ندى لصكر

البارت ٤٢

ندى :صعدتت فوك نزعت الفستان وفتحت التسريحه مسحت الميكب لبست تراك عريض لدرجه وشمرت نفسي ع جربايه احلى شعور هذا بعد تعب طويل بس خليت راسي ع المخده نمت

براء :صعدتت فوك لكيت ندى نايمه شوي واجتي ملاك
ملاك :ياعروستنه نايمه
براء :يمعوده دعوفيه شوفيه جنه گلب
ملاك :هههههه كون تسمعج
براء :لا نايمه ماتتدري بدلت ونزلت جوه مصطفى راح جاب عشه من برهه رحت اساعد عمه بي حظرته ونقلنه الاكل اباوع لنسر عينه عليه عزا بعينه وترني سويت نفسي مامهتمه إله
الجد : ها العروسه وين
براء : اشوف صكر عينه ع درج.. احم جدو نامت تكول تعبانه
صكر : ضحكت تذكرت مساع من تكول دخت 😂
علوش : حرامات ولله اريد انصب عليه شطالعه مساع جنه مهرج
جميله : خايب يالاغم سد حلكك علواه تزوج وحده بربع جماله
علوش : مايحتاج حجيه اني موجود احلى منه
صكر : وين حلاتك شو مااشوفه
سرى : اكو واحد هنا طارت الجبهه مالته
علوش :لا اجي اطير راسج
سرى '+:جاوب صكر وتعال احجي وياي
ملاك :خرب فاتت ندى كون تسمع
علوش :ملاك عليه
ملاك :لا موعليك
صكر : طلعت برا بالحديقة صفنت اييي ولله يصكر كعد حظك وأخذته ام لسان ضحكت اول ايام شون جانت تكرهني ونظراته اخخخخ ينظراته سهم صابن كلبي  بوسط أفكاري اجاني صوت مصطفى
مصطفى :شعندها نسيبنه
صكر :حيييييياك
مصطفى : حبيبي ولله مبروك شايف كل الخير والله يعينك ع المصيبه الي اخذته
صكر : ههههه يبارك بيك بويه يوم الي نفرح بيك وبويه احلى مصيبه انطيتوهه الي
مصطفى : ههههههههه ربي يسعدكم ان شاء الله زين صكر انته تحبه؟
صكر : شني هيه كايله الك اسأله
مصطفى : لا ونبي مو هيه بس اني اجاني هذا سؤال بالي
صكر : بويه اني اجاوبه بس هيه ع هذا سؤال وأعتقد خويه تصرفاتي اكبر دليل ع انو احبه لولا
مصطفى : صحح ولله الله يسعدكم لعد اني شرايد غير اشوفكم سعيدين يلا حبيبي تصبح على خير
صكر : وانته من أهل الخير بويه راح وكلت اكول هاي عليمن طالعه تحجي كلهم ع هل ثقافه حبيبي ( وهوه يقلد😂)
ندى : كعدتت ساعه ب٢ اباوع كله نايمه خرب هاي شكد نايمين كمت غسلت وجهي ونزلت للمطبخ ميته جوووعع اي واحد يلاكيني أكله فتحت ثلاجه لكيت بيتزا وكنتاكي اعتقد جايبين للعشه وطلعت ببسي وكعدتت ع طاوله طبيعتي ماأحب اكعد ع كرسي مااعرف ليش جاي اكل وسمعت صوت يمه غصيت بالبسي بقت نص قطعه بيتزا بحلكي حجيت بصوت عالي كلت اخاف حرامي يشوفني هنا ويخاف شكدد حلوه هاي البيتزززا يم يم بعدين سمعت الصوت صار اقوهه ونفتح الباب مال الحديقه واني منطيته ظهري كلت عليك الله لاتسوي الي شي اليوم نخطبت خ افرح بروحي خ اشوف جهالي نظر عنيي إنطيك هاي البيتزا وتروح وانطيك قوطيتن ببسي
صكر : ضحكت ع كلامه ضربته ع راسه اول مره اشوف حرامي يساومونه ع بيتزا وقوطيتن ببسي ناس تكله انطيك ذهب فلوس انتي ببسي وبيتزا يقلد عليه
ندى : وكعت كلبي بطني صدوك جذب صكر
صكر : ابوسه لكلبج وبطنج
ندى : عيببب بيبي
صكر : هلو بيبي شنو
ندى : اي انته بيبي
صكر : ترا اذوب اني ع البيبي
ندى : خليته البيتزا بحلكي وكلت شنو يعني
صكر : طاحظج وجه رومنسيه انتي ركضتي ع الاكل
ندى : تراا جوعانه واصلا جاي اتخيلك ماعون دولمه
صكر : وتردين تاكليني مو
ندى : اييي ولله
صكر : لعد كومي
ندى :. دعوفني اكل
صكر : احجي عدل التنغوص عوفيه ع صفحه
ندى : هاي شبيك ونبي مداتنقوص
صكر : أوي عيني ممدتنقوص
ندى : طلع لببسي من خشمي من كال هيج شكله يخرب ضحك من يكول أوي عيني عليك الله صكر عيدها 😂😂😂😂😂
صكر : نجبي واكلي يلا
ندى : أوي عيني شبيك 😂😂😂😂
صكر : خبال اي والله اني شلون راح ابتلي بوحده خبله
ندى : احسن متاخذ وحده دمه ثلج مثلك
صكر :هاي عليمن ولجج
ندى : عليك انته دمك ثقيل
صكر : بعدج متعرفيني بنيتي
ندى : ياامااعرفك غير صار سنه من نهيت عليه يايوم شفتك تشاقه وتضحك حتى إذا تشاقيت وجهك معبس
صكر : احسن مااحلكي مفتوح اربع وعشرين ساعه مثلج
ندى : اييي اني مرحه مو مثلك
صكر : بويه عيب رجال اربع وعشرين ساعه يتمضحك يكولون عليه خفيف ترا ثكيل تعشكه حتى للكاع
ندى : يعني شنو
صكر : يعني هذا عقلج المحجر
ندى : كووولشي ولا عقلي اصلا لو ماعقلي ماعندي هاي العمارات والشركات والمعامل
صكر : استقري بابا استقري ام الشركات والمعامل
ندى : كانوا قصفتني
صكر : هوه اريد اقصفج بس بطريقتي 😉
ندى : اشو متستحي انته عيب ابني
صكر : هااا منو ابنج بالله اوكفي خ اشوفج
ندى : وكفت ع الميز
صكر :. دكعدي راحه ام طول شبر ونص
ندى : وين اكو مثلي طولي شبر ونص وأخذت كلبك 😉
صكر : بوووووويه قووويه صايره تعرف تحجي البربوك
ندى : هم رجعنه
صكر : جا شعندي غير هل بربوك هيه بس وحده
ندى : روح حتى سديت نفسي من الاكل
صكر : ولجج هوه شبقى غير نفضتي الاكل كله
ندى : من هسه حاط عينك ع اكلي الله يستر باجر تموتني من الجوع
صكر : لطمي لطمي بعد كبر تبجي بوجهه الله
ندى : 😂😂😂😂😂شون الكبر تتطلع من حلكك تجنن
صكر : ابوسو
ندى : لكبرك
صكر : ثووول اي ولله كولي لحلكك مو لكبرك
ندى : عادي نفس شي
صكر : اباوع عليه لابسه تراك عريض ضايعه بيه ولججج بويه أكلي خ تصير بيج لحيمه باجر منين الزمج
ندى : شو انته متسحتي شنو منين تلزمين مد ايدك وشوف شسوي بيك
صكر : سدي حلكج لا افركه الج جا جايبج اباوع عليج ايه الله الموقره
ندى : اييي انته مو تريدني اعيش يمكم راح اجي اعيش
صكر : هوه انتي تعااااليي وإذا مااطلع ضيم كلبي كله بيججج
ندى : شنو معناها دآئما تكوله
صكر : بليله العرس اكلج عليه
ندىع: اهوو شطلعت لليله العرس كولشي تكولي
صكر : اييييي كلشي وكلاشي
ندى : شنو هاي نظرتك تخوف ترا خوفتني
صكر :ههههههههههههههههه لججج اروح فدوه للفطيره انه
ندى : حلوه ضحكتك تسحله لكلبي سحل
صكر : ابوووسه لكلبججج اني
ندى : خليت ايدي ع كصته انته اليوم مصخن شو تتغزل
صكر : سحبته وخليته بحظني بويه حقي اصخن غير مساع الكيمر كله طالع صوره طابعه بالي
ندى : ياكيمر
صكر : باوعت عليه وضيقت عيوني تردين تعرفين
ندى : اييي
صكر : سحبته بسته من ركبته وعضيته ورجعت سحبت الفانيله وبست صدرها ردتت اعضع بس
طفرت
ندى : هاي شنو عزززا شبيك
صكر : اني شعليه مو انتي كلتي وين الكيمر ردتت اشوفج صوره وكامره
ندى : متستحي ونبي
صكر : بووويه انتي حلالي هسه اني جنت اسوي الج هيج قبل الخطوبه
ندى : ليش منو جان يبوسني
صكر : هاي هيججج مقبلات
ندى : مقبلات وهيه نقلد
صكر : اكلج
ندى : افاندم
صكر : احجي عدل
ندى : نعم 😒
صكر : انتي شدعوه هلكد حلوه
ندى : اووووويييي بيبي ونبي أخجل
صكر : احتركوا عشيرتح بانزين ونفط
ندى : ليشش
صكر : شعلتي عشيرتي وين اولي بهل ليل
ندى : أوووي صكر حبيبي شبيك
صكر : بعدهه مستمره بويه روحي نامي لا تعمين علينه بهل ليل واسوي شي نتندم عليه
ندى : يعني شنو
صكر : سبحته من أيدهه ودخلت للصاله جانت فارغه طبكته ع باب وبدون أي كلام سبحت شفته بقيت اتفنن بيه
ندى : من كتله بدون ميحجي شي كبل سحبني ودخلني للصاله وسحب شفتي بقيت مصدومه بس اذاني كولشش بقيت اضرب ع صدرهه
صكر : وخرت عنه وخليت كصتي ع كصته
ندى : اووووي صكر اذيتني
صكر : عضيته من حلكه بطلي هاي الاوويي وااذا سمعت كلتيه لأي واحد اشكه لحلكج
ندى : صكر مااكدر إلزم لساني إذا مااجر الاوي
صكر : اني الزمه للسانج
ندى : شلون
صكر : بحلكي
ندى : ايعع ضربته ع صدرهه ودفعته السخيف صاير لسانه شطوله صاير مو مؤدب دخلت للغرفه وخليت ايدي ع حلكي وابتسمت صراحه شعور حلو من يجيج حب واهتمام من شخص اذا اجه كلبج يصير يدك طبول تمدتت واني ايدي ع شفتي
براء : كعدتت الصبح باجر يرحون أهل نسر واليوم بابا يخابرهه خالو أركان كعدن البناتعبس ندى بعدها نايمه نزلنه جوه صباح الخير
الكل : صباح النور
نسر : اشوفه نزلت اخخخ يبت كلبي هيج الله ويجعلج من نصيبي ويوميه اكعد ع هيج شكل
علي : بابا براء اختج وين
ندى : نايمه بابا
علوش : اكلكم بس لا صكوره عود مستحيه واتقبل تنزل
نسر : افه دنيا كله تستحي بس صكوره لا
صكر : ليششششش بويه شكالو الكم
نسر : لا خويه هيج
صكر : لا احجي خ. اسمع
علوش :امبينه خويه لسانه شطوله وع كولتك برنو إذا نفتح بعد شيكضه
صكر : تذكرت البارحه من كتله اكضه وشون نصدمت ابتسمت ع منظرها
علوش : هاكم شوفوا حتى صكر يضحك
صكر : انجب مااضاحك واياك
نسر : علوش لا أرى جبهتك وين
علوش : جبهتي يم ذولاك ناس وغمزتله
نسر : خخخخخ كلبي مسحول سحل ع ذولاك ناس
براء : اسمعهم شون يذبون بسامير بس سويت نفسي مامهتمه
علوش : بووويه مبين علييييك شلون مسحول بحيث خربطنه ببين كلبك وصله المسح
نسر :. دنجب ولك اني اخوك اكبر منك
علوش : جا بويه اني شعليه انته كلت مسحول واني جاوبتك
صكر : كطعوا نقاش اجه جدي
براء : كعدنه نتريك وكال عمو علي
علي : روحوا كعدو ندى خ نتريك حتى مامتعشيه
نور : لا مااكله اعتقد بليل لأن لكيت احد مااكل
علي : اخاف احد مااكل مو إله هيه
نور : مادري ولله هل راح اصعد إله
براء :لا عمتي ابقي اني اصعد إله
صكر : أشرت لبراء تجي
براء : ها صكر
صكر :خويه كليله من تنزل تغير تراكه
براء :اوكي هذا وين شايفه صعدتت إله فوك لكيته تتمغط گونايدن
ندى : گونايدن بيبي
براء : ديلا نزلي تريكي ترا منتظريج
ندى :اوكي بس اغسل وجهي
براء : وصكر يكول خ تغير تراكه
ندى : ليش شو بالعكس عريض
براء : اعتقد من يم صدر لأن عريض طالع كلشي
ندى : انجبي لج ادبسز
براء : عزززا هاي شنو ولج
ندى : شنو
براء :. دشوفي ع المرايه شنو ها الازرك بركبتج
ندى : نهضمت الله لا ينطيك صكر
براء : ديلا يمعوده ميخالف يبقى زوجج تحملي بعد
ندى : الله يعني خليت إله كريم راح شويعبش بقى أثر اوففف صكر لبست فستان تسعيني لون ازرق وشلت شعري بهمال ونزلت
صكر : جنت كاعد مقابيل درج وشفته من نزلته حوريه وتمشي بكل حالاته تخبل نوب شعرهه شايلته بهمال غير شكله مال اكل
ندى : صباح الخير باوعت ع صكر وخزرته
الكل : صباح النور
علوش : ولجج وينج مختفيه بس لا تستحين اطلعين
ندى : ع شنو استحي
علوش : اخاف ع امس الحفله استحيتي
ندى : لا لتخاف مااستحي
علوش : هوه اكول اخونه جعفر شلون يستحي
ندى : جعفر منو
علوش : انتي
ندى :. كل هل رقه والانوثه تكول جعفر
علوش :خايبه وين الرقه والانوثه غير هسه إذا نمد لسانج ابن ابو يكضه
ندى : من كال هيج كبل باوعت ع صكر شفته ابتسم الي ورفع حاجبي حسيت صرت حمره من الخجل يمممه عززا معقوله يسويه
علوش : اكلج صدك انتي ليش لابسه ازرك
ندى : اخاف ع نفسي لا تحسدني
علوش : خايبه عليمن اخسدج من حلاتج لابسه ازرك
ندى : اي لابسه لونك ياالازرك
نسر : لالالا قووويه ولك علوش اليوم ياهوه يكضك يقصفك
علوش : اي ولله الله ع ظالم
ندى : ههههههه يلا يلا مو عليك انته كيوت
صكر : احمممم
ندى : باوعت إله شفته يخزرني يمه اسم الله شكلت هسه
علي : راح يجي ابو مصطفى يرجع النه الخبر
ندى : اباوع ع نسر وبراء وجهم صار اصفر واحد يباوع ع ثاني لزمت أيدهه وكلت استهدي بالله ان شاء الله خير
براء : اخاف صدك خاطبني
ندى : اذكري الله عسى أن تكرهوا شيئا وهو خير لكم
براء : ونعم بالله
ندى : شفتهم بسرعه كاموا ونشر أشر لبراء همست إله روحي شوفي
براء :ها نسر
نسر : انطيني وعد حتى إذا جان رايدج ماتزوجينه وتبقين الي
براء : اوعدك مااخلي غيرك يلمسني وانته انطيني وعد تبقى تنتظرني
نسر : لحد الموت اني وياج ومايفرقنه شي بس اذا الله اخذ أمانته
براء : خليت راسي ع صدرهه وبجيت نسر ولله احبك
نسر : حظنته ببعد روح نسر مو اكثر مني
ملاك : شفت الي صار بين براء ونسر بقيت من وحدي ابجي كسرت خاطري براء شون تبجي بحركه وآله اخوي الي يكابر واني ادري بيه من جوه مكسور والخوف مااكل كلبه
نسر : اني رايح وان شاء الله خير ادعيلي
براء : الله وياك يرويحتي
نسر : اجه ابوهه هوه ومصطفى بدهه يحجي
عباس : انتم اجيتو طلبتوا بنتي براء ع سنه الله ورسوله لنسر ونعم منكم ومن اصلكم واني كلت اشوف عمه لأن جان أريدهه
نسر : من يكول هيج احس نار تتطلع من عيوني كبل صكر خله أيدهه ع ايدي وغمض عيونه معناها اهدى
الجد : اييي ونعم منكم عمي واحنه بعدنه ع طلبناه وان شاء الله ماترجعونه
عباس : لا حشاكم من ترجيع اني خابرت عمه وكال انطيه
نسر : بقيتت بس مبستم احس كلبي طارررر اباوع الهم كلهم يباوعلي ويضحكون همس علوش
علوش : بعد كلبك ماينسحل جبنه وصلت مسح
نسر : اموت ع ربك
علوش : خوش طفرت من رزاله
عباس : بس احنه رايدين منكم طلب
الجد : ابشر وانه ابوك
عباس : ونعم منك شيخ احنه نريد نطلب ايد محروستكم بنت ثامر زهراء لمصطفى ابني
صكر : بقينه واحد يباوع ع ثاني
الجد : ونعم منكم ومن ابنكم  نشوف ابوهه ونشوف البنيه ونرجع الكم خبر وان شاء الله خير
الكل : ان شاء الله
ندى : احنه جنه واكفين بالباب من كال هيج خالو اني كبل حظنت براء وبيبي بقت تهلهل بس صدمنه خالو من طلب ايد زهراء بقى الكل يباوع عليه وهيه طفرت ليفوك
ملاك : وولله حسيت بينهم شي
سرى : شلون
ملاك : ذاك اليوم بالمطبخ جان ينقل اكل وعينه ماطاحت منه وهيه تباوع وتبتسم ومن سألته كالت لا يتاهى الج
براء : ندى تعرفين
ندى : اييي ترا مصطفى يحبه واجه كبل خطبه مالعب عليه
براء : زين ليش مكتولي
ندى : مصار وقت اكولج واصلا اني هم تفاجأت من هسه خطبه مكلي
براء : خوونه صايرين تضمون عليه
ندى :. دنجبي هسه وخلينه بفرحتنه وراح يصبر عدنه عرس هلا هلا
علي : زين عباس هوه أركان مو جان يريد براء 
عباس : اي خويه من كتله كال اسأل الولد شو شويه وخابرني كال لا يريد ندى
صكر : احس عيوني طلعت من مكانه العفو منك عمي منو يريدها
علوش : خ تأكله صكوره
مصطفى : لعد هيه شعليه
علوش :. ماكو هيج شي بقانون صكر
مصطفى :خ يحجي وياهه وشوفي شسوي بيه
علوش : دسكت اسكت
عباس: عمي ابن خاله ليث بس كتله البنيه مخطوبه وراح تزوج ابن عمه شاله بخاطرهه أركان ليش مااكتولي وليش نور ماخابرتني وأخذت رائي غير ليث يريدها
صكر : هوه شنو الي يريدها غير اني ابن عمه
الجد : صكر بويه هدي
صكر : بقيت كاعد ع اعصابي
نسر : ماادام صكر يهز برجله معناها وصل مرحله من العصبيه
فهد : الله يستر منه هيه طيح برأسه المكروده
نسر : اي ولله صكوره مكروده
ندى : جنه كاعدين واجتي ملاك
ملاك : شو سمعت صكر عاط بس لا مااقبل ينطي زهراء
ندى : ليش ميقبل شناقصه مصطفى انتم متقبلون تنطون احنه هم منطيكم براء واني افسخ الخطوبه
سرى : دكولي يالله بسرعه حظرت الكليشه
براء : شو استقري خ نفهم
ندى : اي استقر ليش لا

الكاتبه : شونكم فرولاتي شخباركم هذا البارت واعذروني لأن البارحه ماانزلت بس جنت تعبانه ولله
ليش ماادخلتو الكروب للي سويناهه العدد كولش قليل
https://t.me/qlakall
هذا الرابط دخلو عليه وانتظركم فرولاتي انتم
وأريد تفاعل قوي ع قصه لأن صاير تفاعلكم مايسوي واهس للنشر
تصبحون على خير

‏عيناك بلائي وإبتلائي وانا المُتيم المبتلَي 🤍.