ندى لصكر

البارت 28

الجدة : اليوم يا صكر احد خطب ندى مني
صكر: شنو هل حجي منو الي خطبه
الجدة : خطبته حبوبتك لجواد
صكر: حسيت روحي صخنت شنو تنخطب طفرت من مكاني واني صاك ع سنوني وبصوت رجج البيت رج شنووووو هلللل الحججججي يحبوووووبه شنوووو يخطبه ماتتدرررييي حبوبتيييي انو ندى اليييي
الجد: ع كيفك صكر اكعد وخ نفتهم
الجدة: يمه يمكن ماتتدري واني كتله لا ندى لصكر هوه يريده وناهي عليه
ندى : طبعا اني احس مثل واحد ضربني راجدي شنوو جواد زين هوه مو البارحة كتله اني صكر ناهي عليه ليش دز أهله اليوم يخطبني معقوله يريد يسوي مشكله بيني وبين صكر عزززا بعينك يجواد بقيت صافنه بالوجوهه وصكر ماقصر كلب البيت عابت الخبل اباوع ع براء حاله مثل حالي
براء : اني هسه يلا فهمت الموضوع خرب معقوله جواد يريد يسوي شي شنو هل حظ وصكر صار يخوووف عزززا لعد لو يعرف بجواد اصلا يحبه شيسوي
حياة : هسه انته صكر بقيت تصرخ اسمع من ندى يمكنه هيه موافقه ع جواد واكو شي بيناتهم 😏
ندى : شوف هاي العقرب شتكول عزززا الأنظار كله صارت عليه وصكر عيونه صار يطلع منهن شرار  اني من شفت عيون صكر صرت هيج 🤐😨😦
صكر : مااااا تحجينن شبيجججج تخورستتتتي
ندى : شحجي
صكر: ع هذا الحجي
ندى : ليش هوه اني مفتهمه شي من هل كلام
الجد: ليش جدي جواد متقدملج وعمتج حياة جاي تكول يمكن انتي توافقين عليه بس هذا كله لازم ماتنسين انو انتي صكر ناهي عليج بعد بكيفه صكر إذا يريد يفك نهوه عنج
صكر: شنووووو وهل حجيييييي جديييي لوووووو امووووت ماافك نهوووووووه تسمعوووون ندى بس الي فتهمتوووووووو
ندى : اوكف لحظه ع شنو هذا العياط هوه اول شي منو جواد ( طبعا اني سويت هيج علمود افرهه ع هاي العقرب لأن حسيت تريد تورطني)
الجد: حواء ابن عمج مالك
ندى : اي بس اني مااعرفه ولا شايفته يعني جدو يمكن بس هيج كلام نسوان وعادي اني اصلا مااريد اتزوج لا صكر ولا جواد
صكر: 🤨🤨🤨🤨🤨🤨
ندى : عفتهم وطلعت للمطبخ اجتي براء وراي  شفتي شصار
براء :اي ولجج مساع من كاعدين ع الغدهه كالت لبيبي اريد احجي وياج بس ماعرفت شنو الموضوع
ندى : يعني معقوله جواد يريد يسوي مشكله الي بس ليششش اني شعرفني هوه يحبني
براء : ولجج مااعرف معقوله صدك
ندى : لا وكله بصفحه وشفتي العقربه شسوت
براء : اي ولله عابتله بس انتي عجبتني من رديتي عليه
ندى : ولله فد وحده خبيثه بس لو اعرف اني شمسويه اله
براء : الله كريم يمعوده الله كريم
ندى : لججج عزا اسيل وين بس لا عرفت
براء : صخامم اني هم نسيته
ندى : رجعنه الاستقبال محد بي سألت ملاك عليه ملاك اسيل وين
ملاك : يم إيمان
ندى : ها تمام همزين مااسمعت خطيه هاي هم مسكينه رحت تغديت كاعد اكل ودخل صكرر اهوو هسه تبدي رحمة الله
صكر : راح اسالج سؤال وتجاوبين بدون لف ودوران
ندى : اوك
صكر: جواد شايفج لولا
ندى : ماادري بس اني ماشايفته
صكررر : صكيت ع سنوني وحجيت متاااااااااكدة
ندى : يربي هاي شلون بلوه اي متأكدة
صكر : يصير خير بس قسما عظما يا ندى إذا سمعت غير هذذا الحجي الي كلتي راح تشوفين شي مايعجبج سمعتتتتتيييي وطلعت احس نفسي نار بصدري بس شسوي هيه تكول ماشايفته نوب هذا كله واتذكر جواد كال اني احب وحده بس لا هاهيه لا يربي ولله اذبحه ومايرف الي جفن بقيت صافن واشرب چكاير
ندى : خرب بحظي هسه هاي شنو سالفه بقيت صافنه وشفت مريم وساره يتهامسن بيناتهن هذولي شعدهن🙄🙄
مريم : امممم جاي افكر بخطة إله تخلي ندى ورها الشمس
ساره : شنو هيه ولج احجي
مريم: وجع معليج اني بكيفي
ساره : ثول اكلج اني هم اكو بالي خطة
مريم:؛ شنو هيه
سارة: لا هذا خاص بيه مااريد اكوله الج
الكاتبة : الي اريدكم تعرفونه انو مريم وساره كل وحده تفكر بخطة بس محد منهن تثق بثانيه بس اكيد كل وحده منهن خطته تضرر ندى 🤦‍♀️
ندى : خلص اليوم عادي وطلعنه بليل كلنا بالحديقه صارت اسيل كدامي استحي اباوع بوجهه ولله هذا شعور يعني كلشش يلعب نفس تحسين نفسج مسويه شي مع انو مامسويه بس شكول عليك جواد
علوش: ها صكوره وينج
ندى : لا يمك
علوش : متأكدة
ندى : لعد طاير باالسمه مو هاي يمك
علوش: كبر بالخبله
براء : عوفه علوش هيه ضايجه
مريم: ليشش لأن حبيب الكلب خطبج وصكر مااوافق
ندى : شوف الحقيره نوب اسيل كاعده
علوش: منو خطبج
ندى : محد هيج تحجي بكيفه
مريم: هاي شنو ست ندى ليش جواد مو اليوم خطبج
اسيل : جووواد😟😳
ندى : لا يمعوده حجي نسوان تعرفين بيبتيه تحب تهذري
اسيل : ها😢😢😢
براء : اباوع ع اسيل خطيه تريد شويه وتبجي شفته كامت رحت ورها اسيل اوكفي
اسيل: عوفيني براء اريد ابقى وحدي
براء : ولله اسيل ندى ماله اي علاقه اصلا حتى من خطبته بيبي كالت لا لأن صكر يريدها
اسيل: هههه اكيد تخطبه ليش وين اكو احلى من ندى ماتشوفين جمال الي شايلته تسحب كل واحد وراها واني انطيج نصحيه ابعدي نسر عنه لا تسحبه ورها وعفته َمشيت ماادري شجاني وهيج حجيت.
براء : بقيت مصدددومه هاي شجاي تكول شون هيج تحجي ع ندى خرب ولله لو تسمع ندى هل كلام ولله ماتبقى دقيقه هنا شوي واجتي ندى
ندى : اسيل وين راحت
براء : عوفيه هسه تهدى وترجع تكول اريد ابقى وحدي
ندى: زين شكالتلج
براء : احم ماكالت شي واني فهمته انو انتي تحبين صكر
ندى : يعع اني احب صكر
صكر : وشبي صكر ست ندى
ندى وبراء : صكررررر، 😳😳😳
صكر : اي صكر شبيجن
ندى : احم ماكو شي بس تفاجاة من شفتك
صكر : هسه عوفينه شبي صكر هسه سولفين بيه
ندى : مابيك شي سألت براء عليك
براء : ايييي صحيح.
صكر: وشتردين بيه تسألين براء
ندى : هيج مجرد اسأل
صكر : متأكدة
ندى :اي متأكدة قابل شكو
صكر : صراحه احس ندى تجذب اي تجذب اني ظابط تحقيق وعرف الصدك من الجذب واكو جذبه ورها ع الحجي بس ولله مااراح تبقى مضمومه اعرفه اعرفه
براء : اباوع ع صكر شون يخزر يندى خرب بهل حظ ادري بصكر شاك بشي بس الله يستر من هذا شي
ندى : كعدنه واشوف اسيل ماكو بنات لعد اسيل وين
سرئ : راحت يم بيت عمي ثامر
براء : عزا بس لاتروح ورها
ندى : اترخصت ورحت صعدتت فوك انام قبل لا يجي صكر صعدتت فوك للغرفه وشفت صكر يفتر بالحديقه ويشرب چكاير عباره عن كتلة من نار شبي هذا الحمدلله خ انام احسلي بس خليت راسي ع المخده نمت من تعب
براء : كعدتت شويه وأشرت لايمان تصعد فوك اريد احجي وياهه  صعدتت كدامي واني ورها جاي اصعد لاكاني نسر
نسر: ها يروحي شو ماكو
براء : بعدين نسر بعدين
نسر: هاي شبيج مو احجي وياج
براء : اي واني جاي اكولك عندي شغل (لا اتأخر وإيمان تروح لبيتهم )
نسر : اشو صايره انتي كلشش حتى حترام ماكو
براء : اهوووو شو وخر صدك ضوجني اني وين وهوه وين
نسر : بسطيه يا براء اني اعلمج إله اخليج تجيني وانتي تبجين بسسسيطة
براء : صعدتت فوك ولكيت إيمان كاعده
إيمان : ها بروش حبي شكو
براء : إيمان اريد احجي وياج بموضوع وارجوج تفتهمين
إيمان : شكو ولج خوفتيني
براء : اليوم بيبيت جواد خطيت ندى لجواد
ايمان: صدككك
براء : ولله إيمان ندى معليه واصلا تعرفين انتي ندى لصكر واصلا حتى صايره تحبه
إيمان : اي اعرف لعد ندى شعليه وإذا خطبه قابل كايلتهلم تعالو خطبوني
براء : ارتاحيت من إيمان تفهمت الموضوع كتله بس اسيل
إيمان : واسيل شبيه
براء : سولفت إله ع كلام اسيل
إيمان : صخااااامم هاي شووون تحجي هيجج متخبله
براء : شوفي يمكن هيه معصبه وحجت هيج بس فدوه كعدي وياهه وهدي أعصابه اخاف تحجي هيج كلام كدام ندى ولله تتخبل وماتبقى هنا
إيمان : لايروحي هاهيه اني اطيح حظه واني اعتذر عنه ع هل حجي
براء :لاحياتي اسيل اختنه الله شاهد
إيمان : حبيبتي لعد تصبحين ع خير اني رايحه
براء : وانتي من اهل الخير
ندى : كعدتت تقريبا ب5 ونص اففف شبعانه نوم نزلت جوه الجووو حلو الشمس طالعه واكو هوه سويت كهوه وأخذت الكوب وطلعت كعدتت ع المرجوحة
صكر : شتسوين هنا؟
ندى : بسم الله ياااخي شنو سالفتك جلفتني
صكر : ماجاوبتني شتسوين هنا
ندى : شسوي يعني كعدتت الصبح وجاي اشرب الكهوة مالتي
صكر : اهااا🤨🤨🤨
ندى : شبيك شنو سالفتك يعني قابل شسوي هنا
صكر : لا هيج مجرد سالتج قابل شسويت
ندى : الحمدلله ولشكر
صكر: رحت دخلت جوه لأن نمت ب3 وهسه كعدتت اي مجاي انام اكو شي بداخلي جاي يكولي ندى تجذب اباوع عليه من شباك تخبل الكعدهه والهيئه مالته بقيت اباوع عليه منا من شفته دخلت للمطبخ اني خليت راسي ع المخده لأن كلششش تعبان ونعسان
جواد : نمت بشقه وثاني يوم ماارجعت للبيت منا لليل لأن ابوي خبصني وين انته وين انته فتحت رجعت ساعه ب12 ونص فتحت الباب واني امشي بخطوات بائسه من كلشششي واحس كلشي فقدت من اتذكر شلون جنت ارجع للبيت واني شايفه لو لامحهاا اخخخخ يزمن دخلت للهول( الي هوه الصاله أو الاستقبال) وشفت حبوبتي كلت شعندج يحبوبه بعدج كاعده
الجدة : انتظرك يمه
جواد : خنكتني العبره واني اسمعه شتكول بدي ابجي بس شسوي رحت خليت راسي ع بحظنه وكتله طلعت منهي عليه طلعت لغيري يحبوبه ( الكاتبة : طبعا بيبيت جواد تعرف بيه يجب ندى)
الجدة : ادري يمه كالولي اخخ عمت عين حبوبتك لو ادري بيه جان ماخليتك تحبه بس شنسوي يا يمه
جواد : شلون بيه هذا شيقنعه واني ادك ع صددري شيقنعه بس كوليلي
الجدة : ميخالف تنسى
جواد : وهوه بصوت مسوع ويبجي ولله مجاي أكدر انسى ولله صورته ماتروح من عقلي وين ماامشي احسه كدامي واحس بيه ولله احبه يحبوبه ولله احبه
الجدة : لا تكطع كلبي عليييك يبعد اهلي ميخالف يحبوبه ولله لازوجك احلى وحده
جواد : هوه ع الحلاة شايفته من تضحك لو من تخزرني لو من تشاقه اخخخخ احسسس اكو شي يتكطع هنا وهوه يدك ع صدره
الجدة : انساهه يا يمه انساهه بعد هيه مريت اخوك
جواد : اني راح احجي ويه صكر واكوله اني احبه بالكت يعوفه
الجدة :دير بالكككك يجواد لا اني حبوبتك ولا اعرفك إذا سويت هيج وصكر مايعوفه لأن يحبه وناهي عليه لاتخسررر أخيك علمود حرمة يجواد لا تخسر
جواد : بقيت ساكت وكتله راح انام تصبحين ع خير
الجدة: فكر بكلامي زين ولله وياك
ندى : كاعده اغسل بالكوب مالتي ودخلت سارة من برهه مثل وحدهه الي تتختل ومن شافتني جلفت اني وين جانت لابسه عبايه عززا
سارة : شفت ندى وخفت هسه بس لا تكولي وين جنتي احم ترا جنت بيت عمي ثامر نايمه بس امي هنا واجيت لأن مااكدرت انام وأمي مو يمي
ندى : بس ليش لابسه عباية؟
سارة : لأن اني معدله ومرباية مو مثلجج اطلع مكشفه حتى لو هذا بيتهم
ندى : ترا تربيه مو بالعباية ودرت واجهي اغسل ايدي
سارة: بعد احسن صعدتت فوك بسرعه اني اعلمج ولله بخلي صكر يطردج من هذا الباب بسيطه اني الج
ندى : صفنت بساره ماادري شكيت بيه حسيت تجذب يلا اني شعليه كعدو اهلي وجدو وبيبي باوعت ع ساعه ب٩ حيل هاي صارلي ساعه بس افكر بساره 😂رحتت يم الاسطبل مال الخيول وكاعده صافنه
جواد : همزين شفتج
ندى : يمممه اسم الله انته شجابك هنا
جواد : اجيت احجي وياج وأريدج اسمعيني
ندى : مابيناتنه حجي لا يشوفنه اخد ويفهم غلط
جواد : جاي اكلججججج اريد اججيييييي وياجججج اوكفييي واسمعيييي
ندى : ردتت شويه وابجي برطمت وكتله ليش تعيط بيه
جواد : اويلي يا يأبه شون شكل صارت تقربت عليه وكتله يروحي انتي ولله اسفه
ندى : بعدتت عنه كلته يلا احجي شكو
جواد : عود هم تصير عصبيه اروح فدوه استغفر الله يربي  شوفي يبنت الاوادم اني حبيتج من كل كلبي ولو بيدي اتزوجج اليوم قبل باجر بس شسوي الله ماكاتبج الي  الي أريدهه ماتكولين لصكر اي شي انو احبج لأن مااريد اخسر صديقي وأخوي سمعتي
ندى : شوف ونبي اني مقصدي يصير وياك هيج ولو اعرف هيج يصير جان مااخليت اتلاقه بيك ابد بس شسوي هذا قدرنه ولي اريد منك تنتبه يمكن اكو شخص يحبك وانته ماتعرفه
جواد : ههههه لا بعد مااريد اني كلبي خليتج بي وقفلت عليه ماادري شجاني ولزمت ادينه وقربت وجهي عليه
ندى : وخررر شدسوي
جواد : خليني اشبع شوف من عيونج
ندى : فدوه لا يجي صكر
جواد : واني مقرب ع وجهه كتله تحبينه
ندى : هذا شي ميخصك ورجاء ابتعد عني
جواد :قربت اكثررر وكتله احببببببجج واحب عيونج لي ثولني
ندى :دفعت وركضت عزززا يمه كل هذا الي صار واني كلبي وعقلي يم صكر لا يجي بس مع انو قرب عليه بس ماحسيت بشعور بس اكو شعور غريب اححسه ويه صكر اففف يااا
الكاتبة : طبعا اكووو و شخص شاف ندى وجوووواد 🤦‍♀️🤦‍♀️🤦‍♀️