# ﺭﺍﻫﺐ_ﺍﺑﻮ_ﻏﻀﺐ_ج2
//// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ ////
# بارت 49 ماقبل الاخيررررر
ﻣﺤﺘﺎﺟﻚ ﺗﺠﻴﻨﻲ ﺍﺗﮕﻠﻲ ﺣﺎﻟﻚ ﺯﻳﻦ
ﻣﺎﺍﺭﻳﺪﻙ ﺗﺠﻲ ﻭﺗﺤﺠﻴﻠﻲ ﻉ ﺍﻟﻔﺮﮔﻪ
ﺍﻧﻪ ﺑﻠﻴﺎﻙ ﭼﺜﻪ ﺑﻼ ﺟﺴﺪ ﺿﻠﻴﺖ
ﺑﻠﻴﺎﻙ ﺍﻟﻨﻔﺲ ﺻﺪﻛﻨﻲ ﻣﺎﺍﺷﻬﻜﻪ
ﻣﺤﺘﺎﺟﻚ ﺗﺠﻴﻨﻲ ﺍﻟﻌﻤﺮ ﻣﺎﻳﻨﻌﺎﺩ
ﺍﻟﻌﻤﺮ ﺧﻠﺼﺘﻪ ﻛﻠﻪ ﺍﻣﺘﺎﻧﻲ ﻟﻠﻤﻠﻜﻪ
ﻣﻦ ﮔﺪ ﻣﺎﺑﺠﻴﺖ ﺍﻋﻠﻴﻚ ﺍﺣﺲ ﺍﻟﻌﻴﻮﻥ
ﻣﻦ ﺗﺒﺠﻲ ﻋﻠﻴﻚ ﺩﻣﻮﻋﻲ ﻣﺨﺘﻨﮕﻪ
ﻭﺻﻠﺖ ﺍﻟﺤﺎﻟﻪ ﺍﺣﺠﻲ ﻣﻦ ﻳﻤﺮ ﻃﺎﺭﻳﻚ
ﺍﺣﺎﺟﻲ ﺍﻟﻠﻴﻞ ﺍﻻﺳﻮﺩ ﻭﺍﻟﺴﻤﻪ ﺍﻟﺰﺭﮔﻪ
ﺷﺠﺮﺓ ﺍﻧﻪ ﺑﻐﻴﺎﺑﻚ ﺻﺒﺮﻱ ﻫﻢ ﻣﺤﺪﻭﺩ
ﺻﻔﻴﺖ ﺍﻭﮔﻊ ﺑﺪﻭﻧﻚ ﻭﺭﻛﻪ ﺑﺎﺍﺛﺮ ﻭﺭﮔﻪ
ﻟﻮ ﺍﺳﻤﻚ ﻳﻤﺮ ﻏﺼﻪ ﺍﻧﻪ ﺍﺣﺲ ﺑﺎﻟﺮﻭﺡ
ﻭﻋﻠﺊ ﻃﺎﺭﻱ ﻃﻴﻮﻓﻚ ﺗﺸﺘﻌﻞ ﺣﺮﮔﻪ
ﻟﻮ ﻣﺮ ﺑﻴﻪ ﺷﺎﻣﺖ ﺿﻞ ﻳﻀﺤﻚ ﻭﻣﺮﺗﺎﺡ
ﺍﻟﺸﺎﻣﺖ ﻟﻮ ﻳﻤﺮ ﻻﻣﺎﻳﺴﺪ ﺣﻠﮕﻪ
ﺟﻨﺖ ﺍﺣﻠﻢ ﺗﺪﮒ ﺑﺎﺑﻲ ﻭﺍﺗﻠﻜﺎﻙ
ﻓﺰﻳﺖ ﻭﺳﻤﻌﺖ ﺍﻟﺒﺎﺏ ﺑﻲ ﺻﻔﻜﻪ
ﺛﺎﺭﻳﻨﻲ ﺑﻌﻠﻢ ﻭﺍﻟﺤﻠﻢ ﺭﺍﺡ ﺑﻌﻴﺪ
ﻣﺜﻞ ﺯﺍﻳﺮ ﻳﺰﻭﺭ ﻭﻣﺎﺣﻀﻪ ﺑﻌﻠﮕﻪ
ﻧﺬﺭ ﻧﺎﺫﺭ ﻟﺸﺒﻜﻚ ﺷﺒﮕﺔ ﺍﻡ ﻣﻔﻘﻮﺩ
ﻣﻦ ﺗﺸﺒﮓ ﺍﺑﻨﻬﺎ ﻭﻫﻲ ﻣﻤﺼﺪﮔﻪ 💔
،،،،،،،،
ﺍﻟﺴﻼﻡ ﻋﻠﻴﻜﻢ ﺑﻨﺎﺕ
ﻗﺒﻞ ﻣﻨﺒﺪﻱ ﺑﺎﻟﺒﺎﺭﺕ ﺍﺗﺮﺣﻤﻮ ﺍﻟﺸﻬﺪﺍﺀ ﻟﺒﻨﺎﻥ ﻭﺍﻟﻌﺮﺍﻕ
ﺍﻟﻠﻪ ﻳﺮﺣﻤﻬﻢ ﺑﺮﺣﻤﺘﻪ ﺍﻟﻮﺍﺳﻌﻪ 😥
،،،،،،،،،،،،،
ﻻﺭﺍ،،ﺻﺪﻣﻨﻲ ﻣﻦ ﺩﺯﻟﻲ ﺍﻟﺼﻮﺭ
ﻛﻌﺪﺕ ﺻﺮﺕ ﺍﺿﺮﺏ ﻋﻠﺊ ﻭﺟﻬﻲ ﺑﺪﻭﻥ ﻣﺎﻳﺴﻤﻌﻦ
ﻋﺰﺍﺍﺍﺍ ﺑﻌﻴﻨﻲ ﻓﺸﻠﺖ ﺭﻭﺣﻲ
ﺑﻘﻴﺖ ﺍﻟﻮﺏ ﻣﻨﻴﻦ ﻳﺠﻴﻨﻲ ﺍﻟﻨﻮﻡ ﻭﻫﻮ ﺷﻤﺮ ﻋﻠﻴﻪ ﻗﻨﺒﻠﻪ ﻭﺭﺍﺡ ﻧﺎﻡ
ﻣﺎﺍﺩﺭﻱ ﺷﻮﻛﺖ ﻏﻔﻴﺖ ﻳﻤﻜﻦ ﻭﺟﻪ ﺍﻟﺼﺒﺢ
ﺣﺴﻴﺖ ﺑﻔﺎﻃﻤﻪ ﺗﮕﻌﺪﻧﻲ ﻓﺘﺤﺖ ﺗﻚ ﻋﻴﻦ ﻧﻌﺴﺎﻧﻪ ﻻﻥ ﻣﺎﮔﺪﺭﺕ ﺍﻧﺎﻡ ﺑﺴﺒﺐ ﺭﻭﻳﻬﺐ
ﻧﻬﻀﺖ ﻋﺪﻟﺖ ﻓﺮﺍﺷﻲ ﻭﻧﺰﻟﺖ ﻟﻜﻴﺘﻬﻢ ﻛﻠﻬﻢ ﻛﺎﻋﺪﻳﻦ ﺑﺎﻟﺼﺎﻟﻪ
ﻣﻦ ﻓﺸﻠﺘﻲ ﺍﺗﻤﻨﻴﺖ ﺍﻟﺒﺲ ﺑﻮﺷﻴﻪ ﻭﻻﻳﺸﻮﻑ ﻭﺟﻬﻲ
ﺻﺒﺤﺖ ﻋﻠﻴﻬﻢ ﻭﻋﺒﺮﺕ ﻟﻠﺤﻤﺎﻡ ﻏﺴﻠﺖ ﻭﺭﺟﻌﺖ ﻛﻌﺪﺕ
ﺍﺗﻤﻨﺊ ﺍﺑﻘﺊ ﻣﺪﻧﻜﻪ ﻣﺎﻟﻲ ﻋﻴﻦ ﺍﺭﻓﻊ ﺭﺍﺳﻲ
ﺍﻟﺤﺠﻴﻪ،،ﻳﻤﻪ ﺭﻭﻳﻬﺐ ﻭﺭﺓ ﺍﻟﺮﻭﻳﮓ ﺍﺭﻳﺪﻙ ﺗﺎﺧﺬﻧﻪ ﻟﻠﺴﻴﺪ ﺍﻧﻲ ﻭﺑﻨﺖ ﻋﻤﻚ
ﺭﺍﻫﺐ،،ﺍﻋﺬﺭﻳﻨﻲ ﺣﺠﻴﻪ ﻋﻨﺪﻱ ﺷﻐﻠﻪ ﻻﺯﻡ ﺍﺭﻭﺡ
ﺍﻧﺘﻲ ﺗﻨﺪﻟﻴﻦ ﺍﻟﺴﻴﺪ ﺧﻞ ﺍﺑﻮ ﺟﺎﺳﻢ ﻳﺎﺧﺬﻛﻢ
ﻣﺤﻤﺪ،،ﻫﺬﺍ ﻫﻮ ﺍﻧﻲ ﺍﻭﺩﻳﻜﻢ ﺩﺍﻡ ﺗﻨﺪﻟﻴﻦ
ﻻﺭﺍ،،ﺭﻓﻌﺖ ﺭﺍﺳﻲ ﺍﺟﺖ ﻋﻴﻨﻲ ﺑﻌﻴﻨﻪ ﻛﺘﻢ ﺿﺤﻜﺘﻪ ﻣﺜﻞ ﺍﻟﺠﺎﻱ ﻳﺘﺸﻤﺖ ﺍﺗﻤﻨﻴﺖ ﺍﺩﻳﺮ ﻋﻠﻲ ﺍﻟﻘﻮﺭﻱ ﺍﻟﺤﺎﺭ ﺍﺭﻳﺪﺓ ﻳﺤﺘﺮﮒ ﻣﺜﻞ ﻣﺎﺣﺮﮒ ﺭﻭﺣﻲ ﺑﺴﺒﺐ ﺗﺼﺮﻓﺎﺗﻪ ﺍﻟﻤﺴﺘﻔﺰﺓ
ﺭﺍﻓﺪ ﻫﻢ ﮔﺎﻝ ﺍﺟﻲ ﻭﻳﺎﻛﻢ ﺍﻧﺘﻮ ﺭﻭﺣﻮ ﻟﻠﺴﻴﺪ ﻭﺍﻧﻲ ﻭﻣﺮﺗﻲ ﻧﺮﻭﺡ ﻧﺰﻭﺭ ﺍﻻﻣﺎﻡ ﺯﻳﺪ ﺍﺑﻦ ﻋﻠﻲ ﻋﻠﻴﻪ ﺍﻟﺴﻼﻡ
ﻭﻓﻌﻼ ﺍﺧﺬﻧﻪ ﻣﺤﻤﺪ
ﻭﺻﻠﻨﻪ ﺍﻟﺒﻴﺖ ﺍﻟﺴﺎﺩﺓ ﻭﺭﺍﻓﺪ ﺭﺍﺡ ﻳﺰﻭﺭ ﺍﺣﻨﻪ ﺩﺧﻠﻨﻪ ﻟﻠﺒﻴﺖ ﮔﻌﺪﻧﻪ ﺑﻴﻦ ﻣﻴﺠﻲ ﺍﻟﺴﻴﺪ
ﺷﻮﻳﻪ ﻭﺩﺧﻞ ﻋﻠﻴﻨﻪ ﺭﺟﺎﻝ ﺟﺒﻴﺮ ﻭﺟﻬﺎ ﻧﻮﺭﺍﻧﻲ
ﺑﺎﻭﻋﻠﻲ ﮔﺎﻝ ﺍﺣﺠﻲ ﺑﻮﻳﻪ
ﺑﺪﻳﺖ ﺍﺣﺠﻴﻠﻪ ﻛﻠﺸﻲ ﺑﺨﺼﻮﺹ ﺍﻟﺴﺤﺮ ﻭﺍﻻﺣﻼﻡ
ﺍﻧﻄﺎﻧﻲ ﺣﺮﺯ ﻭﺑﺨﻮﺭ ﻭﺍﻫﻮﺍﻱ ﺷﻐﻼﺕ ﻟﻠﺴﺒﺢ ﻣﻦ ﺿﻤﻨﻬﻦ ﻗﻄﺮﺍﻥ ﺍﻻﺳﻮﺩ ﺍﻟﻤﺎﻳﻌﺮﻑ ﺷﻨﻮ ﻗﻄﺮﺍﻥ ﻣﻌﻨﺎﺗﻬﺎ ﺩﻫﻦ ﺍﻟﺴﻴﺎﺭﺍﺕ ﺍﻟﻤﺤﺘﺮﮒ ﺑﺲ ﻣﻘﺮﻱ ﻋﻠﻲ ﺍﻳﺎﺕ
ﻣﺎﺍﻋﺮﻑ ﺍﻫﻮﺍﻱ ﺍﻧﻄﺎﻧﻲ ﺑﻄﺎﻟﻪ ﻣﺎﻱ ﻟﻠﺴﺒﺢ ﻭﻟﻠﺮﺵ
ﺍﺧﺬﻧﺎﻫﻦ ﻭﻃﻠﻌﻨﻪ ﻋﻤﺘﻲ ﻃﻮﻝ ﺍﻟﻄﺮﻳﻖ ﺗﻮﺻﻴﻨﻲ ﺍﻧﺘﺒﻪ ﻟﻠﻌﻼﺝ ﻭﻣﺎﺍﻧﺴﺎﻩ
ﺭﺟﻌﻨﻪ ﻟﻠﺒﻴﺖ ﺍﻟﻀﻬﺮ ﻟﮕﻴﻨﻪ ﻓﺎﻃﻤﻪ ﻣﺠﻬﺰﺓ ﺍﻟﻐﺪﺓ ﻣﺎﺧﻠﻮﻧﻪ ﻧﻄﻠﻊ ﻟﻤﻦ ﺍﺗﻐﺪﻳﻨﻪ
ﺑﺲ ﺭﺍﻫﺐ ﻭﻻﺑﺎﻭﻋﻠﻲ ﺍﺑﺪ ﺍﺗﻌﺠﺒﺖ ﻋﻠﺊ ﻧﻔﺴﻲ ﺻﺮﺕ ﺍﺩﻭﺭ ﺍﻟﻨﻀﺮﺓ ﻣﻨﻪ
ﻛﻤﻠﻨﻪ ﺍﻟﻐﺪﺓ ﻭﺷﺮﺑﻨﻪ ﺟﺎﻱ ﺏ ﺍﻻﺭﺑﻌﻪ ﺍﻟﻌﺼﺮ ﺭﺟﻌﻨﻪ ﺍﻟﺒﻐﺪﺍﺩ
ﻳﻮﻣﻴﻦ ﻭﺍﻧﻲ ﺍﻓﻜﺮ ﻟﻴﺶ ﺻﺎﺭ ﺍﺳﻠﻮﺑﻪ ﻭﻣﻌﺎﻣﻠﺘﻪ ﺟﺎﻓﻪ
ﻣﻌﻘﻮﻟﻪ ﻛﺮﻫﻨﻲ ﻭﺷﺎﻑ ﻭﺣﺪﺓ ﻏﻴﺮﻱ ?
ﻣﺠﺮﺩ ﺍﻟﻔﻜﺮﺓ ﺗﺤﻤﺲ ﺭﻭﺣﻲ ﺣﻤﺲ
ﻋﻼﺟﻲ ﺑﺪﻳﺖ ﺍﺧﺬﺓ ﻭﺍﻟﻠﻪ ﺍﻟﻌﻀﻴﻢ ﺣﺴﻴﺖ ﺑﺮﺍﺣﻪ ﻣﻮﻃﺒﻴﻌﻴﻪ ﻗﺒﻞ ﻛﻨﺖ ﺍﺣﺲ ﺷﺎﻳﻠﻪ ﻫﻤﻮﻡ ﺍﻟﺪﻧﻴﻪ ﻋﻠﺊ ﻣﺘﻮﻧﻲ ﮔﻮﺓ ﺍﻣﺸﻲ
ﺑﺲ ﻣﻦ ﺍﺳﺘﺨﺪﻣﺖ ﻋﻼﺝ ﺍﻟﺴﻴﺪ ﺍﺭﺗﺎﺣﺖ ﻧﻔﺴﻴﺘﻲ
ﺑﺲ ﻛﺎﻥ ﺍﺻﻌﺐ ﺷﻲ ﻫﻮ ﺍﻟﺴﺒﺢ ﺏ ﺍﻟﺪﻫﻦ ﺍﻻﺳﻮﺩ ﻣﻘﺰﺯ ﺑﺲ ﺳﺒﺤﺖ ﺑﻲ ﻻﻥ ﺍﺭﻳﺪ ﺍﺗﺨﻠﺺ ﻣﻦ ﺍﻟﺴﺤﺮ
ﺛﺎﻟﺚ ﻳﻮﻡ ﺍﺗﺼﻠﺖ ﻋﻤﺘﻲ ﺍﻧﻄﺘﻨﻪ ﺍﻟﻤﻮﺍﻓﻘﻪ ﻣﺎﻣﺼﺪﮔﻴﻦ ﺍﺑﺪ ﺍﻧﻮ ﻳﺠﻲ ﻳﻮﻡ ﻭﺗﻨﺼﻠﺢ ﺍﻻﻣﻮﺭ ﺑﻴﻦ ﺍﻟﻌﺎﺋﻠﺘﻴﻦ
ﺍﻣﻲ ﺍﺗﻔﻘﺖ ﻭﻳﻪ ﻋﻤﺘﻲ ﺑﻌﺪ ﺍﺳﺒﻮﻉ ﻟﻮ ﻋﺸﺮ ﺍﻳﺎﻡ ﻧﺮﻭﺡ ﻧﻌﻘﺪ ﺳﻴﺪ
ﻋﻼﺟﻲ ﺍﻧﺘﻬﺊ ﻭﺻﺮﺕ ﺍﺣﺲ ﺑﻠﻬﻔﻪ ﻣﻮﻃﺒﻴﻌﻴﻪ ﺍﻟﺮﺍﻫﺐ ﺻﺮﺕ ﺍﺗﻤﻨﺊ ﻣﻦ ﻛﻞ ﮔﻠﺒﻲ ﻧﺮﺟﻊ ﺍﻟﺒﻌﺾ
ﺻﺮﺕ ﺍﺷﺘﺎﻗﻠﻪ ﺍﺗﻤﻨﺊ ﺍﺷﻮﻓﻪ
ﺑﻠﻴﻞ ﺍﻓﺘﺮ ﺑﺎﻟﻐﺮﻓﻪ ﻭﺍﻟﻤﻮﺑﺎﻳﻞ ﺑﻴﺪﻱ
ﺍﺭﻭﺡ ﻭﺍﺭﺟﻊ ﺍﺭﻳﺪ ﺍﺣﺠﻲ ﻭﻳﺎﻩ ﻭﻣﺘﺮﺩﺩﺓ
ﺍﺧﺮ ﺷﻲ ﺍﺗﺼﻠﺖ ﺷﻮﻳﻪ ﻭﺍﺟﺎﻧﻲ ﺻﻮﺗﻪ ﻳﺤﺠﻲ ﺑﺜﮕﻞ
ﺭﺍﻫﺐ،،ﻧﻌﻢ
ﻻﺭﺍ،،ﺍ ﺍﺷﻠﻮﻧﻚ ﺭ ﺭﺍﻫﺐ
ﺭﺍﻫﺐ،،ﺗﻤﺎﻡ ﺑﺨﻴﺮ ﺑﺲ ﻭﻻﺯﻏﺮﺍ ﺑﺤﻀﺮﺗﺞ ﻣﻨﻮ ﻭﻳﺎﻱ ?
ﻻﺭﺍ،،ﺍﺣﺲ ﺳﺠﻴﻨﻪ ﻧﺎﻣﺖ ﺑﮕﻠﺒﻲ ﺧﻨﮕﺘﻨﻲ ﺍﻟﻌﺒﺮﺓ
ﮔﺘﻠﻪ ﺑﺼﻮﺕ ﻳﺮﺟﻒ
ﻡ ﻣﺎﻋﺮﻓﺘﻨﻲ ?
ﺭﺍﻫﺐ،،ﻟﻮ ﺍﻋﺮﻓﺞ ﻣﺎﮔﺘﻠﺞ ﻣﻨﻮ ﺍﻧﺘﻲ
ﻻﺭﺍ،،ﺧﻠﺺ ﺍﻋﺘﺬﺭ ﺑﺎﻱ
ﺣﺠﻴﺘﻬﻦ ﺑﺴﺮﻋﻪ ﺑﺴﺮﻋﻪ
ﻭﺳﺪﻳﺘﻪ ﻣﺨﺘﻨﻜﻪ ﻭﺩﻣﻮﻋﻲ ﺗﺠﺮﻱ ﻣﻌﻘﻮﻟﻪ ﺣﺘﺊ ﺻﻮﺗﻲ ﺑﻌﺪ ﻣﻴﻌﺮﻓﻪ ?
ﺭﺩﺕ ﺍﻧﺎﻡ ﻣﺎﮔﺪﺭﺕ ﺭﻭﺣﻲ ﺗﻔﻮﺭ ﻣﻦ ﺍﻟﻘﻬﺮ ﻭﺩﻣﻮﻋﻲ ﻣﺎﺳﻜﺘﺖ ﺍﺑﺪ
ﺑﻌﺪ ﻋﺸﺮ ﺍﻳﺎﻡ ﺣﻀﺮﻧﻪ ﻧﻔﺴﻨﻪ ﻭﺭﺣﻨﻪ ﺍﻧﻲ ﻭﻣﺤﻤﺪ ﺍﺷﺘﺮﻳﻨﻪ ﺣﻠﻘﻪ ﻭﻋﺒﺎﻳﻪ ﻭﻛﻢ ﺷﻐﻠﻪ ﻭﻳﺎﻫﻦ ﻣﻦ ﻟﻮﺍﺯﻡ ﮔﻄﻊ ﺍﻟﻤﻬﺮ ﻣﺤﻤﺪ ﻃﺎﻳﺮ ﻣﻦ ﺍﻟﻔﺮﺡ
ﺍﻧﻲ ﺍﺷﺘﺮﻳﺖ ﻓﺴﺘﺎﻥ ﻃﻮﻳﻞ ﻣﺴﺘﻮﺭ ﺑﺲ ﺭﺩﺍﻧﺘﺎﺗﻪ ﻛﻴﺒﻮﺭ ﻣﻦ ﺟﻮﺓ ﻣﺎﺭﻭﻧﻲ ﻭﺍﻟﺼﺪﺭ ﻭﺍﻟﺮﺩﺍﻧﺎﺕ ﺍﺳﻮﺩ
ﺷﻲ ﻣﺮﺗﺐ ﻭﺣﻠﻮ
ﺛﺎﻧﻲ ﻳﻮﻡ ﻣﻮﻋﺪ ﺍﻟﻌﻘﺪ ﻃﻠﻌﻨﻪ ﺍﻟﺴﺎﻋﻪ ﺏ 10 ﻣﻦ ﺑﻐﺪﺍﺩ ﻭﺻﻠﻨﻪ ﺏ 1 ﺍﻟﻀﻬﺮ ﻫﻢ ﻟﮕﻴﻨﺎﻫﻢ ﻣﺠﻬﺰﻳﻦ ﺍﻟﻐﺪﺓ ﻭﻓﻄﻮﻣﻪ ﺣﺎﻓﻪ ﻭﻣﺮﺗﺒﻪ ﻃﺎﻟﻌﻪ ﺍﺗﺨﺒﻞ ﻣﻦ ﺷﺎﻓﺘﻨﻪ ﺍﻧﻬﺰﻣﺖ ﺍﺳﺘﻐﺮﺑﺖ ﻻﻥ ﺍﺣﻼﻡ ﻭﺯﻫﺮﺓ ﻣﺎﺟﺎﻳﺎﺕ
ﮔﻠﺖ ﺑﻌﺪﻳﻦ ﺍﺳﺄﻝ ﻓﺎﻃﻤﻪ ﻋﻠﻴﻬﻦ
ﺩﺧﻠﻨﻪ ﮔﻌﺪﻧﻪ ﺑﺎﻟﺼﺎﻟﻪ ﻛﻠﻨﻪ ﻭﺍﻟﺤﺠﻴﻪ ﻓﺮﺣﺎﻧﻪ ﻭﺗﺴﺎﻝ ﺍﻣﻲ ﺍﺫﺍ ﺗﻌﺒﺖ ﻣﻦ ﺍﻟﻄﺮﻳﻖ
ﺩﻗﺎﻳﻖ ﻭﻧﺰﻝ ﺭﺍﻫﺐ ﻣﻦ ﺍﻟﺪﺭﺝ ﻋﻄﺮﺓ ﻭﺻﻞ ﻗﺒﻠﻪ
ﻻﺑﺲ ﺩﺷﺪﺍﺷﻪ ﺑﻴﻀﻪ ﻃﺎﻟﻊ ﺻﺪﻙ ﻫﻴﺒﻪ
ﺷﺨﺼﻴﺘﻪ ﺗﺨﻄﻒ ﺍﻻﻧﻔﺎﺱ ﻋﻴﻮﻧﻲ ﻭﺣﺪﻫﻦ ﻣﺮﻛﺰﺍﺕ ﺑﺘﻔﺎﺻﻴﻠﻪ
ﺍﺭﻳﺪ ﺍﻟﺘﻔﺖ ﻣﺎﺍﮔﺪﺭ ﺍﺭﻓﻊ ﻧﻀﺮﻱ ﻋﻨﻪ
ﻭﺍﻟﺜﺎﻧﻲ ﻣﺮﺓ ﻳﺴﻠﻢ ﻋﻠﻴﻬﻢ ﻭﻳﺘﻌﺪﺍﻧﻲ
ﻋﻴﻮﻧﻲ ﻏﺮﻏﺮﺕ ﺑﺎﻟﺪﻣﻮﻉ ﻭﻫﻮ ﻭﻻﻳﻤﻪ ﻳﺴﻮﻟﻒ ﻭﻳﻀﺤﻚ ﻭﻳﻪ ﺍﺧﻮﺍﻧﻲ
ﺟﺎﺑﻮ ﺍﻟﻐﺪﺓ ﺣﺘﺊ ﻣﺎﺍﺗﻐﺪﻳﺖ ﺍﻧﺴﺪﺕ ﻧﻔﺴﻲ ﺍﺭﻳﺪ ﺍﮔﻮﻡ ﺍﺫﺑﺤﻪ ﺑﺴﺒﺐ ﺑﺮﻭﺩﺓ
ﻟﻠﻌﺼﺮ ﺍﺟﻦ ﻛﻢ ﻭﺣﺪﺓ ﻣﻦ ﺟﺎﺭﺍﺕ ﺍﻟﺤﺠﻴﻪ ﻭﻣﻦ ﺿﻤﻨﻬﻦ ﺍﻡ ﻗﺎﺳﻢ ﻭﺳﺎﺭﺓ
ﺳﺎﺭﺓ،،ﻭﺍﮔﻮﻝ ﺍﻟﻴﻮﻡ ﻣﻨﻮﺭﺓ ﺍﻟﻤﻨﻄﻘﻪ ﺗﺎﻟﻲ ﺳﺖ ﻻﺭﺍ ﻳﻤﻨﻪ
ﻻﺭﺍ،،ﻫﻬﻬﻪ ﻓﺪﻭﺓ ﺍﻟﻜﻠﺒﺞ ﺑﺲ ﻣﻮﺍﻟﻬﻠﺪﺭﺟﻪ
ﺳﺎﺭﺓ،،ﻳﮕﻮﻝ ﻗﺎﺳﻢ ﻛﻠﻤﺔ ﺍﻟﺘﻨﮕﺎﻝ ﻫﻬﻬﻬﻬﻬﻊ
ﻻﺭﺍ،،ﻫﻬﻬﻬﻬﻬﻪ ﻫﺎ ﻳﻌﻨﻲ ﺍﺗﺠﺎﻣﻠﻴﻨﻲ ?
ﺳﺎﺭﺓ،،ﻫﻬﻬﻬﻬﻪ ﻻﻭﺍﻟﻠﻪ ﻓﺮﺣﺖ ﺑﺠﻴﺘﺞ
ﻻﺭﺍ،،ﺿﻠﻴﻨﻪ ﻧﺴﻮﻟﻒ ﻭﻧﻀﺤﻚ ﺑﻌﺪﻫﺎ ﺻﻌﺪﻧﻪ ﻧﺠﻬﺰ ﻓﻄﻮﻣﻪ ﻟﻜﻴﻨﺎﻫﺎ ﻻﺑﺴﻪ ﻓﺴﺘﺎﻥ ﺯﻳﺘﻮﻧﻲ ﻋﻠﺊ ﺟﺴﻤﻬﺎ ﺑﺲ ﻣﻦ ﺟﻮﺓ ﻣﻨﻔﻮﺵ ﻃﺎﻟﻌﻪ ﺍﺗﺨﺒﻞ
ﺍﺑﺪ ﻣﺎﺷﻔﺘﻬﺎ ﻗﺒﻞ ﻫﻴﺞ ﻻﺑﺴﻪ ﻣﺘﻐﻴﺮﺓ ﺟﺬﺭﻳﺎ ﻣﺎﻗﺒﻠﺖ ﺗﺮﻭﺡ ﻟﻠﺼﺎﻟﻮﻥ ﮔﺎﻟﺖ ﺍﻧﻲ ﺍﺣﻂ ﻣﻜﻴﺎﺝ ﺧﻔﻴﻒ ﺍﺣﻠﺊ
ﺑﺲ ﺧﺎﻳﻔﻪ ﻭﺗﺮﺟﻒ
ﺍﻧﻲ ﻫﻢ ﺑﺪﻟﺖ ﻭﺭﺗﺒﺖ ﺷﻌﺮﻱ ﺗﺮﻛﺘﻪ ﻣﻔﺘﻮﺡ ﺑﺲ ﺭﻓﻌﺖ ﺍﻃﺮﺍﻓﻪ
ﻣﺎﻟﺒﺴﺖ ﺣﺠﺎﺏ ﻻﻥ ﻣﺎﻛﻮ ﺍﺣﺪ ﻏﺮﻳﺐ
ﺩﺧﻠﺖ ﻋﻤﺘﻲ ﮔﺎﻟﺖ ﻳﺎﺍﻟﻠﻪ ﺍﻧﺰﻟﻦ ﺍﺟﻪ ﺍﻟﺴﻴﺪ
ﺍﺑﺎﻭﻉ ﻓﺎﻃﻤﻪ ﺻﺎﺭﺕ ﺻﻔﺮﺓ ﻣﻦ ﺍﻟﺨﻮﻑ ﻭﺍﺧﺬﻫﺎ ﺍﻟﺮﺟﻴﻒ
ﻫﺪﺋﻨﺎﻫﺎ ﺍﻧﻲ ﻭﺳﺎﺭﺓ ﻭﻧﺰﻟﻨﻪ ﺟﻮﺓ ﺍﻟﻨﺴﻮﺍﻥ ﻛﻠﻬﺎ ﮔﺎﻋﺪﺓ
ﺑﻌﺪﻫﺎ ﺳﻤﻌﻨﻪ ﺻﻮﺕ ﺭﺍﻫﺐ ﮔﺎﻝ ﺍﻟﺴﻴﺪ ﺭﺍﺡ ﻳﻌﻘﺪ
ﻓﻄﻮﻣﻪ ﻛﻌﺪﺕ ﻳﻢ ﺍﻟﺒﺎﺏ ﻭﺑﺪﺓ ﻳﻘﺮﺓ ﻭﻫﻲ ﺗﺮﺩﺩ ﻭﺭﺍﻩ
ﺍﺗﻌﺎﻟﺖ ﺍﺻﻮﺍﺕ . ﺍﻟﻬﻼﻫﻞ ﻭﺍﻧﻄﺶ ﺍﻟﺠﻜﻠﻴﺖ
ﺭﺍﺡ ﺍﻟﺴﻴﺪ ﻭﺍﻟﻌﺎﻟﻢ ﻭﺑﻘﻴﻨﻪ ﺑﺲ ﺍﺣﻨﻪ ﻓﺎﻃﻤﻪ ﺧﻠﺖ ﺣﺠﺎﺏ ﻋﻠﺊ ﺭﺍﺳﻬﺎ ﺑﻌﺪﻫﺎ ﺗﺴﺘﺤﻲ ﻣﺪﻧﻜﻪ
ﺩﺧﻞ ﺭﺍﻫﺐ ﻭﺍﺧﻮﺍﻧﻲ ﻭﺭﺍﻩ
ﺍﺗﻘﺮﺏ ﺍﻟﻔﺎﻃﻤﻪ ﺑﺎﺱ ﺭﺍﺳﻬﺎ ﻭﺑﺎﺭﻛﻠﻬﺎ
ﺻﺪﻓﻪ ﺍﺟﺖ ﻋﻴﻨﻲ ﺑﻌﻴﻨﻪ
ﺩﺍﺭ ﻭﺟﻬﺎ ﻟﻠﺤﺠﻴﻪ
ﺭﺍﻫﺐ،،ﺣﺠﻴﻪ ﺍﺩﻋﻲ ﻝ ﺍﺑﻨﺞ ﻳﻌﺮﺱ ﺑﻠﻜﺖ ﻳﻠﮕﻪ ﺍﻟﺘﺮﻳﺢ ﺑﺎﻟﻪ
ﺍﻟﺤﺠﻴﻪ،،ﻳﻮﻡ ﺍﻟﻤﻨﻪ ﺍﻭﻟﻴﺪﻱ ﺍﻓﺮﺡ ﺑﻴﻚ
ﺭﺍﻫﺐ،،ﻳﻤﻪ ﺍﺭﻳﺪﻫﺎ ﻛﺘﻜﻮﺗﻪ ﺻﻐﻴﺮﺓ ﺍﺭﺑﻴﻬﺎ ﻋﻠﺊ ﺍﻳﺪﻱ
ﻻﺭﺍ،،ﻳﺤﺠﻲ ﻭﺍﻧﻲ ﺍﺣﺮﮒ ﺑﺮﻭﺣﻲ ﻋﺮﻓﺖ ﻧﺴﺎﻧﻲ ﻭﺍﻛﻮ ﺍﺑﺎﻟﻪ ﺷﻲ ﺛﺎﻧﻲ
ﺍﻟﺪﻣﻌﻪ ﻭﮔﻔﺖ ﺑﻄﺮﻑ ﻋﻴﻨﻲ
ﻭﻫﻮ ﻳﺴﻮﻟﻒ ﻭﻳﻀﺤﻚ ﻣﻮ ﻣﻬﺘﻢ
ﻣﺎﻟﮕﻴﺖ ﺭﻭﺣﻲ ﻏﻴﺮ ﺣﺎﺟﻴﺖ ﺍﻣﻲ ﻛﺘﻠﻬﺎ ﻣﻨﺒﺎﺕ ﺍﻟﻴﻮﻡ ﻧﺮﺟﻊ ﺍﻟﺒﻐﺪﺍﺩ
ﺳﻌﺎﺩ،،ﻳﺎﺍ ﻟﻴﺶ ﻳﻤﻪ ﺧﻠﻴﻨﻪ ﻣﺘﻮﻧﺴﻴﻦ
ﻻﺭﺍ،،ﻣﻦ ﺣﺠﻴﺖ ﺑﺎﻭﻋﻠﻲ ﻭﺭﺟﻊ ﺍﻟﺘﻔﺖ ﻟﻌﻤﺘﻲ
ﻳﮕﻠﻬﺎ ﺍﺭﻳﺪﻫﺎ ﺣﻠﻮﺓ ﻛﻮﻥ
ﻋﻀﻴﺖ ﺷﻔﺘﻲ ﻣﻦ ﺍﻟﻘﻬﺮ ﺭﺩﺕ ﺍﻓﺸﺨﻪ
ﺩﮔﻴﺖ ﺭﺟﻠﻲ ﺍﻟﻪ ﻧﺮﺟﻊ ﺍﻟﺒﻐﺪﺍﺩ
ﺭﺍﻓﺪ ﻣﻦ ﺷﺎﻓﻨﻲ ﺿﺎﻳﺠﻪ ﮔﺎﻝ ﻫﺬﺍ ﻫﻮ ﻧﺮﺟﻊ
ﻭﻓﻌﻼ ﺷﮕﺪ ﺍﺗﻮﺳﻠﺖ ﻋﻤﺘﻲ ﺣﺘﺊ ﻧﻀﻞ ﺑﺲ ﺍﻧﻲ ﺭﻓﻀﺖ ﻭﻛﻠﺸﻲ ﻃﻠﻊ ﻣﻦ ﻋﻴﻨﻲ
ﺑﺤﺎﻝ ﻛﺸﺨﺖ ﺣﺘﺊ ﻳﺸﻮﻓﻨﻲ ﺍﻣﺪﺍﻧﻲ
ﺍﺧﺬﺕ ﺍﻟﻄﺮﻳﻖ ﻛﻠﻪ ﺍﻛﻞ ﺑﺮﻭﺣﻲ
ﺣﻠﻔﺖ ﺑﻌﺪ ﻣﺎﺍﺗﺼﻞ ﺑﻲ ﻭﻻﻟﻲ ﺷﻐﻞ ﺑﺮﺍﻫﺐ ﻧﻬﺎﺋﻴﺎ
ﺍﺗﻔﻘﺖ ﺍﻣﻲ ﻭﻳﻪ ﻋﻤﺘﻲ ﺍﻟﻌﺮﺱ ﺑﻌﺪ ﺷﻬﺮﻳﻦ ﻳﻌﻨﻲ ﺑﺪﺍﻳﻪ ﺳﻨﻪ 2020
ﻣﺮﺕ ﺍﻻﻳﺎﻡ ﻣﺤﻤﺪ ﻗﺮﺭ ﺍﻻﺳﺒﻮﻉ ﺍﻟﻴﺠﻲ ﻳﺮﻭﺡ ﻟﻠﻨﺠﻒ ﺣﺘﺊ ﻳﻌﻘﺪ ﻣﺤﻜﻤﻪ
ﻗﺒﻞ ﺭﻭﺣﺘﻪ ﻟﻠﻨﺠﻒ ﺑﻠﻴﻞ ﻛﺎﻝ ﻻﺭﺍ ﺭﻭﺣﻲ ﻭﻳﺎﻱ ﻓﺸﻠﻪ ﺍﺭﻭﺡ ﻭﺣﺪﻱ
ﮔﺘﻠﻪ ﻣﺎﺍﺭﻭﺡ ﻭﻓﻌﻼ ﻛﻨﺖ ﻣﻘﺮﺭﺓ ﻣﺎﺍﺭﻭﺡ ﻭﻻﺍﺭﻳﺪ ﺍﺷﻮﻓﻪ
ﺍﻣﻲ ﺻﺎﺩﻓﺖ ﻣﺎﻟﻬﺎ ﺧﻠﮓ ﻭﻣﺎﺭﺍﺣﺖ
ﻣﻦ ﺷﻔﺖ ﻣﺤﻤﺪ ﻟﺢ ﻳﺎﺧﺬﻧﻲ ﻭﻳﺎﻩ ﻗﺒﻠﺖ
ﺣﻀﺮﺕ ﻣﻼﺑﺴﻲ ﻣﻦ ﺍﻟﻠﻴﻞ ﻻﻥ ﻫﻢ ﻳﺎﺍﻟﻠﻪ ﻧﻄﻠﻊ ﻣﻦ ﻭﻛﺖ ﺣﺘﺊ ﻧﻮﺻﻞ ﻗﺒﻞ ﻣﺎﻳﻨﺘﻬﻲ ﺩﻭﺍﻡ ﺍﻟﻤﺤﻜﻤﻪ
ﻭﻓﻌﻼ ﮔﻌﺪﻧﻲ ﻣﻦ ﻏﺒﺸﻪ ﻳﻤﻜﻦ ﻣﻦ ﻓﺮﺣﺘﻪ ﺣﺘﺊ ﻣﺎﻧﺎﻳﻢ
ﻟﺒﺴﺖ ﺑﻨﻄﺮﻭﻥ ﺍﺳﻮﺩ ﻭﺗﻴﺸﻴﺮﺕ ﻧﻴﻠﻲ ﻃﻮﻳﻞ
ﺭﻫﻤﺖ ﺷﺎﻝ ﻭﻳﺎﻩ ﻭﺣﺬﺍ ﺍﻓﻼﺕ
ﻟﺒﺴﺖ ﻓﻮﻛﻬﻢ ﺍﻟﻌﺒﺎﻳﻪ ﻭﺍﺧﺬﺕ ﺟﻨﻄﺘﻲ ﺑﻴﺪﻱ ﻭﻃﻠﻌﺖ ﻣﺤﻤﺪ ﻳﻨﺘﻀﺮﻧﻲ
ﻭﺻﻠﻨﻪ ﻟﻠﻨﺠﻒ ﺍﻟﺴﺎﻋﻪ ﺏ 10 ﻭﻧﺺ ﺍﻟﺼﺒﺢ
ﻭﺻﻠﻨﻪ ﺍﻟﺒﻴﺖ ﻋﻤﻲ ﻧﺰﻝ ﻣﺤﻤﺪ ﻭﺍﻧﻲ ﻭﺭﺍﻩ ﻣﺪﻧﻜﻪ
ﺩﻙ ﺍﻟﺒﺎﺏ ﺷﻮﻳﻪ ﻭﻃﻠﻊ ﺭﺍﻫﺐ ﺍﺣﺲ ﻣﻌﺪﺗﻲ ﺍﻧﻤﻐﺼﺖ
ﺍﺗﻤﻨﺊ ﺍﻋﺮﻑ ﻟﻴﺶ ﺍﺧﺎﻑ ﻭﺍﻧﻬﺒﻂ ﻣﻦ ﺍﺷﻮﻓﻪ
ﺳﻠﻢ ﻋﻠﺊ ﻣﺤﻤﺪ ﻭﻫﻮ ﻳﮕﻠﻪ ﻫﻠﻪ ﺑﺎﻟﻨﺴﻴﺐ
ﻭﺍﻧﻲ ﻭﻻﻛﺄﻥ ﻳﺸﻮﻓﻨﻲ ﻭﻻﺣﺘﺊ ﻋﺒﺮﻧﻲ
ﺣﺎﻁ ﺍﻳﺪﺓ ﻋﻠﺊ ﺿﻬﺮ ﻣﺤﻤﺪ ﻭﻳﺤﺠﻲ ﻭﻳﺎﻩ
ﺩﺧﻠﻮ ﮔﺪﺍﻣﻲ ﻭﺍﻧﻲ ﻭﺭﺍﻫﻢ ﺍﺗﻤﻨﻴﺖ ﻣﺎﺟﺎﻳﻪ
ﺍﺗﻠﻜﺘﻨﻪ ﻋﻤﺘﻲ ﺍﻛﻠﺘﻨﻲ ﺑﺎﻟﺴﻼﻡ ﺍﻟﺴﺎﻧﻬﺎ ﺍﻳﺨﺒﻞ ﻋﻜﺲ ﺍﺑﻨﻬﺎ ﺍﻟﻌﻜﺮﺓ
ﻧﺰﻟﺖ ﻓﻄﻮﻣﻪ ﻻﺑﺴﻪ ﻭﺟﺎﻫﺰﺓ ﻣﺨﻠﺼﺘﻬﺎ ﺻﺎﻣﺖ ﻻﻥ ﺗﺨﺠﻞ ﻣﻦ ﻣﺤﻤﺪ
ﻟﮕﻴﻨﺎﻫﻢ ﻣﺠﻬﺰﻳﻦ ﺍﻟﺮﻳﻮﮒ ﺍﻟﺤﺠﻴﻪ ﻣﺎﻗﺒﻠﺖ ﻧﺮﻭﺡ ﺍﺫﺍ ﻣﺎﻧﺘﺮﻳﮓ
ﻓﻄﻮﻣﻪ ﺣﻀﺮﺕ ﺍﻟﺼﻴﻨﻴﻪ ﻭﺭﺍﻫﺐ ﺻﻌﺪ ﺍﻟﻐﺮﻓﺘﻪ
ﮔﻌﺪﻧﻪ ﺍﻧﻲ ﻭﻣﺤﻤﺪ ﻧﺘﺮﻳﮓ
ﺷﻮﻳﻪ ﻭﻧﺰﻝ ﻻﺑﺲ ﺍﻟﺰﻱ ﺍﻟﻌﺴﻜﺮﻱ
ﻳﺮﺑﻲ ﺍﺷﺒﻴﻪ ﺍﻓﻘﺪ ﻣﻦ ﺍﺷﻮﻓﻪ ﺍﺻﻴﺮ ﻣﺎﺍﻋﺮﻑ ﺷﻨﻮ ﺍﺗﺼﺮﻑ ﻭﻏﻴﺮ ﻋﻴﻮﻧﻲ ﺍﻟﻲ ﻳﻌﺎﻧﺪﻧﻲ ﻭﻳﺒﺎﻭﻋﻦ ﺍﻟﻬﻴﺒﺘﻪ ﻭﻛﺸﺨﺘﻪ
ﻟﻜﻔﻨﻲ ﺍﺑﺎﻭﻋﻠﻪ ﺭﻓﻊ ﺣﺎﺟﺒﻪ ﻣﺎﻣﻬﺘﻢ ﮔﻌﺪ ﻛﺪﺍﻣﻨﻪ ﻉ ﺍﻟﻘﻨﻔﻪ
ﻳﺤﺠﻲ ﺑﻤﻮﺿﻮﻉ ﺍﻟﻤﺤﻜﻤﻪ ﻭﻫﺎﻱ ﺍﻻﻣﻮﺭ
ﺷﻮﻳﻪ ﻭﮔﺎﻝ ﻫﻢ ﻳﺎﺍﻟﻠﻪ ﻻﻥ ﻣﺘﻮﺍﻋﺪ ﻭﻳﻪ ﺟﻤﺎﻋﺔ ﺍﻫﻨﺎﻙ ﺑﻠﻜﺖ ﻳﻜﻤﻠﻮﻥ ﺍﻻﺟﺮﺍﺋﺎﺕ ﻛﻠﻬﺎ ﺍﻟﻴﻮﻡ
ﻭﻓﻌﻼ ﺭﺣﻨﻪ ﺍﻧﻲ ﻭﺍﺧﻮﻱ ﺑﺴﻴﺎﺭﺗﻨﻪ ﻭﻫﻮ ﻭﻓﺎﻃﻤﻪ ﺑﺴﻴﺎﺭﺗﻬﻢ
ﺩﺧﻠﻨﻪ ﻟﻠﻤﺤﻜﻤﻪ ﻛﻠﻬﺎ ﺗﺎﺧﺬﻟﻪ ﺗﺤﻴﻪ ﺳﻴﺪﻱ ﻭﺳﻴﺪﻱ
ﺍﺑﺎﻭﻉ ﻛﻢ ﺑﻨﻴﻪ ﺍﻛﻠﻨﻪ ﺍﻛﻞ ﺑﻌﻴﻮﻧﻬﻦ
ﺍﺣﺲ ﺩﺧﺎﻥ ﻃﻠﻊ ﻣﻦ ﺭﺍﺳﻲ ﺍﻟﻐﻴﺮﺓ ﺻﻌﺪﺕ ﻓﻮﻝ ﻭﻫﻮ ﻭﻻﻳﻤﻪ ﺍﻟﻤﻮﺿﻮﻉ
ﺍﻛﻮ ﻣﺤﺎﻣﻴﻪ ﺍﺗﻠﻜﺘﻨﻪ ﻛﻠﺶ ﺣﻠﻮﺓ ﻭﻣﺮﺗﺒﻪ
ﻭﻛﻔﺖ ﺗﺴﻮﻟﻒ ﻭﻳﺎﻩ ﻭﺗﻀﺤﻚ ﺑﺼﻮﺭﺓ ﻋﺎﺩﻳﻪ ﺑﺲ ﺍﻧﻲ ﮔﻠﺒﻲ ﺍﺗﺸﻌﻮﻁ ﻣﻦ ﺍﻟﻐﻴﺮﺓ
ﺑﺎﻭﻋﻠﻲ ﺧﺰﺭﺗﻪ ﻭﺩﺭﺕ ﻭﺟﻬﻲ ﺍﺳﻤﻊ ﺑﺲ ﺻﻮﺕ ﺿﺤﻜﺎﺗﻪ ﻭﻳﺎﻫﺎ ﻣﺪﺭﻱ ﻋﻠﻴﻤﻦ ﻓﺎﻃﺲ ﻣﻦ ﺍﻟﻀﺤﻚ
ﺍﺧﺮ ﺷﻲ ﺍﻧﻲ ﻛﻌﺪﺕ ﻋﻠﺊ ﺻﻔﺤﻪ ﻭﻫﻮ ﺩﺧﻞ ﻭﻳﻪ ﻣﺤﻤﺪ ﻭﻓﺎﻃﻤﻪ ﻳﻜﻤﻠﻮﻥ ﺍﻻﻭﺭﺍﻕ
ﺷﻮﻳﻪ ﻭﻃﻠﻊ ﻭﺣﺪﺓ ﺑﺎﻭﻋﻠﻲ ﻣﺪ ﺍﻳﺪﺓ ﺍﻟﺠﻴﺒﻪ ﻃﻠﻊ ﺑﺎﻛﻴﺘﻪ ﺳﺤﺐ ﺟﮕﺎﺭﺓ ﺍﻭﺭﺛﻬﺎ
ﺍﺧﺬ ﻣﻨﻬﺎ ﻧﻔﺲ ﻭﻧﻔﺚ ﺩﺧﺎﻧﻬﺎ ﻟﻔﻮﮒ
ﺍﺗﺨﻴﻠﺖ ﻧﻔﺴﻲ ﺍﺣﺘﺮﮒ ﻣﺜﻞ ﺍﻟﺠﮕﺎﺭﺓ ﮔﺪﺍﻣﻪ ﻭﻫﻮ ﺍﻟﺤﺎﺭﮔﻨﻲ
ﺭﺩﺕ ﻳﺒﺎﻭﻋﻠﻲ ﺣﺘﺊ ﻟﻮﺑﻨﻀﺮﺓ ﻭﺣﺪﺓ ﻣﺜﻞ ﻗﺒﻞ ﺑﺲ ﺍﻟﻀﺎﻫﺮ ﺭﺍﻫﺐ ﺍﺗﻐﻴﺮ ﻭﻧﺴﺎﻧﻲ
ﻟﻠﺴﺎﻋﻪ 12 ﻃﻠﻌﻨﻪ ﻣﻦ ﺍﻟﻤﺤﻜﻤﻪ ﻭﺑﻌﺪ ﻧﺺ ﺍﻻﺟﺮﺍﺋﺎﺕ ﻣﺎﻛﺎﻣﻠﻪ ﮔﺎﻟﻮ ﺑﺎﺟﺮ ﻧﻜﻤﻠﻬﻦ
ﻛﻠﺶ ﺿﺠﺖ ﻣﻌﻨﺎﺗﻬﺎ ﺭﺍﺡ ﺍﻧﺒﺎﺕ ﻳﻤﻬﻢ
ﻛﺮﻫﺖ ﺭﻭﺣﻲ ﻻﻥ ﻣﺎﻳﺒﺎﻭﻋﻠﻲ ﻭﻻ ﻳﺤﺎﻭﻝ ﻳﺘﻮﺩﺩ ﻣﺜﻞ ﻗﺒﻞ
ﺭﺟﻌﻨﻪ ﻟﻠﺒﻴﺖ ﻋﻤﺘﻲ ﻣﺠﻬﺰﺓ ﺍﻟﻐﺪﺓ ﻓﻄﻮﻣﻪ ﺑﺪﻟﺖ ﻭﻧﺰﻟﺖ ﺗﺤﻀﺮ ﻭﻳﻪ ﻋﻤﺘﻲ ﺍﻧﻲ ﻫﻢ ﮔﻤﺖ ﻭﻳﺎﻫﻦ ﺍﺳﺎﻋﺪﻫﻦ
ﻓﺮﺷﻨﻪ ﺍﻟﺴﻔﺮﺓ ﻭﻛﻠﻨﻪ ﮔﻌﺪﻧﻪ ﻧﺘﻐﺪﺓ
ﻛﻞ ﺷﻮﻳﻪ ﺍﺳﺘﺮﻕ ﺍﻟﻨﻀﺮ ﺍﻟﻪ ﻋﻠﻪ ﺑﺲ ﺍﻟﻤﺤﻪ ﻳﺒﺎﻭﻋﻠﻲ
ﺑﺲ ﻳﻤﻜﻦ ﺣﺘﺊ ﻣﺎﻳﺸﻮﻓﻨﻲ ﻣﻮﺟﻮﺩﺓ ﮔﺪﺍﻣﻪ
ﻛﻤﻠﻨﻪ ﺍﻟﻐﺪﺓ ﻭﺍﺻﻼ ﻣﺎﺍﻛﻠﺖ ﺷﻲ ﻣﺠﺮﺩ ﺍﻧﻘﺶ
ﺍﻟﺤﺠﻴﻪ،،ﺍﻛﻠﻲ ﻳﻤﻪ ﺟﻨﺞ ﻋﺼﻔﻮﺭ ﻣﺎﺍﻛﻠﺘﻲ ﺷﻲ
ﻻﺭﺍ،،ﺭﺩﺕ ﺍﺣﺠﻲ ﺳﺒﻘﻨﻲ ﺑﻜﻼﻣﻪ
ﺭﺍﻫﺐ،،ﺍﺗﺮﻛﻴﻬﺎ ﺣﺠﻴﻪ ﺍﻟﻴﺎﻛﻞ ﺑﻀﺮﺳﻪ ﻳﻨﻔﻊ ﻧﻔﺴﻪ
ﻻﺭﺍ،،ﻣﺤﻤﺪ ﺭﺍﺡ ﻳﻐﺴﻞ ﻣﻦ ﺣﺠﻪ ﻣﺎﻛﺎﻥ ﻣﻮﺟﻮﺩ ﺻﺪﮒ ﺍﻧﻬﻀﻤﺖ ﺭﺩﺕ ﺍﺑﺠﻲ ﺻﺎﺭ ﻳﺘﻔﻨﻦ ﺍﺷﻠﻮﻥ ﻳﻔﺸﻠﻨﻲ
ﮔﻤﺖ ﻏﺴﻠﺖ ﺑﺲ ﺭﻭﺣﻲ ﻃﺎﻓﺮﺓ ﺍﺗﻤﻨﻴﺖ ﺍﺭﺟﻊ ﺍﻟﺒﻐﺪﺍﺩ
ﺍﻟﻌﺼﺮ ﻋﻤﺘﻲ ﺍﻗﺘﺮﺣﺖ ﻋﻠﻴﻨﻪ ﻧﺰﻭﺭ ﺍﻻﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ
ﮔﺎﻟﺖ ﻟﻤﺤﻤﺪ ﺍﺧﺬ ﺍﺧﺘﻚ ﻭﺧﻄﻴﺒﺘﻚ ﻭﺭﻭﺣﻮ ﺯﻭﺭﻭ
ﺍﻧﻲ ﺭﻓﻀﺖ ﻻﻥ ﻋﻴﺐ ﺍﺭﻭﺡ ﻭﻳﺎﻫﻢ ﺧﻠﻴﻬﻢ ﻳﺎﺧﺬﻭﻥ ﺭﺍﺣﺘﻬﻢ
ﮔﺘﻠﻬﺎ ﻋﻤﻪ ﻣﺎﺍﺭﻭﺡ ﺍﻧﻲ ﻓﺎﻃﻤﻪ ﺭﺍﺩﺕ ﺍﺭﻭﺡ ﻭﻳﺎﻫﺎ ﺧﺰﺭﻫﺎ ﻣﺤﻤﺪ
ﺿﺤﻜﺖ ﻋﻠﻲ ﻻﻥ ﺍﺧﻮﻱ ﻣﺒﻴﻦ ﻭﻛﺢ ﻣﻦ ﻫﺴﻪ ﻳﺘﺨﺎﺯﺭ
ﻓﺎﻃﻤﻪ ﺭﺍﺣﺖ ﺳﺒﺤﺖ ﻭﺑﺪﻟﺖ ﺣﺘﺊ ﻳﺮﺣﻮﻥ
ﺷﻮﻳﻪ ﻭﻧﺰﻝ ﺍﺧﻮﻫﺎ ﺍﻟﻐﻀﺐ ﻻﺑﺲ ﻭﻛﺎﺷﺦ ﻋﻄﺮﻩ ﻳﻬﻒ ﮔﺪﺍﻣﻪ
ﻓﺎﻃﻤﻪ ﺍﺟﺖ ﻳﻤﻲ ﻻﺑﺴﻪ ﻋﺒﺎﻳﺘﻬﺎ ﺗﺮﻳﺪ ﺗﺮﻭﺡ
ﻭﮔﻒ ﻗﺮﻳﺐ ﻋﻠﻴﻨﻪ ﮔﺎﻟﻬﺎ
ﺭﺍﻫﺐ،،ﻓﻄﻮﻣﻪ ﺍﺩﻋﻴﻠﻲ ﻭﻳﺎﺝ ﺑﻠﻜﺖ ﺗﺨﻠﺺ ﺷﻐﻠﺘﻲ ﺍﻟﻴﻮﻡ
ﻻﺭﺍ، ،ﺣﺠﺎﻫﺎ ﻭﺭﺍﺡ ﺍﺧﺬ ﺳﻮﻳﺠﻪ ﻭﻃﻠﻊ
ﺍﻟﻔﻀﻮﻝ ﻛﺘﻠﻨﻲ ﮔﺘﻠﻬﺎ ﻟﻴﺶ ﺷﻜﻮ ﺷﻌﻨﺪﺓ ﺍﺧﻮﺝ ﻣﻦ ﺷﻐﻠﻪ ?
ﻓﺎﻃﻤﻪ،،ﻣﻮ ﺍﺗﻌﺮﻑ ﻋﻠﻪ ﺑﻨﻴﻪ ﻭﻧﺎﻭﻱ ﻳﺘﻘﺪﻣﻠﻬﺎ ﻫﺴﻪ ﺣﻴﺮﻭﺡ ﻳﻔﺎﺗﺢ ﺍﺑﻮﻫﺎ ﺑﺎﻟﻤﻮﺿﻮﻉ ﻭﺍﺫﺍ ﻭﺍﻓﻖ ﺣﺘﺊ ﻳﺎﺧﺬﻟﻬﻢ ﻣﺸﻴﻪ ﻳﻄﻠﺒﻬﺎ ﻣﻦ ﺍﺑﻮﻫﺎ ﻭﻋﻤﺎﻣﻬﺎ
ﻻﺭﺍ،،ﻫﻲ ﺗﺤﺠﻲ ﻭﺍﻧﻲ ﻣﺜﻞ ﺧﻨﺠﺮ ﻣﺴﻤﻮﻡ ﻧﺎﻡ ﺑﻨﺺ ﮔﻠﺒﻲ
ﻋﻴﻮﻧﻲ ﺑﺴﺮﻋﻪ ﻏﻮﺷﻦ ﺑﺲ ﻣﺎﺳﻤﺤﺖ ﻟﺪﻣﻮﻋﻲ ﺗﻨﺰﻝ ﻭﺗﻔﺸﻠﻨﻲ ﻛﺪﺍﻣﻬﻢ
ﻫﻤﻪ ﺭﺍﺣﻮ ﻭﺍﻧﻲ ﺍﺗﺮﺧﺼﺖ ﻣﻦ ﻋﻤﺘﻲ ﮔﺘﻠﻬﺎ ﺻﺎﻋﺪﺓ ﺍﻧﺎﻡ ﻻﻥ ﻧﻌﺴﺎﻧﻪ ﻭﺗﻌﺒﺎﻧﻪ ﻣﻦ ﺍﻟﻄﺮﻳﻖ
ﺑﻤﺠﺮﺩ ﻣﺎﺩﺧﻠﺖ ﻟﻠﻐﺮﻓﻪ ﺍﻃﻠﻘﺖ ﺍﻟﻌﻨﺎﻥ ﻟﺪﻣﻮﻋﻲ
ﻭﺑﺮﺍﺳﻲ ﻳﺘﺮﺩﺩ ﻛﻼﻡ ﻓﺎﻃﻤﻪ
ﻣﻌﻘﻮﻟﻪ ﺍﻧﺘﻬﻴﻨﻪ ﻭﺭﺍﺡ ﻳﺘﺰﻭﺝ ﻭﺣﺪﺓ ﺛﺎﻧﻴﻪ ??
ﻳﺘﺘﺒﻊ ،،ﻗﺮﺍﺋﻪ ﻣﻤﺘﻌﻪ
ﻳﺴﻌﺪ ﻣﺴﺎﻛﻢ ﺑﻨﺎﺕ
ﺍﺩﺭﻱ ﺍﻟﺒﺎﺭﺕ ﻗﺼﻴﺮ ﺑﺲ ﺣﺘﺊ ﺍﺗﺨﻠﺺ ﻣﻦ ﺍﻻﺣﺪﺍﺙ ﻭﺍﻧﺘﻘﻞ ﻟﻠﺒﺎﺭﺕ ﺍﻻﺧﻴﺮ ﻻﻥ ﺍﺭﻳﺪ ﺍﻃﻮﻝ ﺍﻟﻜﻢ ﺑﺎﻟﺒﺎﺭﺕ
ﺭﺍﺡ ﻳﻜﻮﻥ ﻛﻠﺶ ﻃﻮﻳﻞ ﻓﻤﺎﺣﺒﻴﺖ ﺍﺗﺮﻛﻢ ﺍﻟﻴﻮﻡ ﺑﺪﻭﻥ ﺑﺎﺭﺕ
