جبروت السنين

البارت الرابع عشر

#جبروت السنين
الكاتبة :Sarah
البارت الرابع عشر

(ابنً آدم لو نشــد شيشيل عنــــك هنهٰ لبيـكٰ بيـكٰ ويوجعـنكْ 💔) *

سحبتني مها من ايدي وودتني للطارمة
شفت جسور واكف يم الباب
مها :خوية تم يلا انه رايحة
وفاتت جوة
راحت مها بقينه بس اني وجسور واكفين بالطارمة
جانت دنيا العصر واخواني كلهم هيج وقت يطلعون وبابا بشغله فماكو احد بس احنه البنات
اخذت نفس وكتله :خير جسور شرايد
ضل واكف بمكانه وساكت بس يباوع بعيوني ويدخن
رجعت كتله :هاي شبيك مو داحجي وياك شرايد جاي
جسور :بيت عمي وبكيفي اجي واروح بكيفي اتي ماتدخلين
حور تخصرت وكتله :لا والله
جسور :اي والله وتعاي انتي ليش ماعندج اسلوب ليش متعرفين تحجين
حور : لا والله هاي اني
جسور :بطلي سوالف الزعاطيط
حور وأني أشر ع نفسي : شنو قصدك اني زعطوطة
جسور :اي زعطوطة
سكتت ومارديت عليه رجع كال :ها شو سكتي عبن كلامي صحيح وتعرفين نفسج جاهل وسوالفج مال جهال وعقلج عقل طفلة
حور :اي اني طفله شالمطلوب
جسور : والله سلوى أعقل منج

عصبت حيل واحتقن وجهي وصلت بي يقارني بغيري ماشي جسور اني الك كتله بانفعال :اي اعقل مني واحلى مني روح اخذها شرايد مني هاا
جسور وهو يأشر ع كلبة :مو انة الاريد هذا ليريدج
الله بلاني بعشك طفلة هدت حيل من حيلي

ركزت عيوني بعيونة وكتله :هيج اني متعبتك
تنهد تنهيدة مال واحد متعوب وسكت
حور :انت جذاب ماتحبني انت لو تحبني تحبني بعيوبي قبل مميزاتي لو تحبني متقارني بغيري
انت نفسك ممتأكد اذا تحبني او لا واني بنظرك زعطوطة وضيف فوكاهن متعبتك وشالعة كلبك
ليحب يتقبل عيوب محبوبة
مااكدرت اكمل تجمعت الدموع بعيوني ودخلت جوا ماردتة يشوف ضعفي كدام عيونة
فتحت المي غسلت وجهي وحبست دموعي وماخليتهن ينزلن والعبرة خانكتني ماادري شدايصير بيه اني ادري جسور يحبني ومااقصدة الكلام الحجاه بساعة عصبية وفعلا هو تعبان مني بس اني انسانه كتومة ومااعرف اعبر عن مشاعري استحي وارتبك مااكدر اجمع كلمتين حلوين ع بعض فعلا اني هذا اسلوبي
حاولت هواية اغير طبعي بس ابو طبيع ميغير طبعة وهو وياه الحق يحبني واني مامبردة كلبه بكلمة مخليتة لا طايل سما ولا طايل ارض بس اني احبة واموت عليه مغرمة بي وبكل مسامة بي بس مااعرف ابوح بحبي اله ماادري شديصير ويايه حسيت بالخوف من كلامة شكلة طفح بي الكيل ومااعاد يصبر عليه والحيرة حيرة ماادري شراح اسوي

رحت ع البنات لكيتهن كلهن مجتمعات يسولفن ويضحكن بس اني غصة بكلبي واحس روحي طالعة
كالت سلوى : وين جنتي
حور :ما عليج
سلوى :شبيج غير اختي واسألج
حور :اكو يالاخت لتمثلين دور الاخت الحبوبة الطيبة الحنونة مو لان شفتي نور ومها وغيرتي اسلوبج لوفة بالتسعين وتسوين نفسج ماكو منج
شهد بحدة :هاي شبيج حور شكالتلج البنيه اكلتيها ورميتيها
حور :انتي الثانيه هم مالج دخل