ندى لصكر

البارت 31

ندى : طلعنه من الإمام ورحنه للمكان الي متفقين نجتمع بي لكينه جدو وعمامي والشباب جاين
نسر : شنو سالفتجن هيج تاخرتن
ام صكر: جا يمه غير نزور
نسر : وهلكد تزورن
الجد : هسه عوفهن براحتهن
ندى : طبعا كاعدين باهي المكان الي تصير بين ضريحين وفوك سقيفه والجو يخبل
الجد: شوف صكر ونسر وعلي روحو جيبولنه اكل وهنا تتغدهه احسن من دوخة المطاعم هنا المكان حلو والهوه يرد روح
صكر : صار جدي يلا ولكم كدامي طبعا اني أجرت سيارة لمدة يومين
ندى : همست لعلوش بربك جيبلي بيتزا وياك
علوش : اجيبلج نعال
ندى : عابت نعال بحلكك صاح ع صكر وراحو اشوف علوش مدري شكال وصكر ضربه بسبحه اني من شفت صكر راح كبل شمرت هاي العبايه الوصخه اكو عائله كاعده يمنه نسوان3 وبنيه وحده ولد واحد اشوف الولد يباوع علينه ويرجع يحجي َيه أمه وأمه كالبه خلقته عاد مدري وين راحو اني كمت اصور الإمام من شكله من الخارج واني اصور امشي جان تلاكيت ويه هاي العائله عاد سمعت الولد كال يمه فدوه بس شوفيه شون تخبل جان أمه باوعت علي نوب رجعت باوعت عليه ولزمتني من أيدي
المرة: خايبه انتي لو عندي إله اكضنج واذبج واطمج
ندى :ياا خاله لويش شسويت
المرة: خايبه دميلي عني نوب تنعوص ملطخه ويهه (وجهه) بهل الحمر ولخضر ومخليه هاي عيون وعود اني حلوه عابت لهل ويه سودنت الولد
ندى : صدرك عصبتني ونص كلامه ماافهمته كتله العفو خاله اني اعرفج تعرفيني تكولين هيج كلام بععدين حتى مكدر اريد  عليج تبقين مرة جبيرة استأذن اني واسمعه تحجي وراي ثول يا عجوز نار رجعت يم البنات وسولفت الهن
براء :😂😂😂😂ياا شكو شسويتي
ندى : ونبي مااحجيت وياهه هيه من وحدهه طفرت عليه
سرى : غارت منج 😂
ندى : انجبي شويه واجو الولد جابو اكل وشفت وياهم البيتزا مالتي كلت شعجب جبتلي
علوش : مو اني هذا صكر وحصلت طكه ببسبج
ندى : ليش اني شكو
علوش :لأن عيني كلت عليج تريد ست صكوره سم الهاري اقصد بيتزا فاهو مااقبل وطكني.
ندى : واني هم اضربك ليش تكول عليه سهم الهاري بطنك يا حقير
علوش : صكوره الخبله
ندى : اكلنه وغسلنه ورحعنه للفندق اني كبل نمت لأن ميت نعاس مااكعدتت منا لليل طلع برا طبعا احنه حاحزين سويت كامل صار بوجهي صكر
صكر : صح نوم يأبه
ندى : تسلم اهلي وين
صكر : كاعد يتحظرون راح نطلع للسوك
ندى : صدوك لا خ اروح
صكر : رادتت تروح وسبحته من أيدهه ودخلت للغرفه وطبكته ورها الباب همست إله مشتاقلج
ندى : احس حتى نفسي راح من كال مشتاقلج باوعت عليه وبفهاوه كلت ها
صكر: اخخخ بويه كاتلتني ع الفهاوه
ندى : برطمت كتله كم مرة كتلك لا تكول فاهيه
صكر : شكله صار مغري كتله ولجج يضيم كلبي لا تسوين هيج اني منا محترك جد جدي
ندى : باوعت عليه وكتله ليش تكول ضيم كلبي شمسويه الك اني
صكر : مامسويه شي هيج من ربج سحبته وحظنته
ندى : ظربته ع صدرهه خنكتني يمعود
صكر : سحبت وجهه وبسته بكصته وكتله يلا تحظري
ندى : طلع وبقيت صافنه ومبتسمه افف شكد حلو هذا شعور نوب انتهبت وطفرت اتحظر لبست تنوره كلوش رصاصي وقميص اسود والياخة مالته لونه ابيض وترانشوز ابيض ورفعت شعري وطلعت اني خلصت
صكر : بويه خلي ع راسج حجاب
ندى : لا صكر فدوه مااعرف البسه
صكر : ميخالف شويه
ندى : مااحبيت اكسر بخاطره أخذت شال من ملاك لونه اسود يسمو شيلة من هاي الي الأطراف ماله يصير بيهن خرز ولفيته لفه حلو طلعت حلوه بي وطلعت الهم
صكر : من شفته ابتسمت إله هسه راح اكون مطمن
ندى : طلعنه وبقينه نفتر دخلنه للأسواق شفت تشيرتات مال شباب كلش حلوات رحت الهن
صكر : صرت ورها وكلت شتسوين هنا
ندى : عجبتني هاي تشيرت
صكر :. وشتردين بيه
ندى : لصوفي
صكر : اهااا 😒🤨
ندى : عفته ورحت اشتريت تشيرت ماروني كلش حلوه وطلعنه وصكر بس ينافخ ويتافئف
صكر : كلششش ضجت ولحد يسأل ع سبب( الكاتبة :  اصلا منو يتجراء يسأل براحتك انته شوكت ميعجبك احجي 🤐)
ندى : رهمت وياهه ساعه هم كلش حلوه واشتريت حجل الي والخالو ساعه ورحومه شيلة وعطر وموت خالو تراك ( لأن هيه هيج تلبس بيتهم حتى ماما😁)
صكر: شفت سوار يصيرين اثنين ومن تخليهن سوه يصيرن ع شكل قلب وبيهن مثل المغناطيس ينلزمن اشتريته وظميته بعدين البسه إله
ندى : خلصنه فره بسوك ورحنا نتعشى
براء : لبست بنطرون بيجي وقميص اسود وترانشوز بيجي وطلعنه بقينه نفتر بسوك كلساع اشوف نسر يباوعلي نوب رحت اشتريت تراك لصوفي وهمس الي
نسر: المن هذا
براء : لصوفي
نسر : يا هو هذا
براء : شبيك اخوي مصطفى
نسر: اهاا
براء : عفته واشتريت سوار كلش حلو ونازك
نسر : شفت محل ينحت ع الكلاده أسماء كتله يكتب اسمي واسمه عاد سواهه الي وظميته انطيه اله
براء : رحنه نتعشى وكل ماارفع عيني تجي بعين نسر خرب شلون حظ خلصنه اكل ورحعنه
ندى : بس رجعت نمت لأن جدو كال نطلع من وقت نروح النجف وهناك هم نبقى يوم كعدتتني ماما ب٦ الصبح كالت هم يلا كمت غسلت وبدلت لبست بينصل اسود وعليه حزام ذهبي
براء : لبست كيلوت اسود وقميص ابيض
ندى : خلصنه ونزلنه صارت كعدني بالكستور يم صكر
صكر : تعالي بويه
ندى : كعدتت بصفه وعود مستحيه وكذا
صكر :همست إله خلي راسج ع كتفي
ندى : ماكلت لا بقى يلعب بشعري وأيده ثانيه لازم ايدي منا من من نمت اي نمت وهاي اول مرة انام بسياره
صكر : اباوع عليه تخبل نوب الوجهه صافي والأسود يموت عليه من وصلنا هيه نايمه ع صدري بقيت اكعد بي
ندى : كعدتت ع صوت صكر وهوه يكول وصلنا رفعت راسي وآله اني بمنطقه كله قبور كلت هاي احنه وين
صكر : بنحف بوادي السلام نزور موتانه ونروح نزور الإمام
ندى : نزل صكر واباوع ع جدو راح يزور كلت للبنات وين راح جدو
سرى : راح يزور ابوهه
ندى : شكد اكو قبور كدام قبر ابو جدو عاد كتلهن ولكن شنو ابو جدو ااول واحد ميت شنو
البنات :😂😂😂😂😂
علوش : خايبه صكوره ناس من تجي هنا تكطع روحه اشو انتي تنصفين ومحد عاجبج
ندى : قابل اني شكلت اني الحقيقه
علوش : هاي الحقيقه وهوه يقلد عليه
ندى : شويه وصعدتت للسياره لأن ماتحمل هيج أجواء
صكر : شفته صعدتت رحت وكفت يم شباك كتله ها يضيم كلبي ليش ركبتي هنا
ندى : ماعجبني وختنكت
صكر : اي بويه عاد انتي مايعه ماتحميلن
ندى : هه متضحك😒
صكر :فدوه لهل عيون
ندى : ترا انته عيونك هم حلوه
صكر : بس مو بحلات عيونج
ندى؛: مااعرف منين اجتني القوة وكتله صكر انته تحبني؟؟؟

س/ شنو جواب صكر راح يكون لندى كولولي توقعاتكم بالتعليقات وإذا شفت الكل كتب راح انزل الكم بارت يلا فرولاتي😍❤️