Unicode
ရှန်နန်းတော် အိမ်ရှေ့စံ၏ နန်းဆောင်
လင်းမိုနှင့် လီချန်းယုံတို့ ပြန်ရောက်နေသည်မှာ ရက်ပိုင်းခန့် ရှိပြီ ဖြစ်သည်။ လီချန်းယုံသည် ခရီးရှည်ကြီးကြောင့် နန်းတွင်းအမှုကိစ္စတို့တွင် လစ်ဟင်းနေခဲ့ရာ သူအပြန်လာတွင်များပြားစွာသော သဝဏ်လွှာတို့က စောင့်ကြိုနေသည်။
"နှစ်ကုန်ခါနီးဖြစ်၍ ကောက်ခံရမည့် အခွန်များ...''
"နှစ်သစ်ကို ကြိုဆိုမည့် ပွဲတော်စီစဉ်ရေး...''
အစရှိသည့် အကြောင်းအရာတို့ ရေးသားထားလေသည်။ လီချန်းယုံမှာ တောင်လိုပုံနေသော သဝဏ်လွှာတို့ကို တစ်စောင်ချင်း ဖတ်ရှုရလေသည်။ နောက်နေ့ ညီလာခံတွင် သူအမိန့်ချရမည် ဖြစ်သည်။သူအလုပ်များနေချိန်တွင် တောင်ပိုင်းဘုရင်ကြီးမှာ အေးအေးသာသာ နှင့် အိပ်ယာတွင် လဲလျောင်းပြီး စာအုပ်တစ်အုပ်ဖတ်ရှုနေလေသည်။ လင်းမို ပြန်ရောက်ကတည်းက လီချန်းယုံ နှင့် စကား သိပ်မပြောပေ။
အရင်ကဆို လီချန်းယုံ နား တွင်အမြဲ ကပ်တွယ်နေပြီး မခံချင်အောင် စနောက်တတ်သောသူက ယခုရက်ပိုင်း ထူးခြားစွာ တည်ငြိမ်နေသည်။ တစ်နေကုန် စာအုပ်တစ်အုပ်ပြီး တစ်အုပ် အာရုံဝင်စားစွာ ဖတ်ရှုနေလေသည်။ ထိုစာအုပ်များက တောင်ပိုင်းမှ လင်းမို မှာယူထားခြင်းဖြစ်သည်။ တောင်ပိုင်းဘာသာစကားကို မဖတ်တတ်သည့်အတွက် လီချန်းယုံလည်း ထိုစာအုပ်များကို ဖွင့်မကြည့်ပေ။
"လင်းမို...''
လီချန်းယုံက သဝဏ်လွှာကိုချပြီး လှမ်းခေါ်သည်။"....''
လင်းမိုကပြန်မထူးပဲ ဘာလဲ ဟူသော အမူအရာဖြင့် မျက်ခုံးပင့်ပြသည်။".....''
လီချန်းယုံ စိတ်တိုသွားသည်။ သူ ဘာကို စိတ်တိုသွားမှန်းမသိပေမယ့် တစ်ခုခုကို အလိုမကျသလို အခဲမကြေသလို ဖြစ်နေသည်။သူက လင်းမိုကို ဘာမှမပြောပေ။ သဝဏ်လွှာတစ်စောင် ပြန်ဖတ်နေလိုက်သည်။ခဏကြာသည်အထိ...
လင်းမိုဆီက အသံထွက်မလာပေ။ လီချန်းယုံမော့ကြည့်တော့ သူက စာအုပ်သဲကြီးမဲကြီး ပြန်ဖတ်နေသည်ကို တွေ့ရပြန်သည်။
YOU ARE READING
The True Conqueror [Complete]
Historical FictionTitle - The True Conqueror (အောင်နိုင်သူအရှင်) တောင်ပိုင်ဘုရင်ကြီးလင်းမိုနှင့် မြောက်ပိုင်းအိမ်ရှေ့စံ လီချန်းယုံတို့၏ ကြည်နူးဖွယ် ဒဏ္ဍာရီတစ်ပုဒ်... Name - The True Conqueror (ေအာင္နိုင္သူအရွင္) ေတာင္ပိုင္ဘုရင္ႀကီးလင္းမိုႏွင့္ ေျမာက္ပိုင္းအိမ္ေရွ႕စံ...