جبروت السنين

البارت السادس والعشرون

#جبروت السنين
الكاتبة :Sarah
البارت السادس والعشرون

ثاني يوم
كعدت من الصبح حضرت روحي ورحت للصالون جنت كاعدة وام الصالون تسوي بشعري واني العب بموبايلي اجتني رسالة فارغة (....) من رقم غريب استغربت حيل ماجاوبت غلست ع الموضوع كلت احتمال اشتباه بالارقام رن موبايلي معلن عن اتصال من نفس الرقم فتحت خط
حور :الو
اجاني صوت ولد : مبروك
حور: عفوا منو وياي
كال :مو مهم تعرفين
حور :لا والله دولي يلا اووف
سديته بوجهه
باوعت للكوافيرة صافنة علية وتباوعلي كأني كان فضائي غريب كدامهه خلصت شعري والمكياج ماادري احس كلبي مقبوض استغفرت ربي ورحت لبست البدلة البيضة وطلعت
اجة ماهر واخذني للبيت
اول مدخلت شكد جنت اتمنى امي تستقبلني
امي تطش عليه الجكليت وتكول بنيتي صارت عروسة
تباوعلي وتجي تحضني وتبجي ع فراكي
بس تبقى مجرد امنية
شافتني شهد كامت تهلهل وتبجي بنفس الوقت
باوعت لخالتي ردت اعوض بيها مكان امي شفتها كاعدة ع صفحة ومتكترة سلوى شافتني وبجت ودخلت للغرفة انعصر كلبي عليها عليها حسيت نفسي انانية اخذت شي مو الي جسور المفروض جان يكون الها وتكون الة ليش دخلت بنصهم مشكلتي احبةبس جسور بعمرة ماحبها اووف دخت والأفكار تزاحمت براسي

ساعدتني عمتي هي وشهد حتى اكعد لان البدلة منفوخة كولش كوة اتحرك بيها أجتي شهد يمي وبيدها موبايلي كالت :حورية هذا رقم ديتصل عليج
حور:منو
شهد :والله مااعرف جاوبي وشوفي منو
اجة ع بالي الرقم الاتصل عليه من جنت بالصالون صابني استغراب عجيب من صاحب الرقم والحاحة
حور :جيبي
اخذت الموبايل منها شفت الرقم شكيت بي نفسة الرقم الاتصل عليه قبل باوعت لشهد وكتلها :شهد اريد اكوم
شهد :شعدج كايمة عيب كعدي فشلة من العالم
حور :ثواني وارجع
كومتني شهد لغرفة احمد جوا دخلت وسدت الباب
شهد :شنو السالفة حور صاير شي
سولفتلها كالت : خاف شخص عرف
حور :ماادري ماادري
رجع اتصل جاوبت
كال :اووف شحلات البدلة عليج طالعة جمارة
نترت :انت منو شرايد مني
رد: اني اعرفج حق المعرفة واعرفج زين واعرف كل تفاصيل حياتج
حور :اخي شبيك انت ناصب علية داكولك انت منو تحجي لو شلون
رد :مو مهم تعرفيني اهم شي اني اعرفج
جنت فاتحة سبيكر باوعت ع شهد الصدمة محتلة معالم وجهه اشرتلي اسدة سديتة بسرعة بوجهه
شهد :ولج منو هذا
حور :والله مااعرفة
شهد :لعد منين يعرفج وجاب رقمج
حور : ماادري بس راح ادز الرقم لجسور
شهد :لا حور لدزينة خلي الليلة تعدي ع خير بدون مشاكل
حضريي رقمة
حور :ها اها حضرتة بعد ميكدر يتصل
لزمت ايدين شهد وكتلها :شهد مااريد تخرب فرحتي الا اليوم الا اليوم اهم يوم بحياتي ماريد تنكسر فرحتي
حضنتتني وكالت :اطمئني ماكو شي حبيبتي يلا تطلع عيب تأخرنا

طلعت اباوع ع العالم كلها تركص وتصفك اجواء الفرح حلوة
بس اني ماادري ليش كلبي مقبوض وممرتاحة ابد خوفني هذا اليتصل صوتة مخيف ويضحك بشيطنة تملكني الخوف بس كل هذا راح من كالو اجتي الزفة كلبي كام يدك مليون بالدقيقة تركزت انظاري ع الباب انتظر دخول ملازم كلبي
دخل جسور بهيبتة وطلته وجماله اليسحرني لابس قاط اسود ومحدد لحيتة ومحلق وعطرة سابقة سحرني بمنضرة