# ﺭﺍﻫﺐ_ﺍﺑﻮ_ﻏﻀﺐ_ﺝ2
/////// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ ///////
# بارت36
ﻭﺍﺷﺘﺎﮔﻠﻚ ﻭﺍﺭﺟﻊ ﻃﻔﻞ
ﻣﺎﻳﻘﺘﻨﻊ ﻫﻮ ﺑﻌﺬﺭ
ﻣﺎﻳﻌﺮﻑ ﺍﻓﺮﺍﮒ ﻭﻫﺠﺮ
ﻛﻞ ﺍﻟﻴﺸﻮﻓﻪ ﻳﺮﻳﺪﺓ
ﺣﺎﺟﺎﺗﻪ ﻛﻠﻬﻦ ﺑﺲ ﺍﻟﻪ
ﻭﻣﻤﻨﻮﻉ ﻭﺍﺣﺪ ﻳﻘﺘﺮﺏ
ﺣﺎﺿﻨﻬﻦ ﺑﭽﻒ ﺍﻳﺪﺓ 💔
،،،،،،،،،،،
،،،،،،،،،،،،،،،
ﻋﻴﻨﻲ ﺑﻌﺪ ﭼﻼﻭﻭﻳﻲ
ﺭﺍﺡ ﺍﻋﻤﺊ ﻣﻦ ﺍﻟﻜﺘﺎﺑﻪ ﺩﻭﺳﻨﻬﺎﺍ ⭐👈
ﺗﺮﺓ ﺭﺍﺡ ﺍﺗﺨﻠﻨﻲ ﺍﻏﻨﻲ
ﺍﺍﺍﻧﻪ ﺍﻟﻤﻀﻴﻠﻴﻤﻪ
ﺍﻧﻪ ﺍﻟﻤﺴﻴﭽﻴﻨﻪ 😂😂😂😂
ﻭﺻﻠﻦ ﺍﻟﺒﺎﺭﺕ 10 ﺍﻟﻒ ﺻﻮﺕ ﻭﻛﺜﺮﻥ ﺑﺎﻟﺘﻌﻠﻴﻘﺎﺕ ﺍﺩﻟﻠﺠﻦ 😁
ﺭﺍﺡ ﺍﺭﺍﻗﺐ ﺍﻻﺷﻌﺎﺭﺍﺕ
ﺍﻻﺷﻮﻓﻬﺎ ﺗﺼﻮﺕ ﻣﻦ ﺍﻭﻝ ﺑﺎﺭﺕ ﺍﻻﺧﺮ ﺑﺎﺭﺕ ﺭﺍﺡ ﺍﻧﻄﻴﻬﺎ ﻣﺘﺎﺑﻌﻪ ﺍﺫﺍ ﺍﺟﺘﻬﺎ ﻣﺘﺎﺑﻌﻪ ﻣﻨﻲ ﻣﻌﻨﺎﺗﻬﺎ ﺗﻢ ﻧﺸﺮ ﺣﺴﺎﺑﻬﺎ
ﻫﺎﺍﺍﺍﺍﺍ ﺍﭼﻠﻮﻭﻧﻲ 😂😂😂... صراحه تفاعلكم ابد معاجبني لزعلوني منكم تره زعلي ثكيل
،،،،،،،،،،،،،،،،،،،،،،،
ﻻﺭﺍ،،ﺭﻓﻌﺖ ﺭﺍﺳﻲ ﺷﻔﺘﻪ ﻧﻔﺴﻪ ﺍﻟﺸﺎﺏ ﺍﻟﻀﺮﺏ ﺭﺟﻠﻲ ﺑﺮﺟﻠﻪ
ﻣﺎﺍﻫﺘﻤﻴﺖ ﻛﻤﻠﺖ ﻟﻤﻴﺖ ﻛﺘﺒﻲ ﻭﮔﻤﺖ ﻭﮔﻔﺖ ﺍﺑﺎﻭﻋﻠﻪ ﺍﺗﺨﺼﺮ ﺭﻓﻊ ﺣﺎﺟﺒﻪ ﮔﺎﻝ
ﺻﺪﺍﻡ، ،ﻣﻨﻮ ﻫﺬﺍ ﺍﻻﻋﻤﺊ ?
ﻻﺭﺍ،،ﻣﻤﻜﻦ ﺗﺒﻌﺪ ﻋﻦ ﻃﺮﻳﻘﻲ ?
ﺻﺪﺍﻡ،،ﻣﻮﻗﺒﻞ ﻣﺎﺍﻋﺮﻑ ﻣﻨﻮ ﺍﻻﻋﻤﺊ ?
ﻻﺭﺍ،،ﺭﻭﺣﻲ ﻃﺎﻓﺮﺓ ﻭﻫﻮ ﻣﺘﺨﻮﺻﺮ ﮔﺘﻠﻪ ﻣﻨﻮ ﺻﺪﻣﻨﻲ
ﺻﺪﺍﻡ،،ﺍﻧﻲ
ﻻﺭﺍ،،ﻣﻌﻨﺎﺗﻬﺎ ﺍﻧﺘﻪ ﺍﻻﻋﻤﺊ
ﺭﺩﺕ ﺍﻋﺒﺮ ﺟﺮﻧﻲ ﻣﻦ ﺍﻳﺪﻱ
ﺍﻧﻀﺮﺑﺖ ﺑﺎﻟﺤﺎﻳﻂ ﺩﻧﮓ ﺍﻟﻤﺴﺘﻮﺍﻱ ﺻﻚ ﻋﻠﺊ ﺍﺳﻨﺎﻧﻪ ﻭﺣﺠﻪ ﺑﻨﺒﺮﺓ ﺧﻠﺘﻨﻲ ﺍﻋﻴﺪ ﺣﺴﺎﺑﺎﺗﻲ ﻋﻠﺊ ﻫﺎﻱ ﺍﻟﻜﻠﻤﻪ
ﺻﺪﺍﻡ،، ﺍﺗﺠﺎﻭﺯﻱ ﻣﺮﺓ ﺛﺎﻧﻴﻪ ﻭﺷﻮﻓﻲ ﺍﺷﻠﻮﻥ ﺍﺳﺤﻠﺞ ﺑﺎﻟﺠﺎﻣﻌﻪ ﺫﻫﺎﺑﺎ ﻭﺍﻳﺎﺑﺎ ﻋﻠﺊ ﻫﺬﺍ ﺍﻟﺴﺎﻧﺞ ﺍﻟﻤﺘﺒﺮﻱ ﻣﻨﺞ
ﻻﺭﺍ،،ﺭﺩﺕ ﺍﺣﺠﻲ ﻧﺘﺮ ﺍﻳﺪﻱ ﻭﻣﺸﻪ ﺍﺟﺬﺏ ﺍﺫﺍ ﺍﮔﻮﻝ ﻣﺎﺧﻔﺖ ﺑﺎﻟﻌﻜﺲ ﺍﻭﻝ ﻣﺮﺓ ﺷﺨﺺ ﻏﺮﻳﺐ ﻳﺤﺠﻲ ﻭﻳﺎﻱ ﺑﻬﻞ ﺍﺳﻠﻮﺏ
ﻣﺮﺓ . ﺍﻻﻳﺎﻡ ﻭﺭﺍﻫﺐ ﺑﻌﻴﺪ ﻋﻨﻲ ﻳﻤﻜﻦ ﺍﻗﺘﻨﻊ ﺍﻧﻲ ﻭﻳﺎﻩ ﺍﻧﺘﻬﻴﻨﻪ ﻟﺬﺍﻟﻚ ﺳﺤﺐ ﻧﻔﺴﻪ
،،،،،،،،،،،
ﺭﺍﻫﺐ
ﻣﺎﻧﺴﻴﺘﻬﺎ ﻭﻻﻟﺤﻀﻪ ﻋﺎﻳﺸﻪ ﻭﻳﺎﻱ ﻭﻳﻦ ﻣﺎﺭﻭﺡ ﻫﻲ ﮔﺒﺎﻟﻲ ﺍﻧﺎﻡ ﺍﮔﻌﺪ ﺍﻛﻞ ﻣﺎﺗﻔﺎﺭﮒ ﺑﺎﻟﻲ ﺍﺑﺪ
ﻛﻞ ﻳﻮﻡ ﻳﻤﺮ ﺑﺴﻨﻪ ﺑﻔﺮﺍﮔﻬﺎ
ﻣﺎﺟﻨﺖ ﺍﺿﻦ ﺭﺍﺡ ﺍﺣﺒﻬﺎ ﻫﻠﮕﺪ
ﻛﺎﻧﻪ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ ﻋﺎﻗﺒﻨﻲ ﺑﺤﺒﻬﺎ ﻻﻥ ﻋﺬﺑﺘﻬﺎ
ﻃﻮﻝ ﻫﺎﻱ ﺍﻟﻔﺘﺮﺓ ﻣﺼﺒﺮ ﺭﻭﺣﻲ ﻣﻨﻴﻢ ﺛﻮﺑﻬﺎ ﺑﺤﻀﻨﻲ
ﺻﻌﺒﻪ ﺣﻴﻴﻞ ﺻﻌﺒﻪ
ﺟﺎﻧﺖ ﮔﺒﺎﻝ ﻋﻴﻨﻲ ﺍﺣﺒﻬﺎ ﻭﺍﺗﻔﻨﻦ ﺑﺎﺍﺫﻳﺘﻬﺎ
ﻫﺴﻪ ﻫﻲ ﺑﻌﻴﺪﺓ ﻋﻨﻲ ﻭﻣﺎﺷﺎﻳﻒ ﻃﻌﻢ ﺍﻟﺮﺍﺣﻪ ﺑﺪﻭﻧﻬﺎ
ﻳﺠﻲ ﺍﻟﻠﻴﻞ ﻭﺍﺍﺍﺥ ﻳﻠﻴﻞ ﺍﻟﻮﺣﺸﻪ ﺑﺪﻭﻧﻬﺎ ﻣﺎﻳﺨﻠﺺ ﻟﻤﻦ ﺗﺨﻠﺺ ﺭﻭﺣﻲ
ﻳﺼﻴﺮ ﻃﻮﻭﻳﻞ ﻳﻬﻴﺞ ﺑﺮﻭﺣﻚ ﻣﻮﺍﺳﻢ ﺷﻮﮒ
ﻭﺗﻌﺐ ﻭﺍﻟﻢ ﻭﺟﺮﺡ ﻏﻤﻴﺞ ﻣﻮﺑﺴﻬﻮﻟﻪ ﻳﺸﻔﺊ
ﺍﻧﻔﺘﺢ ﺍﻟﺒﺎﺏ ﺩﺧﻠﺖ ﺍﻣﻲ ﻫﻲ ﺍﻟﺸﺎﻫﺪﺓ ﻋﻠﺊ ﻋﺬﺍﺑﻲ ﻭﻟﻮﻋﺖ ﮔﻠﺒﻲ
ﮔﻌﺪﺕ ﻳﻤﻲ ﺍﺩﻧﻴﺖ ﻳﻤﻬﺎ ﺧﻠﻴﺖ ﺭﺍﺳﻲ ﺑﺤﻀﻨﻬﺎ ﺧﻠﺖ ﺍﻳﺪﻫﺎ ﺑﺸﻌﺮﻱ ﻏﻤﻀﺖ
ﺍﻟﺤﺠﻴﻪ،،ﻛﺎﻓﻲ ﻳﻴﻤﻪ ﻭﺍﻟﻠﻪ ﺭﻭﺣﻲ ﺗﻨﻤﺮﺩ ﻣﻦ ﺍﺷﻮﻓﻚ ﻫﻴﺞ
ﺭﺍﻫﺐ،،ﺟﺮﻳﺖ ﺣﺴﺮﺓ ﺍﺣﺴﻬﺎ ﺷﮕﺖ ﮔﻠﺒﻲ ﻭﻃﻠﻌﺖ
ﮔﺘﻠﻬﺎ ﻳﻤﻪ ﻣﺎﺟﺎﻱ ﺗﺤﻦ ﻭﻻﺗﺴﺎﻣﺢ
ﺩﻭﻫﻨﺘﻨﻲ ﺧﻠﺘﻨﻲ ﻣﺎﺍﻧﺪﻝ ﺭﺍﺳﻲ ﻣﻦ ﺭﺟﻠﻴﻪ
ﺍﺳﺒﻮﻉ ﺑﺎﻟﺪﻭﺍﻡ ﻣﺎﻣﻔﺘﻬﻢ ﺷﻲ ﺑﺎﻟﻲ ﻳﻤﻬﺎ
ﺍﻟﺤﺠﻴﻪ،،ﮔﻮﻝ ﻳﺎﺍﻟﻠﻠﻪ ﻭﻟﻴﺪﻱ ﺍﻧﻄﻴﻬﺎ ﻣﺠﺎﻝ ﺗﻠﻤﻠﻢ ﺟﺮﻭﺣﻬﺎ ﻭﺍﺩﺍﻭﻳﻬﻦ ﺗﺮﺓ ﺍﻟﺼﺎﺭ ﻣﻮﺳﻬﻞ ﺍﻧﻪ ﻭﻳﺎﻫﺎ ﻉ ﺍﻟﺤﮓ ﻣﻮﻳﺎﻙ ﻻﻥ ﻣﻦ ﺍﻟﺒﺪﺍﻳﻪ ﺟﻨﺖ ﺑﺎﻃﻞ ﻭﻳﺎﻫﺎ ﻫﻞ ﺭﺑﻚ ﺟﺎﺯﺍﻙ ﺑﻔﺮﺍﻛﻬﺎ
ﺭﺍﻫﺐ،،ﺷﻠﺖ ﺣﺎﻟﻲ ﻳﻤﻪ ﺷﻠﺘﻨﻲ ﺍﻟﺪﺭﺟﺔ ﺍﺣﺲ ﺭﻭﺣﻲ ﻣﺠﺘﻒ ﻣﺠﺎﻱ ﺍﮔﺪﺭ ﺍﺳﻮﻱ ﺷﻲ
ﺍﻟﺤﺠﻴﻪ،،ﺍﻭﻟﻴﺪﻱ ﺍﺩﺭﻱ ﺍﺫﺍ ﺭﺣﺖ ﺍﻟﻬﺎ ﻭﺍﺗﺮﺟﻴﺘﻬﺎ ﺭﺍﺡ ﺗﺮﺟﻊ ﻭﻳﺎﻱ
ﺍﺧﺬﻧﻲ ﻟﻴﻬﺎ
ﺭﺍﻫﺐ،،ﺭﺍﻓﻌﺖ ﺭﺍﺳﻲ ﻛﺘﻠﻬﺎ ﻻﺍﺍ ﻣﺴﺘﺤﻴﻞ ﺍﺧﻠﻴﺞ ﺗﺬﻟﻴﻦ ﺭﻭﺣﺞ ﻟﺴﻌﺎﺩ ﻟﻮﻋﻠﺊ ﻛﺺ ﺭﮔﺒﺘﻲ
ﺍﻫﻮﺍﻱ ﺍﻣﻲ ﺭﺍﺩﺕ ﺗﻘﻨﻌﻨﻲ ﺣﺎﻭﻟﺖ ﻭﻳﺎﻱ ﺑﺲ ﺭﻓﻀﺖ
ﻟﻮﺍﻋﺮﻑ ﺍﻟﻬﻮﺉ ﺍﻻﺷﺘﻤﺊ ﺑﻴﺪ ﻻﺭﺍ ﻫﻢ ﻣﺎﺍﺧﻠﻲ ﺍﻣﻲ ﺍﻃﺦ ﺭﺍﺱ ﻭﺍﺗﺮﻭﺡ ﺗﺘﻮﺳﻠﻬﺎ
ﻃﻠﻌﺖ ﺍﻣﻲ ﺟﺮﻳﺖ ﻣﻮﺑﺎﻳﻞ ﺍﺗﺼﻔﺢ ﺑﺎﻟﻔﻴﺲ
ﺷﻔﺖ ﻭﺍﺣﺪ ﻧﺎﺷﺮ ﻣﻘﻄﻊ ﺷﻌﺮ ﻟﺮﺍﺋﺪ ﺍﺑﻮ ﻓﺘﻴﺎﻥ
ﺍﻧﻤﻠﺖ ﺭﻭﺣﻲ ﺣﻨﻴﻦ ﻭﺷﻮﮒ ﻟﻌﻴﻮﻧﻬﺎ
ﺩﺯﻳﺘﻠﻬﺎ ﺍﻟﻤﻘﻄﻊ ﺑﻠﻜﺖ ﺗﺤﻦ ﻋﻠﺊ ﻣﮕﺮﻭﺩﻫﺎ ﻭﺗﺴﺎﻣﺤﻪ
ﻣﺎﻛﻠﻔﺖ ﻧﻔﺴﻚ ﺑﺎﻟﺤﻠﻢ ﻣﺮﻳﺖ
ﻭﺭﺩ ﺑﻴﻪ ﺍﻟﻀﻌﻒ ﺭﺩﺓ ﺣﻤﺎﻡ ﺍﻟﺒﻴﺖ
ﺍﻧﻪ ﻣﻘﺮﺭ ﻭﻧﺎﺳﻲ ﻭﻛﺎﺭﻫﻚ ﻣﺮﺍﺕ
ﻭﺟﻢ ﻣﺮﺓ ﺍﻋﻠﻪ ﺫﻛﺮﺉ ﺍﺗﺨﺼﻚ ﺍﻧﻐﺜﻴﺖ
ﻻﺭﺍ،،ﮔﺎﻋﺪﺓ ﺍﻗﺮﺓ ﺭﻥ ﻣﻮﺑﺎﻳﻠﻲ ﺷﻔﺘﻪ ﺩﺍﺯ ﻣﻘﻄﻊ ﺗﺮﻛﺖ ﺍﻟﻜﺘﺎﺏ
ﺟﺮﻳﺖ ﺍﻟﻬﻴﺘﻔﻮﻥ ﺷﻜﻠﺘﻪ ﺍﺳﻤﻊ ﺍﻟﻤﻘﻄﻊ
ﻭﻳﻪ ﻛﻞ ﻛﻠﻤﻪ ﺗﻨﻘﺒﺾ ﺭﻭﺣﻲ ﻭﺍﺑﻠﻊ ﺑﻌﺒﺮﺍﺗﻲ
ﺍﺧﺘﻨﮕﺖ ﻭﻣﻌﺎﻧﺪﺓ ﻭﻳﻪ ﺩﻣﻌﺘﻲ ﻣﻌﺎﻧﺪ
ﺻﺮﺕ ﺍﺿﺤﻚ ﻋﻠﺊ ﺭﻭﺣﻲ ﻣﺎﻧﻌﻪ ﻋﻴﻨﻲ ﻣﻦ ﺍﻟﺒﺠﻲ
ﻭﺭﻭﺣﻲ ﻧﺎﺻﺒﺘﻠﻪ ﻣﺎﺗﻢ ﺗﻨﻮﺡ ﻋﻠﺊ ﻓﺮﺍﮔﻪ
ﺑﻬﺎﻱ ﺍﻟﻔﺘﺮﺓ ﺭﺍﻫﺐ ﻳﺎﻣﻘﻄﻊ ﻳﺴﻤﻌﻪ ﻭﻳﻼﻣﺲ ﺭﻭﺣﻪ ﻳﺪﺯﺓ ﺍﻟﻲ
ﻛﺎﻧﻪ ﻳﺮﻳﺪﻧﻲ ﺍﺣﺲ ﺑﻌﺬﺍﺑﻪ ﺑﺪﻭﻧﻲ
ﺧﺘﻤﺘﻬﺎ ﻭﻳﺎﻩ ﺩﺯﻳﺘﻠﻪ ﻣﻘﻄﻊ ﺣﺴﻴﺘﻪ ﺻﺪﮒ ﻳﺸﺮﺡ ﺣﺎﻟﺘﻲ
ﺩﺯﻳﺖ ﺍﻏﻨﻴﺔ ﻋﻠﻲ ﺳﺎﻟﻢ
ﺑﻌﺪ ﻣﺎﻛﻮ ﺍﺣﺠﺎﻳﺔ
ﺗﺮﺟﻌﻚ ﻭﻳﺎﻳﻪ
ﻭﺍﻫﺴﻲ ﺧﺮﺑﺎﻥ ﺑﻴﻚ
ﻭﺍﻟﺠﺮﻭﺡ ﺍﻫﻮﺍﻳﻪ
ﺩﻗﺎﻳﻖ ﻭﺩﺯﻟﻲ ﻻﻳﻚ ﺍﺩﺭﻱ ﻣﺎﻳﮕﺪﺭ ﻳﺤﺠﻲ ﺷﻲ
ﺍﻳﺎﻣﻲ ﻣﺎﺷﻴﻪ ﻋﺎﺩﻳﻪ ﻣﺨﻠﺼﺘﻬﺎ ﺑﻴﻦ ﺍﻟﺒﻴﺖ ﻭﺍﻟﺠﺎﻣﻌﻪ ﻣﺮﺍﺕ ﻣﻦ ﺍﺿﻮﺝ ﻳﺠﻲ ﺭﺍﻓﺪ ﻳﺎﺧﺬﻧﻲ ﺍﻟﺒﻴﺘﻪ ﺍﻏﻴﺮ ﺟﻮ ﻟﻠﻴﻞ ﻭﺍﺭﺟﻊ ﺳﺠﺊ ﺣﻠﻮ ﺍﺳﻠﻮﺑﻬﺎ
ﻣﻦ ﺍﺭﻭﺡ ﻧﺨﻠﺼﻬﺎ ﻧﺴﻮﻱ ﺣﻠﻮﻳﺎﺕ ﻟﻮﻭﺣﺪﺓ ﺗﺤﻒ ﻟﻠﺜﺎﻧﻴﻪ ﻟﻮ ﻧﻠﻌﺐ ﻭﻳﻪ ﺍﺣﻤﺪ ﺍﺗﻤﻨﻴﺖ ﺍﺗﻜﻮﻥ ﻋﺎﻳﺸﻪ ﻭﻳﺎﻧﻪ
ﺍﻗﺘﺮﺣﺖ ﻋﻠﺊ ﺭﺍﻓﺪ ﻳﺠﻲ ﻳﻌﻴﺶ ﻭﻳﺎﻧﻪ ﺑﺪﻝ ﻣﺎﻳﺪﻓﻊ ﺍﻳﺠﺎﺭ ﻳﻜﺴﺮ ﺍﻟﻀﻬﺮ ﻭﻫﻮ ﻋﺎﻳﺶ ﻋﻠﺊ ﻭﺭﺍﺩ ﺍﻟﻤﺤﻞ ﻳﺎﺩﻭﺏ ﻳﻜﻔﻴﻬﻢ ﻣﺼﺮﻑ
ﺭﺍﻓﺪ،،ﺗﺪﺭﻳﻦ ﻛﻠﺶ ﺯﻳﻦ ﻣﻦ ﺍﺟﻴﺖ ﺷﺼﺎﺭ
ﻻﺭﺍ،،ﺍﻛﻴﺪ ﺍﻟﮕﻠﻮﺏ ﺍﺗﻐﻴﺮﺕ ﻫﺴﻪ ﻻﻥ ﺑﺎﺑﺎ ﻣﺎﺕ ﻭﺍﻣﻲ ﻭﺿﻌﻬﺎ ﺍﺗﻐﻴﺮ ﻓﺎﺍﻛﻴﺪ ﺭﺍﺡ ﺗﺘﻘﺒﻠﻜﻢ ﻭﻫﺬﺍ ﺑﻴﺘﻚ ﺣﺎﻟﻚ ﺣﺎﻟﻨﻪ
ﺳﺠﺊ،،ﻓﺪﻭﺓ ﺭﺍفد ﻭﺍﻓﻖ ﻭﺍﻟﻠﻪ ﺍﺿﻮج ﻭﺣﺪﻱ ﻭﺍﻧﺘﻪ ﺗﻄﻠﻊ ﻣﻦ ﺍﻟﺼﺒﺢ ﻣﺎﺗﺮﺟﻊ ﻏﻴﺮ ﺑﻠﻴﻞ ﻋﺎﺩ ﺍﻫﻨﺎﻙ ﻋﻤﺘﻲ ﻭﻻﺭﺍ ﺭﺍﺡ ﻳﺴﺪﻭﻥ ﺍﻟﻮﺣﺸﻪ
ﻻﺭﺍ،،ﺿﻠﻴﻨﻪ ﻧﻘﻨﻊ ﺑﻲ ﺷﺒﻪ ﺍﻗﺘﻨﻊ ﺑﺲ ﮔﺎﻝ ﺧﻠﻮﻧﻲ ﺍﻓﻜﺮ ﻭﺑﻌﺪﻳﻦ ﻳﺼﻴﺮ ﺧﻴﺮ
ﺭﺍﻓﺪ ﻃﻠﻊ ﺑﻘﻴﻨﻪ ﺍﻧﻲ ﻭﻳﺎﻫﺎ ﺍﺗﺼﻠﺖ ﺑﺴﺎﻧﺪﺭﺍ
ﺿﻠﻴﻨﻪ ﻧﺤﺠﻲ ﺍﻧﻲ ﻭﻳﺎﻫﺎ
ﻓﺎﺟﺌﺘﻨﻲ ﺑﻜﻼﻣﻬﺎ
ﺳﺎﻧﺪﺭﺍ،،ﻳﺮﻭﺣﻲ ﺍﻟﺸﺨﺺ ﺍﻟﻲ ﺣﺠﻴﺘﻠﺞ ﻋﻨﻪ ﺍﺗﻘﺪﻣﻠﻲ ﺍﻟﺒﺎﺭﺣﻪ
ﻻﺭﺍ،،ﻭﻳﻴﻴﻲ ﻳﻌﻤﺮﻱ ﺍﻧﺘﻲ ﺍﻟﻠﻪ ﻳﺘﻤﻢ ﻋﻠﺊ ﺧﻴﺮ ﻭﺍﻟﻠﻪ ﻓﺮﺣﺘﻠﺞ
ﺳﺎﻧﺪﺭﺍ،،ﻫﻬﻬﻬﻬﻪ ﻟﺞ ﺑﺎﺑﺎ ﻭﺍﺳﻤﺎﻋﻴﻞ ﺑﻌﺪﻫﻢ ﻣﺎﺭﺟﻌﻮﻟﻪ ﺧﺒﺮ
ﻻﺭﺍ،،ﻟﻴﺶ ?
ﺳﺎﻧﺪﺭﺍ، ،ﺍﺫﺍ ﺍﺣﺠﻲ ﺣﺘﺊ ﺍﻧﺘﻲ ﺣﺘﻀﻮﺟﻴﻦ ﻓﻤﺎﺭﺍﺡ ﺍﺣﺠﻴﻠﺞ ﻣﺎﺍﺭﻳﺪ ﺍﺯﻳﺪ ﻫﻤﺞ
ﻻﺭﺍ،،ﺣﺘﺊ ﺍﻣﻮﺗﺞ ﻛﺘﻞ ﺍﺫﺍ ﻣﺎﺣﺠﻴﺘﻴﻠﻲ ﻳﺎﻟﻠﻪ ﺑﺴﺮﻋﻪ ﻛﺘﻲ ﺍﻻﻭﻝ ﻭﺍﻟﺘﺎﻟﻲ
ﺳﺎﻧﺪﺭﺍ،،ﻫﻬﻬﻬﻬﻪ ﺍﻭﻙ
ﻣﺎﺯﻥ ﻣﻦ ﺍﺟﻪ ﺧﻄﺒﻨﻲ ﻭﺣﺠﻪ ﻟﻬﻠﻲ ﻋﻦ ﻭﺿﻌﻪ
ﻋﻨﺪﺓ ﺍﺧﻮ ﻋﺎﻳﺶ ﺑﺎﻟﻤﺎﻧﻴﻪ ﻓﺎﺗﺢ ﻣﻄﻌﻢ ﻳﺴﺘﺮﺯﻕ ﻣﻨﻪ
ﻭﺣﺎﻟﺘﻪ ﻛﻠﺶ ﺯﻳﻨﻪ ﻑ ﺍﻗﺘﺮﺡ ﻋﻠﺊ ﻣﺎﺯﻥ ﻳﺴﺎﻓﺮ ﻳﻤﻪ ﻫﻢ ﺍﻟﻮﺿﻊ ﺑﺎﻟﻌﺮﺍﻕ ﺗﻌﺒﺎﻥ ﻭﻫﻢ ﻳﻠﺰﻡ ﺍﻟﻤﻄﻌﻢ ﺑﻤﻜﺎﻥ ﺍﺧﻮ
ﻟﺬﺍﻟﻚ ﻗﺮﺭ ﺍﺫﺍ ﺍﻧﺨﻄﺒﻨﻪ ﻳﺴﻮﻱ ﺍﻟﺰﻭﺍﺝ ﺑﺘﺮﻛﻴﺎ ﻳﻢ ﺍﺧﺘﻪ
ﻭﻣﻨﺎﻙ ﻧﻄﻠﻊ ﺗﻬﺮﻳﺐ ﻗﭽﻖ ﺑﺎﻟﺒﺎﺧﺮﺓ ﻣﻦ ﺗﺮﻛﻴﺔ ﻋﻠﺊ ﺍﻟﻤﺎﻧﻴﻪ
ﻧﺴﺘﻘﺮ ﺍﻫﻨﺎﻙ
ﻻﺭﺍ،،ﺑﻠﻌﺖ ﺍﻟﻌﺒﺮﺓ ﻣﺎﺍﺗﺤﻤﻠﺖ ﻛﻼﻣﻬﺎ ﺻﺢ ﻫﻲ ﺑﺎﺍﺭﺑﻴﻞ ﺑﻌﻴﺪﺓ ﻋﻨﻲ ﺑﺲ ﻉ ﺍﻻﻗﻞ ﻭﺟﻮﺩﻫﺎ ﺑﻤﺤﺎﻓﻀﻪ ﻣﻦ ﻣﺤﺎﻓﻀﺎﺕ ﺍﻟﻌﺮﺍﻕ ﺍﻛﺪﺭ ﻣﻦ ﺍﺷﺘﺎﻗﻠﻬﺎ ﺍﺭﻭﺣﻠﻬﺎ
ﺑﺲ ﺍﺫﺍ ﺳﺎﻓﺮﺕ ﺑﻌﺪ ﻭﻳﻦ ﺍﮔﺪﺭ ﺍﺷﻮﻓﻬﺎ ﻣﺮﺓ ﺍﻟﺜﺎﻧﻴﻪ
ﮔﺘﻠﻬﺎ ﻳﺮﻭﺣﻲ ﺳﻮﻱ ﺍﻟﺘﺤﺒﻲ ﺩﺍﻡ ﺍﻧﺘﻲ ﺗﺤﺒﻲ ﻭﻣﻘﺘﻨﻌﻪ ﺑﻘﺮﺍﺭﺓ ﻭﺗﻜﺪﺭﻳﻦ ﺗﺨﻄﻴﻦ ﻫﻴﺞ ﺧﻄﻮﺓ ﺗﺒﺘﻌﺪﻳﻦ ﺑﻴﻬﺎ ﻋﻦ ﺍﻫﻠﺞ ﻋﺎﺩﻱ ﺍﺗﻮﻛﻠﻲ ﻋﻠﺊ ﺍﻟﻠﻪ ﻭالبي ﺨﻴﺮ ﻳﻘﺪﻣﻪ ﺭﺑﺞ
ﺳﺎﻧﺪﺭﺍ،،ﻻﺭﺍ ﺍﺣﺒﻪ ﻣﺎﺯﻥ ﺍﻧﺴﺎﻥ ﺍﻛﺜﺮ ﻣﻦ ﺭﺍﺋﻊ ﺻﺢ ﻣﺎﺻﺎﺭ ﻏﻴﺮ ﻛﻢ ﺷﻬﺮ ﻣﻦ ﻋﺮﻓﺘﻪ ﺑﺲ ﮔﺪﺭﺕ ﺍﺗﻌﺮﻑ ﻋﻠﻲ ﻭﺍﺩﺭﺱ ﺷﺨﺼﻴﺘﻪ
ﺍﻧﺴﺎﻥ ﻃﻴﺐ ﺍﻟﺒﮕﻠﺒﻪ ﻋﻠﺊ ﺍﻟﺴﺎﻧﻪ ﺣﻨﻮﻥ ﻭﺣﺒﺎﺏ
ﻣﺎﺍﺭﻳﺪ ﺍﺧﺴﺮﺓ ﻭﺷﻲ ﺛﺎﻧﻲ ﺍﺧﺘﻲ ﺍﻟﺠﺒﻴﺮﺓ ﺟﻴﻬﺎﻥ ﻣﺘﺰﻭﺟﻪ ﻭﻋﺎﻳﺸﻪ ﺑﻔﺮﻧﺴﻪ ﺻﺎﺭ ﺍﺳﻨﻴﻦ
ﺑﺲ ﺑﺎﺑﺎ ﻻﻥ ﻳﺸﻮﻑ ﻧﻔﺴﻪ ﻣﺤﺮﻭﻡ ﻣﻦ ﺷﻮﻓﺔ ﺟﻴﻬﺎﻥ ﻭﺍﻃﻔﺎﻟﻬﺎ ﻣﺘﺮﺩﺩ ﻳﮕﻮﻝ ﺍﻧﺘﻲ ﺍﺧﺮ ﺍﻟﻌﻨﮕﻮﺩ ﺍﺷﻠﻮﻥ ﺍﺗﺤﻤﻞ ﺍﻓﺎﺭﮔﺞ ?
ﻻﺭﺍ،،ﻭﺍﻟﻠﻪ ﺣﺘﺊ ﺍﻧﻲ ﻣﺎﺍﮔﺪﺭ ﺑﺲ ﺍﺫﺍ ﻗﺴﻤﺘﺞ ﻣﺴﺠﻠﺔ ﺍﻟﻬﺬﺍ ﺍﻟﺸﺨﺺ ﺻﺪﮔﻴﻨﻲ ﺍﺑﻮﺝ ﺭﺍﺡ ﻳﻘﺘﻨﻊ ﻣﻦ ﻭﺣﺪﺓ ﺑﺰﻭﺍﺟﻜﻢ
ﻭﺍﺫﺍ ﻣﻮﻗﺴﻤﺘﺞ ﺭﺍﺡ ﺗﺼﻴﺮ ﺑﺴﺎﻟﻔﺘﻜﻢ ﺍﻟﻒ ﺍﻋﺘﺮﺍﺽ
ﺳﺎﻧﺪﺭﺍ،،ﻫﻢ ﺻﺢ
ﺍﻱ ﺍﻧﺘﻲ ﺍﺷﻠﻮﻧﻪ ﻭﺿﻌﺞ ?
ﺭﺍﻫﺐ ﺗﺸﻮﻓﻲ ﻟﻮﻻ ?
ﻻﺭﺍ،،ﻣﻦ ﻳﻨﺠﺎﺏ ﻃﺎﺭﻱ ﺭﺍﻫﺐ ﻻﺍﺭﺍﺩﻳﺎ ﺍﺧﺘﻨﮓ
ﺑﺲ ﻣﺎﺍﻧﻄﻲ ﻣﺠﺎﻝ ﻟﺪﻣﻮﻋﻲ ﻳﻬﺰﻣﻨﻲ
ﺳﺎﻧﺪﺭﺍ،،ﺳﻜﺘﻲ
ﻻﺭﺍ،،ﻻﻣﺎﺍﺷﻮﻓﻪ
ﺳﺎﻧﺪﺭﺍ،،ﻭﻟﻴﺶ ﺗﺤﺠﻴﻬﺎ ﺑﺤﺰﻥ ?
ﻻﺭﺍ،،ﻻﻳﺘﻬﻴﺎﻟﺞ
ﺳﺎﻧﺪﺭﺍ،،ﻻﺭﺍ ﺗﺮﺓ ﺍﻧﻲ ﺳﺎﻧﺪﺭﺍ ﺣﺎﻓﻀﺘﺞ ﺍﻛﺜﺮ ﻣﻦ ﺭﻭﺣﺞ
ﺍﺩﺭﻱ ﻣﺸﺎﻋﺮﺝ ﻣﺘﻨﺎﻗﻀﻪ ﻭﻣﻨﺘﺒﻬﺎ ﺍﻟﻮﺿﻌﺞ
ﻣﺮﺓ ﺍﺗﮕﻮﻟﻴﻦ ﺍﻛﺮﻫﺎ ﻭﻣﺮﺓ ﺗﺬﻛﺮﻳﻦ ﺳﻮﺍﻟﻔﻪ ﻭﻣﻌﺎﻣﻠﺘﻪ ﻭﺣﺒﻪ
ﺍﺩﺭﻱ ﺑﻌﺪﺝ ﺗﺤﺒﻲ ﺑﺲ ﻣﺠﺮﻭﺣﻪ ﻣﻨﻪ
ﻻﺭﺍ،،ﺑﻠﻌﺖ ﺍﻟﻐﺼﻪ ﮔﺘﻠﻬﺎ ﻣﻮﺑﺲ ﻣﺠﺮﻭﺣﻪ ﺭﺍﻫﺐ ﺫﺑﺤﻨﻲ
ﺳﺎﻧﺪﺭﺍ،،ﺍﺛﻨﻴﻨﻜﻢ ﺗﺤﺒﻮﻥ ﺑﻌﺾ ﻟﻴﺶ ﺗﺨﻠﺼﻮﻥ ﻋﻤﺮﻛﻢ ﺑﺎﻟﻌﻨﺎﺩ
ﺍﺫﺍ ﺗﺤﺒﻲ ﺍﻧﻄﻲ ﻓﺮﺻﻪ ﺧﻞ ﻳﻜﻔﺮ ﺑﻴﻬﺎ ﻋﻦ ﺍﺧﻄﺎﺋﻪ ﺑﻠﻜﺖ ﻳﮕﺪﺭ ﻳﻜﺴﺐ ﺛﻘﺘﺞ ﻣﺮﺓ ﺛﺎﻧﻴﻪ
ﻻﺭﺍ،،ﻣﻮﺑﻴﺪﻱ ﺳﺎﻧﺪﺭﺍ ﻻﻫﻨﻪ ﺟﺮﺡ ﻭﻻﺟﺮﺣﻴﻦ
ﺭﺍﻫﺐ ﺗﺮﺳﻨﻲ ﻃﻌﻨﺎﺕ ﺍﺳﺘﻨﺰﻓﺖ ﻛﻞ ﻃﺎﻗﺘﻲ ﻭﻳﺎﻩ
ﻣﺎﻋﺪﺕ ﺍﮔﺪﺭ ﺍﺭﺟﻊ ﻭﺍﻛﻤﻞ ﻛﺎﻧﻪ ﻣﺎﺻﺎﻳﺮ ﺷﻲ
ﺳﺎﻧﺪﺭﺍ،،ﺻﺪﮔﻴﻨﻲ ﻣﻘﻬﻮﺭﺓ ﻋﻠﻴﻜﻢ ﺍﺗﻤﻨﺊ ﺍﻟﻠﻪ ﻳﻬﺪﻳﻜﻢ ﻋﻠﺊ ﺑﻌﺾ
ﻻﺭﺍ،،ﻛﻤﻠﺖ ﺍﺗﺼﺎﻟﻲ ﻭﻳﻪ ﺳﺎﻧﺪﺭﺍ
ﺍﻧﺘﺒﻬﺘﻠﻲ ﺳﺠﺊ ﺷﺎﻓﺘﻨﻲ ﺿﺠﺖ ﺟﺮﺗﻨﻲ ﻣﻦ ﺍﻳﺪﻱ
ﺳﺠﺊ،،ﮔﻮﻣﻲ ﻋﻴﻨﻲ ﻋﻤﺔ ﺍﺣﻤﺪ ﺍﻟﻤﻦ ﻣﺤﺴﻮﺑﻪ ﻋﻤﻪ
ﺟﺎﻳﺔ ﺑﺲ ﺗﺘﺼﻔﻨﻴﻦ
ﻻﺭﺍ،،ﺍﺑﺘﺴﻤﺖ ﻟﻌﺪ ﺷﺘﺮﺩﻳﻦ، ?
ﺳﺠﺊ،،ﮔﻮﻣﻲ ﻣﺸﺘﻬﻴﺔ ﻛﻴﻜﻪ ﻭﻣﺎﺍﻋﺮﻑ ﺍﺳﻮﻳﻬﺎ ﺭﺍﻓﺪ ﻳﮕﻮﻝ ﻻﺭﺍ ﺗﺴﻮﻱ ﻛﻴﻚ ﻣﺎﻳﻨﺸﺒﻊ ﻣﻨﻪ ﮔﻮﻣﻲ ﻋﻠﻤﻴﻨﻲ
ﻻﺭﺍ،،ﮔﻤﺖ ﻭﻳﺎﻫﺎ ﺗﻌﺮﻑ ﺑﻮﺿﻌﻲ ﻭﻳﻪ ﺭﺍﻫﺐ ﺑﺲ ﺍﺑﺪ ﻣﺎﺍﺩﺧﻠﺖ ﺑﻴﻪ ﺑﺎﻟﻌﻜﺲ ﺍﺗﺤﺎﻭﻝ ﺍﻃﻠﻌﻨﻲ ﻣﻦ ﺣﺰﻧﻲ ﻣﻦ ﺗﺸﻮﻓﻨﻲ ﺿﺎﻳﺠﻪ
ﮔﻤﻨﻪ ﺳﻮﺓ ﺍﻧﻲ ﺍﺳﻮﻱ ﻭﻫﻲ ﺗﻜﺘﺐ ﺍﻟﻤﻘﺎﺩﻳﺮ ﺑﺎﻟﻮﺭﻗﻪ
ﻛﻤﻠﺖ ﺷﻮﻳﺘﻬﺎ ﻭﺍﻧﺘﻀﺮﺗﻬﺎ ﺗﺒﺮﺩ
ﻛﺘﻠﻬﺎ ﺳﻮﻱ ﺍﻟﻜﺮﻳﻢ ﺷﻮﻳﻪ ﻭﺟﺎﺑﺘﻪ ﺻﺎﻳﺮ ﻣﺮﮒ ﻣﻜﺜﺮﺗﻠﻪ ﻣﺎﻱ
ﺍﺧﺬﺗﻪ ﻣﻨﻬﺎ ﺿﻔﺘﻠﻪ ﺣﻠﻴﺐ ﻣﺠﻔﻒ ﻭﺑﺪﻳﺖ ﺍﺧﻔﻖ ﺷﻮﻳﻪ ﺍﺗﻌﺪﻝ ﻭﺿﻌﻪ
ﺧﻠﻴﺘﻪ ﺑﺎﻟﺜﻼﺟﻪ ﮔﺘﻠﻬﺎ ﻣﻦ ﺗﺒﺮﺩ ﻣﻠﻐﻄﻲ ﺧﻠﻘﺘﻬﺎ
ﺧﺮﺑﺖ ﺿﺤﻚ
ﺑﻌﺪﻫﺎ ﺭﺟﻌﻨﻲ ﺭﺍﻓﺪ ﻟﻠﺒﻴﺖ
ﻳﻮﻣﻴﻦ ﻭﺍﺗﺼﻞ ﺑﻴﻪ ﮔﺎﻝ ﺧﻠﺺ ﺭﺍﺡ ﺍﺟﻴﺐ ﺳﺠﺊ ﻭﺍﺟﻲ ﺍﻟﻀﻬﺮ ﻭﻫﺎﻱ ﺍﺧﺮ ﻣﺮﺓ ﺍﺫﺍ ﺍﻧﻄﺮﺩﺕ ﺑﻌﺪ ﺗﺤﻠﻢ ﺍﻓﻮﺕ ﺑﻴﺘﻬﺎ ﻣﺮﺓ ﺛﺎﻧﻴﻪ
ﻭﻓﻌﻼ ﻣﺎﺣﺠﻴﺖ ﻝ ﺍﻣﻲ ﻋﻦ ﺟﻴﺔ ﺭﺍﻓﺪ
ﺻﺮﺕ ﺍﻟﻨﻬﺎﺭ ﻛﻠﺔ ﺍﺣﻤﺪ ﺑﺴﺠﺊ ﻭﺍﻣﺪﺡ ﺑﻴﻬﺎ ﮔﺪﺍﻡ ﺍﻣﻲ ﺑﻠﻜﺖ ﮔﻠﺒﻬﺎ ﻳﺤﻦ ﻭﺗﺨﻠﻲ ﻳﺮﺟﻊ ﻳﻌﻴﺶ ﻭﻳﺎﻧﻪ ﺑﺪﻝ ﻣﺎﻋﺎﻳﺶ ﺑﻌﻴﺪ ﻋﻦ ﺑﻴﺖ ﺍﺑﻮ
ﺛﺎﻧﻲ ﻳﻮﻡ ﻭﺭﺓ ﺍﻟﻐﺪﺓ ﺍﻟﻀﻬﺮ ﺍﻧﺪﮒ ﺍﻟﺒﺎﺏ ﻓﺘﺤﻪ ﻣﺤﻤﺪ ﺩﺧﻞ ﻭﺭﺍﻓﺪ ﻭﺭﺍﻩ ﻫﻮ ﻭﻣﺮﺗﻪ ﺑﻴﺪﻫﺎ ﺟﻨﻄﻪ ﺟﺒﻴﺮﺓ ﺗﺴﺤﻞ ﺑﻴﻬﺎ
ﺷﺎﻓﺘﻬﻢ ﺍﻣﻲ ﻓﺘﺤﺖ ﻋﻴﻮﻧﻬﺎ ﻭﮔﻔﺖ ﻋﻠﺊ ﺣﻴﻠﻬﺎ ﺍﺗﻘﺮﺑﺖ ﻣﻨﻬﻢ
ﺳﻌﺎﺩ،،ﺧﻴﺮ ﺷﻜﻮﻭ ﺟﺎﻳﺒﻬﺎ ﻭﺟﺎﻱ ?
ﻻﺭﺍ،،ﺭﺍﻓﺪ ﺑﺎﻭﻋﻠﻲ ﻭﻏﻤﺾ ﺑﻘﻬﺮ ﺍﻟﺘﻔﺖ ﻟﻤﻲ
ﺭﺍﻓﺪ،،ﻛﺎﻓﻲ ﻳﻤﻪ ﺍﻟﻤﻔﺮﻭﺽ ﺍﺗﻔﺮﺣﻴﻦ ﺭﺟﻌﺖ ﻟﻠﺒﻴﺖ ﺑﻌﺪ ﻣﺎﻃﺮﺩﺗﻴﻨﻲ ﺫﻳﺞ ﺍﻟﻤﺮﺓ
ﺳﻌﺎﺩ،،ﻭﺍﻃﺮﺩﻙ ﻣﺮﺓ ﻭﺍﺛﻨﻨﻴﻴﻦ ﻭﻋﺸﺮﺭﺓ ﺍﺫﺍ ﺟﺒﺘﻠﻲ ﻫﺎﻱ ﻭﻳﺎﻙ
ﻃﻠﮕﻬﺎ ﻭﺗﻌﺎﻝ ﻋﻴﺶ ﺍﺑﻴﺖ ﺍﺑﻮﻙ ﺍﺯﻭﺟﻚ ﺍﻏﺎﺍﺍﺗﻬﺎ
ﺭﺍﻓﺪ،،ﻭﻳﻦ ﻟﮕﻴﺘﻲ ﻫﺎﻱ ﺍﻟﺴﺎﻟﻔﻪ ﻳﻤﻪ
ﺍﺧﺬﺗﻬﺎ ﺑﺪﻭﻥ ﺭﺿﺎﻛﻢ ﻻﻥ ﺍﺣﺒﻬﺎ ﻭﺗﺎﻟﻲ ﺍﻃﻠﮕﻬﺎ ﻭﻫﻲ ﻣﺎﻟﻬﺎ ﺳﻨﺪ ﻏﻴﺮﻱ
ﺳﻌﺎﺩ، ،ﻣﺸﻜﻠﺘﻚ ﻫﺎﺍﺍﻱ ﻣﺎﺍﺭﻳﺪﻫﺎ ﻳﻌﻨﻲ ﻣﺎﺍﺭﻳﺪﻫﺎﺍﺍ
ﻣﺎﻛﺎﻓﻲ ﺍﺑﻮﻙ ﻣﺎﺕ ﻣﺎﺭﺍﺿﻲ ﻋﻨﻚ ﻭﺯﻋﻼﻥ
ﺍﻧﻮﻭﻭﺏ ﺗﺮﻳﺪ ﺗﻤﻮﻭﺗﻨﻲ ?
ﺍﺧﺬﻫﺎﺍﺍ ﻭﺍﻧﮕﻠﻊ ﻣﻨﺎﺍﺍ
ﻻﺭﺍ،،ﺭﺣﺘﻠﻬﺎ ﻭﻛﻔﺖ ﮔﺪﺍﻣﻬﺎ ﺍﻋﺼﺎﺑﻲ ﺗﻔﻮﺭ ﻣﺎﺍﻋﺮﻑ ﺷﻨﻮ ﻣﻦ ﮔﻠﺐ ﺷﺎﻳﻠﺔ
ﮔﺘﻠﻬﺎ ﻛﺎﺍﻓﻲ ﻳﻤﻪ ﻣﺎﺗﻌﺒﺘﻲ ?
ﻋﺒﺎﻟﻨﻪ ﻣﻮﺗﺖ ﺍﺑﻮﻱ ﻛﺴﺮﺗﺞ ﻭﺭﺍﺡ ﺗﺴﺘﻘﺒﻠﻴﻦ ﺭﺍﻓﺪ ﻫﻮ ﻭﺯﻭﺟﺘﻪ ﻭﺍﺑﻨﻪ ﺗﺎﻟﻲ ﺑﻌﺪﺝ ﻧﻔﺲ ﻭﺿﻌﺞ ﻣﺎﺍﺗﻐﻴﺮﺗﻲ
ﺳﻌﺎﺩ،،ﺍﺗﺴﻜﺘﻴﻦ ﻻﺍﻫﻴﻨﺞ ﺍﻧﺘﻲ ﺍﻟﺜﺎﻧﻴﻪ ﻭﺧﺮﺭﺭﻱ ﻣﻦ ﻭﺟﻬﻴﻲ ﻳﻼﺍﺍ
ﻭﺍﻧﺘﻪ ﺍﺧﺬﻫﺎ ﺍﻭﻟﻴﻴﻲ ﻣﻨﺎﺍﺍﺍ ﻣﺎﺍﺭﻳﺪﻫﺎ ﻭﺣﺘﺊ ﺍﻧﺘﻪ ﻣﺎﺍﺭﻳﺪﻙ ﻻﺍﺑﻨﻲ ﻭﻻﺍﻋﺮﻓﻚ
ﻻﺭﺍ،،ﺍﺑﺎﻭﻉ ﻋﻠﺊ ﺳﺠﺊ ﺗﻤﺴﺢ ﺑﻌﻴﻮﻧﻬﺎ ﻻﺯﻣﻪ ﺍﺑﻨﻬﺎ ﺣﺎﺿﻨﺘﻪ ﻋﻠﺊ ﺻﺪﺭﻫﺎ ﻛﺎﻧﻪ ﺗﺤﺘﻤﻲ ﺑﻲ ﻣﻦ ﻛﻼﻡ ﺍﻣﻲ
ﺭﺍﻓﺪ ﺣﻂ ﺍﻳﺪﺓ ﻋﻠﺊ ﻣﺘﻦ ﻳﺠﺊ ﮔﻠﻬﺎ
ﺭﺍﻓﺪ،،ﻫﺎﻱ ﺍﺧﺮ ﻣﺮﺓ ﺍﻣﺸﻲ ﻭﺭﺓ ﺣﺠﺎﻳﺘﺞ ﻭﺗﺠﻴﺒﻴﻨﻲ ﻟﻬﻨﺎ
ﺍﻟﻒ ﻣﺮﺓ ﮔﺘﻠﺞ ﻣﺎﻋﻨﺪﻱ ﺍﻡ ﻣﺜﻞ ﺍﻻﻣﻬﺎﺕ ﮔﻠﺒﻬﺎ ﻳﺤﻦ ﻋﻠﺊ ﺑﺰﺭﺗﻬﺎ ﺑﺲ ﺍﻧﺘﻲ ﻟﺤﻴﺘﻲ
ﻻﺭﺍ،،ﺍﺧﺬﻫﻢ ﻭﻃﻠﻊ ﻣﺤﻤﺪ ﻣﺎﺣﺠﻪ ﻭﻻﺣﺮﻑ ﺑﺲ ﻣﻜﻮﺭ ﺍﻳﺪﺓ
ﻧﻬﺾ ﻣﻦ ﻣﻜﺎﻧﻪ ﻋﺒﺎﻟﻚ ﻳﺮﻳﺪ ﻳﻨﻔﺠﺮ ﻋﻠﻴﻬﺎ
ﻣﺤﻤﺪ،،ﺭﺣﻤﺔ ﺍﻟﺪﻳﻨﺞ ﻫﻢ ﻣﺤﺴﻮﺑﻪ ﻉ ﺍﻻﻣﻬﺎﺕ ﺍﻧﺘﻲ ?
ﻣﻌﻘﻮﻟﻪ ﺍﻟﺠﻨﻪ ﺗﺤﺖ ﺍﻗﺪﺍﻣﺞ ?
ﻣﺴﺴﺴﺴﺴﺘﺤﻴﻞ ﻻﻥ ﺍﻟﺠﻨﻪ ﺗﺤﺖ ﺍﻗﺪﺍﻡ ﺍﻻﻡ ﺍﻟﺘﺘﻌﺐ ﻭﻳﻪ ﺍﻃﻔﺎﻟﻬﺎ ﻣﻮ ﺍﻻﻡ ﺍﻟﻤﺎﺍﺍﺍﻋﺪﻫﺎ ﮔﻠﺐ ﻣﺜﻠﺞ
ﻋﺒﺎﻟﺞ ﺑﺲ ﺧﺴﺮﺭﺗﻲ ﻣﻬﻨﺪ ﻭﺭﺍﻓﺪ ?
ﻻﺳﻬﻤﺞ ﺍﻟﺮﺍﺣﻪ ﻻﻥ ﻣﻦ ﺯﻣﺎﺍﺍﻥ ﺟﻨﺖ ﻧﺎﻭﻱ ﺍﻟﺤﮓ ﻣﻬﻨﺪ
ﺑﺲ ﺟﻨﺖ ﻣﺘﺮﺩﺩ ﻻﻥ ﻣﺎﺍﮔﺪﺭ ﺍﻋﻮﻓﺞ ﻭﺣﺪﺝ ﺑﻌﺪ ﻣﺎﻣﺎﺕ ﺍﺑﻮﻱ ﺑﺲ ﻫﺴﻪ ﺍﺗﺨﺬﺕ ﻗﺮﺍﺭﻱ
ﻭﻣﻦ ﺍﻻﺳﺒﻮﻉ ﺍﻟﻴﺠﻲ ﺍﺳﺎﺍﺍﻓﺮ ﻭﺍﺧﻠﺺ ﻣﻦ ﻫﻠﻌﻴﺸﻪ ﺍﻟﻄﺎﻳﺢ ﺣﻀﻬﺎﺍﺍ
ﻻﺭﺍ،،ﺍﺧﺬ ﺳﻮﻳﺠﻪ ﻭﻃﻠﻊ ﺍﻣﻲ ﻣﺴﻴﻄﺮﺓ ﻉ ﺍﻟﻜﻞ ﻣﻦ ﺍﻟﺒﺪﺍﻳﻪ
ﺍﻛﻮ ﺭﺍﺡ ﻳﮕﻮﻟﻮﻥ ﺑﻴﺖ ﺍﺑﻮ ﻭﻳﻜﺪﺭ ﻳﺮﺟﻊ ﻫﻮ ﻭﻣﺮﺗﻪ ﻭﺍﺑﻨﻪ ﻳﻌﻴﺶ ﺑﺪﻭﻥ ﻣﺎﻳﺎﺧﺬ ﺭﺍﺋﻴﻬﺎ
ﺑﺲ ﺍﺧﻮﺍﻧﻲ ﻣﺴﺘﺤﻴﻴﻞ ﻳﻜﺴﺮﻭﻥ ﻛﻠﻤﺔ ﻝ ﺍﻣﻲ ﺍﺑﺪ
ﺭﺩﺕ ﺍﺭﻭﺡ ﺍﻟﺒﻴﺖ ﺭﺍﻓﺪ ﻣﺎﺧﻠﺘﻨﻲ ﻭﻫﻲ ﻛﻞ ﻣﺮﺓ ﺑﺸﻼﻉ ﺍﻟﮕﻠﺐ ﻳﺎﻟﻠﻪ ﺗﺨﻠﻴﻨﻲ ﻣﻦ ﺍﮔﻠﻬﺎﺍ ﺍﺧﺘﻨﮕﺖ ﻣﻦ ﺍﻟﺒﻴﺖ ﻳﺎﺍﻟﻠﻪ ﺗﻘﺒﻞ
ﺍﺧﻮﺗﻲ ﺍﺛﻨﻴﻨﻬﻢ ﻃﻠﻌﻮ ﺯﻋﻼﻧﻴﻦ ﻣﻦ ﺍﻣﻲ ﺍﺗﻌﺠﺐ ﻋﻠﺊ ﻗﺴﺎﻭﺓ ﮔﻠﺒﻬﺎ ﺍﻟﻤﻔﺮﻭﺽ ﻣﻦ ﻳﻤﻮﺕ ﺍﻻﺏ ﺍﻻﻡ ﺗﻘﻮﺩ ﺍﻟﻌﺎﺋﻠﻪ ﻭﺗﻤﻨﻌﻬﺎ ﻣﻦ ﺍﻟﺘﺸﺘﺖ ﺗﺼﻴﺮ ﻫﻲ ﺗﺠﻤﻊ ﺍﻃﻔﺎﻟﻬﺎ
ﻭﺗﺤﺎﻭﻝ ﺗﺨﻠﻴﻬﻢ ﻳﻌﻴﺸﻮﻥ ﺗﺤﺖ ﺳﮕﻒ ﻭﺍﺣﺪ
ﺑﺲ ﺍﻣﻲ ﺗﺼﺮﻓﺎﺗﻬﺎ ﺑﺎﻟﻌﻜﺲ
ﺗﺼﺮفاﺗﻬﺎ ﻋﻤﺖ ﺣﺘﺊ ﻋﻠﺊ ﻧﻔﺴﻴﺘﻲ ﻭﺍﻧﻲ ﮔﻮﺓ ﻣﺎﺻﺪﮔﺖ ﺷﻮﻳﻪ ﺍﺗﺨﻄﻪ ﻣﺮﺣﻠﺔ ﺻﻌﺒﻪ ﻉ ﺍﻻﻗﻞ ﺗﺴﺎﻧﺪﻧﻲ ﺑﺲ ﺍﻟﺠﺎﻱ ﻳﺼﻴﺮ ﻳﺎﺯﻡ ﻧﻔﺴﻴﺘﻲ ﺍﻛﺜﺮ ﺧﻠﺘﻨﻲ ﺍﻧﺎﺳﻨﻪ ﺛﺎﻧﻴﻪ ﻋﺪﺍﺋﻴﻪ ﻭﻫﺠﻮﻣﻴﻪ ﻣﺎﺍﺗﺤﻤﻞ ﺍﻗﻞ ﻛﻠﻤﻪ ﺍﻧﻔﺠﺮ
ﺣﺘﺊ ﻟﺒﺴﻲ ﻭﺍﺳﻠﻮﺑﻲ ﺍﺗﻐﻴﺮﻥ
ﻗﺒﻞ ﺟﻨﺖ ﺍﻟﺒﺲ ﻣﻼﺑﺲ ﻧﻔﻬﺎﺕ
ﻣﻦ ﻳﻮﻡ ﻃﻼﮔﻲ ﺗﻴﻬﺖ ﺩﺭﺑﻲ ﻭﺗﻴﻬﺖ ﻃﺮﻳﻘﻲ
ﻣﺤﺘﺎﺟﻪ ﺍﻟﻴﺎﺧﺬ ﺑﻴﺪﻱ ﻳﺪﻟﻴﻨﻲ ﻋﻠﺊ ﺍﻟﻄﺮﻳﻖ ﺍﻟﺼﺤﻴﺢ
ﺍﺣﺲ ﺗﺼﺮﻓﺎﺗﻲ ﻛﻠﻬﺎ ﻏﻠﻂ ﻣﺤﺘﺎﺟﻪ ﺍﻟﻴﻨﺼﺤﻨﻲ
ﺍﺗﻤﻨﻴﺖ ﻋﻨﺪﻱ ﺍﻡ ﺗﺎﺧﺬﻧﻲ ﺑﺤﻀﻨﻬﺎ ﺍﻃﺒﻄﺐ ﻋﻠﺊ ﻣﺘﻨﻲ ﺍﺗﮕﻠﻲ ﺍﺷﻜﻴﻠﻲ ﻫﻤﺞ ﻭﺍﻧﻲ ﺍﺳﻤﻌﺞ
ﺻﺮﺕ ﺍﺣﺴﺪ ﻓﺎﻃﻤﻪ ﻋﻠﺊ ﻋﻤﺘﻲ ﺍﻣﻞ ﺍﻟﺤﺠﻴﻪ
ﻣﺸﺘﺎﻗﺘﻠﻬﺎ ﺣﻴﻞ ﺷﻔﺖ ﺑﻴﻬﺎ ﺍﻟﺤﻨﻴﻪ ﺍﻟﻤﺎﺷﻔﺘﻬﺎ ﻋﺪ ﺍﻣﻲ
ﺻﺪﻓﺖ ﻋﻄﻠﺔ ﺍﻟﺠﻤﻌﻪ ﻭﺍﻟﺴﺒﺖ ﻣﺎﻛﻮ ﺩﻭﺍﻡ ﺍﺭﺗﺎﺣﻴﺖ ﻻﻥ ﻣﺎﻟﻲ ﻧﻔﺲ ﺍﺩﺍﻭﻡ ﺑﻌﺪ ﺍﻟﺼﺎﺭ
ﺍﻻﺣﺪ ﺭﺣﺖ ﻟﻠﺪﻭﺍﻡ ﻭﺍﺑﺘﺪﺓ ﺍﻟﻴﻮﻡ ﺑﻴﻦ ﺍﻟﻤﺤﺎﺿﺮﺍﺕ ﻭﺍﻟﻨﺎﺩﻱ
ﺟﻨﺖ ﻻﺑﺴﻪ ﺗﻨﻮﺭﺓ ﺭﺻﺎﺻﻲ ﺷﻮﻳﻪ ﺣﺼﺮ ﻭﻗﻤﻴﺺ ﺍﺑﻴﺾ ﻭﺳﺘﺮﺓ ﻗﺼﻴﺮﺓ ﺭﺻﺎﺻﻲ ﻭﺭﺗﺒﺖ ﻣﻜﻴﺎﺝ ﺧﻔﻴﻒ
ﺭﺣﺖ ﻟﻠﻨﺎﺩﻱ ﺣﺘﺊ ﺍﺗﺮﻳﮓ ﺍﺟﺖ ﺑﺴﻤﻪ ﻭﻋﺼﺎﻡ ﮔﺘﻠﻪ ﻣﻴﻴﺘﻪ ﺟﻮﻉ ﻭﺍﻧﺘﻪ ﻛﺮﻳﻢ ﻭﺑﺎﻟﻜﺮﻡ ﻣﻌﺮﻭﻑ
ﻋﺼﺎﻡ،،ﺿﻠﻲ ﺍﺻﺒﻐﻲ ﺑﺲ ﺑﻮﻛﺖ ﺍﻻﻛﻞ ﺗﻤﺪﺣﻴﻨﻲ
ﻻﺭﺍ،، ﺩﻳﺎﻟﻠﻪ ﻋﻠﺊ ﺍﺳﺎﺱ ﺫﺍﺑﺤﻠﻲ ﺑﻌﻴﺮ ﺷﻮ ﻫﻲ ﻟﻔﺔ ﻓﻼﻓﻞ ﺗﻨﻔﺦ ﺍﻟﻤﻌﺪﺓ
ﻣﻦ ﺍﺟﻲ ﻟﻠﺪﻭﺍﻡ ﺍﻧﺴﻪ ﺟﻮ ﺍﻟﺒﻴﺖ ﻭﺍﻟﻤﺸﺎﻛﻞ ﺍﺑﻘﻪ ﺍﺿﺤﻚ ﻋﻠﺊ ﺗﺤﺸﻴﺶ ﻋﺼﺎﻡ ﺻﺪﻙ ﻳﻨﺴﻴﻨﻲ ﺍﻟﺤﺰﻥ
ﺟﻨﻪ ﻧﻀﺤﻚ ﺍﺟﻮ ﺷﺒﺎﺏ ﮔﻌﺪﻭ ﻉ ﺍﻟﻤﻴﺰ ﮔﺪﺍﻣﻨﻪ
ﻣﻦ ﺿﻤﻨﻬﻢ ﺻﺪﺍﻡ ﺍﻟﻐﺜﻴﺚ ﺑﺎﻭﻋﻠﻲ ﻭﺭﻓﻊ ﺣﺎﺟﺒﻪ ﻣﺎﻋﺎﺟﺒﺘﻪ
ﮔﻠﺒﺖ ﻋﻴﻮﻧﻲ ﻭﺩﺭﺕ ﻭﺟﻬﻲ ﺍﺟﻪ ﻋﺼﺎﻡ ﺟﺎﻳﺐ ﻟﻔﺎﺕ ﻭﺑﺒﺴﻲ
ﮔﻌﺪﻧﻪ ﻧﺎﻛﻞ ﻭﻧﻀﺤﻚ ﻋﻠﺊ ﺗﺤﺸﻴﺶ ﻋﺼﺎﻡ
ﺍﻧﺘﻬﺒﺖ ﺧﺰﺭﻧﻲ ﻣﺎﺍﻫﺘﻤﻴﺖ ﻛﻤﻠﻨﻪ ﻭﮔﻤﻨﻪ ﺍﻧﻄﻴﺘﻬﻢ ﺿﻬﺮﻱ ﺭﺩﺕ ﺍﺧﺬ ﺍﻟﺠﻨﻄﻪ ﺍﺧﺬﺗﻬﺎ ﻭﺍﻟﺘﻔﺘﺖ ﺍﺭﻳﺪ ﺍﻋﺒﺮ
ﺻﺎﺭﺕ ﻋﻴﻨﻲ ﺑﻌﻴﻨﻪ ﮔﺼﺘﻪ ﺩﻣﺎﺭﺍﺗﻬﺎ ﻣﺒﻴﻨﻪ ﻣﻜﻮﺭ ﺍﻳﺪﺓ
ﻋﺾ ﺷﻔﺘﻪ ﻣﺜﻞ ﺍﻟﻴﺘﻮﻋﺪ
ﻋﻔﺘﻪ ﻭﻃﻠﻌﺖ ﺷﻌﻠﻴﻪ ﺑﻲ
ﺑﻨﻬﺎﻳﺔ ﺍﻟﺪﻭﺍﻡ ﺍﺧﺬﺕ ﻛﺘﺒﻲ ﻭﺭﺩﺕ ﺍﻃﻠﻊ ﺻﺎﺩﻑ ﺍﻧﻲ ﺍﺧﺮ ﻭﺣﺪﺓ ﺑﺎﻟﻘﺎﻋﻪ ﺑﻘﻴﺖ ﺍﻧﻘﻞ ﺍﻟﻤﺤﺎﺿﺮﺓ ﻭﺍﻟﻤﻌﺮﻭﻑ ﻋﻨﻲ ﺑﻄﻴﺌﻪ ﺑﺎﻟﻜﺘﺎﺑﻪ
ﻭﺻﻠﺖ ﻟﻠﺒﺎﺏ ﻣﺪﻧﮕﻪ ﺍﺣﻂ ﺍﻟﻜﺘﺐ ﺑﺎﻟﺠﻨﻄﻪ ﻭﺍﻧﻲ ﺍﻣﺸﻲ
ﺭﻓﻌﺖ ﺭﺍﺳﻲ ﺍﻧﺼﺪﻣﺖ ﺻﺎﺭ ﮔﺪﺍﻣﻲ ﻭﺟﻬﺎ ﺍﺣﻤﺮ ﺩﻡ
ﺗﺮﻛﺘﻪ ﻭﺭﺩﺕ ﺍﻋﺒﺮ ﺭﺟﻊ ﻭﮔﻒ ﮔﺒﺎﻟﻲ
ﺭﻓﻊ ﺍﺻﺒﻌﻪ ﺣﻄﻪ ﻋﻠﺊ ﻣﺘﻨﻲ ﻭﺩﻓﻌﻨﻲ ﺍﻟﺪﺍﺧﻞ ﺍﻟﻘﺎﻋﻪ
ﻳﺘﺘﺒﻊ،،ﻗﺮﺍﺋﻪ ﻣﻤﺘﻌﻪ
