حبك حلا حياتي

الفصل الثامن عشر

ارتدي زين ملابسه ليذهب لمقابله حسام.
بعدما انتهي.
ذهب الي غرفه قمر...طرق الباب.
قمر: مين؟
زين:انا زين ينفع ادخل؟
قمر: اتفضل.
دخل زين لكن ما شاهده جعله مذهول.
قمر ترتدي فستان واسع و قصير يصل الي ركبه مليئ بالذهور الملونه.. و تركت شعرها ينسدل.. و ترتدي حذاء قديم نوعاً ما لكنه اكمل جمال الفستان.
و وجد السرير مليئ بالملابس و الصور.
زين بإعجاب و دهشه: ايه دا؟!!!
قمر:ايه شكلي وحش؟
زين:شكلك وحش ايه انتي اللي سماكي قمر مكدبش انتي فعلا قمر .
ابتسمت قمر بخجل و قالت بحزن: دا كان بتاع ماما.. دايما بابا كان بيعجب بيها و هي لبساه.. هي اللي كانت قمر.
ثم بدأت الدموع تنساب علي وجهها الابيض الجميل.
و ذهبت الي السرير و امسكت بصوره من الصور.
قمر بدموع:في الصوره دي كانت لبساه و بابا بيبصلها من كتر جمالها.. كان بيقولها انتي جمالك بينور حياتي.
ثم جلست علي السرير تبكي بشده.
اقترب منها زين و جلس بجانبها.
قمر ببكاء:وحشوني اوي يا زين وحشوني جدا..نفسي اسمع صوتهم.
و انهارت في البكاء.
ضمها زين الي صدره دون أن يقول شئ.
قمر و هي تبكي في حضن زين:انا فامره كل حاجه بينا يا زين فاكره كل كلام بابا ليا فاكره كلامه لماما و ضحكنا.. فاكره لما كان بيقولي انتي واخده جمال امك بس امك بردو حلوه.. كان نفسي يفضلوا معايا...ليه سابوني ليه يا زين.
ربط زين علي شعر قمر بهدوء.
زين بحزن: اهدي اهدي خلاص عشان خاطري.
نظرت له قمر ثم ابتعدت ببطء.
قمر:انا اسفه بس فعلا مقدرتش امسك نفسي.
زين:المهم انك كويسه.
قمر:اه انا كويسه.
حاول زين التخفيف عنها قليلاً.
زين بضحك: بصي دموعك عملت ازاي في التيشيرت.
قمر: اسفه و الله مكنش اصدي.
زين: انا بهزر معاكي..ولا يهمك اي حاجه فداكي.
و اقترب منها.. و مسح دموعها.
زين: متعيطيش تاني يا قمر.
قمر بإبتسامه صغيره: حاضر.
زين:ابقي البسي الفستان دا كتير شكلك فيه جميله جداً.
قمر:بجد؟؟
زين:اه بجد..هستأذنك انا بقا عشان عندي مشوار.
قمر: ماشي.
خرج زين و قفل الباب.
زين لنفسه: انتي علي طول جميله يا قمر.
******************
ثم صعد زين الي غرفته مره اخري ليغير التيشيرت.
بعد ان قام بتغيير التيشيرت نزل و ركب سيارته ثم ذهب الي حسام.
*********************
في المكان الذي اختاره حسام.
مكان شبه صحراوي.
زين و هو يضيق عينيه من الشمس:انت جايبنا فين يا بني.
حسام:بص انا جيبتك في مكان فاضي عشان لو حصل و اتخانقنا منتبهدلش قدام الناس.
زين:هتقول حاجه مهمه و لا دي لعبه بينك و بين حلا ؟!
حسام بدهشه:انت عارف؟!
زين:اه عارف..انجز و احكي انت عايز ايه؟؟
حسام:بص يا زين انا بصراحه مكنتش صريح مع قمر في مشاعري انا لا كنت بحبها و لا كان في بيني و بينها حاجه..كل دا حلا طلبته مني عشان فهمتني ان ابو و ام قمر هما السبب في موت جدتها و ان هما اللي قتلوها .. طبعا قلت هساعد صاحبتي اللي هي حلا..و لما بدأت اتعامل مع قمر حسيت انها بنت محترمه و كويسه و طيبه و اكيد اهلها مكنوش وحشين..بس كنت بعمل اللي حلا بتقول عليه.. تهديد و هددتها و قربت منها و بعدت عنها يعني كنت بلعب بمشاعرها..مع الوقت حسيت ان حلا بتنتقم لحاجه قمر مش السبب فيها و انها ملهاش ذنب طبعاً بعد موت أهلها هي بقت وحيده..انا قررت كذا مره ابعد بس حلا كانت بتقولي هتعرف قمر كل حاجه.. انا كنت فاكر اني بحب قمر بس انا اكتشفت اني مكنتش بحبها و لا حاجه..المهم انا دلوقتي هبعد عن حياتها خالص انا هخطب و قررت اني لازم اعمل حاجه اكفر بيها عن الأذيه دي بس معرفتش اعمل ايه في جيتلك انت احكيلك و انت تقرر.
كان زين يستمع الي الكلام و كأن بركان علي وشك الانفجار .
اقترب زين من حسام بسرعه و امسكه من قميصه.
زين بغضب:هي عملتلك ايه لكل دا.
ثم ضربه زين في وجهه لكمه اوقعته أرضاً.
زين: دا انا هوريك.
حسام و هو يأخذ أنفاسه و الدم اغرق وجهه:يا زين افهم ارجوك انا مكنتش اعرف و لما عرفت حاولت ابعد.
زين بغضب و غل:بتلعب بمشاعرها..دا انا هلعب في عداد عمرك.
حسام:انا غلطان انا عارف بس حاولت اصلح اللي عملته.
زين حاول ان يتمالك أعصابه بصعوبه.
زين:انت هتحكيلي كل حاجه بالتفاصيل من اول ما حلا كلمتك عن قمر لحد ما انت بتحكيلي دلوقتي.
حسام: ماشي..بس مافيش ضرب تاني.
نظر له زين بجانب عينه بغضب.
تراجع حسام عن كلمته:خلاص خلاص.
ثم حكي له كل شيء كما كان يريد.
*************
صمت الاثنان قليلاً ثم قال حسام:انا كدا حكيتلك كل حاجه اعرفها و كل حاجه عملتها اتمني ان قمر تسامحني انا عارف ان اللي عملته دا كان غلط بس انا بحاول اصلح الغلط دا.
زين بغيره:ملكش دعوه بقمر.
حسام:يا بني بقولك هبعد عنها تقولي ملكش دعوه بيها انت في حاجة في دماغك؟؟
زين نظر له.
زين:يا تري انت ناوي تموت قبل ما تتجوز و لا انت حابب تتضرب؟؟!
حسام: يا عم خلاص انا ماشي.
ثم نزل حسام و ركب سيارته و رحل.
جلس زين في سيارته يفكر بكل ما قاله حسام لكن لم يكن هناك اي دليل عن خطف حلا او موت احمد و نبيله .
زين لنفسه:احسن من مافيش بس مصيرك يا حلا تقعي تحت ايدي.
ثم ادار السياره و رحل.
*************************
في غرفه نور.
كانت نور تتحدث علي الهاتف مع صديقتها.
نور:يا بنتي اكيد هاجي انتي صاحبتي ازاي يعني مش هاجي في يوم زي دا.
صديقتها:اه بجد يا نور انتي اصلا عارفه اني ماليش غيرك.
نور:عارفه يا حبيبتي متقلقيش و اعملي حسابك هتيجي خطوبه ابن عمي قريب بردو.
صديقتها:ماشي يا حبيبتي ان شاء الله هكون معاكوا.
نور:خلاص ان شاء الله هجيلك.
صديقتها:هستناكي.
ثم خرجت نور من غرفتها و نزلت الي الحديقه.
في طريقها الي الحديقه قابلت والدها.
نور بمرح:خلوده.
خالد:يا بنتي انا ابوكي البنات بتقول بابا.
نور:بابا ايه بس انت اللي يشوفك يقول اخويا.
خالد بشك:وراكي حاجه طالما بتدلعيني كدا يبقي عايزه حاجه.
نور بطريقه مزيفه: انا ابدا و الله...بص يا خلوده انا عايزه اروح خطوبه صاحبتي.
خالد:شوفتي انا كنت عارف.
نور:متنكرش اني بدلعك طول عمري.
خالد:قوليلي يا ستي خطوبه صاحبتك دي امتي و لا فين.
نور: يوم الخميس يعني بعد بكرا.. فين في بيتها هتعمله في الجنينه زي ياسر و ليان كدا.
خالد:طب بصي يا ستي ايه رأيك تاخدي معاكي وعد و قمر و ليان و شوفي حلا لو وافقت تروح معاكوا.
نور بتزمر:اممم قولتلي حلا.
خالد:يا بنتي عيب دي بنت عمتك.. يعني زي اختك.
نور:ما انت عارف طريقتها.
خالد:انا بقول شوفيها وافقت يبقي تمام موافقتش خلاص يبقي عملتي اللي عليكي صح و لا ايه رأيك.
نور:طول عمري بقول عليك حكيم.
خالد:طول عمري بقول عليكي بكاشه.
نور:ماشي يا خلوده ماشي بس افتكر انك ظالمني.. انا خارجه اقول للبنات.
خالد:ماشي يا حبيبتي.
خرجت نور الي الحديقه وحدت ليان و ياسر يجلسان يختارون الديكورات.
نور:انتوا لسا قاعدين من الصبح دا انا قلت خلاص هتتخطبوا.
ليان:ابن عمك ما عاجبه شي كل ما نخنار يقول يمكن في احلي ..لك مش عارفه امتي راح نلقي الأحلي.
ياسر بحب :طيب هلاقي الأحلي ازاي و انتي قاعده معايا.
ابتسمت ليان بخجل و احمر وجهها.
نور:احم احم ايه يا عم الحاج البنت رقيقه مش كدا.
ياسر:اكدب يعني.
نور:لا يا سيدي متكدبش بس راعي شعورنا.
ياسر:حاضر يا ستي تعالي طيب اختاري حاجه انتي و ليان و انا هسكت و اللي هتختاروه انا موافق عليه.
اقتربت نور و ليان من بعض يشاهدون الصور.
شاورت نور علي صوره من الصور
نور:حلو الديكور دا و رقيق .
ليان:قلت هيك من الصبح.
نور:انتي بتفهمي يا بنتي لكن بتاخدي زوق راجل في ايه هما دول عندهم زوق.
ياسر:بقولك ايه امشي من هنا.
نور:اكدب يعني؟؟!
ياسر:لا يا ستي بس راعي شعوري.
نور بضحك:اه انت بتردهالي بقا..ع العموم انا مكنتش جايه عشان كدا.
ياسر:اومال جايه عشان ايه.
نور: جايه اخد خطيبتك و بنات عمك معايا خطوبه واحده صاحبتي.
ياسر:امتي و فين؟
نور: يوم الخميس دا اولا ثانياً بقا مافيش اعتراض انا قلت لبابا و هو موافق و هو اللي قالي اخد معايا البنات.
ثم نظرت لليان وقالت:ها ايه رأيك.
ليان: بس يوم الخميس كنا راح نشتري الفساتين.
نور:طب ايه رأيك نعمل تأجيل بسيط نجيب الفساتين الجمعه و تيجي معانا.
نظرت ليان لياسر وقالت:شو رأيك؟!
نور:انتي لسا هتاخدي رأيه يا بنتي بقولك بابا موافق.
ياسر:هو عمي خالد و لا بنته سابولي رأي ..عمتا موافق بس بشرط مش هترجعوا لوحدكم يعني انا او زين هنيجي ناخدكم.
نور: ماشي ماشي.. تعالي بقا يا لولو نطلع لقمر و البت وعد نقولهم.
قامت ليان و ذهبت مع نور الي غرفه قمر.
*****************
ذهبت نور و ليان الي غرفه وعد أولا لكي تأتي و تجلس معهم بغرفه قمر.
عندما وصلوا الي غرفه قمر لم يجدوها..بل وجدوا صندوق و بجانبه بعض الصور القديمه لقمر و احمد و نبيله.
بحثوا عنها في الحمام و الغرف المجاوره لكن لم تكن موجوده.
نور:راحت فين يعني؟؟
ليان:هي ما خرجت اليوم.
وعد بقلق:طب تعالوا نقول لحد.
نزلوا الي الصالون .
وجدوا ياسر يجلس هو وعمار .
وعد:حد فيكم شاف قمر.
عمار:لا انا مشوفتهاش النهارده هي مش في اوضتها؟!
وعد:لا مش موجوده في الاوضه و لا في اي حته.
ياسر:يعني ايه هتكون راحت فين؟؟!
نور:معرفش اتصل عليها كدا.
اتصل ياسر بها لكن وجد تليفونها مغلق.
عمار:طيب ثانيه هتصل بزين ممكن تكون معاه.
اتصل عمار بزين:الو زين بقولك هي قمر معاك؟؟
زين بقلق:لا مش معايا هي مش عندكم ؟؟
عمار:لا مش موجوده هنا البنات دوروا في كل مكان مش موجوده.
زين بخوف:طب محدش يخرج من البيت خالص و انا جاي حالا.
اغلق عمار الهاتف.
ياسر: ايه هو فين؟
عمار:معرفش بس قال محدش يخرج من البيت و هو جاي .. ربنا يستر..جرب كدا اتصل تاني علي قمر.
حاول ياسر الإتصال لكن بدون فائده.
***********************
بعد مرور نصف ساعة.
دخل زين الي المنزل بسرعه.
زين بقلق شديد:مجتش؟؟!
عمار:لا.
صعد زين سريعاً.
عمار:رايح فين؟؟؟
لم يرد زين و صعد الي غرفه حلا.
دخل زين دون ان يطرق الباب.
حلا خافت من منظر زين فهو يبدو كالبركان.
زين بغضب و صوت عالي: عملتي فيها ايه؟؟
حلا بعدم فهم:هي مين و عملت ايه؟؟!!
زين:انتي هتعملي عبيطه بقولك ودتيها فين يا حلا؟؟؟
حلا:هي مين انا مش فاهمه حاجه؟؟!
امسك زين حلا من زراعها.
زين بصوت عالي:قمر راحت فين؟؟
حلا:معرفش هوديها فين انا مالي بيها.
اجتمع كل من في البيت امام غرفه حلا.
دخل ياسر و حاول تخليص حلا من يد زين.
ياسر:انت بتعمل ايه يا زين سيبها براحه مش كدا.
دفع زين ياسر الي الارض
زين: ابعد عني دلوقتي..ردي عليا عملتي فيها ايه.
حلا بألم و دموع:و الله ما عملت حاجه.
زين:انتي فكراني هصدق زي ما صدقت حوار انك اتخطفتي.
تدخلت مروه سريعاً.
مروه: انت بتعمل ايه يا زين مينفعش كدا؟؟؟
زين: طبعا هتدافعي عنها ما انتي معاها في اللعبه.
مروه بإرتباك:انت بتقول ايه و لعبه ايه سيب البت هتكسر ايدها.
زين:هكسر ايدها بس دا انا هوريكوا دلوقتي..لو قمر جرالها حاجه و الله ما هرحمكوا.
ثم دفع حلا الي السرير و خرج من الغرفه.
حلا ببكاء:و الله يا ماما ما عملت حاجه.
مروه:معلش يا حبيبتي معلش.
نزل زين الي الحديقه حاول الإتصال بقمر لكن هاتفها مغلق.
نزل ياسر وراء زين بغضب.
ياسر: انت ايه اللي انت بتعمله دا انت هتبوظ كل حاجه.
زين بغضب: يعني ايه راحت فين هي و انتوا اعدين في البيت زي الطيشه.
ياسر بهدوء:طيب اهدي يا زين عشان نعرف نفكر.
زين:متقوليش اهدي متقوليش اهدي انا مش طايق نفسي.
ثم ذهب الي السياره لكي يخرج للبحث عن قمر.
لكن قبل أن يذهب تفاجأ ب .........
ياتري زين تفاجأ ب ايه ؟؟
و قمر كانت فين و هل هتبقي بخير ولا في حاجه حصلت ؟
و هل بال حصل ده هيفتح ابوات كتير من غل و انتقام من زين لحلا والا ايه الي هيحصل
متنسوش vote و قولوا رايكم و توقعتكم