مساء الورد
قصة
#راهب_ابو_غضب
#للكاتب علي الفتلاوي
#البارت1
،،،،،،،،،،،،،
هو قاسي متملك لايعرف الرحمه
هي بريئه لازالت طفله رغم عامها العشرون
اوقعها قدرها في براثنه لينتقم منها ضلما
لتصبح اسيرة لانتقامه القاسي
فهل لها مفر من عرين الاسد ?
بسم الله الرحمن الرحيم
راهب،راح اعرفكم عن نفسي
اسمي راهب ضياء الدين ملازم اول بالجيش العراقي عمري 30سنه
والدي متوفي من اسنين بس كان اكو سبب وراح اتعرفو شنو السبب
شغلي الشاغل كان اوصل الهذا المركز وانتقم من الجان سبب بموت ابوي وخراب عائلتي
عندي ثلاث اخوات كلهن اكبر مني اثنين منهن متزوجات اوحده منهن بعدها رافضه فكرة الزواج رغم عمرها 33 واهواي اجوها خطابه بس ماتقبل ومصرة ع الرفض وهم راح اتعرفون ليش
ابوي جان اكبر تاجر ذهب بالسوگ والكل يحلف بي وبصيته رجال طيب ومحترم والناس تقدرة
بيوم وليله ابوي خسر الوراه والگدامه بسبب عمي جلال وصرنه ع الحديدة
خل نرجع اني وياكم للماضي الاليم الي ابتدت بي معانات عائلتي قبل 30سنه
ام احلام،،يمه احلام روحي جيبي اخواتج يلعبن بالحديقه غسلي وغسليلهن راح اصب الغدة
احلام،،يووو والله تعبت منهن كل شويه جيبيهن غسليلهن لو الزميهن لو اركضي وراهن ابتليت صرت الجبيرة خو ماابتليت
ام احلام، ،عمت عينج بطول النعال والسانج شطوله امشي ولج جيبي اخواتج بس خل يجي ابوج واني اعلمج
وعلئ ذكر ابوج اسمع الجرس روحي افتحيله الباب
احلام، ،رحت رحت امري لله
ابو احلام،،اشلونهن بنات ابوهن ومدللاته ??
ام احلام،هله بشمعة بيتنه الله يساعدك
ابو احلام، ،ويساعدج بويه
اشلونج اليوم خو مااذتج كلياتج?
ام احلام،،والله بعدهن احسهن وارمات من الزلال مااصدگ شوكت الله يسهل واجيب انشلع گلبي
ابو احلام، ،گولي ياالله كلهن كم شهر والله يسهل
ام احلام،،خايفه لاتطلع هم ابنيه وانه اريدلك وليد تفرح بي
ابو احلام، ،كلشي ولااسمع منج هلحجي هاي عود انتي الخيرة المتدينه هيج تحجين
بويه كله رزق من الله وكل اليجي من الله هله بي وليد ابنيه المهم اتمامة الخلقه
ام احلام، ،ونعم بالله
ابو احلام،،اگلج اخوي راح يجي يتغدة اهنا هو ومرته واولاده احسبي احسابهم
ام احلام، ،هله بي والاكل خير من الله يكفي وزايد
ابو احلام،،يمكن اجه رايح افتح الباب
