حبك حلا حياتي

الفصل العاشر

خرجت لتري اذا كان هناك احد مستيقظ او لا .. و ايضا لتشرب.
لكن لم يكن هناك احد ..ذهبت الي المطبخ و احضرت زجاجه و كوب و شربت .
و هي عائده الي غرفتها ..اصطدمت بشخص ما فقامت بالصراخ.
زين:اهدي يا قمر في ايه !!
قمر ببكاء:حرام عليك يا زين خضتني .
زين بحب:انا اسف و الله مكنتش اقصد..حقك عليا.
قمر: خلاص يا زين محصلش حاجه.
زين:ماشي .
قمر:طيب بعد اذنك عديني .
زين بفهم:اه اتفضلي .
تحركت قمر خطوات بسيطه و سمعت صوت زين يقول:قمر .
التفتت له:نعم؟!
اقترب منها قليلا و قال : انا عايز اقولك علي حاجه.
قمر بإستغراب :شو؟
زين:قمر بصي انا مش عارف ابدأ ازاي بس انتي من ساعه ما جيتي علي البيت و انا .....
لم يكمل لأن هاتف قمر قاطع هذا الحديث .
ذهبت قمر مسرعه لترد و لكنها لم تكن بالسرعه الكافيه لترد ..حاولت الاتصال مراراً لكن لم يرد أحد ..و لكن رساله من رقم مجهول ""البقاء لله ، بس للأسف بقيتي يتيمه.""
للحظه لم تستوعب قمر معني الرساله و فجأه قامت بالجري نحو غرفه امها لتري ابشع منظر في حياتها .
قامت قمر بالصراخ و البكاء حتي جاء الجميع و ذهلوا بمنظر نبيله و احمد مقتولان و هم نائمين .
ظلت تبكي قمر لدقائق و لكن سرعان ما فقدت وعيها .
                      *******************
مرت ايام بشعه بعد هذا اليوم.
قمر في غيبوبه مؤقته نتيجه لفقدان والديها بهذه الطريقة .
زين حزين علي قمر و علي عمه و زوجته ..المنزل كله في كآبه غريبه .
*في المستشفى*
قمر نائمه و لا تشعر بأي شئ و جسدها متصل بالأجهزة الطبيه .
و يجلس بجانبها زين ينظر لها بحزن و هو يتذكر حالها يوم الدفن.
(قمر تبكي بحرقه:لك لمين تركتوني ..كيف بدي اعيش ؟؟
حاول زين تهدئتها:ربنا يرحمهم يا قمر متعمليش في نفسك كدا.
قمر بصراخ:بعد عني كلكم بعدوا عني .
بدأ الناس بحمل الجثمان الي القبر .
قمر بصراخ:سبوهم ..ابعدوا ابعدوا عنهم انا مش هقدر اعيش من غيرهم .
حاول كل من داليا و نور و وعد تحريك قمر بعيدا عن القبر لكن لم يستطع احد منهم فعل ذلك.
قمر ببكاء شديد:سيبوني معاهم سيبوني انا مش هقدر اعيش من غيرهم .
شاور لهم الجد بالابتعاد عنها .
و همس لعمار و زين :شيلوها حطوها في اي عربيه و اقفلوا عليها .
نظر له عمار بإستغراب:نعمل ايه؟؟؟
زين بتعجب:دي واحده اهلها ماتوا مقتولين و انت تقولي احبسها في العربيه ؟؟!!
الجد:اللي قولتوا يتنفذ .
نظر عمار لزين بضيق شديد .
و اقتربوا من قمر و امسكوا بها من ذراعها ..حاولت الإفلات منهم لكنها لم تكن بالقوي الكافيه لفعل ذلك ...ظلت تصرخ : سيبوني ..يا عمار ابعد عني ..
سكتت للحظات و قالت ببكاء:يا عمار ابوس ايدك سيبني و النبي يا زين ..سيبوني و النبي معاهم هموت من غيرهم مش هقدر اعيش..سيبوني و النبي ..ادخلها عمار في السياره و اغلق السياره و ابتعد بحزن علي ما فعله معها.
نظر لها زين بحزن شديد .
قالت قمر بصوت غير مسموع بشكل كبير بسبب الزجاج .
نظرت لزين بمنتهي الحزن و الخيبه :يا زين ارجوك خرجني انت هتحرمني من اخر لحظاتي معاهم ..انا مش هعرف اشوفهم تاني خلاص هتحرمني كمان من اني اكون موجوده و هما بيدفنوا .
نظر لها زين بحزن لكن لا يجب ان تخرج.
وضعت يدها علي الزجاج لتلمس الحنان او الشفقه .
لكنه رحل .
و بعدما عاد وجدها فاقده لوعيها .
و انتهي بهم الحال في المستشفى)
نظر لها زين بكل حزن و اسف:انا اسف انا السبب في اللي انتي فيه دلوقتي بس مكنش قدامي اي حل تاني غير اني اعمل كدا سامحيني ..عارف اني خذلتك بس صدقيني كان غصب عني .
سمعت هذا الكلام نور و ذهبت مسرعه الي وعد: وعد الحقي .
وعد: ايه قمر صحيت ؟؟حصل حاجه؟؟
نور: زين اللي قتل طنط نبيله و عمو احمد .
وعد بصدمه: نعم ؟؟!!!
نور: و الله زي ما بقولك كدا .
وعد:انتي عرفتي منين؟؟
نور :انا سمعته  بيكلم قمر و هي نايمه و بيقولها انا اسف عارف اني خذلتك و انه كان غصب عنه و ان هو السبب في اللي هي فيه دلوقتي .
وعد بصدمه:هنعمل ايه طيب هنقول لمين؟؟
نور:لازم جدك يعرف .
نظرت لها وعد بحيره و ساد الصمت للحظات .
                        ******************
جاء حسام الي المستشفي و وجد نور و وعد .
سمع حديثهم لكنه لم يتحدث و رجع للخلف حتي انتهي الحديث  و بعد ذلك عاد.
ظل يبحث عن رقم الغرفه متظاهراً بعدم رؤيته لوعد و نور .
رأته وعد : حسام .
نظر لها : فين قمر ؟؟
وعد:في الاوضه دي .
حسام:هي عامله ايه دلوقتي طمنيني عليها؟
وعد:هي في غيبوبه مؤقته .
حسام:ينفع ادخلها ؟
وعد: اه .
دخل حسام و وجد زين يجلس بجانبها و يسمك بيدها ..نظر زين له: نعم؟؟!
حسام:انت مين؟
زين بإستغراب:انت اللي مين؟؟
حسام:انا حبيبها .
زين:مين؟؟؟!!
حسام:بقولك حبيبها .
زين بغضب شديد:بقولك ايه يلا انا خلقي ضيق ابعد عن قمر عشان متزعلش.
حسام بنبره سخريه:ابعد ايه ..دا في احلامك قمر  ليا .
و فجأه كان حسام ملقي علي الارض بسبب الضربه التي سددها له زين.
وضع حسام يده علي شفتاه بألم و نظر الي الدم ..فقام بغضب و امسك بزين و سدد له لكمات عنيفه .
قام زين بضربه بغضب شديد كأنه كان يحاول اخراج ما بداخله من غضب .
سمعوا صوت قمر و هي تقول:زين !!
نظر لها زين و القي بحسام بعيداً .
و اقترب منها و امسك بيدها.
زين بفرح:قمر انتي كويسه حاسه ب ايه استني هكلم الدكتور.
نظرت له قمر بحزن ثم قالت بغضب:ابعد عني مش عايزه اشوف وشك .
زين:ليه يا قمر ؟
قمر بسخريه :ليه !!! بتسأل ليه!!انت نسيت انت عملت فيا ايه انت حرمتني من اخر لحظات مع ابويا و امي انت حرمتني منهم و حبستني من غير اي احساس عاملتني كأني مجنونه.
زين بحزن:انا اسف انا مكنتش اقصد.
قمر بسخريه:ايه اسف!!تصدق و الله ضحكتني ..و الله لو اسف دي هترجعلي بابا و ماما او علي الاقل هترجعني ليوم دفنهم انا مستعده اسامحك غير كدا انا مش عايزه اشوفك.
نظر زين لقمر بحزن و بعدها نظر لحسام بغضب شديد و خرج.
اقترب حسام من قمر و قال:انا اسف يا قمر اني مكنتش معاكي في اليوم دا بس انا كنت خايف ان وجودي يسببلك مشاكل لكن مقدرتش استحمل و جيت عشان اشوفك.
نظرت له ثم بدأت في البكاء.
قمر ببكاء: انا بقيت لوحدي يا حسام ..انا مش هقدر اعيش من غيرهم .
حسام:انا معاكي يا حبيبتي و هفضل معاكي و مش هخليكي تحسي انك لوحدك .
قمر:انا كنت خايفه و بابا و ماما عايشين تخيل دلوقتي انا من غيرهم .
حسام بحب:متخافيش و انا معاكي مافيش حد هيقدر يأذيكي ابدا.
قمر بحب:حسام خليك معايا ارجوك.
امسك حسام يدها و قبلها :معاكي يا حبيبتي.
                        *******************
في المصنع.
زين بغضب شديد: بيقولك حبيبته ..مين دي اللي حبيبته.
عمار:و انت ايه اللي مضايقك في انها حبيبته.
زين: قمر ليا انا ..قمر ليا انا و بس انت فاهم .
عمار: قمر مش حاجه عشان تبقي ملكك دي انسانه لو هي حاسه بمشاعر نحيتك ..ساعتها تقدر تضايق لكن انت بنسبالها ابن عمها مش اكتر.
زين: قمر مش هتكون لحد غيري و خليك فاكر الكلمه دي كويس و بالنسبه لحسام دا انا هشوف حل معاه.
عمار: متعملش حاجه ممكن تندم عليها.
و لكن تلك الجمله كانت للفراغ لأن زين قد غادر.
                      *******************
*في البيت*
مروه: بابا انت هتسيب قمر تعيش معانا في البيت؟؟
الجد: طبعاً هتعيش معانا هي كدا ملهاش غيرنا و ملهاش مكان تروحله غير هنا.
مروه: يا بابا اللي كنا بناعملها عشانه كويس مات ليه تفضل موجوده في البيت.
الجد بعصبيه:مروه كلام في الموضوع دا تاني مش عايز ..دي بنت اخوكي و من لحمك و دمك انتي ايه؟البنت ملهاش ذنب في حاجة.
مروه: ماشي يا بابا اللي حضرتك تشوفه .
و صعدت مروه الي غرفتها لكن قبل ان تدخل مرت الي غرفه ابنتها حلا.
كادت ان تطرق الباب لكنها سمعت حلا تتحدث في الهاتف مع شخص ما .
حلا بعصبيه: حساب ايه اللي انت عايز تاخده انت قتلت عمي و انا مكنتش متفقه معاك علي كدا .
سكتت قليلاً  ثم قالت: يعني ايه مقدرتش تعمل حاجه غير انك تقتله انا اتفقت معاك تقتل مراته بس .
حلا لتنهي الحوار بعصبيه:قابلني كمان ساعه بس هحاسبك علي اللي كنا متفقين عليه بس .
ثم اغلقت لتجد مروه في وجهها .
مروه بغضب:انتي اللي قتلتي احمد اخويا!!!؟
حلا بصدمه:انا مكنتش عايزه كدا يا ماما انا مكنتش اقصد .
مروه:مكنتيش تقصدي ايه ... اعمل فيكي ايه ..ايه اللي انتي عملتيه دا؟؟؟!
حلا:يا ماما صدقيني مكنتش اعرف ان كل دا هيحصل.
مروه:انا مش عايزه اي حد يسمع عن الموضوع دا لحد ما اشوف حل ..لأن جدك مش ساكت و عمال يدور علي اللي قتل.
حلا:مش دي دلوقتي المشكله يا ماما.
مروه:في ايه يا وش المصايب.
حلا:الراجل اللي كنت متفقه معاه علي كدا عايز فلوس اكتر من اللي كنا متفقين عليها و لو مدفعتش هيعترف بكل حاجه .
مروه بعدم تفكير:اعمل فيكي ايه هتودينا في داهيه اعمل فيكي ايه ؟البسي عشان نروح نقابل الراجل دا .
حلا :انتي هتيجي؟
مروه:عندك مانع و لا ناويه تعملي مصيبه اكبر من كدا.
حلا بعدم اكتراث: هو انا عملت حاجه يا ماما .
مروه: انتي ناويه علي حاجه اكبر  من كدا يا وش المصايب؟؟
حلا لنفسها :انا مش بس ناويه انا بدأت خلاص .

ياتري حلا ناويه علي ايه تاني ؟
و هل خلاص كده قمر حبيت حسام و هو فعلا بقا الامان بنسبالها ..!
و ياتري زين هيعمل ايه علشان قمر تبقي بتاعته هو و بس ؟
و ايه الي مستني حلا و مامتها بعد الي عملوا و قتله احمد و نبيله ؟