جبروت السنين

البارت الثاني

#جبروت السنين
الكاتبة :Sarah
البارت الثاني

مو كلمن ضحكَ تحكم عليـه مرتاح
نوبـات البشر يضحك غـصب عنةة
أريدك تدخل بكلبةة وتشوف النار
مثـل يوم القيامة بلاية جنة

حور جنت راجعة من المدرسة وصلني الخط للبيت
فتحت الباب دخلت ماشفت ماما بالمطبخ استغربت
لان كل يوم من اجي الكاهةة بالمطبخ تحضر الغدة
صحت
...يوم وينج
مااجاني رد رحت للصالة وهناك وجان اشوف امي امدد طولها بالكاع

صحت بصوت : يمة

وركضتلهه مفزوعة من الخوف وكمت اضرب ع وجهه اريد اصحيهه
.. ماما ولج عيوني يوم كعدي شبيج يمة كومي يمة
رحت ركض جبت مي وكمت ارش ع وجهه علمود تصحة ماصحت
كمت ارجف وسنوني وحدة اطك بثانية من الخوف واطرافي بردت حسيت عقلي نشل ع التفكير ومااعرفت شسوي والخوف ينهش بية

هناك وجان اتذكر سالم ابن خالتي اي سالم

صعدت طيران جبت موبايلي ضغطت ع رقمة بايدين مرتجفة من الخوف
.. الو سالم
.. هلو حور شلونج شبيه صوتج
..سالم الحكلي امي متخربطة متتحرك
.. جاي
سديت التلفون
واستمريت احاول اصحي امي وكل محاولاتي بادت بالفشل كمت ارجف
ماكو دقايق بس وشفت سالم وخالتي كدامي
شلناها وصعدناها بالسيارة واني طول الطريق ابجي واباوع عليها
ماكو هي دقايق مجرد دقايق جانت كفيله بان تكلب حياتنة راسا على عقب

وصلنة للمستشفى كبل الدكاترة اخذوها من بين ادينة
كعدت بالكاع ابجي  اجتي خالتي حضنتني وبقينة نبجي
.. خالة امي امي
.. اشش ياروح خالتج اهدي مابيها شي

شوية وشفت شهد جتي تركض من بعيد
.. شبيها امي ولكم احجو

طلع الدكتور ركضنه كلنة عليه
.. بشر دكتور
..دكتور امي بيها شي

الدكتور : مع الاسف المريضة عدها عجز كلوي ودنبذل قصار جهدنا علمود نسيطر ع وضعها الله يكون بعونكم ادعولها
بالشفاء
عافنة وراح

جانت كلمات قليله الكالهة الدكتور بس جان اثرها جبير كولش جبير
انهارينة خارت قواي ووكعت بالكاع وكمت ابجي واعيط
نسينة نفسنه نسينة العالم والمكان الاحنة بي

اجة سالم يهدي بية : حور استهدي بالله حرام الدتسوينة بنفسج صيري قوية هذا اختبار من الله

لطمت ع وجهي بحركة كلب وكتله :ليش يختبرنة بامي ربي اخذ روحي ولا يصيب امي شي

باوعت ع شهد اختي لكيتهه مغطية وجها بايدينها وتبجي
رحتلها وحضنتها وكمنة نبجي
شهد من بين شهكاتها: ولج حور امي راح تروح من بين ادينة
حور : شهد لتكولين هيج امي مابيها شي هسة تصحة وترجع مثل قبل واحسن
حاولت اصبر شهد واني روحي ممصبرتها نار وشابه بصدري

هنا وجان اتذكر بابا اتصلت عليه وبلغتة
خلال ساعات هو جان متواجد اجة يركض
هو ولد وياه
.. ولكم شبيها امكم شجرالها احجو
رحنه حضنا اني وشهد وبقينة نبجي وهو يمسح ع راسنه
وسالم فهمة ع حالته ماما