ဟုန်လေ့က အနည်းငယ် တွန့်ဆုတ်ဟန်ဖြင့် ရှိပေမယ့် ရှေ့ကလူကို ယုံကြည်လို့ရတယ်လို့ ခံစားမိတာကြောင့်
"အဲ့ဒီ လုပ်လတ်စဆိုတဲ့ project တွေ အားလုံးကို ကျနော်ကြည့်ပြီးပြီ ။ တစ်ခုနဲ့ တခုက ချိတ်ဆက်နေတယ် ။ ပြီးတော့ သူတို့က တန့်နေတာ လုံးဝမဟုတ်နိုင်ဘူး။ တရှိန်ထိုးထွက်လာဖို့ အုတ်မြစ်ကို ခိုင်အောင် တည်ဆောက်နေတာလို့ ကျနော်မြင်တယ်။ အချိန်တော့ နည်းနည်းပေးရလိမ့်မယ်"
ငါဘာလို့ ဒီလူကို ဒီအချက်အလက်တွေ ပြောပြနေမိတာလဲ။ ဒီလူက ငါ့ဦးနှောက်ဖောက်စားသွားရင် ဘယ်လိုလုပ်မလဲ။ ဒီမျက်လုံးတွေကရော ဘာလို့ အရောင်တွေ တဖြတ်ဖြတ်တောက်နေရတာလဲ။
"လူတိုင်း လူတိုင်းက Devilish က Project တွေက မအောင်မြင်လာဘူးလို့ ထင်နေကြတာကို မင်းက ဘာလို့ အကောင်းမြင်နေရတာလဲ"
"Devilish က Project တွေက မအောင်မြင်နိုင်တာမျိုး မဟုတ်ဖူး။ အလှမ်းဝေးလွန်းလို့သာ လူတွေက မဖြစ်နိုင်ဘူးထင်ပြီး အထင်မကြီးကြတာပါ။ ဒါပေမယ့် သူတို့ တကယ်သာ လိုအပ်နေတဲ့ Resources တွေရရင် အချိန်အနည်းငယ်အတွင်း မထင်မှတ်စရာကောင်းလောက်အောင် ထိပ်ဆုံးထိ ရောက်မယ်လို့ ကျနော် ခန့်မှန်းတယ်။ ကျနော့် မေဂျာက Advanced physics မို့ နည်းပညာနဲ့ ပက်သက်ပြီး နည်းနည်းသိတယ်။ သူတို့ projectsတွေက မဖြစ်နိုင်ဘူးဆိုတာ မရှိဘူး။ မဖြစ်သေးတာပဲ ဖြစ်နိုင်တယ်"
ဟုတ်တယ် သူ့ရဲ့ အရင်ကမ္ဘာက အသိတွေအရ ဒါတွေက သူလုပ်ခဲ့တာတွေ။ ချက်ချင်းလက်ငင်း ထပြီး အောင်မြင်သွားလို့။ သူတောင် အိမ်တဆောင် မီးတပြောင်နဲ့ နေနိုင်ခဲ့တယ်လေ။ ဒါတောင် အောင်မြင်ခါစလေးမှာတင် ကားတိုက်သေခဲ့လို့ မဟုတ်ရင် ဒီ့ထက် ဇိမ်နဲ့ နေရတော့မှာ..။
ထိုလူက ထိုင်ရာအကောင်းကို ဝုန်းကခနဲ ထလာက သူ့ကို ပြေးဖက်သည်။ ခုံကလည်း နောက်ပြန်လန်ကာ လဲကျသွားသည်မို့ ရုန်းရင်းဆန်ခတ် အနည်းငယ် ဖြစ်သွားသည်။
ဟ .. ဘာ ထဖြစ်တာလဲ။
ဟုန်လေ့ခဗျာ ရုတ်တရက်မို့ မရှောင်လိုက်နိုင် အတူလဲကျသွားသည်။
"အာ ဆောရီး ငါအရမ်း စိတ်လှုပ်ရှားသွားလို့။ မင်းနာမည် ဘယ်လိုခေါ်လဲ ငါ့နာမည် ရန်ကျင့် (Yang Jing) ငါမင်းကို လိုက်ပြစရာရှိတယ်။ ထ သွားစို့ "
YOU ARE READING
The Stranger I love (System)
General Fictionလမ်းမကြီးပေါ်မှာ ကောင်လေးတယောက်က သွေအိုင်ထဲလဲနေသော အသက်မဲ့နေသောခန္ဓာကိုယ်ကို ထွေးပိုက်လျှက် သွေးရူးသွေးတန်းအော်ဟစ်နေသည် ... Qing Yan: "ဖေးရဲ့ မင်းထပါဦး .. ဖေးရဲ့ သတိထားပါဦး မင်း အရမ်းရက်စက်တာပဲ .. ပြောတော့ ငါ့ကို မင်းရဲ့အချိန်တွေ ပေးမယ်ဆို .. ဒီ...
Arc 1.5
Start from the beginning
