حبك حلا حياتي

الفصل الواحد و العشرون

ياسر:ايه في ايه؟
زين: النهارده.. النهارده خطوبه حسام علي فريده بنت راغب الهلالي.
ياسر:طيب فيها ايه؟
زين:اكيد هما فيها.
ياسر:عرفت منين؟؟
ركب زين سيارته و انطلق الي بيت الهلالي و انطلق ورائه ياسر .
********************
علي الطاوله.
وعد:مالك يا نور؟
نور بصوت خافت:مالي في ايه؟؟
وعد:معرفش مش بترقصي مع صاحبتك و أعده ساكته في ايه؟؟
نور: مافيش حاجه.
وعد:في انا عرفاكي.
نور بعصبيه: قولت مافيش حاجه يا وعد في ايه؟؟؟
نظرت لها قمر:اهدي يا نور في ايه هي بتطمن عليكي مش اكتر.
نور:انا عايزه امشي..يلا؟؟!
قمر: يلا انا معنديش مانع.
ليان:و لا انا.
نور:طيب هقوم اقول لفريده اننا ماشيين و اتصل بزين او ياسر ييجوا ياخدونا.
قمر: ماشي.
ذهبت نور الي فريده تحت انظار مراد الذي ينظر لها بندم علي ما فعله.
نور لفريده: فريده حبيبتي انا ماشيه..عايزه حاجه؟
فريده:ليه كدا لسا بدري خليكي شويه.
نور:معلش صدعت و قمر بردو تعبانه و نظرت الي حسام بغل و هي تقول تلك الجمله.
فريده:طيب اخلي مراد يوصلك؟!
نور:لا لا شكرا ابن عمي جاي ياخدنا.
فريده: ماشي خلي بالك من نفسك.
نور لنفسها: ملقتش الا قليل الذوق دا عشان يوصلني.
ذهبت الي الطاوله.
نور: يلا انا هتصل بزين.
لم تكمل نور الجمله حتي وجدت زين يتصل بها.
نور:دا زين.. الو.
زين: اطلعي انا برا.
نور:هو عرف منين اننا هنا و عرف منين اننا هنمشي..يلا يلا خلينا نمشي.
اثناء رحيلهم وقف مراد أمام نور.
مراد:انا اسف اوي.
نظرت له نور بإحتقار و تركته و ذهبت.
وعد: مين دا؟
نور:هحكيلك بعدين.
ثم خرجت وجدت زين و ياسر أمام باب القصر .
نظرت قمر الي زين الذي ينظر لها بقلق.
و نظرت ليان الي ياسر الغاضب.
زين:ياسر خد انت ليان و نور و وعد و انا هاخد قمر.
قمر:ليه انا عايزه اركب معاهم.
زين:اسمعي الكلام و اركبي معايا.
قمر:ليه؟؟
زين بصوت عالي:يلا يا قمر.
انتفضت قمر و ركبت الي السياره.
نور:طيب و العربية بتاعتي.
زين:هبقي اخلي حد من البيت يجيبها.
ركبت نور مع ياسر و وعد و ليان.
و انطلق ياسر دون ان ينطق كلمه و لم ينظر لليان.
في سياره زين.
قمر:انت كنت عارف؟؟
زين:عارف ايه؟؟
قمر: كنت عارف ان النهارده خطوبه حسام.. صح؟؟
لم يرد زين.
قمر:اكيد صح اصل عرفت منين اننا هنا من غير ما تكلم نور و جيت حتي قبل ما تكلمك..اكيد كنت عارف.
أكملت قمر: كنت عارف و مقولتليش ليه؟؟
لم يرد زين.
قمر بعصبية:ما ترد عليا؟؟
زين بصوت عالي:ارد عليكي اقولك ايه؟ ما انا ياما حذرتك منه بس ازاي.. لازم تعاندي في كل حاجه.. اقولك ايه اقولك اللي بتحبيه بيحب واحده غيرك و هيخطبها.
قمر:هو اكيد مش بيحبها.
زين بغضب:ما تفوقي بقا يا بنتي انتي كنتي لسا في خطوبته مستنيه ايه تاني عشان تتأكدي.
قمر ببكاء:و لما انت عارف كل دا مقولتش ليه؟
زين:مش قولتلك ابعدي عنه؟
لم ترد قمر.
و اكمل زين طريقه دون ان يتحدث اليها و هو يستمع الي بكائها.
وصل ياسر الي البيت و ركن السياره و نزلوا جميعاً.. و ذهب كل منهم الي غرفته.
انتظر ياسر زين .
وصل زين بعده بدقائق.
نزلت قمر من السياره سريعاً و ذهبت الي غرفتها.
ياسر: انت عرفت منين.
زين: بعدين هقولك اطلع انت شوف ليان.
ذهب الي غرفه ليان.
طرق الباب.
ليان: اتفضل.
دخل ياسر.
نظرت له ليان ثم أبعدت وجهها عنه.
ياسر:انا عايز افهم في ايه؟؟!
ليان: مافي شي.
ياسر بعصبيه خافت منها ليان:ليان انا مبحبش اتحايل علي حد قولي في ايه عشان انا كدا علي اخري.
ليان:روح اسأل حلا لتعرف شو في.
ياسر بعدم فهم: مالها حلا.
ليان:شو كنت عم تسوي امبارح بغرفه حلا؟
نظر لها ياسر بصدمه.
ياسر:انتي بتشكي فيا؟؟و مع مين مع حلا..الي هي اصلا زي اختي..انتي في حاجة في دماغك؟؟!
ليان:شو كنت عم تسوي لكان.
ياسر:كنت بتكلم معاها في موضوع يخص قمر..كنت بقولها تبعد عن قمر.
ليان بشك:وقت الفجريه؟؟
ياسر:هو انتي بجد لسا بتسألي.
ثم نظر لها و خرج.
جلست ليان تبكي..علي ما فعلته.
ليان لنفسها:لك شو سويتي يا غبيه.
*************************
في غرفه نور.
و هي تنظر الي يدها..و عليها علامات يده.
نور:غبي ايده علمت علي ايدي.. مش عارفه ماله بيا دا.
نور بعصبيه:لا و قال ايه اعدي متتحركيش.. نكد عليا منه لله.
**********************
في بيت مراد.
مراد لنفسه: ايه انت عملته دا يا مراد انت مالك بيها.
ثم أكمل:ما هي اللي كانت عماله تترقص... حتي لو انا مالي ها انا مالي اعمل معاها كدا ليه.. ايه الغباء دا.
*************************
في غرفه قمر تبكي..فهي دائما تنخدع.
قمر:ليه يا حسام ليه؟؟
ثم اكملت:هو اصلا عمره ما كان معاكي..انسيه بقا و شيليه من دماغك.
أخرجها من تفكيرها صوت طرق علي الباب.
قمر و هي تمسح دموعها: اتفضل.
دخلت ليان.
ليان ببكاء:انا ظلمته.
قمر:شوفتي؟؟قولتلك كلميه اعرفي منه الاول و انتي اللي صممتي.
ليان:شو اعمل.
قمر:رومي صالحيه هتعملي ايه يعني فهميه انك عملتي كدا من غيرتك عليه.
ليان:راح يقتنع؟
قمر: هو اكيد مضايق ف اصبري عليه.
ليان: انا غبيه.
قمر:معلش يا حبيبتي..بس تتعلمي بقا.
نظرت لها ليان.
ليان:انتي زعلانه؟
قمر:لا مش زعلانه.
ليان: متأكدة.
قمر:اه هزعل علي ايه.
ليان: ماشي يا حبيبتي..راح انام.
قمر: اشوفك الصبح.
خرجت ليان.
و ذهبت الي غرفتها لتنام.. فغداً اهلها قادمون من لبنان.
**********************
في غرفه ياسر.
كان يجلس حزين من حبيبته التي تشك به.
و في غرفه زين كان يفكر بقمر التي عانت في حياتها.
كان الجميع يفكر في احد آخر حتي انس الذي يفكر بوعد.
نام الجميع بحزن علي امل ان يكون غدا افضل.
في الصباح.
طرق علي الباب.
ليان: اتفضل.
دخل ياسر و قال:صباح الخير ..جاهزه؟؟
ليان:انتي هتيجي معايا؟
ياسر:مش معني اني زعلان منك اني هسيبك تخرجي تقابلي اهلك لوحدك.
اقتربت منه ليان.
ليان بأسف:اسفه يا ياسر..بي حسيت بالغيره.
ابتعد ياسر قليلاً مما احزن ليان.
ياسر:انك تغيري حاجه و انك متبقيش واثقه فيا لدرجه انك شكيتي يكون في حاجة بيني و بين حلا دي حاجه تانيه يا ليان مكنش ينفع تيجي في دماغك اصلا.
ليان: آسفه بس ما قدرت افكر بوقتها و كنت غضبانه.
ياسر:مجتيش سألتيني ليه و انا كنت هقولك ..لا فهمتي بدماغك و مش مهم انا.
لم ترد ليان لكن كانت تنظر له بأسف و لهفه لكي يرضي عنها.. و يقبل اعتذارها.
لكن ياسر خيب املها.
ياسر: جهزي نفسك انا هكون مستنيكي تحت في العربيه و يلا عشان نلحق نكون في المطار قبل ما يوصلوا.
كان ياسر يتعامل معها بطريقه حاده بسبب حزنه منها ..لكنه كان يشتاق لها.
خرج ياسر و نزل الي الأسفل.
شعرت ليان بالحزن الشديد..لكن لن تستسلم .
جهزت ليان نفسها و نزلت الي ياسر.
كان ياسر يجلس في السياره.
ركبت ليان و انطلق ياسر دون ان يتحدث.
كانت ليان تنظر له طول الطريق لكنه لم يهتم لها.
ليان:ياسر.
لم يرد ياسر عليها.
ليان بدموع:ياسر ارجوك انا اسفه.
ياسر:لو سمحتي متعيطيش.
ليان:لا راح ابكي..ما بتحمل تعاملني هيك.
ياسر:انتي السبب.
ليان:لك اسفه شو في غلطت بس غصب عني ماراح اعيدها مره تانيه.
نظر لها ياسر نظره سريعه.
نظر الي دموعها التي نزلت علي وجهها الاحمر و عيونها الزرقاء التي تلمع خلف دموعها.
ثم ابعد نظره عنها..حتي لا يضعف أمام دموعها.
ياسر: امسحي دموعك قربنا نوصل.
مسحت ليان دموعها و لم تتحدث مره اخري.
**********************
في مكان ما مهجور.
كان عمر صديق زين يقف و أمام رجل يجلس علي كرسي و ملفوف بالحبال.
عمر بعصبية:مش ناوي تتكلم.
الرجل بإرهاق: اتكلم اقول ايه انا معرفش حاجه عن اللي بتقوله.
عمر:ثواني و هخليك تعرف.
دخل زين الي هذا المكان.
عمر:تعالي شوف انت شغلك بقا.
زين:سبهولي.
اقترب منه زين بغضب واضح و مخيف.
زين:بقا تقتل عمي و مراته.
الرجل بخوف:مش عارف انت بتتكلم عن ايه.
زين:هتعرف دلوقتي.
ثم قام زين بتشغيل تسجيلات المكالمات بينه و بين حلا.
زين: عرفت؟؟!
الرجل:هي اللي طلبت مني.
زين:عايز اعرف كل حاجه دلوقتي و الا هدفنك هنا و محدش هيعرفلك طريق.
تردد الرجل كثيراً لكن تحت تهديد عمر و زين اعترف بكل شئ.
مما جعل حلا و مروه مشتركين في جريمه القتل.
نظر زين الي عمر: طبعاً معاك القاتل تقدر تاخد بصماته و معاك التسجيلات تقدر تتحقق منها و هو اعترف قدامك.
عمر بثقه:سيب الباقي عليا مش هخليه يخرج من السجن تاني.
الرجل:يا باشا سامحني يا باشا كنت محتاج الفلوس.
عندما سمع زين كلامه وصل الغضب الي آخره و قام بلكم الرجل لكمات عديده حتي اصيبت يد زين بشكل قوي.
عمر: خلاص يا زين خلاص..سيبه انا هتصرف معاه.
قام زين و خرج و ركب سيارته و انطلق.
ثم امسك عمر الرجل و ذهب به الي القسم.
**********************
في المطار.
يقف ياسر بجانب ليان في انتظار والديها.
ليان بلهفه:وصلوا.
اقترب ياسر منها و امسك يدها و ذهب الي والديها.
ياسر بترحيب:اهلا بيكم مصر نورت بيكم.
والد ليان بلهجه اقرب الي المصريه:منوره بأهلها يا بني.
ياسر: ربنا يخليك يا عمي.
اخذ ياسر الحقائب و وضعها في شنطه السياره.
و ركب الجميع.
والده ليان بحرج:لو هنتقل عليكم يا بني ممكن نعد في اي اوتيل.
ياسر:تقل ايه بس دا انتي نورتي المكان..البيت بيتك.
والده ليان:ربنا يخليك يا بني يفرحكم.
ياسر:يارب.
و اكمل طريقه و هو يتحدث الي والد ليان و كان يتجنب الحديث مع ليان.
*********************
في منزل البحيري.
دخل زين و ركن سيارته..نظر الي الحديقه و وجد نور و قمر و وعد يجلسون معا.
اقترب منهم زين متناسياً جرح يده.
زين:عاملين ايه.
وعد: ايه دا!!!؟
زين:ايه؟؟
وعد: مال ايدك في ايه؟؟
نظرت قمر بإهتمام.
قمر:انت كنت بتتخانق؟؟
زين:لا لا متاخديش في بالك دي حاجه بسيطه.
نور: حاجه بسيطه ايه انت مش شايف ايدك؟
زين:متكبريش الحوار.
قمر:نور معلش ممكن تجبيلي الإسعافات الأولية و انا هعقمله الجرح و اربطه.
قامت نور سريعاً لتحضر علبه الإسعافات الأولية.
جلس زين مكان نور..بجانب قمر.
احضرت نور العلبه و فتحتها.
امسكت قمر قطنه و وضعت عليها مطهر للجروح.
قمر:معلش هي هتوجعك شويه.
ثم امسكت قمر بيد زين و وضعت القطنه عليها و كانت تنتظر منه رد فعل يدل علي الألم لكنه لم يكن معها بل كان في وادي اخر.
قمر:زين.. زين؟؟
زين: نعم؟؟
قمر:نعم ايه..انا خلصت و انت و لا هنا.
زين:انتي لحقتي؟
قمر:لحقت ايه انت اللي مش مركز.
نور بمزاح:ايه اللي شاغل بالك؟؟
زين:خليكي في حالك انتي.
قمر:هو انت محستش بوجع من المطهر.
زين:لا محستش بحاجة كنت سرحان.
قمر:سرحان في ايه بقا.
زين بدون وعي:فيكي يا قمر.
قمر:نعم؟!!
زين:ها لا ولا حاجه متركزيش دماغي مشغوله بس في كذا حاجه.
في هذا الوقت دخل ياسر بسيارته ثم نزل منها الجميع.
قمر بلهفه:كراميلا.
نظرت لها والده ليان: قمر حبيبتي كيفك يا عمري..البقاء لله.
قمر بحزن:البقيه بحياتك.
احتضنتها كريمه والده ليان بشده فهي تعتبر والدتها الثانيه.
كريمه:من هلأ انا موجوده حبيبتي اذا احتاجتي اي شي.
قمر:بعرف يا كراميلا.
ليان بغيره:لك و مافي حضن لبنتك حبيبتك.
ضمتها كريمه في يدها الأخري.
كريمه بحنان:انتوا الاتنين بناتي.
ابتسم الجميع علي هذا المنظر الجميل.
**********************
كان هناك ترحيب من الجميع لأهل ليان.
و حاولت مروه ان تتعامل بود حتي لا تلفت الأنظار اليها تلك الفتره.
كان الجميع يجلسون في الحديقه.
يتحدث الأهل عن بعض الإتفاقات التي سيقومون بها لحفل الخطوبه.
والد ليان:ايه رأيك يا ياسر يا بني تنزلوا تجيبوا الفستان و البدله بكرا انا عارف اننا عطلناكم.
ياسر بحب:دا كلام بردو يا عمي.. انتوا علي راسي..اللي تشوفه ليان انا موافق عليه.
ثم وجه كلامه الي ليان: ايه رأيك يا ليان؟
ليان بحزن: موافقه.
الجد:خلاص كدا يبقي عروستنا الحلوه تنزل بكرا مع اخواتها البنات تجيب الفستان اللي هي عيزاه و ياسر يجيب بدلته.
زين بفرحه:اخيرا هنفرح بيك.
ياسر بغمز:عقبال ما نفرح بيك.
نظر زين لقمر: ان شاء الله.
ثم قال الجد: احنا نخلي الخطوبه اخر الأسبوع ها ايه رأيكم.
وافق الجميع علي هذا الرأي.
نور:ايوه يا جدو عايزين نفرح احنا كنا لسا هنستني اسبوعين.
ياسر بضحك:شوفتي مش حارمك من حاجه.
ابتسم الجميع و كانت فرحه كبيره لهم.
بعد فتره من تلك الجلسه العائليه.
قمر:انا هاخد عروستنا بقا و البنات و نطلع نعد في اوضتنا.
ليان:ياريت.
صعد الجميع الي غرفه قمر.
و بعد قليل.
طرق الباب.
ياسر:ممكن ادخل.
قمر: اتفضل.
ياسر:ليان عايزك.
نظرت له ليان ببسمه أمل.
نور بصوت خافت :قومي يلا.
ذهبت ليان وراء ياسر.
دخلوا غرفه ليان.
ياسر بجديه:انا مش عايزك تبيني ان في حاجة بينا.
ليان:شو يعني؟
ياسر: يعني حاولي متبقيش قاعده ساكته علي طول و لا زعلانه.
ليان:عن جد.
ياسر:اه بجد عشان محدش يحس ان في حاجة.
ليان: و ليش نمثل..بكرا الصبح راح اخد اهلي و نرجع علي لبنان.
ياسر:ترجعي فين؟؟!
ليان:ما بدي نمثل ان كل شي منيح و هو مش منيح.
ياسر:ليان مافيش رجوع.
ليان: راح ارجع.
اقترب ياسر من ليان مما اخافها.
ياسر بغضب مكتوم:مافيش رجوع يا ليان.
ليان:شو بدك فيني انت و ليش لنتخطب و انت عم تعاملني هيك.
ياسر:مش عارفه ليه.
ليان:عرفت غلطتي و اعتذرت عنها..لكن انت ما عم تتقبل ..شو فيني اعمل..لهيك راح ارجع و انت كمل بحياتك كأني ما كنت موجوده.
ياسر: انتي كلامك بدأ يضايقني يا ليان..لاحظي انتي بتقولي ايه.
ليان:و ليش لتضايق ياسر؟؟
ياسر:لأني بحبك..بحبك و مقدرش اعيش من غيرك و انتي بتقوليلي همشي و كأني مكنتش موجوده.
ليان بدموع فرحه:و انا بحبك كتير ياسر و ما تحملت تكون قريب مني بس بعيد.. انا أسفه.
ياسر:عايزك واثقه فيا يا ليان.. انا مش عايز غيرك.
ليان:واثقه فيك يا حبيبي.
قبل ياسر جبينها و تركها تذهب الي غرفه قمر.
************************
في غرفه قمر.
دخلت ليان و هي تبتسم.
قمر:يا سلام ع الضحكه الحلوه دي.
ابتسمت ليان.
نور:قالك ايه ها احكيلي.
قصت لهم ليان ما حدث.
نور:يا ما الحب حلو اهو يا ولاد.
ضحكوا جميعاً.
و قطع الضحك صوت رساله من هاتف قمر.
فتحت قمر الرساله و قرأتها.
ثم بدأت الدموع تنساب على وجهها.
نور بقلق:في ايه؟؟
ليان:شو في؟؟
ألقت قمر الهاتف بعيداً.
ياتري في ايه ؟؟
و هل ده تهديد جديد ولا ايه الي خلي قمر توصل للحاله دي ؟
و مين هيقدر يخرجها من حزنها ده ؟
و هل فرحت ياسر و ليان هنكمل ولاااااا ؟
متنسوش vote و قولوا رايكم
الروايه قربت تخلص قولوا رايكم و الفصول البقيه هنزل كل جمعه و ثلاث انشاء الله