عشقي للمغربية (مكتملة )

الحلقة ثلاتون ( النهاية )

بارت 105
ايام الزفاف اوس و المى
كانو مختلف النساء موزعين في الصالون المغربي و على راسهم سعيدة كيصايبو في الحلاوي المغربية كطقس من طقوس الزفاف المغربي .. حتى نزلات المى لابسة قفطان بيض بالسفيفة ديالو و طالقة شعرها على طولتو
المى : تبارك الله عليكم العيالات
سعيدة:اجي ديري ايديك
مشات المى و بدات كتعجن في كعب الغزال بايديها و كتشوف في الطريقة تاع عمتها و تقلد بحالها .. كانو جاو جميع العائلة مخلاو حتى شي واحد ما عرضو عليه ...حتى جات نجمة و ياسمين فرحانين بصاحبتهم و دارو حتى هما ايديهم
ياسمين : على افكار عندك االمى عرس خمس يام
المى كتعجن بايديها: باقي كنت غادي ندير تاع سبع ايام غار الله دار فيكم الخير
ياسمين : راه شريت ليك واحد الماسك سيري ديريه
نجمة :على اش كتهضرو
ياسمين : خاصك نحلق عليك نتي على الحالة دابا نتي زوينة و كتخسري راسك
نجمة: احب نفسي كما انا
المى : خليها غاما تبغي طهلا في راسها ..
ياسمين غنوض نشوف جايبين شي عيالات ايديرو الحلويات الجزائرية ..ناضت ياسمين و هي طلاقة مع علي و هضرات : صافي زيدو ندخلو العيالات
علي : هااهما جبتهم دخلو صايبو الحلاوي الجزائرية
كان غادي علي حتى سمع ياسمين قالت
ياسمين:اوووف ما عرفت علاش هذا العرس الجزائري
و هو يتلفت ليها علي هاز حاجبو : علااش كيف جاك العرس الجزائري
ياسمين :كلنا مغاربة علاش غنديرو عرس جزائري
علي : هذا الساعة نتي اللي مغربية و زاديون ثقافت الجزائريين حسن من ثقافة المغاربة
ياسمين حزمات على دراعها : نعم يا ابن عمي راك مغربي و خاصك تفتاخر بأصلنا فهمتي ( طلعاتو و هبطاتو ) اتريكة اتاي
مشات ياسمين مخلية علي مصدوم: مااال هادي حتى هي ؟؟
عيط اوس على المى اللي جاوبات بسرعة : الوووو
اوس : اش كاديري عروستي
المى ضحكات :نتاقلتي من عيوني لعروستي اش هذا العبث
اوس قاعد في الأوتيل: و نقولك حتى روحي شكون غادي يمنعني
المى : اممم حتى شي حاجة ( بتحذير ) اصكع لا تصدق واحل فية خاصك تفششني كل نهار اوكييي مني نتزوجو
اوس : نفششك و نفوتك لهيه
المى : سييير خاصني نطيب
قطعات المى على اوس و هي تبتاسم بفرح و اخيرا غادي تجتامع بحب قلبها و تزوج بيه .. دخلات للحفلة لقاتهم كيصايبو في الحلاوي الجزائرية من الزلابية للمقروض لبقلاوة كلهم حلويات جزائرية ... بداو الطبالات كيضربو على الطعارج و البندير و كيغنيو من الثرات المغربي و الجزائري ...سالات الحفلة و حطو العشاء عبارة على اللحم بالبرقوق و هاكا سالة اول نهار في العرس....
في النهار الثاني ....
مع ديك العشرة .. تجمعو عائلة العريس و العروسة... وحطو ليهم هربل سخون في قسريات مع العسل و الزبدة و السمن سخااان ... فطر جميع الحضور .. و هي تنوض المى لابسة بيجامة في الابيض قعدوها في الوسط و بداو كيدهنو ليها مها و خوالاتها الحناء على شعرها و ماء زهر على وجهها و شي عشوب على شعرها و دارو ليها البيض و دهنوه ليها بشعرها ...و ناضت المى دارت زيف حياتي على راسها و لبسات جلابة في الابيض و بقاو غادين بيها للحمام على رجليهم و هما كيغنيو اغاني شعبية
بارت 106
النساء : يااااماااا و يانا ياانااا يااااماااا و يانااا ياانااا يااااماااا و ياناا ياااناااا ياااماااا و يانا يانا ديتووو ولاد الخالة يا انااا و طويل و مسلس ياااانا و طويل و مسلس ياااامااا و طويل و مسلس يااامااا خلى قلبي يرقص يااا اناااا ياااا انااا ياااا انااا يااا انااا يااا اناا ياا اانااا يااا انااا يااا اناا ياا انااا سيدهم ولاد الخالة .. ياااا امااا وقصير و مدحدح ياا امااا وقصير و مدحدح يااا اما و قصير و مدحدح فين نرضي يا انا .يا انا يااا انااا ياا انااا يااا انااا ياا انااا ياا اناا يااا انااا ياا اناا ياا اناا سيتهم ولاد الخالة
كانو كيغنيو الثرات الجزائري مع الزغاريت تاع العيالات شوية نتاقلو للثرات المغربي
العيالات : صلى و السلاااااام على رسول الله الله جااا لسيدنا محمد الله مع الجام عليه يووووييوووووييووووي و انااا مفنية بالغرام سولت عليك الحرام الاي لي ياا لالة ايااا سيدي يااا بوغرام الايلي يااا بوغرام سولت عليك ياا بو حرام الايلي يا لالة و ياااا سيدي يااا بوحرااام و صبااح الخير عليكم و مساااء الخير عليكم و يااااليلي يااا لالة و اسيدي يااا بوغرام
بقاااو كيغنيو حتى وصلو للعروسة للحمام ..و هي تدخل المى معاها ياسمين و نجمة و مها سعيدة و خولاتها اما عماتها غار كضورو في عينيها محاملينهاش تزوج .. بداااو كيغسلو ليها وحكو ليها مزيان و بقاو عليها بليماسك حتى تنقات مزيان مزينين الحمام اللي خاوي كراوه ليهم بالشمع و مرشوش عليه الملحة ...
سالات المى التدواش معاها البنات .و هما ينوضوا رجعو للدار مسخسخين عيانين
نجمة :مغادي يسالي هذا العرس حتى نموتو
المى :واااايه
ياسمين :انا بعدة عييت
داااز هذاك النهار مزيان ..و هو يجي اليوم الموالي فيه الهدية
كان اوس كيشوف موكب الهدية و معاه الطبالة و الغياطة ...كانو الطيافر محطوطين بشلة هدية من دبالج لتكاشط لقفاطن لبيجامات لذهب لمكياج لشكلاط لحلويات كان منوع داكشي و غير الفريع ... بقاو غادي بالموكب حتال دار العروسة اللي غير سمعو صوت الغناء و هما يخرجو كيغنيو و يشطحو قدام باب الدار و هي تطل المى بان ليها داكشي زوين و اصلا ثايقة في دوق راجلها
واحد بنت عمتها مسمومة : ايوى همزة جبتي
المى خمسات ليها في عينيها و هو ينزل كلشي كيشطح مع الهدية و كيغنيو مع النواقس و البندير و الطعارج...دخلو العيالات الهدية حتال بيت المى و هي تخرج كلشي مع الدار عامرة و بقات غير نجمة و ياسمين كيشوفو في داكشي
ياسمين : الله يعطيه الصحة
نجمة : هادشي زييين
المى شافت لي شوميز دونوي و هي تزنك : شوفو هانتوما مكيحشمش
ياسمين : مالك بغيتيه في ليلة العرس يصلي بيك الصبح ( و هما يتفرغعو بالضحك )
المى بخوف :هانتي قولي لي كيداير داكشي
ياسمين : اشمن شي ؟؟
المى : بفففف الحلوة اصاحبتي
ياسمين بتوتر مالها دايقاها : هانتي كيبوس ليك راسك و كتنعسو صافي
المى:كضحكي علية ياااك
نجمة بغات تبدل الموضوع: واااو عجبني هاذ القفطان
المى نسات : اه زوين عندك الحق
تلفتات نجمة عند ياسمين بانت ليها حزينة و هي تنهد بحزن ...
بارت 107
في الصباح اليوم الاخر
كانو كيوجدو الصالون لحنة المى و في الفندق كيوجدو صالون اخور لحنة العريس بحسب التقاليد الجزائرية
سعيدة : قاد هاديك مزيان ( كتوجه هضرتها للمعلم باش يصايب واحد الزربية في الاخضر تلسق مع الحيط...سالاو التجهيزات ..و هي تنزل المى بتكشيطة في الاخضر قعدات في سداري و بدا كيدهنو ليها ايديها بماء زهر من بعد نقشو ليها ايديها ورجليها و نقاشات لاخرين كينقشو لضياف و الطبالات كيضربو و يغينو اغنية صفاء و هناء على ليلة الحناء : يااالاا يااا البنات قولو لجيرانا يجيبو الزغراتات الليلة ليلة الحناء ...يالا يا البنات قولو لجيرانا نجيبو الزغراتات الليلة ليلة الحناء حبيبي غدااا يجيب لي هدية دفوووع بعيساوة و الدقايقية حبيبي غدا يجيب لي هدية دفوع بعيساوة و الدقايقية و كلشي يفرح معاية و انا في العمارية و كلشي يفرح معاية و انا في العمارية ..
بقاات النقاشة كتحني للعروسة و هي فرحانة طايح عليها السر... اما عند اوس فكان في الوسط و الدراري علي و ركن الدين كيضحكو عليه
علي : ناري الصقر كيعرس عمرها كانت في البال
ركن :ما درناها حتى انا وياك اللي كان كيبان فينا الضوء
علي : ناري هاذي لحضة تاريخية و تسيق نزهة لخبار ما عرفت اش دير
ركن الدين؛مقودينها معاها نتوما
كان اوس قاعد في الوسط مطلوق الطرب الاندلسي .. حتى جات واحد السيدة كبيرة هي اللي كانت معلمة اوس في التجنيد العسكري كان كيحتارمها بزاااف و ختراها تنوب ليه على مو اللي عارفها تموت و ماتخليه يتزوج مغربية...شدات المرأة الحنة و دارتها في الاصبع الوسطاني تاع اوس غير شوية هادو عادات الجزائرية و هما يتفرغعو الدراري بالضحك و هو جامع ليهم
ركن الدين : ناااري الحنة المسخوط
علي كيضحك : اوس دار الحنة
سالات الحفلة و هو يمشي اوس كيجري لعندهم و هما كيضحكو و هجار حتى هي كضحك كانت واقفة على جميع امور العرس ...
اوس شد ركن الدين:القلاوي علاش كضحكو
علي : ماتحاولش دير لية فاك صبعك فيه الحناء ههههههه
ركن الدين كيحاول يفلت منهم : رااااه بزاااف اصاحبي درتي الحناااء ههههه الحب و ما يدير ...
عند نزهة
كانت قاعدة حتى وصلوها شي تصاور من ليلة الحناء تاع اوس و هي تعيط معصبة
نزهة : اشنو هادشي مفهمتش ؟؟
الجاسوس : سي اوس داير العرس اليوم و من مغربية راه صيفط ليك تصاورها
نزهة معصبة كترعد : ولدي معرس ياااك و بمغربية و من الفوق مقايلهاش لية ( بشررر ) كلشي بسباب هاديك اللي باغي يتزوج بيها هانتا غادي نكلفك بواحد المهمة ( بقاااات نزهة كتقول الجاسوس لي في خدمتها شنو يدير و الشيطان مقنت و كيسمع و ضارو راسو على اش غادي دير نزهة لالمى ...
*********
جاية من فرنسا .. غادة بكل ثقة جارين بعض العمال لي فاليز ديالها.. هي دابا متواجدة في وهران الجزائر في المحمية تاع الصقر باش تندمو على النهار اللي فكر يقتل باها ...
خرجات من المطار و هي تلقا الشيفور كيتسناها ركبات و هما حطو لي فاليز ديالها و تحركات باش تمشي لشي اوطيل و تفكر في الخطة ديالها للانتقام
بارت 108
يوم الزفاف الكبير....
يوم فاش غادي يتجمعو كل من اوس و المى ...كانت قاعدة فوق من الطبلة و حداها اوس و علي و ياسمين و العدول
العدول :انسة المى واش تقبلي تزوجي باوس و تكونو مع بعضياتكم في السراء و الضراء
المى بخجل : موافقة
العدول : اوس العمراني واش تقبل تزوج بالمى و تكونو مع بعضياتكم في السراء و الضراء
اوس :موااافق
العدول: ونتي اانسة اياسمين شاهدة على الزواج
ياسمين : شاهدة
العدول:ونتا اسي علي شاهد على هذا الزواج
علي : شاهد
العدول: كنعلنكم زوج و زوجة ..
ناضت المى و اوس ..و هو يبوس اوس في راس المى و همس ليها:كنبغيك
المى : حتا انا كنبغيك
مشات المى لعند الكوافورة باش توجد للعرس و اوس ساهي فيها حتا زعزعو ركن الدين
ركن : فين اصاحبي مشيتي
اوس : سوووقك
علي : غييير خليه هذاك طاح على زنافرو دقة وحدة
اوس : ديوها شوية في عيالاتكم
ركن :انا سليباتير
علي توتر مع خلا صوفيا في الفندق قالت ليه ما فية ما نحضر لشي حفلة و خلاها على خاطرها ... اما اوس مشا لبس الجلباب الجزائري و هو مقاد التحسينة و مشا قعد في بلاصتو في القاعة... كانت القاعة كبيرة و الضواو في كل مكان و بنادم كيشطح و يرقص على اغاني تاع الصنهاجي ... حتا جات المى باول لبسة جزائرية و هي الجبة القبائلية مع مكياج ثقيل .. سها فيها اوس حيتاش عيونو بالباس التقليدي الجزائري .. قعدات حداه و هي حشمانة و هو يقرب ليها و نطق
اوس : جيتي زوينة
المى بخجل:حتا نتا
اوس شد ايديها ما بقا غاع بغا يطلقها ... و الشعبي خدام هاك بالاك و ياسمين كتشطح و علي كيشوف فيها مع كتقلي ليه السم بسباب اخر محادثة بيناتهم ...
كانت نجمة داخلة بلا نضاضر حتى بغات طيح و هو يشدها ركن الدين
ركن : صافا
نجمة جبدات نضاضرها و دراتهم و هو يضحك :عودي دييريي عينيك
نجمة مرضاتش : ماشي سوقك فية
و هي تمشي معصبة لطبلة مخلياه قارن حجبانو بعصبية قعدات حدا ياسمين اللي سخفانة من الشطيح كتنش على راسها
ياسمين : امالك
نجمة : واللووو غار تلاقيت مع واحد الحمار
ياسمين : امممم ( و هي تشوف في علي كيشوف فيها و خنزرات فيه )
**********
عند صوفيا
بدا كيجيها الوجع و هي تلبس عليها الكاب و نزلات للتحت شدات طاكسي لأقرب مستشفى كي نزلات تحلات السقاية و هما يجيو كيجريو هزوها ..و داوها دخلوها لغرفة العمليات بدات كتغوت ربي للي خلقها و هي كتولد الولد
الطبيبة:زحمي زحمي
بدااات كتزحم صوفيا و تغوت حتى ولداتو و هي ترتاح و تلاحت مرتاحة .. حطو ليها الولد في كرشها بعدما غسلوه و هي تبدا تبكي : سمح لية اولدي و لكن ماماك بغات تعيش حياتها غنخليك و نمشي ...
بارت 109 الجزء الاخير من الموسم الاول
بقات المى كتنوع بين اللباس التقليدي الجزائري من قفطانهم للبرنوس و اللباس المغربي من التكاشط و القفاطن تاع مختلف المناطق المغربية و لبسات حتى اللباس تاع الشلوح ... و هما يغنيو بزاف تاع المغنيين منهم الصنهاجي و إكرام العبدية و جاو سلمى رشيد و موك صايب غناو ma gazelle و هما يتفكرو لحضاتهم مع بعضياتهم في فرنسا ... حتا ناضت ياسمين و هي تغني الداني و ديتو تاع صفاء و هنااء كهدية ليهم
ياسمين:مغلقاش شي هدية حسن من هادي للعرسان
ياسمين غنات بصوت زوين : وخا نعيا ما نوصف ما نقدر حقو نوفيه
ناري شخصيتو تخطف وبسرعة تتعلق بيه
راجل ماكين بحالو فالقمة الصف الأول
ما عندي مانتسالو قالشدة عليه نعول

وخا نَعْيَا مَا نُوصِفُ مَا نُقَدِّرُ حَقْوَ نُوفِيهُ
نَارِيَّ شخصيتو تَخَطُّفَ وَبِسَرِعَةٍ تَتَعَلَّقُ بيه
رَاجِلَ ماكين بحالو فَالْقِمَّةَ الصَّفَّ الأول
مَا عِنْدَِي مانتسالو قالشدة عَلَيه نَعُولُ

داني ديتو والله ما خليتو
ديتو داني والله ما خلاني
داني داني ديتو والله ما خليتو
بغيتو بغاني راه هو زماني

مرة مرة يتعصب ودمه سخون وحامي
أنا كنت عليك نقلب أنت فارس أحلامي
وخا ماشي رومانسي كيف ما هو عاجبني
المهم يغير عليا محتار مني وفاهمني
.. كمل العرس على الاغاني الشعبية و سير و خليك و عيط و جبد... حتى لبسات المى الكسوة البيضة و بدأت كترمي على الناس بالحلوة و اوس فرحان ...حتى كيتموا جايين البوليس و هما يبينو واحد الورقة
البوليسي : عندنا امر بالقاء القبض عليك اسي اوس العمراني
المى تصدمات و كلشي تصدم من الحضور و هي تحبس الموسيقى ..حتى خاد اوس الورقة و هو يقراها ..و مشا عند المى باس ليها راسها : تسانيني في دار وليديك اوكي الليلة غادي نجي ناخدك
المى بخوف : علاااش بغااوك
اوس : غيير شي حاجة غبية
مشا معاهم اوس و هي بقات كترعد خيفانة .. تفرتكااات الجقلة اللي عندو شي دار مشا ليها ..
دخلات المى للغرفة تاع التبديل و هي تلاقا مع مها
المى : ماما
سعيدة:دابا يرجع ليك راجلك معندك مناش تخافي اللي نوصيك عليك هو جمعي راسك و كوني قوية ( كتحس بحالة عمرها غادي تشوفها و هي تبكي )بنتي غتكون قوية بلا بينا انا و باها
المى عنقاتها : اش هذا الهضرة كتقولي امي منيتك باقي غادي تشوفوا ولاد ولادي
سعيدة :المهم انا وصيتك تهلاي في راسك اوكي غادي نمشيو انا و باك نسبقوك للدار صافي
مشات سعيدة مع حميد و هي تمشي كتجري المى عنقاتهم و كأنه اخر لقاء ... ساق حميد متوجه للدار... اما المى بدلات حوايجها لجلابة معاها ياسمين
ياسمين : عرس زين هذا
المى : غييير العين حتى سالة دغيا اصلا شبعت براكة علية و راه واعدني اوس باللي راه راجع غنمشي نتسناه في الدار
ياسمين :ووصليني معاك
المى : وخااا
ركبات المى و ياسمين اللور سايق بيهم الشيفور .. حتى وصلاتها المى للدار...
ياسمين طلعات للدار لي غير حلاتها تصدمات صدمة العمر و هي تغوت : عاااااااااا
******
اما عند اوس فدخل لمركز الشرطة و هو كيتسنى في واحد البيرو كولو اسود باش يتم استجوابو ..
غادي كيتمشى كيتعنغر في الكوميسارية واللي شافو كيحني ليه راسو باحترام حتى وصل لبيرو ديالو و هو يطل عليه من الزجاج كيبان ليه اوس كيتسنى و غاما مخلوع و هو يضحك بجنب و مشا فحالو ...
*****
عند علي
كان بغا يمشي مع خوه ساعة جاه اتصال من الفندق و مشا ليه خاصة مني قالو ليه من عند صوفيا ..دخل لابارطمون و هو يسمع صوت شي دري كيبكي و مني وصل ليه ماعرفوش منين جا حتى جبد الرسالة و هو يقراها
صوفيا :خليت ليك ولدي طهلا فيه عفاااك منقدش نكون ام ليه
علي طلق الرسالة مصدوم كيفاش صوفيا تخلات على ولدهم و هو يتعصب و اللي لقاها قدامو كيهرسها و الدري زاد تخلع كيبكي و هو يهز علي الولد في لاول وحل معاه في الهزان و لكن من بعد عرف كيفاش يراري بيه و سكت من البكاء و هو يهزو و كيتنهد كيفاش غادي يتعامل مع ولد صغير
********
وصلات المى لدارهم و كي خرجات بانت ليها الدار كتحرق شهقات بخوف مني تفكرات ان مها و باها في الداخل و هي تبدا كتبكي و ترعد و تغوت :بااااااااباااااااااااا مااااااااامااااااااا
حتى كانت بغات تدخل و هي تشدها واحد الايد زيرات عليها و مخلاتهاش تدخل للعافية و المى كتبكي على حر جهدها : مااااامااااااا بااااااابااااااا
نهاية الموسم الاول