#راهب_ابو_غضب -
#بارت23
نسينا الراحه من يوم الفگدناك
ونسينه ارواحنه بس مانسيناك
رحت والخير كله راح وياك
عرفنه بقيمتك لمن خسرناك 💔
،،،،،،،،،،،،،
راهب ابو غضب
بقلم علي الفتلاوي
،،،،،،،،،،،،،
يسعد مساكم غوالي
المفروض باجر انزل البارت بس ماهان عليه اخليكم تنتضرون اكثر
بالنسبه للبارت 21مشكوررين وماگصرتو يشهد الله ماجنت ادري هيج راح توصل التعليقات بحيث من رجعت للبيت بليل ودخلت للوات من شفت البارت واصل 13الف تعليق ماصدگت طلعت من الحساب اتاكد خاف متوهم 😂😂
ومن رجعت بدون مااعدل البارت من فرحتي نشرته بدون مقدمات 😂😂
ترة انتو سويتولي واهس بعد ماانشر اذا مااشوف 10الف تعليج 😂😂😂
ترة اتغشمر وياكم 😂😂اعوذ بالله من الكذب 😜
،،،،،،،،،،،،،،،
لارا،،بقيت ساكته ماحجيت وهو يصيح الو الو
جليت صوتي وگتله اتفضل منو حضرتك?
المتصل،،حضرتي معجب بيج وبعيونج الحلوات
لارا،،بسرعه سديته بوجها وانطيته حضر
بقيت اسأل نفسي منو هذا ومنين جاب رقمي
اول شي اجه ابالي هاي خطه من راهب احتمال ايريد يختبرني الهاي المرحلة وصلة عدم الثقه بيناتنه بعد السواه بيه صرت كلشي اتوقع منه
ثاني يوم الصبح گعدت علئ صوت الهوسه جيران الحجيه جايات يساعدنها يلگطن بالتمن ويحضرن بالجدورة الكبار يغسلنهن الباجر
اجت الحجيه لازمه الچفچير بيدها واتهوس بي گدامي لزمت طرف اصابعي اتهوس ولازمه ايدي وبيدها الثانيه الجفجير ضحكت عليها وهي تسوي حركات بوجها
تالي رحت غسلت واسمع ذني يشمرن بالحجي من صبحية الله الناس اتگول ياالله وهنه حايرات متگابلات وياي
احلام،،گعدت المسعدة توها
والله ياراهب ماادري شنگول علئ سوايتك هاي لو العروس غير بت جلال جان لعبنه لعب بعرسك
زهرة،،اني هم مثلج مالي نفس بشي لو ماامي اخاف تتعب جان مامديت ايدي واشتغلت
لارا،،تركتهن ورجعت للغرفه عندي احبس روحي ولااكابلهن واگعد
فتحت الجرار طلعت العصارة دهنت رجلي النفخ البيها فاش وصايرة دائرة حمرة صغيرة
انفتح الباب وتفاجئت بجية سارة گمت بوستها فرحتني بجيتها
سارة،،عود صدگ تحجين??
اليوم الحنه مالتج وكاعدة وحدج??
لارا،،لعد شسوي
سارة،،شوف هاي ام اللعد بيويه گولي چااااا
چا وشحلاة الچا بشفة اهواي
لارا،،ضحكت گتلها اي كملي
