#جبروت السنين
الكاتبة :Sarah
البارت التاسع
(ثم قالـتَ بعدَ عذابٰ طويلٰ يا ﷲ احتاجكَ كٌن ليِ سند 🖤.)
حسيت روحي نمردت مرد من كلامها سكوت بابا جان واضح انه قابل ع زواجهم تجمعت الدموع بعيوني وزاد فضولي اسمع جواب بابا قربت اذني ع الباب اكثر احاول اسمعهم
فجأة نفتح باب الصالة ووكعت بالكاع رفعت عيني وشفت بابا ونجيحة كدامي
صاح بيه بابا بصوت عالي رج أركان البيت :هاي شعندج واكفة هنا
سكتت مجاوبت
رجع صاح بية :لج احجي ادبسزز جنتي تتصنتين موو
حور : لا موو
بعدني ممكملة كلمتي صاح بية :لغرفتج بسااع وانة اعلمج حقيرة مااعرفت اربيج الظاهر انطيتج مجال هواية
بقيت مصدومة من بابا شلون كاعد يرزل بية كدام نجيحة الواكفة وتبتسم بشماتة صدك حسيت بالاهانة واستهضمت وقاومت دموعي ومسمحتلها بالنزول
مااكدرت اسكت وكتلة :امي ربتني أحسن تربية واني ماجنت اتسمع عليكم ولا يهمني شتحجوون
كمت وردت اطلع حسيت ع ايد جرتني باوعت ابوية فجأة ضربني راشدي ردت اوكع بالكاع من قوتة حسيت خدي اشتعل بنار بس مو مثل نار كلبي
صاح بصوت يرعد : انة راح اربيج من جد وجديد الظاهر انة هواية خليتج ح حل شعرج لحد مااانجلبتي
وهم يريد يضربني بس اخوية حسين جان اسرع وسحبني من ايدي وخلاني وراه هنا اطلقت العنان الدموعي وسمحتلها بالنزول وكلت : من الله لا يوفقج ام السحورة خليتي ابونة يتغيير علينة
اني كلت هيج وبابا سحبني بقوة من حسين وضربني
.. لج كلبة هاي تاج راسج وتشرفج انتي وامج الماعرفت تربيج بنت الكح.. بنت الساق.. اليوم احرك اهل اهلج
وبقة يسب ويشتم ويغلط غلط مايلبس عليه ثوب
ومستمر بضربي
اجتي شهد وتحاول توخرة عني وتبجي
كلما يضربني ازيد بعياطي :امي تاج راسكم كلكم مو هاي الكتلت روحك عليها مو هاي التعذبت يلا نلتها هسه صااااارتت كحب...
اني اعيط وهو يضرب ويشتم بيه وشهد تعيط وتبجي وتريدني أسكت
.. هاي التكول تاج راسكم روح شوفها شدافنة بالحديقة وبعدين تعالو احجو ع امي بالكبر ومخلصانة منكم كاافي ذليتونة اليوم تجي خالتي واروح وياهه واخلص
ابجي واشهك واحجي مااكدرت اسكت سمعت نجيحة تكول
نجيحة :ياافلك صدك مامترباية انه مرة بكد امج تحجين عليه هيج صدك قلة ادب اكو وحدة هيج تحجي وية ابوها صدك لو كالو تربات بغدادية شترجى منج
حسين كام يصيح علة نجيحة ويسكتها لان دتذب بانزين ع النار وشهد تريد تسكتني
عطت بيها بكل صوتي :اني بنت البغدادية والبغدادية تسوواج وتسوة راسج ام السحورة عجوزة النار
أنت تقرأ
جبروت السنين
ChickLitها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
