#جبروت السنين
الكاتبة :Sarah
البارت الاخير
لماذا أراك على كل شيءٍ
كأنكِ في الأرضِ كل البشر
كأنك دربٌ بغير انتهاءٍ
وأني خلقت لهذا السفر..
إذا كنت أهرب منكِ .. إليكِ
فقولي بربكِ.. أين المفر؟!
بقيت فكرة توديني وفكرة تجيبني
لحد منزل جسور رحت كعدت يمة
انتبهت ع بنت خالته عذراء اكلتة اكل بعيونها مانزلت عينها منة
كالت عذراء :جسور بلا زحمة عليك اريدك توديني لبيتنا اجيب ملابسي مناك نسيتهم
جسور : شنو راح اضلين يمنة
عذراء :ايي ابقى اكضي رمضان هنا علمود خالتي خطية
جسور :يلا كومي
عذراء :ايي عيني
طلع وهي طلعت وراه تركض واني كوة لازمة روحي ماانفجر بيهم شطت فكرت عذراء مو مرة قنبله وتطك بالكاع تغرري بقيت كاعدة انتضرهم ع اعصابي. واكل باضافيري احس الدقيقه ساعة من تمر ربع ساعة ونفتح الباب ودخلو وبيدها ملابسها
كالت عمتي: روحي اخذي غرفه مها يمة بعد كلبي التجي يم خالتها
وهي كاضيتها توزع ابتسامات
صار الفطور فطرو وراحو كلهم بقت بس عذراء
خلصت الاماعين ورحت للهول كاعدة هي وجسور ويوسف ومها
رحت كعدت يم جسور
هي كالت :شنو رأيكم نبقى كاعدين للسحور هاا جسور شتكول
جسور سكت ماحجة
كتلها :لا جسور نعسان يريد ينام
ردت : وانتي منو يمج ليش تحجين عنة خليه هو يحجي
نترت :شنو شعلية غير مرتـ
قاطعني جسور وكال : نبقى كاعدين شورانة
عذراء باوعتلي وغمزتلي بحقارة
نار وشبت بيه فارر دمي
كام جسور
كالتله عذراء :ها وين رايح
جسور :هسا اجي بس اجيب جكايري
صعد
كمت صعدت وراه بسرعة دخلت وقفلت الباب
ووكفت كدامة
باوعلي بأستغراب وكال :شبيج فتحي الباب
حور :ماافتحة زين "نترت"
بقة يباوعلي رجعت حجيت :ماتنزل وماتبقة كاعد للسحور
جسور :بطلي هاي سوالفج وفتحي الباب
حور :ماافتحة والله
جسور :حوررر افتحي الباب "نتر"
حور :وداعتك ماتنزل شنو مجنونة واخليك يمهن الا انجنيت
اخذ المفتاح من ايدي وكال :بكيفي
رجع ضحك احر ماعندي ابرد ماعندة
كال :بابا بطلي غيرة عيب
وعافني ونزل تخبلت كمت اروح واجي بالغرفة وحصرتني البجية اسمع صوت ضحكهم جوا صرت نار بودي انزل املخهم بسنوني اخير شي ماتحملت صحت مها
شافتني وضحكت كالت :ولج شبيج وجهج احمر
حور :اخووججج خبلني وهاي عذراء ليش هيج تباوعلة
كالت مها :تردين الصدك ترا عذراء حاطة عينها ع جسور
حور :لااااا
دريت دريت بيها اكلته بعيونها هسا شلون شسوي
بقيت اروح واجي واكل باظافيري اجتي خطة صهيونيه ابالي لمعت عيوني بفرح اني اعلمك جسور والله لجننك كلت لمها :روحي كوليلة حور تخربطت
مها :شبيج متخربطة مو هياتج مبيج شي
حور: انتي بس كليله شبيج فدوا لكلبج مهووش الغاليه عفية عفية
مها :كافي لواكة هسا ح اكولة بس اذا صعد وشافج مبيج شي
غير يموتنا
حور :هاي اذا خليتة ينزل بعد دروحي بسرعة
مها:امري لله رايحة اكولة
أنت تقرأ
جبروت السنين
ChickLitها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
