ندى لصكر

البارت 35

الدكتور : اني اعتذر بس المريضه دخلت بغيبوبة
صكر :احس كلمات الدكتور مثل السهم الحار وضربن بصدري يعني دكتور وشنو وشكد وتكعد
الدكتور :بعد هاي بقت يم رب العالمين اكو ناس اسبوع واكو شهر واكو حتى سنين انتم بس ادعولها
صكر :كعدتت بالكاع وخليت ايدي ع راسي واني اتذكر عيونه ضحكته ابتسامته اعنادها اووووف يبت كلبي شيبتي حالي
نسر:صح دكتور كال هيج بس احس صكر دمر يمكن جان عندها امل انو ترجع رحت الع
إله وكومته أخذته وطلعنه الحديقه صكر انته لازم تفرح
صكر:ع شنهي ينسر افرح لأن بنتي مددة هناك
نسر :تفرح لأن دخلت بغيبوبة مو فقدناه لأن تعرف طلقه اجت قريبة ع كلبة وهيه مااتتحمل افرح لأن دخلت بغيبوبة مو ماتت
صكر :هاي الكلمة خلتني ارتعش طفرت من مكاني دير بالك تجيب هاي الكلمه ع لسانك
نسر :هذا واقع صكر أريدك تشد حيلك ترا كله متحاجتك.
صكر :صفنت بوجهه وكلت اني منو الي اني هم احتاج احد ولله اني مو جبل ترا بني آدم ولك طيحته كسرت ظهري وأنه اخوك مااكدر بدونه صح اعاركه بس ترا روحي معلكة بيه
نسر :حالة تكسر الخاطر حظنته اني وياك يخوي
صكر :احس كلشي مات جواي
بعد مرور يومين
مصطفى : حالنا يكسر الكلب اهلي اجو من سمعوا وطبعا بيبي رحمة نصبت فاتحة بس تبجي براء ساعه ساكته ساعه تبجي ساعه تعيط تكول هسه تجي عمتي شكل عدها الظغط وكلساع يترفع صكر هذا حاله استثنائيه أكثر واحد بيهم مهدوم عليه ولحد الان لابس دشداشه الي بيه دم مااررح للبيت مكابل ندى وكاعد
صكر : رحت الغرفة دكتور السلام عليكم
الدكتور : وعليكم السلام اهلا شيخ صكر
صكر : اهلا بيك دكتور اجيت أسألك ع المريضه ندى يعني شكد تبقى بهاي الغيبوبه راح يصير إله اسبوع
الدكتور : ولله شيخ صكر اني شرحت الكم بس هسه اريد منكم تستعملون وياهه طريقة الكلام
صكر : يعني شلون مافهمت؟
الدكتور : يعني يدخل عليه شخص كلش عزيز عليه ويبقى يحجي وياهه أو يذكرهه بمواقف يمكن تسمعك وتنطيكم إشارة
صكر : يعني يفيد دكتور
الدكتور : نسوي الي علينه والباقي ع الله
صكر :ونعم بالله تشكرت من الدكتور وطلعت الهم منو قريب عليه أي براء ومصطفى خ مصطفى يحجي وياهه وبليل ندز على براء رحت كلت لمصطفى وراح مصطفى لبس هاي مال الوقايه ودخل أبناؤه عليهم
مصطفى : من كالي صكر انو لازم احجي ويه ندى طرت من الفرح عسى ولعل تستجيب دخلت عليه وهيه الاجهزه تارسه جسمه لزمت أيدهه وضحكت ها ولج خبالو ماتكومين ولج هسه يلا عرفت انتي هلكد طلعتي عزيزة علينه ولج مو هيج لو تشوفين رحومه خايبه ناصبه فاتحه عليج بس تبجي وتعيط عليج يلا ندى كومي ولله هاي نومة مو حلوه الج نزلن دموعي واني اسولف وياهه بست أيدهه وكلت تعرفين ولا مرة حسيت انو انتي مو اختي مجرد بنت عمتي ابد دائما جنتي انتي وبراء خواتي هسه اني مااريد افقد هاي الأخت كومي ندى لخاطري تقريباً بقيت ربع ساعة منا من كالت الستتر يلا عيني خلص وقتك تفضل اطلع طلعت وكله كالت ها.. ماكو اي ردة فعل
صكر : ماائيست بعد عندي امل دزيت علوش يجيب براء
براء : كاعده بالغرفه واني اباوع ع صورنه وابجي ودخل علوش
علوش : شونج براء
براء : اختي شلونه
علوش : كومي بدلي اجيت اخذج للمستشفى
براء : ليش شصار
علوش : ماصار شي بس دكتور كال إذا يقينه نحجي وياهه بالكت تنطي رده فعل
براء : كمت ع سريع بدلت وطلعت وياهه كلت لماما ماكالت شي أخذت طريق كله ابجي انتبهت ع علوش نزلن دموعه ومسحهن بسرعة دخلت للمستشفى َركضت عليهم
نسر : من شفت براء اجت اباوع عليه مثل الوردة الذابله عيونه حمر وجهه اصفر
براء : دخلت جوه وشفت منظرها وآله اني بقيت بش اشهك رحت عليه وبست راسه البيست تبعي يلا كومي لجج ويامن اسوي مصايب بعد ويامن اخطط إذا عفتيني ويامن اكعد اسولف واتشاقه واحشش ع رايح وجاي لا تعوفيني الله عليج اخذي وياج تتدرين انتي اختي إلي ماجابته امي دآئما احسج تومي مو مجرد بنت عمه يلا ندى كومي وطلعي وياي شوفي عمه شصاير بيه هيه وبابا علي تعالي شوفي صكر شلون مدمر عليج مصطفى هنا وكلهم برا ينتظروج يلا ننه لا تعوفيني فدوه
الستتر : خلص الوقت يلا عيني
براء : همست بذانه مااراح اسامحج إذا عفتيني ولا ابجي عليج وراح اكرهج بكد ماحبيتج إذا عفتيني عفته وطلعت اباوع بوجهه صكر احسه يريد كلمه علمود ارويه مثل الواحد عطشان هزيت راسي بلا رجعوني للبيت واني طول طريق ابجي واردد مااسامج إذا عفتيني
نسر : مرن يومين واحنه كلنا دخلنا عليه إله صكر احس ماعندها القوة الكافية الي يدخل عليه ويحجي وياهه رحت يمه وكوة قنتعه يروح وياي للبيت ويسبح ويغير دشداشه
صكر : دخلت للبيت واني مااباوع بوجهه اي شخص احس اني المذنب بقتله صعدتت فوك سبحت وطلعت اباوع بغرفتي بكل مكان هيه موجوده لبست دشداشه واجيت اخذ السبحه من الجرار وشفت الساعه الي كالت إذا متت اتذكرني نزلن دموعي واني كاضه بيدي مااراح تعوفيني متأكد
جواد : من طاحت وشاله صكر احس روحي راحت وياهه بقيت يومية اروح للمستشفى اسأل عليه ومن شفت صكر صحه وصار يوكف وياهم صرت ادخل ع الدكتور منا من عرفت انو جاي يستخدمون طريقه الحجي وياهه قررت ادخل عليه واحجي وياهه بليل راقبتهم شفت راحو بقى بس علي وياهه ولد مااعرفه منو شفتهم راحو للكافتريا واني طلبت دخول ودخلت عليه اباوع عليه وجهه اصفر وبيه أجهزة بجسمه وبحلكه مثل صونده وجهاز الأوكسجين ع خشمه َكفت يمه ضحكت ونزلن دموعي ها حوريتي يمكن اخو شخص يتمنى انتي تنامين بهذا شكل تعرفين شكد الج حب جبير بداخلي مايوم توقعت هلكد راح احبج ولله احس روحي مفرفحه عليج طلعت من جيبي سوار إله من طاحت تعرفين هذا شنو هذا من ريحتج عليج بداعت  عزيز كلبج لا تروحين رجعي حتى لو مااراح نجتمع اني وياج عبس أهم شي نتفس نفس الهوى همست بذانه احبج وطلعت واني احس انو عفت كلبي يمه طلعت وامي دموعي تنزل من عيوني مثل المطر
مصطفى :يقينه يم ندى اني وعلوش بعدين رحنه للكافتريا واني نسيت تليفوني كتله هسه ارجع شفت واحد دخل لندى لابسه دشداشه عبالي صكر رجع بقيت واكف يم الباب شويه وطلع بس شفته مو صكر ولد شايف بس مااعرف وين انتبهت عليه دموعه ينزلن مثل شلال منو هذا وشنو سالفة نوب لابس زي عربي يعني من عدهم بس مااراح اسأل عليه اخاف تصير مشاكل؟
بعد مرور اسبوعين
نسر :رحت ع صكر سألته صكر ليش انته الوحيد الي ماادخلت وحجيت ويه ندى
صكر:ماادري احس اني سبب بإصابته
نسر :ليش انته شعليك اشو أكثر واحد دمر انته
صكر :يمكن اني آخر شخص تتمنى تحجي وياه
نسر : ليش هيج تكول ترا صكوره تحبك
صكر : ضحكت من كال صكوره اخخخخخ لو تتدري شكد مشتاق إله
نسر :روح احجي وياهه َلا تضيع وقت عسى ولعل تنطي ردة فعل
صكر : جنت مايس انو اني ائثر عليه بس كلت أجرب دخلت عليه واني من شفت شكله احس رجليني ثكلن لزمت أيدهه وبسته بنيتي ليش ماتكومين عاجبتج هاي نومة ولله مو حلوه ومالايكة عليج ولج البيت هدوء بدونج ماكو صياح ولا اكو واحد يتعارك ويه رايح والجاي ولجج تتدرين حالي بدونج وليش طلعت احبج حب مو طبيعي صح اني عصبي بس عرفت انو مااكدر بدونج يلا كومي صار هواي محد كايلي مليق وهمجي وبعد مدري شنو سوالفج صار هواي محد معاند حجايتي ومحد يعيب عليه من احجي عبالج مااعرف سوالفج ليش تريدين تعوفيني تذكرين من رحت ذاك اليوم بواجب شون صار بحالج َكتلي احبك وبعد ماكلتيه اريد اسمعه بصوتج لهل درجه اني مو مهم عندج حتى بالحلم كطعتي وماتجيني بقيت صافن بوجهه ونزلت دموعي ندى احبج ومااكدر بدونج اموت إذا عفتيني حسيته شدتت ع ايدي بكل قوته وعيونه تتحرك تريد تفتحه عبالي اتحلم بقيت اصيح ندى سمعيني ندى حاسه بيه إذا تسمعين شدي ع ايدي رجعت شدت مرة ثانية يعني تسمعني ع صياحي دخل دكتور يركض والولد برا يردون يعرفون شصار طلعوني علمود يفحصونه
مصطفى : دخل لصكر لندى وتفاجات من دخل لأن هوه الوحيد إلي ماادخل عليه أخذه إله فترة شويه وسمعنه صوته يعيط اجه دكتور يركض وطلعوهه
صكر : ولكم كعدتت شدتت ع ايدي وعيونه تتحرك
مصطفى : يمكن هذا احسن خبر عندي اباوع ع صكر كبل سجد ع الكاع يشكر الله اني تذكرت براء وركضت اخابره
براء : جنت كاعده وأجتني رساله من صديقتي باجر الصبح تنزل النتائج أني شفت رساله واني بقيت ابجي واعيط بصوت عالي لججج ندى كعدي وشوفي نزلن نتائج جنت تنظرينهن يوم يوم وهسه انتي مددة بالمستشفى شويه واتصل مصطفى فتح الخط الو مصطفى
مصطفى : ولججججج براء ندى ندى
براء : شبيه
مصطفى : ولججج كعدتت ندى رجعت النه
براء : كلماتنه جانت علاج لجروحي شمرت تليفون ونزلت اعيط وابجي عمه عمه بيبي ماما
الأم نور : شبيج براء
براء : ندى ولكم ندى
بيبي رحمه : شبيه ولج
براء : ولكم كعدتت كعدتت ندى رجعت النه
سرى : حال براء يكسر الخاطر 24 ساعه بس تبجي ع ندى ولله كلنا مقهورين عليه ونحس فقدناهه وبيوم نزلت براء تعيط ندى كعدتت نكلب البيت من حزن إلى فرح بيبي جميلة تهلهل وماما وشوف ناس تهلهل وتبجي وبراء ماتعرف شتسوي هسه تبجي ساعه تصفك ساعه تحظن بينه
ندى :من نضربت وكعت وشالني صكر اني حسيت دنيا ظلمت وبعد ماحسيت بشي شفت نفسي بمكان كولش حلو حديقه جبيرة وكله ورد وأشجار واني كاعده بيه ع مصطبه بنص هاي الحديقه جان اكو مثل الخط داير مااداير هاي الحديقه جنت اشوف مصطفى وبراء وعلوش ونسر وبابا كلهم يوكفون عليه ويسولفن وياي جنت اكوم اريد اروحلهم بس مااكدر منا من اجه رجال جبير بالعمر بس شكله كولش حلو تحسينه منو وجهه يطلع النور كعد بصفي وكال اسمعي يابنتي هذا الخط ماتكدرين تعبرينه إنتي راح تبقين هنا دوم
ندى : بس اني اريد اروح لأهلي اختي كالت مااسامحج إذا عفتيني
الرجال : إذا هيه تكدر تجيج لهنا وتاخذج
ندى : شون تجي عافني وكام واني كاعده بهذا المكان بيوم اباوع اجه شخص اباوع عليه اجه من بعيد تجاهه هاي الحديقه منا من قرب شفته صكر بقى يحجي وياي وشويه عبر هذا الخط ودخل هاي الحديقه جنه اني لزمت أيدهه حيل واكوله لا تعوفني وهوه يجاوب اموت إذا عفتيني باوعت هيج وشفت رجال الجبير بالعمر يباوع الي ويضحك وياشرلي بايده منا من فتحت عيوني اني بغرفة بيضه باوعت منا شفت دكتور كال اسمعيني بابا ندى هزيت راسي بأي عاد هوه ضحك وكال الحمدلله ع سلامتج
نسر : طلع النه دكتور وكال
الدكتور : الحمدلله المريضه كعدتت منا من ننقله للغرفه ثانيه تكدرون تشوفونه
نسر : اباوع الكل يبجي بس دموع فرح شويه اجه جدي وعمي علي وابوي وفهد وعمي ابو هيثم ونقلوا ندى للغرفه ثانيه
الكاتبة : اعتذر لأن تأخرت بس ولله عندي ظروف وان شاء الله ماتاخر بعد احبكم فرولاتي