جبروت السنين

البارت الثامن والعشرون

#جبروت السنين
الكاتبة :Sarah
البارت الثامن والعشرون

خـريفَ سنيني ورگـ🍂ـة تسـابگ بورگـة
أدور بـروحيَ غير همـَوم ماألگـــة
ماكلـنـيٰ الوجعَ وبروحي لمةة آه
بس أضحكَ چذبَ والـوادمَ مصدگة 💔

جنت مستحية من سالم لان انضرب بسببي بقيت مغمضة عيوني وعيوني  ماوكفت عن البجي وسالم يسب ويغلط
ويرزل ماحجيت شي احس حياتي طفت وبهتت ماادري شراح يصير شنو ينتظرني بعد شنو القادم
وصلنا يم بيت خالتي
كال سالم :يلا نزلو
نزلنة ماادخلت كلت لشهد :اريد اروح لبيتنا
شهد :شعندج هناك حور
سالم :شنو هالحجي هذا حور هذا بيت خالتج ومثل بيتتج
يلا دخلي
حور :لا اريد اروح لبيتنا
بقو يحجون وياي بس اني عندت الا اروح لبيتنا ومادخلت بقيت واكفة بالشارع البية كافيني ماريد يخلوني ويضلوون يلومون بيه أصريت اروح لبيتنا وبالنهاية ماكدرو يجبروني وافق سالم يوديني اني وشهد وصلنا سالم وكال اقفلن الباب عليجن
بقة يحجي ويه شهد عفتهم ودخلت جوا شمرت الصاية والشال ورحت لغرفة امي ادور ع ريحتها مشتاقتلها مشتاقة لعطرها
رحت ع جربايتها وحضنت مخدتها اووف يايمة لو تدرين النار شلون شابه بصدري  ياريتج مارحتي وعفتيني جان لا رحت يمهم ولا التقيت  بيهم اشتاقيت لحياتي قبل اني وياج وبابا وشهد وبس بجيت دخلت شهد كالت :حور ليش هيج سويتي بروحج بس فهميني ليش دمرتي حياتج بايدج
بقيت نايمة وابجي مارديت عليها احس روحي مهترئة من كثر الوجع اني اعرف اني غلطانة وغلطي جبير بس شذنبي؟
ماردت تخترب فرحتي كالعادة ماردت تصير مشاكل كل الصار ماردتة يصير شبيدي شذنبي؟
شهد: كتلج الف مرة كولي لجسور مارحتي وكتيله لو كايلتله جان صار كل هذا احجي ليش تبجين احجي خليتي اليسوة والمايسوة يتشفة ويتشمتت بيج
حور :كافي كافي شهد بروح امي سكتي ماناقصة ملامة كافي ارحموني
شهد :اني راح اعوفج هسا وبعدين نحجي ارتاحي
طلعت شهد ضليت ابجي لحد مااغفيت ودمعتي بعيني مانشفت

كعدت ب ٣ الظهر عيوني كوة افتحهن وجسمي مكسر كمت للصالة شفت شهد كاعدة تباوع تلفيزيون كعدت يمها بس مانطقت بأي كلمة احس عقلي محصور بموضوع واحد جسور بس كل بالي يمة
مر اسبوع وجسور مااتصل ولا حاول يحجي وياي
طول الاسبوع حرارة بصدري متطفة غصة بداحلي
اعترف اشتاقيتله وحنيت دموعي مانشفت ابد كل مااكعد وحدي ابجي الاسبوعين العشتهن وياه جانت شي اشبه بالخيال جانت اجمل ايام عشتها ايام كفيلة انها تخليني اتعلق بيه جنت مثل الطايرة بالسما وفجأة سقطت بالارض اووف ياجسور هم مثلي تفكر بيه وليلك متنامة تتكلب تدور ع حضني مثل مااني ادور ع حضنك وعطرك

لحد الان اني مااعرف منو جان ورا الاتصالات
خالتي اجتي علية مرة وحدة وكالت هذا اختيارج وتحملي نتيجة اختياراتج الفاشلة وكالت ولدي بعد لتدخلوهم بشي

مارديت عليها شهد واحمد معافوني يحاولون يغيرون نفسيتي ويسلوني افلام او يبقون يسولفون يمي دائما يكلولي امشي نطلع شوية تتغير نفسيتج بس ارفض كولشي مابيه طعم بدونة كولشي باهت بعدة ومالة اي لون كل الصار متمنيتة الملامة اكلتني اكل الوم بروحي باقية جسد بدون روح احس روحي محد راح يحييها غيرة اني أدري غلطت بس مااستحق  هالعقاب القاسي جسور قسا عليه حيل ضربني وجرحني بالكلام ومانطاني فرصة ابررلة محاول يفتهم مني ويسألني حسسني ثقتة بيه معدومة صح غلطت بس هو هم غلط
الافكار تجيبني وتوديني عقلي تشوش من كثر التفكير