حبك حلا حياتي

الفصل الحادي عشر

في مكان مجهول .
حلا و مروه في السيارة ينتظران الرجل الذي قام بالقتل.
مروه: فين وش المصايب اللي بلتينا بيه .
حلا: قالي ان هو جاي.
في تلك اللحظة ظهر رجل ما .
حلا :اهو يا ماما.
مروه خرجت من العربيه و اخذت حقيبه بها اموال.
مروه: فلوسك اهي و اياك تتصل بينا تاني و الا هوديك في داهيه .
الرجل بهمجيه: بقولك يا ابله الفلوس دي مش جايبه همها انا عايز ادها مرتين .
مروه: عايز ايه يا عنيا. اصدك 2 مليون.
الرجل: الله ينور عليكي بتفهمي بسرعه.
مروه: دا بعينك .
الرجل: حيث كدا بقا متزعليش .
مروه: اعلي ما في خيالك اعمله.
و كانت سترحل لكن كان الرجل اسرع منها .
امسكها من رقبتها و اخرج سكين من جيبه الفلوس هتجيني و لا اقتلك مكانك هنا .
حلا بصريخ: سيب ماما.
الرجل: الفلوس يا هتلاقي امك غرقانه في دمها دلوقتي.
مروه: طيب سيبني و انا هجبلك الفلوس .
الرجل: و ايه اللي يثبتلي انك هترجعي يا ابله ..انتي هتفضلي معايا و الحلوه دي تروح تجيب الفلوس و تيجي.
مروه: دي هتفضحنا كلنا لو عملت حاجه.
حلا: اصدك ايه يا ماما؟
الرجل بصوت عالي: بقولكوا ايه مشاكلكوا دي مش هنا انا عايز فلوسي دلوقتي .
مروه: طيب سيبني و هجيبلك فلوسك.
الرجل: و الحلوه دي هتفضل معايا.
حلا بخوف: ماما؟!!!
مروه: اه هتفضل معاك بس لو لمست شعره واحده بس تبقي جنيت علي عيلتك كلها.
الرجل بوقاحه: هو صعب حد يبقي قدامه القمر دا و ميعملش حاجه.
مروه: انا قولتلك اهو و الا مش هطول مني شلن واحد.
الرجل: ماشي.
و ذهبت و تركت له حلا .
                       *******************
في المستشفى.
دخل زين الي غرفه قمر .
كانت تنظر الي الجهه الاخري لكن عندما دخل نظرت له .
قمر بعصبيه: انت ايه اللي جابك هنا؟؟؟ انت ازاي ليك عين تيجي هنا بعد اللي عملته انت حرمتني من دفن ابويا و امي .
زين بهدوء و ندم: انا اسف و الله و ندمان بس انا بحاول اعمل اللي اقدر عليه عشان اعوضك.
قمر: تعوضني عن ايه ها تعوضني انك رميتني زي الكلب في العربيه و قفلت عليا ... و لا عن انك حرمتني من اخر لحظه ليا مع بابا و ماما .تقدر تقولي تعوضني عن ايه؟؟؟!
زين: اكيد اللي هعملوا مش هيعوض حاجه من دي بس انا عارف ان هي هتساعدك.
و اخرج لابتوب قمر و كانت ليان ظاهره علي شاشته .
ليان و هي تحاول ان تخفي دموعها: قمر حبيبتي البقاء لله.. طمنيني عليكي شو ياللي صار احكيلي كل شي.
قمر ببكاء: راحوا يا ليان راحوا و تركوني وحدي صرت وحيده مالي اهل.
ليان: لك وين رحت انا.. انا اهلك و اختك و كل شي ليكي متل ما انتي كل شي بحياتي.
قمر: انا بحاجتك يا ليان .
ليان: انا راح احجز برحله بكرا و اكون معك.
قمر: وجودك معي راح يهون عني كتير.
ليان: راح كون معك كل عمري .
و اغلقت معها و نظرت لزين و قالت: فيني اطلب منك شي.
زين بحب : اكيد .
قمر: فيك تطلب من جدي يوافق علي وجود ليان معنا بالبيت حتي ما تتبهدل .
زين: اكيد ... انا بس ...
قمر: شو في؟
زين بإقتراب: قمر انا اسف بجد و بتمني انك تسامحيني.
قمر بإبتسامه: سامحتك.
ابتسم زين و شعر بفرح رهيب.
زين: همشي دلوقتي و اجيلك تاني.
قمر: تمام.
                   ***********************
في المصنع و بالتحديد في مكتب الجد.
كانت مروه تعلم ان الجد في البيت و لم يذهب الي العمل .
دخلت مكتبه بتسلل تحاول ان تفتخ الخزنه.
كانت تحاول و لكنها لم تعرف  ظلت تحاول و فجأه دخل خالد الاخ الاكبر لمروه.
خالد: مروه انتي بتعملي ايه هنا؟؟
مروه بإرتباك: انا جيت اشوف بابا لو موجود.
خالد بشك: مروه انتي عارفه أن بابا مش بينزل المصنع النهارده... و بعدين بتعملي ايه عند الخزنه... مروه في ايه؟؟
مروه بتصنع: انا كنت محتاجه فلوس.
خالد: و مقولتيش ليه .. و بعدين محتاجه فلوس ليه.
مروه ببكاء متصنع: مكنش ينفع ان حد يعرف حلا اتخطفت النهارده الصبح ... واضح ان في حد بيحاول يوقع عليتنا الاول يقتل اخويا و مراته و دلوقتي يخطف حلا .
خالد: انتي ازاي متقوليش كدا و ساكته .
مروه بخبث: خوفت يأذي حلا.
خالد : احنا لازم نروح البيت حالا ناخد الفلوس .
مروه شعرت بإرتياح لنجاح تمثيلها .
مروه ببكاء: ياريت يا خالد ارجوك ساعدني.
و ذهبوا الي البيت.
                   ************************
في المانيا.
ياسر: انا مش هقدر اسيبك تسافري لوحدك.
ليان: ياسر ارجوك ضروري اسافر و ما بدي اعطلك عن مشاغلك هون و دراستك.
ياسر: مش مهم اي حاجه المهم اني اكون مطمن عليكي يا ليان.
ليان: ما تخاف انا بعرف اضبر احوالي.
ياسر بعصبيه: ليان انا قلت كلمه و هي مش هسيبك تسافري لوحدك و هنزل معاكي.. و بالمره ازور اهلي.
ليان:منيح.
ياسر: ليان انا بحبك جدا.
امسكت ليان بيد ياسر و قالت: بحبك كتير ياسر .
                    ************************
في البيت .
الجد بعصبية: انتي ازاي متقوليش حاجه زي كدا؟؟؟
مروه بتصنع: خوفت يا بابا خوفت علي حلا.
الجد: هو طالب كام؟
مروه:2 مليون.
الجد: اتصلي بيه و قوليله يقابلك و انك معاكي الفلوس.
مروه: حاضر.
                     **********************
في المستشفى.
كان الجميع يجلس مع قمر بالغرفه يتحدثون.
زين: قمر انا كلمت ليان و هروح اجيبها من المطار بكرا.
قمر: شكرا كتير زين .
وعد: و مين ليان ؟
قمر: ليان رفيقتي و من و نحن صغار .
نور: و حلوه زيك كدا؟
قمر: ليان جمالها ساحر.
وعد بمزاح: هي لبنان حلوه اوي كدا.
ضحك الجميع و ظلوا يتحدثوا حتي انتهي موعد الزياره.
خرجت نور و وعد و وقف زين أمام سرير قمر و قال: قمر انا ....
و في تلك اللحظه دخلت وعد و قالت: حلا مخطوفه..
قمر بصدمه: ايه؟؟ ازاي.
وعد: مش عارفه اي حاجه بس عرفت انها مخطوفه .
زين:طيب تعالوا اروحكوا دلوقتي عشان اطمن عليكوا و اشوف هعمل ايه معاهم .
وعد: ماشي ..قمر خلي بالك من نفسك.
قمر: حاضر حبيبتي.
زين بإقتراب من قمر: قمر خلي بالك من نفسك و لو حسيتي بأي حاجة غريبه كلميني علي طول.
قمر: حاضر و انت كمان خلي بالك من نفسك و من وعد و نور.
زين: ماشي .
رحل زين و ذهب الي البيت معه وعد و نور.
                    **********************
في المانيا.
ليان تحضر حقيبتها و تتحدث مع ياسر علي الهاتف.
ياسر: هتروحي لصاحبتك ازاي.
ليان: ابن عمها راح يوصلني .
ياسر: لا طبعاً.
ليان:ليش.
ياسر: يعني ايه حد يجي ياخدك و انا موجود انا هوصلك.
ليان: انا ما بعرف المكان .
ياسر: انا مش هقدر اكون مطمن يا ليان عليكي.
ليان بحنيه: ما تخاف كل شي راح يكون منيح.
ياسر: اتمني.
ليان: ما تقلق.
                     ********************
في مكان ما .
ذهبت مروه لتقابل الرجل و معها المال.
مروه: فلوسك اهي فين حلا.
الرجل: في الحفظ يا ابله.
خرجت حلا من غرفه ما .
حلا: ماما.
مروه: تعالي يا حبيبتي .
و اخذتها و رحلت.
و كانت الشرطه تراقب الرجل .
مروه لحلا: انتي تمثلي كويس اوي انك اتخطفتي و انك مرعوبه و مش عيزاكي تاني ابدا تعملي حاجه من دماغك.
حلا: مش الموضوع خلص .
مروه: انتي سمعتي انا قلت ايه.
حلا بضيق: حاضر
ياتري مروه ناويه علي ايه ..و ايه وموقف الرجل بعد مبلغة عنه الشرطه ...؟
هل هيشيل القضيه لوحده ولا هيكشف كل حاجه ؟
و ايه السبب المفاجاه الي خلي قمر تسامح زين كده فجاه هل علشان خلها تكلم ليان بس ولا.....