#جبروت السنين
الكاتبة :Sarah
البارت الثالث عشر
(لتنسون تصــ⭐ـويت)
حـور
فتت للمطبخ ورحت يم شهد وانتجيت ع كتفها
.. اكول شهودة هالايام كثرانة الزبايل
شهد :اي والله
سلوى :شنو قصدج
حور :والله عاد يكلبي البعبه طلي يمعمع
سلوى :لج ادبسزز شكلج تريدين اسحلج
تقدمت عليها وكتلها :انتي مرة جربي مدي ايدج واراويج الامهات شتجيب
حجت بنت خالتها وهي تتنعوص بكلامها :اووي سلوى عوفيهن هذني البوخة ع شنو تدوخين راسج بيهن
سلوى :اي والله صدكتي
عطت بيهن :انتن هيي تسكتن لو اسوي سحلتجن عمل جماعي
سلوى :هه ضحكتيني
ورجعت حجت بصوا أمر :ويلا هسه بساع سون غدة امي ماموجودة
حور : مو خدم الخلفوج احنه فهمتي جايه تتأمر براسي
كالت بنت خالتها :شبيجن ماسون غدة متنة جوع
حور :والله عندكم بيت روحي تغدي بي يماما ورحم الله والديه من زار وخفف
شهكت ولطمت ع صدرها :تطردني بنت الكح..
من سمعتها حجت ع امي جن عقلي طار
هديت عليها :اطردج واكسر راسج جيبي طاري امي انرب ع السانج الزفر الا اكصة الج
كالت :وليي لج ويلا سوينة غدة اخواني هم راح يجون يتغدون
حور :خب اسويلكم زقنبوت انتي واخوانج من كون طبكم مرض ادور عليه الزبايل الحثالة
مانطيتها مجال ترد عفتها وطلعت واني ارجف من الاعصاب ليش يحجون ع امي يكومون ويكعدون يسبون بيهم الميت مايجوزلة غير الرحمة
رحت للغرفة فتحت الكنتور وطلعت ملابس ودخلت للحمام كمت اسبح بلكي المي الدافي يرخي اعصابي
طلعت مشطت ودورت ع شهد ماهيه نزلت جوا لكيتها خالة ايد جوة خدها وتباوع ع التلفزيون
تنهدت وكعدت يمها
حور :شبيج شو مو ع بعضج
شهد :حور مابقة شي ع زواجي خايفة
حور :اي ياعيني اكيد تخافين بس بعدين تتعودين
شهد هزت راسها برفض وكالت :لا ما فهمتيني اني خوفي عليج انتي
حور بأستغراب :عليه اني ليش
شهد :حور مااكدر اعوفج وحدج اخاف عليج هذني وحوش شلون تبقين يمهن ماريد يأذنج
ابتسمت وكتلها :لتخافين ع حور ابدا وريحي راسج
شهد :حور شلون مااخاف عليج وانتي اختي ومالي غيرج بدنيا
حور :لج لتكلبينها دراما كوين والله ماعليه شي شيردن يسوون قابل يمعودة
شهد : مو بيدي
حور :عوفج من هالموضوع شهد اريد اروح لبغداد
شهد :اني همات والله
حور : كولي لابوي
شهد :ما يرضة
حور :هيه شني ملينة وطكت ارواحتنة
حاجي ابوي بلكي يرضه فدوة
شهد :ان شاء الله احاول
دنسولف ودخلن سلوى وبنات خالاتها
وكعدن سمعت اطراف من حديثهن ديحجن ع جسور
واني ذبيت كل سمعي يمهن ليش ديحجن بيه
وحدة منهن كالت :والله مشتاكة لجسور
ضربتها سلوى وكالت : خب انجبي جسور الي بس اني يحقلي اشتاكلة انتو لا
يمة يمة هنة يحجن واني شبيت بنار اذا اكوملهن هسه اثرمهن بقيت الوب واكل بروحي احس نار تطلع من اذاناتي
همستلي شهد :والله وسلوى طلعت تحب
حور :خليها هو مايحبها
شهد :حور والله دتلعبين بنار ولج هذي سلوى بنت نجيحة مو هينة
حور بتحدي : واني حور بنت هبة البغدادية شسوي خ تسوي
YOU ARE READING
جبروت السنين
ChickLitها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
