حبك حلا حياتي

الفصل الثالث

فجأه قام جدي و ضرب عمتي مروه علي وجهها .
في تلك اللحظه وقف الجميع من الذهول.
مروه بصدمه: انت بتضربني يا بابا ..بتضربني عشان بنت نبيله!!!
الجد:بنت نبيله دي تكون بنت اخوكي ..و تكون حفيدتي زيها زي غيرها هنا..هي ملهاش ذنب في كل اللي فات .
مروه بغل :اه قول كدا بقا انت خلاص سامحت ..لكن انا مش هسامح و لا هنسي ..يلا يا حلا .
و اخذت حلا و صعدت الي فوق .
سكت الجميع للحظات.
و طلب جدي مني ان اذهب خلفه دخلنا الي غرفه تبدو لي انها قديمه جدا و لم يدخلها احد منذ زمن طويل .
جلس جدي علي السرير الموجود بالغرفه و اخذ يدي و اجلسني بجانبه.
سكت للحظات .
و قال: انتي اكيد عرفتي اللي حصل زمان ..اتمني تكوني عرفتي من امك لأنها مبتكدبش .
قمر:عرفت.
جدي:انا مش زعلان من امك يا قمر و لا منك .. امك كانت ضعيفه في الوقت دا الدكتور هو اللي منعها انها تتبرع بالدم .. لكن انا حزين علي جدتك ..عارف ان دا قدر لكن انا مكنتش اقدر علي فراقها يوم ..زعلت جدا بعد موتها مسؤوليه العيله تقلت عليا ..كان نفسي اكون معاها .
و في هذه اللحظه بدأ جدي بالبكاء .
امسكت يده ..فأكمل .
جدي:وحشتني جدا يا بنتي كانت هي كل حياتي ..تعرفي انك بتفكريني بيها .
قمر:انا؟
جدي:اه انتي شبها جدا.
و قام و فتح درج صغير و اخرج منه صوره قديمه لكنها واضحه .
نظرت بها ...ياربي انها تشبهني كثيراً .
انا امتلك نفس عيونها و اغلب ملامح الوجه.
و شعرها لكن انا شعري اطول .
لا اعلم لماذا و لكني بكيت .
و فجأه قام جدي و حضني.
جدي:عايزك تساعديني اغير مروه و حلا
قمر:حاضر .
و خرجنا .
°°°°°°°°°°°°°°°°°°°°°°°°°°°°°°°°°°°°°°°
اصبحت احب النوم مع نور و وعد كل يوم.. نجلس كثيرا و نتحدث ثم ننام.
نور: فاضل اقل من اسبوعين علي الجامعه .
قمر:انا شو راح اسوي بجامعتي.
وعد:انتي كنتي كليه ايه .
قمر:كنت هندسه ديكور .
نور:خلاص احنا نخلي عمو احمد يقدملك اوراقك في جامعه اسكندريه.
قمر:منيح و بدنا نشتري هدوم .
وعد:هنشتري كل حاجه ..تعالوا ننزل بكرا.
نور:هنشوف.
فتحت اللابتوب و كلمت ليان و عرفتها علي نور و وعد .
ليان:انا  راح اسافر المانيا اخر الاسبوع .
قمر:ليش بتسافري؟
ليان:الجامعه هون مسويه منحه لألمانيا لطلاب هندسه .
قمر: منيح فيكي تتعلمي افضل.
ليان بحزن:كان بدي نسافر سوا .
قمر: معلش حبيبتي ما كانت من نصيبي
ليان:شو راح نسوي ؟
قمر:راح تنامي لتجهزي اغراضك بعرفك انتي بتحبي تشتري اشياء كثيره.
ليان: ماشي يا قمر بعرف بتغيري الموضوع.
قمر بإبتسامه :تصبحي علي خير يا جميله.
قفلت اللابتوب و حسيت اني جعانه.
قمر:مين جعان؟!
نور:انا.
وعد: في حد ياكل في الوقت دا.
قمر:احنا.
وعد:ماشي و انا .
ضحكنا عليها و نزلت انا و نور الي المطبخ.
وقفنا و صرنا نسوي شي ناكله .
سمعت صوت غريب .
قمر:سامعه شي.
سكتت نور و بعدها قالت:لا مافيش حاجه.
قمر:انا سامعه شي .. خليكي راح اشوف و اجي.
مشيت ورا الصوت وصلت للحديقه الخلفيه للمطبخ .
في حدا قاعد عم يبكي .
قربت منه و لقيته زين .
قربت منه ببطئ.
قمر:زين انت منيح؟
ما رد علي .
قمر:زين فيك شي؟
زين ببكاء:ليه عملتي كدا؟
قمر:شو سويت ؟
زين:ليه بعدتي عني انا حبيتك بجد ..ليه سبتيني .
قمر:شو بتحكي انت .
زين:ارجعيلي ارجوكي.
و فجأة وجدت زين يمسك يدي و يبكي بشده .
زين :متسبنيش تاني .
و حضني .
حاولت اقوم و امشي لكن زين شدني بقوه و صار يبكي و يقول ما تسيبيني .
و فجأة قام و قال:انتي بتعملي ايه هنا و ازاي تقربي مني كدا .
قمر:شو!!
زين:انتي هتستعبطي!
قمر بعصبيه:لك انت اللي بتمزح صرت ماسكني و ما راضي تسيبني .
زين:انتي جيتي ليه اصلا.
قمر:سمعت حدا بيبكي و لقيته انت ياريتني ما اجيت ...لك انا بشوفك بعصب .
و جيت لأمشي و لقيت في وشي حلا .
و كانت تنظر لي بغضب و حقد :انتي جايه هنا عشان تخطفي راجل .
قمر:انتي شو بتقولي ؟
حلا:هتعملي فيها مش عارفه و تقولي شو و قرف ..انا شوفت كل حاجه .
°°°°°°°°°°°°°°°°°°°°°°°°°°°°°°°°°°°°°°°
مشيت حلا و كلي غضب .
راح تصير تضايقني بكل وقت .
دخلت المطبخ ما لقيت نور طلعت للغرفه.
نور:انتي روحتي فين يا بنتي ؟
و كانت جمله نور كفيله لتجعلني ابكي .
صرت ابكي و هي محتاره شو فيني؟
حكيتلها شو اللي صار .
نور:حلا مش هتسيبك في حالك .
قمر ببكاء:ياربي انا شو فيني اسوي انا تعبت .
اخذتني نور في حضنها و صارت تلعب بشعري حتي روحت في النوم.
°°°°°°°°°°°°°°°°°°°°°°°°°°°°°°°°°°°°°°
صحيت و كنت متأكدة بأن حلا لن تهدأ
لم اكن اعرف ماذا سأفعل و لكني قررت أن أفعل التالي.
طرقت الباب و اتي الرد بالدخول .
دخلت و ذهبت الي التراس (البلكونه).
قمر: صباح الخير يا جدو .
الجد: صباح النور يا حبيبتي عامله ايه.
قمر:انا بصراحه مش بخير و جايه ليك عشان تساعدني .
الجد:خير يا قمر ..حصل ايه؟
حكت قمر كل ما حدث لها أمس الي أن رأت حلا.
الجد:انا مصدقك لأنك اكيد زي امك مش بتكدبي .
قمر: صدقني يا جدو انا مكنش اصدي اي حاجه مع زين ..انا لقيته بيعيط قلت اسأل ماله لقيته مسك ايدي و حضني و فضل يعيط .
الجد:زين عنده حاله نفسيه .
قمر: بس هو طبيعي مش باين عليه حاجه.
الجد:هو اه بيتعامل عادي و هو طبيعي و كل حاجه بس لما بيفتكر حبيبته بيحصل معاه كدا .
قمر:انا هحاول ابعد عنه انا مش عايزه اتعامل معاه خالص .
الجد: لا اتعاملي معاه عادي مهما كان دا ابن عمك .
سكت للحظات و في النهاية قلت:حاضر
و خرجت .
°°°°°°°°°°°°°°°°°°°°°°°°°°°°°°°°°°°°°°°
قابلت في طريقي نور .
نور:خطوبه زينه النهارده و هي عزماكي
قمر:بس انا معملتش حسابي .
نور:هتعملي ايه يعني انتي كل اللي عيزاه فستان .
قمر: طيب و هجيبه منين ؟
نور:هننزل دلوقتي انا و انتي نجيب الفستان و نرجع نلبس و ننزل .
قمر: راح نتعب كثيرا ..مالها لازمه اجي.
نور:بس هي عزمتك .
سكت للحظات و ثم:امري لله شو فيني اسوي يلا جهزي حالك.
نور:و النبي انتي جميله.
قمر: ماشي يا جميله راح اجهز حالي .
دخلت جهز حالي و خرجت لكن بالطبع نور لسه ما خلصت ..خبطت علي الباب و قلت:نور راح استناكي تحت بالحديقة
نزلت و جلست علي كرسي من الكراسي .
و بعدها جاء عمار .
عمار: لابسه و رايحه فين كدا يا حلوه انتي .
ابتمست و قلت:خارجين انا و نور راح نشتري فستان لألي لان صاحبتها عازمتني علي خطوبتها .
عمار:لهجتك حلوه بس مش متعود عليها
قمر:بكرا انا بتعود علي المصري.
عمار:علي رأيك ..المهم هتاخدوا عربيه.
قمر:نور عربيتها في المغسله .
عمار:في ٣ عربيات بس هتلاقي منهم اتنين مع اعمامك ..و عربيه زين .
و فجأه دخل زين و قال: بتتكلموا عني ليه ؟
عمار: مافيش اصل نور و قمر خارجين ..ما توصلهم يا زين .
زين:اوصلهم فين؟
سكت قليلا و بعدها قال:ماشي تعالي يا قمر ..و انت يا عمار لما نور تنزل قولها ان احنا مستنيين في العربيه .
عمار: ماشي.
قمر:مش لازم تتعب نفسك احنا ممكن ناخد تاكسي .
لم يرد ..ذهبت وراءه .
زين:اركبي و انا هجيب حاجه من اوضتي و اجي بسرعه .
قمر:حاضر .
مرت خمس دقائق و بعدها جاء زين .
زين:هتروحوا فين؟
قمر: هنروح المول تقريباً.
زين:طيب كلمي نور عشان تنزل.
قمر:حاضر .
اتصلت بنور و قالت:قمر معلش ممكن تروحي انتي و زين عشان لازم اكون جنب زينه دلوقتي.
قمر:بس يا نور.
نور: معلش بقا يا قمر متخافيش.
قمر بغضب:ماشي يا نور.
زين:ايه؟
قمر بعصبية:شو؟!!!
زين:نور فين؟
قمر:ما راح تيجي .
زين:ليه ؟
قمر: ما بعرف ليش؟فينا نتحرك.
زين في سره بخبث:بس انا عارف ليه.
بدأنا نتحرك و زين ما بيحكي شي و انا ما حكيت شي .
وصلنا علي المول.
زين:ممكن ناكل الأول.
قمر:راح نتأخر هيك لسا بنشوف الفستان اللي راح اشتريه
زين:هناكل بسرعه و نعمل اللي انتي عيزاه .
قمر بتأفف: ماشي يلا.
دخلنا و كلنا .. زين كان بياكل ببطء كثيرا..
زين في سره:انتي جميله جدا .
كان زين ينظر لي بطريقه غريبه .
قمر:فينا نقوم؟
زين:ماشي.
خرجنا و فجأة...

ياتري زين ناوي علي ايه ؟
و هل حلا و مروه هيسكتوا علي كده ولا هيبقي في رد فعل بس لسه مجاش وقته ؟
و ليه نور عملت كده في قمر مع انها عارفه انها مش عايزه تتعامل مع زين ؟
و ايه اللي زين عارفه ..هل عاملين خطه علي قمر ..و كل ده نور كانت بتمثل مش بتحبها ؟