولله اضوج من هاي المرة كلهم معدلين وطيبن اله هيه ولعياذ بالله بس ندى ماتسكتله عفيه عليه ترباتي
ندى: شويه ودخل صكر همست لبراء كملت
براء: من اجه صكر ست الحسن ضاجت
صكر: دخلت للصاله واشوف عمتي ولبنات يمه ..صكر شلونج عمه
حياة: هلا وغلا يبعد عمتك الحمدلله على سلامتك يلغالي
ندى: يااا عزا بعينه لعد اني مو بنت اخوه
صكر: الله يسلمج عمه
ندى: وهيه تهمس لبراء شوفي لمعزه عشتووو
براء: شعليج بيهم
صكر: اباوع على هذني الاثنين ٢٤ ساعه بس يتهامسن كلت بكلبي خ اكومه بس كاعده على الموبايل...احم كومي جيبيلي ماي
ندى: جنت اسولف ويه براء وسمعت الأستاذ يتأمر اجيبله مي سويت اذن من طين وأذن من عجين
براء: صكر من كال اريد مي ست الحسن ماكامت كمت اني امري لله علمود مايتعاركون
ندى: من كامت براء شكد ضجت
صكر: كتله على مي وكامت بنت خاله ولله فشله هاي الادبسز سوي روحه ماتسمع
حياة:ولجج ماكمتي من كال صكر اريد ماي
ندى: ما سمعت..شويه ودخلت براء جابت لمي
صكر: مشكورة بويه تعبتج
براء: لا عادي عافيات
صكر: هاي البنات المعدلات ادري جا ذيج عليمن طالعه
ندى: من اجتي براء كتله وجج اجيبه زقنبوت
براء: لااسم الله عليه شبيج ولجج هوه كله مي
ندى: ننن تعيب عليه شويه ودخل بابا
الاب علي:  شلونح خويه حياة
حياة: هلا خويه الحمدلله بعد اختك انته شلونك
ندى: شنو هلحب المفاجأء
براء: ماادري
الاب علي:  اي ندى امج ليش زعلانه عليج
ندى: ليش بابا ولله ما اعرف
الاب علي:  هاا غير علمود الاكل
ندى: اوووو بعدها زعلانه ولله بابا هسه بلغداء اله اكل
صكر: ولله لو اني من عمي اكومه اكتله
الاب علي:  اي نشوف
ندى: سويت لبراء خ نكوم...دخلنه المطبخ وساعدنه البنات واخذنه السفره فرشناها وحضرنه الاكل
الاب علي:  بابا ندوش  تعالي كعدي يمي علمود اشوفج شلون تاكلين
ندى: لا بابا حكعد يم البنات
صكر: اباوع على عمي وزوجته صدك مهتمين باكله بكلشي يخصه  لان مبين عليه ثوله
ندى: كعدنه على سفرة جدو وبصفه بيبي منا ومنا عمو فاضل وعمو ثامر وبابا وعمو فهد وكدامهم صكر ونسر وعلوش ونسوان عمامي ٢  وماما وحياة ومريم وزهراء بصفه سرى وملاك وبراء واني
براء: هاي اول مرة اكعد ويه عائله هيج جبيرة ماشاءلله
ندى: اخذت صحن مال تمن اني مااحب تمن كلش بس احب اسوي هاي الاكله خ اعلمكم عليه (غير يستقر شيف بوراك)
تجيب صحن التمن خليته فوكه الروبه أو لبن بكيفكم شتسمونه سموها وفوكه زلاطة ناعمه ودجاج افرمه أو اقطعه واخبطهن سوه واكله
الاب علي:  ها ندى هذا صحن كله اريدج تاكلينه
جدي: بنيتي هذا شلون تكدرين تاكلينه
نسر: ولجج هذا صار خبيصه
صكر: اشوفه خبطت الاكل كله
ندى: كعدنه نأكل وكل ماارفع عيني اشوف صكر صافن عليه خرب بحظي شبي هذا 
براء: مادام احنه نأكل اشوف صكر عينه ع ندى همستله وجج هذا معجب كلششش
ندى: منووو وينه
براء: ولثول صكر اكو غيرها
ندى: دزلي خرا جاي اكل لاتلعبين نفسي
براء: عشتووو صكر يلاعب نفس
ملاك: دعوفيه مااتعرف بذوق شوفي جنه العافيه
ندى: الله يسلمج حبيبتي ويعافيج وياخذ عمرج
زهراء : وهيه تاكل ضحكت وشركت
ندى: ياعزا شبيج
زهراء: منو وراج دهر صابج
ندى: يطبج طوب منو كالج ضحكي وانتي تاكلين
خلصنه الاكل وشلنه الامواعين
سرى: خ نقسم الشغل
ندى: اي عفيه أنتم تشتغلن وندى تروح تنام
براء: حبي اكلي نعل
ندى: لا يروحي مااشتهيج
زهراء: بوووم شنو من قصف
ندى: غير اني مااحجي
براء: ولله علواه ماتحجين
سرى: كافي وخ نقسم الشغل ملاك وندى ع المطبخ وبراء وزهراء ع البيت واني ع الحديقه يله
ندى: زين سوال باجر العيد واني ماادري
براء: اي ولله صدك شدعوه هلكد شغل
ملاك: هههه هذا شغلنه اليومي
ندى: لاربحنه حبي براء وانتي مليكه كدامي ع المواعين
دخلنه للمطبخ ماشالله هاي كلهن جيبلي جفوف اخاف على اضافري
ملاك: عشتووو
ندى: يله يله
لبست جفوف وكتله انتي جلفيهن واني اشطفهن
ملاك: خوش فكرة
ندى: لعد يله ..كملنه مو اعين ودخل صكر وكال
صكر: خلصنه غده وصعددت طيب للغرفه ومااشربت جاي وراسي كام يوجعني نزلت دخلت للمطبخ وكلت بويه ملاك جاي واشوف هاي ام لسان كدامي
ملاك: حاضر خويه
ندى: عشتوو ٢٤ ساعه بس يتأمر
ملاك:همست لندى ديري بالج على جاي اني هسه اجي
ندى: تعالي وين رايحه هاي طفرت الله لاينطيج اي ولله عفتيني ويه هذا الغول
صكر: يله وين صار الجاي
ندى: وزقنبوت ان شاء الله..اي هسه
صبيته وخليته كدامه
صكر: من صحت عليهن شفت ام لسان جابته وخلته كدامي
ندى: خليته كدامه باوعلي من فوك ليجوه ورجع باوع بموبايله
كال بكلبي ثول لي يكول ليزر مو بشر
وخرت منه ودخلت بيبي
بيبي: ها يمه شتسون
ندى: ولله بيبي جاي العب شناوهه ويه المواعين
صكر: اسمع حجي ولله ياربي هلا حبوبه تعالي كعدي
بيبي: بعد روحي..ولجج (على ندى) هاي انتي شلابسه بدينج
صكر: من سألت حبوبتي باوعت الديهن اشوف لابسه جفوف
ندى: اي بيبي علمود من اغسل مواعين ميتكسرن اضافري
بيبي: وانتي شتردين بلظافر
ندى: لويش يا بيبي هوه اكو احلى من الأظافر
صكر: بويه الاظافر مو زينات كرضيهن
ندى: اي شهكة وهيه صرخه عززززااا غير اموت
صكر: من شهكت باوعت عليه وخزرته
بيبي: يا اسم الله تموتين على الاظافر
ندى: اي بيبي طبعآ عفتهم وطلعت للصاله وكلت يا بعدكن تنظف
براء: اي مو انتي استلمتي المواعين وهنا اصلن قليلات
ندى: المواعين قليلات لججج غير مال فوج كامل
زهراء: ههههه خرب بحظج انتي وتلكين هاي سوالف
ندى : من راسي عفتهن وصعدتت فوك طفرت ع الجرباية ودخلت براء
براء: ترا راح يجون بيت عمتج وراح تجي سجى وبنتهم المتزوجة
ندى: امممم تبارك كمت طبيت للحمام سبحت وتحظرت لبست بنطرون اسود وتشيرت حمره وشوز احمر
براء: سبحت ولبست فستان زيتوني طويل وبس حزام
ندى: فدوه لله صايرة مودبة  وتلبس طويل
براء: اصلآ اني من زمان مودبة
ندى: شو مااجنت اشوف
براء: ننننن
ندى: عفته ونزلت جوه لكيت عمتي جايه سلمت عليه وعلى سجى فدوه صايرة تخبل وتبارك هيه وجهاله
سجى: لججج ولله صايرة حلوه مع الأسف ماعندي اخوان مامتزوجين جان اخذتج الهم
ندى: شكرآ شكرآ لا حبيبتي اخوانج مو كد المقام
سجى : عشتووو ام المقام لعد منو كد مقامج
ندى: وهيه تعدل بكعدتته مثل محمد السالم أو أمير طارهون هذا ممثل تركي
سجى: ههههههه ولله احلامج حلوة ومستحيل تتحق
ندى: لا تتحق وعلى يوم اعزمج ع زواجي اني واحد من ذوله
سجى: وهيه تأشر على درج ولله اعتقد تزوجين هذا
ندى: درت على الدرج واشوفلج المتعرجف
صكر: سبحت ولبست دشداشه عدنه كعدها ب٥ ونزلت لكيت عمتي هيفاء يمنه من نزلت من درج شفت سجى مدري شكالت لام لسان ودارت عليه من شافتني عكددت حواجبه ودارت وجهه
ندى: خايبه اقبل بواحد من خوانج ولاهذا المتعرجف
تبارك: هههه ولجج شبي هذا صكر مو اي واحد
ندى: تبارك صكر عليكم وعندكم مو الي ولاعليه
سجى: مافهمت
ندى: احسن
صكر: شلونجن بويه
سجى: هلا خويه صكر الحمدلله انته شلونك
تبارك: يا هلا بعد اختك الله يسلمك
صكر: هلابيجن بويه
صكر شفت ام لسان لابسه احمر بويه الحمر يكتل
براء: نزلت جوه واشوفلج بنات ٢ وندى ويمهن صكر واكف يععع هسه هاي الخبله تحجي حجايه وتنعلس  ...كلت مساء الخير
اللكل:  مساء النور
سجى: هلا حبيبتي
تبارك: هلا يروحي
سجى: وهيه تاشرندى  منو هاي
ندى: هاي براء بنت خالي
البنات: يا هلا وميت هلا
براء: هلا بيكن
وهيه تهمس ندى لجج شعندها صكر جان يمج
ندى: ماكو شي بس حب يأخذ وياي سليفي
براء :غير تستقر
ندى: انجبي لعد اجه يسلم ع البنات
براء: اممممم
شويه ودخل علوش
علوش: ها شلونجن
ندى ولبنات:  تمام ولحمدلله
علوش: زهراء كومي نظفي غرفتي
زهراء:  ولله ما بيه حيل وغرفتك هسه تلكاه الوصخ طالع منا ومنا
علوش :لانظيفة
بيبي: كومي ياحبوبة نظفية
ندى: اكلك علوش هسه غرفتك من يسون عليه نشرة أخبار تتطلع بلتلفزيون ويكولن اوصخ غرفه رجل تصنع الفيروسات
علوش : انجبي ولججج
الكل: هههههههههه
زهراء: ولله صحيح
ندى : حسيت بيه
صكر: كلشش اضوج من علي يجي يم ندى بسرعة تنطلق وياه..ها علي تتطلع وياي للديوان
علوش: اي خويه هسه
ندى: اكلج سجى حنتج باي صالون تروحين
سجى: لا مو صالون هيه تجينه
لبيت
ندى: هااا
براء: خوش يعني هم اكو هيج بلبصرة
سرى: اييي حبيبتي