ندى لصكر

البارت 34

براء :اخذو ندى بقيت اني متجمدة كاعده بالكاع واباوع ع عمه الي بس تعيط وع بيبي الي تخربطت وآله البنات كل وحده كاعده بصفحه وتبجي اباوع ع ايدي الي كله دم من مكانه دك تليفوني اباوع مصطفى فتحت خط عليه واني بغير عالم
مصطفى : ها ولج شونكن اخباركن خايبات عود انتن هم خوات دسالن ع اخوكن شنو من خوه هاي والخبله ذيج وين اتصل عليه متجاوب الو ولج مو احجي وياج
براء : راحت
مصطفى : منو الي راحت
براء : ندى
مصطفى : وين راحت غير اني وياهه بالبصره
براء : مصطفى ندى ماتت
مصطفى : عفيه بنات حياتكن كله مقالب احجي صدك وين ندى
براء : لككككككك مصطفى اختننننه راحت اختي ماتت ولك بعيني شفته من شالوهه وفستانه كل دم ولككك بعد ماعدنه اخت
زهراء : اباوع ع براء بحالة صدمة ولا كلمة كالت شويه وتصل تليفونه بالبداية تحجي بهدوء بعدين ستهترت اباوع عليه شمرت جهاز وبقيت تلطم ع وجهه وع رجلينه وتصيح بعيني شفته من فستانه كل دم ركضت عليه واحظن بيه اهدي براء فدوه
براء : لججج زهراء اختي ماتت بعد ويامن اتشاقه ويامن تعارك من اضوج المن اروح غير لاختي ولكم ياعالم ولله اختتتتي ولله
زهراء : سوده عليه يعمري ولله ترجع هسه تجي لا تخافين سمعت تليفون واحد يعيط
مصطفى : لججججج براء احجي شبيججج ولج فهميني شبيه ندى
زهراء : سحبت تليفون وكلت الو
مصطفى : من انتي انطيني براء
زهراء : حالياً براء متكدر تحجي
مصطفى : ندى شبيه
زهراء : ندى نضريت طلقه وهسه هيه بالمستشفى
مصطفى : حسيت رجليني واديني جمدن اريد انطق كلمة مااكدر بقيت ساكت
زهراء : الو تسمعني
مصطفى : بأي مستشفى
زهراء : ولله مااعرف
مصطفى : سديت جهاز وسحبت سويج ونزلت اركض شخطت سيارة وطلعت كبل للبصره
براء : ماحسيت منا من فقدت كعدتت اني بالغرفه اباوع ع مكانه وع ملابسه جانت لابستهن الصبح حظنت وبقيت اردد لا تعوفيني بعدين ضحكت اكيد مقلب وهسه تتطلع اصلا عادي تعودت عليه
ملاك : دخلنه للغرفه اني والبنات لكينه براء تحجي ويه نفسه براء حبيبتي بيج شي
براء : هههههه لجج هاي نديوه دآئما تسوي مقالب بينه اصلا متعودين عليه بس هلمره زودته مال طلقه ودم هسه ماتشوفينه إله تكوم بس اريد صكر يطيح حظه
سرى : حبيبتي براء ع كيفج كولي يالله وادعي إله تكوم بسلامة
براء : شوف ذولي المصدكين  اختي ماتروح اصلا اني وياهه دوم سوه بس هلمره هيه سوت هذا المقلب وحدهه مااشاركتني بي صايره نحسيه الخبيثه اني أعلمه
زهراء : كولي ياالله براء شنو سالفتج
براء : شبيكم ترا ضوجتوني جاي تحسسوني اني مخبله اكلج ندى شو تأخرت شنو من مقلب هذا راح يصير دنيا لليل وهيه بعدها مااجتي
سرى : ولجن هاي تخبلت
براء : نزلت اركض واعيط ندى كافي يلا طلعي شنو من مقلب هذا خايس شفت عمتي تبجي رحت إله عمه شبيج عليمن هل بجي ماتعرفين هاي واحد من مقالبه هسه شويه وتتطلع الج اكولج ها شلونه المقلب
الأم : يمه براءراحت اخيتج راحت وبقيت ادك ع وجهي راحت وحيدتي َلجججج براء
براء : عطت عيطه يمكن جانت بكلبي وكعت بالكاع وبقيت اضرب بوجهي لا تكولين راحت لاتكولين هسه تجي ولله اموت بدونه ولكم روحي بيه أني احسه تومي ولكم بكلشي مشاركتني ركضت للشارع والبنات وراي
سرى : ولج براء فدوه لكلبج كافي حرام عليج هيج تسوين ادعيله تكون بخير
براء : بقيت ادفع بيهن عوفني هسه هيه محتاجتني
زهراء : جاي نلزم براء تريد تركض للشارع حالة تكسر الكلب مثل الطير المذبوح تركض هيج وترجع هيج الله يساعدهه مااحس إله الباب تكسر ركضت فتحته ودفعه ولولد اباوع عليه شكل كلش حلو استايله همين هذا وين شايفته
مصطفى : وين براء
زهراء : يااهذا اخو براء هاي أشرت إله
مصطفى : شقت براء كاعده بالكاع وجان يمه بنات راحن اصلا ماانتبهت عليهن ركضت علينه وحضنته وين اختي براء
براء : اني شفت مصطفى لو ستهترت بقيت اضرب ع وجهي راحت راحت اختك مااحافظت عليه اجيت هنا وياهه علمود نتونس سوه هسه راح ارجع الكم واني دافنته هنا لا تسألني عليه ولك بعيني شفته شلون كله دم بعيني شفت شلون يركضون بيه وصكر يعيط اختفى نفسه بقيت اضرب ع وجهي وع رجليني منا من فقدت
مصطفى : كمت ابجي ع حجي براء كلششش متاذيه لأن شايفته هاي مااتتحمل بدونه سحبته الحمامات وكمت اغسل وجهه شويه واجتي بنيه تركض أخذته واني طلعت للمستشفى
نسر : حالة ندى تزود للأسوء لأن طلقه جايه بكلبه كله بصفحه وحالة صكر بصفحه يكعد ويبقى يصيح بعلو صوته ويرجع يفقد مااكدرت اتحمل طلعت برا طلعت جكاره ورفعت راسي للسما كتله ربي قوي أخوي لان ماايتحمل يصير بيه شي ورجعه اله لأن بدون حياته تصير جحيم نزل دموعي واني اتذكر حالة أخوي الي تكسر باب الكلب شوي وطبكت سيارة ونزل منها ولد عرفت اخو براء ركضت عليه حياك الله يخوي
مصطفى : فدوه اروحلك كولي ندى شون صارت
نسر : اباوع عليه عيونه حمر ولله يخوي طلعت من العمليه وخلال 24 ساعه إذا ماكعدتت تتدخل غيبوبه
مصطفى :وكعت من طولي وبقيت ابجي بصوت عالي اكيد هسه يكولون شون رجال وتبجي الي يصير بهيج حالة وبفقد انسان عزيز ع كلبه تحس انو دنيا سودتت بعيونه اني جنت اعتبر ندى وبراء خواتي ولله مرات احسهن مو بس خواتي بناتي اخاف عليهن من كلشي خاصاً ندى جانت صح لسان بس كلبه طيب ولسانه اخخ يلسانه هوه الي جايب إله المصايب من كالي هيج حسيت انو طفت شمعه بحياتي خسرت وحده من بناتي مثل نبته وتزرع بيه من جنت زغير كدام عينك لحد ماتكبر وهيه وياك وتنام وتكعد تلكاها عاى نبته ميته هيج صار بحالي
نسر : اباوع ع مصطفى ازود من صكر كومته كوم يخوي وستهدي بالله وادعيليه تكوم بسلامه
مصطفى : خايف لاتموت
نسر : لا اسم الله كول يالله
مصطفى : يااااااااااااربببببب طالبه منك بجاهه كلمن إله جااه عندك
دخلت جوه وشفت عمي علي ركضت حظنته وحالته جانت تكسرهه الخاطر تباوع عليه تحسينه كبر بالعمر ويبحي بصوت عالي
الأب علي : راحت وحيدتي يمصطفى راحت فرحت عمري وسنيني
مصطفى : ترجع وداعتك ترجع هاي ام لسان ماتحمل تبقى بعيدة عنه بقى يبجي بصووت واني حظنته اباوع للمستشفى متروس زلم بس صكر ماكو معقوله ماايدري كمت سألت هذا الولد صكر وين
نسر : ليش
مصطفى : لأن مجاي اشوفه معقوله ماايدري لو مامهتم
نسر : هسه اشوفك صكر وين سحبته من أيدهه واخدته لصكر
مصطفى : اباوع عليه لابس دشداشه بيض هيه لازم تكون بيضه بس كله دم ومغذي بيدها تباوع ع وجهه صاير اسود وتحسه كبران بالعمر
نسر : هذا وضعه من ساعه مااطاحت ندى بيدها اخوي يمصطفى شاف حبيبت طفولته ومرته تموت بين اديهه كلنا نكول صكر جبل يتحمل ولا مرة شفته مكسور لو مدري شيصير بس اليوم شفت هذا جبل طاح ونكسر وصار تراب يفز شويه ويبقى يصيح باسمه ويكول ماتت بين اديني ويرجع ينغمي عليه مرة ثانية صح اني أعز ندى الله شاهد اعتبرها مثل اختي واتمنى تصير زينه لخاطرها والخاطر اخوي لأن صكر ينتهي بدونه كل هل عصبيه والقوه الي شايله صكر شقته من طاحت ندى ماتحمل مثل ماامده هيبه هناك هوه هنا يمكن هيه ماتحس بس الي يحس بي اخوي أكبر عذاب جاي يصير بي أعرف هسه أخوي نار جواه تاكل بي بس اتمنى يرجع يوكف ع رجلينه
مصطفى : لهل درجه يحبه
نسر : يمعود صكر حبه وكال هاي الي من جانت بالكماط بعدها طفل نفاس وشاله جدي كاله هاي الي هوه الي سماها هوه الي علمه تكتب اسمه هوه الي كض ادينه وعلمه شلون تمشي محد يحب ندى بكدها هسه هوه جاي يحس بألم فراك حبيبه والم فراك الأب لأن يحس ندى بنته الوحيدة إلي يكوله بنيتي طالعه من كل كلبه لأن  هوه رباهه هوه الي شاله ندى كل حياته يمكن انته هسه تفاجأت لأن محد يعرف هذا شي حتى ندى بنفسه دوم اشوف صكر من يباوع عليه ياكله بنظراته بس هيه عنوديه دوم شايخه عليه وماتتهتم لحد بس بهاي جيته عرفت من عيونه صارت تحبه بس سبحان الله مااخلاهم واحد يعترف لثاني ويكسر هل غرور هسه اثنيهم مددين بالمستشفى
مصطفى : نزل دموعي ع كلامه حسيت صكر متوجع من جوه أكثر من عندها كلنا دعيت الله يشافيه ويشافي بقيت كاعد بالكاع ننتظر تكعد اكو بعضهم راحو واخذو جدهم وابو صكر وكوه قنعنه عمي علي يروح وكوه راح خطيه صعد السكر عدها لا يصير بي شي.... صار ثاني يوم واحنه كلنا امل ندى تكعد وتمر مرحلة الخطر واحنه واكفين بقت نص ساعه ويصير 24 ساعه تفاجأت من شفت صكر اجه يمشي بتجاهنه
صكر : تعرف أصعب شي بهاي الحياة من يموت بيدك شخص تعتبرهه كل حياتك اني مريت بهاي تجربة من طاحت بنتي بيدي حسيت مثل شي وكع ع ظهري مابي حيل اكوم صرت افقد وبس ارجع للواقع اشوف صورته من طاحت بيدي وهيه بانفاسه الأخيرة فزيت من حلم جنه ندى كاعده بمكان كلش حلوه حديقه جبيرة واكو رجال جبير بالعمر واكف يمه جنه اني اجيت اركض عليه بس مااكدر اوصل لهذا المكان تقرب هذا رجال وكالي إذا تحبه نهض كوم هيه بحاجتك هسه فزيت واني عيوني دور عليه سحبت الكانونه وطلعت للغرفه مالته بعد شكد وتخلص ال24 ساعه
نسر : صكر شلون صرت
صكر : مابيه شي كولي بعد شكد
مصطفى : بعد 10 دقايق
صكوك : صفنت هذا مصطفى شجابه يمكن أطول 10 دقايق مرن عليه بحياتي عبالك 10 سنين خلصت ال24 ساعه وكلنا ركضنه الدكتوره
الدكتورة : نفحص ونشوف المريضه
صكر : رجعنه كعدنه سحبت باكيت چكاير ورثته واباوع عليه من الشباك مال الغرفه الاجهازهه بوجهه اووف يبنت كلبي هيج حالج
مصطفى : اباوع ع صكر تحسه كبر بالعمر عيونه حمر وكله حزن مع انو جانت نفس العيون كله غضبه هسه كله حزن ويباوع بالوجهه
صكر : كاعد اباوع واني اتذكر لحظه لحظه وياهه من جانت زغيره لحد ماهسه هيه مددة شويه وصار صوت بالجهاز وطلعت السستر الي بالغرفه تركض وشويه اجو الدكاترة اثنين يركضون اريد واحد يجاوبني ماكو
مصطفى : أصعب شي مر علينه من جهاز القلب توقف ودكتور يركض عليه ويسوي إله صدمات بجهاز اباوع ع صكر وكع بالكاع ويعيط ع كل واحد يجي يركض يريد يجاوبه ماكو عمي ابوندى تخربط وكع شويه وطلع دكتور ركضنه عليه ها دكتور بشرر شون صارت
صكر : دكتور ابوس ايدك كولي بيه شي
الدكتور : اني اعتذر بس المريضه.....

الكاتبة : اريد تفاعلكم دكتور شنو راح يجاوب معقوله ماتت 😭💔