လင်းမိုကပြောရင်း လီချန်းယုံကို ဆွဲထူလေသည်။
လီချန်းယုံက လင်းမို၏လက်ကို ပျင်းတိပျင်းရဲဖြင့် ဆွဲကာ မထချင်ထချင်ဖြင့် ထလာလေသည်။ သူ၏ နှုတ်ခမ်းလွှာက အနည်းငယ် စူပုပ်နေသည်။
"ပူတယ်''
လက်နှစ်ဖက်ကို ယပ်တောင်သဖွယ်ခပ်ကာ လီချန်းယုံပူအိုက်နေမှုတို့ သက်သာရန်ကြိုးပမ်းနေလေသည်။
လင်းမိုက လီချန်းယုံ၏ အနားသို့ ထိုင်ချလိုက်ကာ ပြောလိုက်သည်။
"ပူရင်ချွတ်လိုက်! အပေါ်ကဝတ်ရုံကြီး''
လင်းမိုက လက်ကိုကမ်းကာ လီချန်းယုံ၏ အပေါ်ထပ်က ဝတ်ရုံကိုချွတ်ရာတွင် ကူညီလိုက်သည်။
ဝတ်ရုံထူကြီးကိုချွတ်ပြီးသည့်နောက်တွင် လီချန်းယုံသည် ကျေနပ်ဟန်မရှိဘဲ နောက်ထပ်လက်ကျန်ဝတ်ရုံကိုပါချွတ်ရန်ကြံနေသည်။
"အားယုံလေး! ဘာတွေကြံစည်နေတာလဲ''
လင်းမိုက လီချန်းယုံ၏ ဖရိုဖရဲဝတ်ရုံတို့နှင့် အနေအထားကို မကောင်းဆိုးဝါးဆန်ဆန်ကြည့်၍ မေးလိုက်လေသည်။
လင်းမို၏ အကြည့်တို့ကြောင့် လီချန်းယုံ ကျောချမ်းသွားသည်။
"လာကြည့်မနေနဲ့! ရေထဲဆင်းမလို့''
လီချန်းယုံက တသွင်သွင်စီးနေသော အေးမြကြည်လင်နေသည့် စမ်းချောင်းရေကိုကြည့်ကာ ပြောလေသည်။
လင်းမိုတစ်ယောက်မှာသာ ဝံပုလွေဖြူလေး၏ မဟာအကြံအစည်ကြီးကိုသြချမိသွားသည်။
"မကြည့်နဲ့! ဟိုဘက်လှည့်''
လီချန်းယုံက သူ၏ လက်ကျန်ဝတ်ရုံကို မချွတ်မီ လင်းမိုကို လှည့်၍ ပြောလိုက်သည်။
လင်းမိုကမူ လီချန်းယုံအား သူမမြင်ဖူးသည့် ခန္ဓာကိုယ် အစိတ်အပိုင်းမရှိကြောင်း ရှင်းပြချင်မိသွားသည်။
".....''
လီချန်းယုံကလည်း လင်းမိုကို သည်အတိုင်း ဟိုဘက်လှည့်ဟုသာ ပြောလိုက်သော်လည်း သူသည် လင်းမိုတကယ်လှည့်မလှည့် များစွာ ဂရုမစိုက်ချေ။
ŞİMDİ OKUDUĞUN
The True Conqueror [Complete]
Tarihi KurguTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...
Extra (Day 6)
En başından başla