#راهب_ابو_غضب
#بقلم علي الفتلاوي
،،،،،،،،،،،،،،،
#البارت 9
السلام عليكم متابعيني الكرام
وصباح الخيرع الجميع... توضيح الكاتب علي الفتلاوي
👇👇👇
حاب اليوم انوه علئ نقطه مهمه
اكو بعض التعليقات ايگولون انته صدگ ذليتنه برواياتك واكو تعليقات ينتقدون كلامي وياكم يگولون صير راقي
بنضركم اذا اضحك واتشاقه وياكم اكون انسان غير متحضر?
يمكن اني الكاتب الوحيد الي يتشاقه ويضحك ويه متابعينه لان بطبعي انسان بسيط مااحب المضاهر
وشغله ثانيه منا وجاي مااطلب من احد يصوت ولايعلق ومااحجي ولااتشاقئ ورواية لعنة حب راح احذفها
ورواية راهب بس تنتهي اترك البرنامج لان باذن الله يكون طالع تعيني ع شرطة الحدود منتضر بس يتصدر الامر بالتحاقي وكلمن يذكر صاحبه بخير
لحد يگول البارت قليل لان اطول بارت هذا 2698
كلمه
قرائه ممتعه
مدلي ايدك
لخلي ابليس يخجل
من مشي اشفافي اعله زيجك
.......................
راهب،،العصر واگف بالمحطه مال البانزين وانتبهت للسيارة البصفي شفتها لارا گاعدة بالسدر نزل رجال جبير من السيارة حتئ يفول بانزين عرفته هذا جلال الچلب نفس البصورة بس شكله هسه كبران كلش عمرة ب 63سنه تقريبا
احس عيوني صارت براسي دمي فار اتمنيت اسحله وادير علئ راسه بانزين واحرگه
شايل علي حقد بس الله يعلم بي
اتمنئ اشوفه واطبق علي كل انواع التعذيب
بس لا اول مااطبقهن علئ بنته حتئ احرگ گلبه بيها اريده يموت الف موته باليوم من يشوفها متعذبه يمي
وبعدين يالله افكر اخذ ثاري منه شخصيا
رجعت وبوجهي علئ بيت سعديه الگوادة اتلگتني هي وغزل يتضاحكن اخذت غزل ودخلت للغرفه صبيت كل غضبي بيها بس احس بعدني ناري مشتعله
طلعت وبديت اشرب وهي يمي حاضنه ايدي وسعديه تشرب نرگيله
بقيت اشرب الحد ماثگلت كلش
باوعت للساعه حيييل اني من العصر يمهن وراسي انتفخ من المشروب
ردت اطلع اخذت النطاق لبسته بس اتفاجئت مسدسي ماكو بالگراب مالته
صحت بصوت خلاهن يطافرن اثنينهن
سعديه،،خ خيير ابوو غضب شبيك تصيح?
راهب،،المسدس ويين?
غزل،،يمي
راهب،،وليش اخذتي?
غزل،،مااريدك اتروح اريد اتبات اهنا
راهب،،اتگربت منها لويت ايدها وره ضهرها
غزل،،اااخ ماانطي اذا مااتبات يمي
راهب،،وروح ابوي اذا ماجبتي اهد البيت علئ راسج فااهمه
شفت سعديه راحت تركض الغرفة غزل شويه وجابته
