حبك حلا حياتي

الفصل السابع عشر

زين لنفسه: حقيقتك بانت.
انطلق زين بسيارته الي المنزل.
عندما دخل و كان في طريقه الي غرفته..قابل والده.
مصطفي:زين انت كنت فين؟؟
زين: كان ورايا شغل يا بابا في ايه اول مره تسألني السؤال دا.
مصطفي: ما انت الفتره دي مش مظبوط و مواعيدك كمان.. و مش عارف في حاجة مخبيها علينا و لا لا.
زين:ليه يا بابا بتقول كدا؟
مصطفي: في ناس جت اتهجمت علي البيتو خدوا ياسر معاهم.
زين بغضب:ناس مين و ياسر لسا هناك؟؟
مصطفي:لا ياسر رجع و كويس بس هما اصلا كانوا عايزينك انت.
زين:ماشي يا بابا انا هتكلم مع ياسر بكرا و هحل الموضوع دا متقلقش..روح نام و الموضوع دا مش هيتكرر.
مصطفي:ياريت ميتكررش و ياريت تفوق لنفسك.
زين:حاضر.
ثم صعد الي غرفته
**************************
في الصباح.
ذهب ياسر الي غرفه زين.
ياسر:عايزك في موضوع.
زين: تعالي انا كمان عايزك.
ياسر:انت عارف انا عايزك في ايه؟
زين:اه بابا حكالي امبارح بص يا ياسر انا في حاجات شاكك فيها عشان كدا انا مواعيدي مش مظبوطه و لا انا بس الحاجة اللي في دماغي دي طلعت صح العيله هتبوظ
شعر ياسر بالإرتباك.
ياسر:ايه هي الحاجات دي ؟؟
زين:بص قبل ما تيجي حصل حاجات كتير اوي في البيت..عمك احمد و نبيله اتقتلوا و حلا اتخطفت و رقم بيهدد قمر و حاجات كتير غريبه كدا .
صدم ياسر مما يسمع.
ياسر:كل دا حصل؟؟
زين:اللي انا شاكك فيه خطف حلا و موت عمي و مراته.
ياسر:ليه شاكك في ايه؟
زين: حاسس ان حلا متخطفتش و ان اللي ورا موت عمي و مراته هي عمتي مروه و حلا و معاهم حد تاني.
ياسر:نعم!! يعني ايه عمتك تبقي مسؤوله عن موت اخوها انت بتهزر و لا مش فايق.
زين بعصبية:ممكن تسمع يا ياسر.. اللي خلاني اقول كدا اني مراقب حلا بقالي فتره و هي فعلا اللي مسؤوله عن تهديد قمر .. هي بتهددها و مش بس كدا هي بتهدد واحد تاني ان لو معملش الحاجات اللي هي عيزاها هتفضحه قدام قمر.
ياسر:و مين الحد التاني دا و هتفضحه ليه؟؟
زين:الشخص دا بيمثل انه حبيب قمر و لما حاول يبعد هددته انها هتقول لقمر علي ان هو بيمثل عليها مش بيحبها بجد و هو اللي بيبعتلها رسايل التهديد.
ياسر:زين الكلام دا يودي في داهيه دا كلام كبير اوي.
زين:المشكله انه فعلا كلام كبير.
ياسر:طب و هنعمل ايه؟؟
زين:اول حاجه عايزين ندور في حوار موت عمي و مراته نشوف كل حاجه حصلت بظبط عايزين نتأكد مين اللي عمل و هل فعلاً اللي انا شاكك فيه صح و لا غلط.. و كمان عايزين نشوف موضوع خطف حلا.
ياسر:انتوا ليه مبلغتوش لما كل دا حصل؟؟
زين:انت عارف جدك .. منع ان حد يبلغ عشان الحوارات اللي هتحصل و عارف ان جدك بيخاف علي سمعته اوي في السوق.
ياسر:و هو عشان بيخاف علي سمعته في السوق يسكت عن موت ابنه؟؟؟
زين:اللي حصل يا ياسر دلوقتي انا و انت مش هنسكت.
حل الصمت قليلا ثم قال زين: في حاجة كمان.
ياسر:ايه ؟؟
زين:عارف حفيده راغب الهلالي اللي انت شوفتها ؟
ياسر:اه مالها.
زين:العريس اللي هي مغصوبه عليه هو حسام اللي بيمثل علي قمر.
ياسر: عشان كدا حب يبعد عن قمر.
زين: تقريبا كدا.
ياسر:طب انا عندي حل.
زين: ايه الحل؟؟
اخبره ياسر الفكره التي في باله و اقتنع بها زين و بدأوا التخطيط لها.
************************
في غرفه ليان.
قمر: يا بنتي انا مش عارفه حسام دا بيروح فين بجد!!!
ليان: بصراحه انا ما ارتحتله ابدا.. ما بعرف كيف انتي متحملته.
قمر:ليه؟؟
ليان:تصرفاته كتير غريبه مو واضح تحسي مخبي شي..لك انتي بتعرفي اذا عنده اخوات او لا او اي شي عن اهله .. بيته وين عايش.. انتي ما بتعرف عنه اي شي و هو عارف عنك كل شي.
صمتت قمر لتفكر.
قمر:هو قال ان عنده مشاكل مع مامته و اخوه.
ليان: بس هيك؟؟!
قمر:اه بس كدا معرفش حاجه تاني.
ليان:انتي وين عقلك كيف بتفكري!!!؟
قمر بشك:يمكن كلام زين عنه صح؟
ليان: كلنا بنحذرك منه.
قمر:مش عارفه بقا.
ليان: انا اللي ما بعرف وين عقلك.
صمتت قمر تفكر في تصرفات حسام و كلام ليان و زين.
***********************
في بيت راغب الهلالي.
تتجهز فريده لمقابله العريس.
(فريده فتاه ذات بشره بيضاء و شعر بني طويل وناعم و عيون عسليه.. متوسطه الطول و شكلها طفولي و رقيق.. ترتدي فستان ضيق بعد الركبه لونه سماوي و و حذاء اسود بكعب عريض.)
مراد اخو فريده بالرضاعه بحب:انتي زي القمر يا حبيبتي بس ادي لنفسك فرصه بس متزعليش..الولد مش وحش.
فريده بعصبيه:اتجوزه انت طالما عاجبك.
مراد بحزن: بجد انتي شايفه كدا؟؟ يا فريده انتي اختي و انا اكيد مش هرميكي لأي حد بص صدقيني الولد كويس و دمه خفيف و حلو و من مستوانا.
فريده:انا مش بحبه.
مراد:يا بنتي انتي شوفتيه اصلا؟؟شوفيه و قرري بعد كدا..عشان خاطري يا فريده.
فريده بحزن: عشان خاطرك بس علي فكره.
مراد:عشان خاطري ايه و انتي حلوه كدا و هتوقعي الولد.
فريده بمرح:شكلي حلو؟
مراد بفرح:قمر.. يلا بقا عشان ننزل الولد مستني هو أهله مع جدك من فتره.
فريده: يلا.
ثم نزلوا.
نزل مراد قبلها بخطوات وقال: فريده جايه.
نزلت فريده و نظر لها حسام بملل لكن سرعان ما تغيرت النظرات الي اعجاب فهي جميله و ملامحها جذابه.
جلست فريده بجانب جدها.
والد حسام: طبعاً زي ما حضرتك عارف يا راغب بيه احنا جايين نطلب ايد حفيدتك فريده لحسام ابني.
راغب: انا يشرفني  طبعا اني اناسبكم بس الكلمه الاخيره لفريده.
والد حسام لفريده:ايه رأيك يا فريده يا بنتي.
نظرت فريده لجدها: اللي جدي يشوفه.
راغب: طب احنا نسيبهم مع بعض شويه.
ثم تركوهم .
لم تتحدث فريده.
فقال حسام:عامله ايه؟
فريده: كويسه الحمدلله.
حسام:بصي انا مش عارف انتي قبلاني او لا بس اكيد انا هبقي مبسوط جدا لو وافقتي.
ابتسمت فريده بخجل.
حسام:طب فيه حاجه حبه تسألي عنها.
فريده:انت كنت مبسوط لما قالولك في عروسه هتتجوزها غصب عنك.
حسام: هو بصراحه انا مكنتش مبسوط و محدش يقدر يغصبني علي حاجه .. بس لو هيغصبوني عليكي ..انا زي ما قولتلك هبقي مبسوط.
فريده:يعني انت دلوقتي فرحان؟
حسام:اه فرحان و انتي؟
فريده:مش عارفه بصراحه.. اما كنت مضايقه من الطريقه و اني مشوفتكش قبل كدا.
حسام: انتي ممكن لما تعرفيني تغيري رأيك.
فريده:ممكن.
ثم دخل مراد: ايه يا شباب انده لجدو؟؟
حسام:تقدر تنده عليهم لو عايز.. و لو فريده معندهاش اي اسئله.
فريده:لا معنديش.
ذهب مراد الي راغب و اهل حسام.
ثم جاؤا.
راغب: ايه يا حسام.
حسام: انا مستني ردكم يا راغب بيه.
راغب:خلاص يا بني انا هتكلم مع فريده و هكلمكم.
والد حسام:شرف لينا اننا نناسبكم و فريده تبقي بنتنا.
راغب:ان شاء الله اللي فيه الخير يقدمه ربنا.
ثم رحلوا.
راغب الي فريده: ايه يا فريده رأيك.
فريده بخجل:هفكر يا جدو.
ثم صعدت الي غرفتها.
مراد الي راغب:طالما عملت كدا يبقي هتوافق انا عارفها.
راغب: يارب يا مراد يا بني.. عقبالك.
مراد: ادعيلي يا جدي .
راغب:شاور انت بس و انا هروح اخطبهالك.
مراد:ربنا يخليك ليا .. لما الاقيها بس.
************************
بعد خروج حسام من هذا البيت ابتسم لأنه سوف يبتعد عن قمر لكنه كان يشعر بحزن لما فعله لها في اذيه مشاعرها.
******************
في بيت البحيري.
بعد الفطور.
ذهب ياسر الي ليان.
ياسر بحب:لولو.
ليان:شو يا روحي.
امسك ياسر يدها.
ياسر: عايزين نبدأ نجهز عشان الخطوبه.
شعرت ليان بفرحه و خجل.
ليان: شو راح نسوي.
ياسر:يعني ايه رأيك ننزل نشوف الفستان و البدله و نبدأ نشوف الديكور اللي هيعجبك عشان نعمله في الجنينه ..و نجهز اوض اهلك لما يجوا.. تحبي نبدأ ب ايه؟؟
ليان: نبدأ بالغرف لأن اهلي راح يوصلوا ع بكرا.
ياسر:تمام هقولهم يبدأوا يجهزوا الاوض .. نجهز كام اوضه؟
ليان:واحده بس لماما و بابا.
ياسر: ماشي.
ليان: و نبدأ نختار الديكورات .. و نشوف رأي البقيه.
ياسر:و الفستان؟!
ليان: فيني اخد البنات و نروح بعد يومين؟
ياسر:طب و انا ؟؟
ليان:ما بدي ياك تشوفني بالفستان غير يوم الخطوبه.
ياسر بمرح:مفجأه يعني؟؟
ليان: بظبط.
ياسر: اتفقنا..تعالي نشوف الديكورات.
و بدأوا يختارون.. و يتحدثون بمرح و فرحه.
**********************
في بيت حسام.
يجلس و يفكر ماذا سيفعل في حياته.. هلي ينسي قمر و حبه لها ام انها كانت مجرد شفقه.
هل وجود فريده سوف يغير حياته.
حسام لنفسه: انا لازم اعمل حاجه علي الاقل عشان اريح ضميري.
ظل يفكر ماذا يفعل لكي يعوض قمر عما فعله بها.
ثم قرر انه سوف يحكي لزين كل شئ و هو من يقرر ماذا يفعل.
****************
اتصل حسام بزين.
زين:الو.
حسام:زين انا حسام انا عايزك في موضوع مهم.
زين بعصبيه:موضوع ايه اللي هيكون بيني و بينك.
حسام:بس هو حقك تتعصب و كل حاجه بس وفر عصبيتك دي عشان انا عايز احكيلك علي حاجات مهمه جدا و هتتعصب منها اكتر.
زين:دا انت بجح اوي.
حسام:هنتقابل و لا لا عشان الكلام اللي هقوله مينفعش علي الموبايل.
زين:هنتقابل.
حسام:هبعتلك اللوكيشن نتقابل كمان ساعه.
زين:ماشي.
**********************
ارتدي زين ملابسه ليذهب لمقابله حسام.
بعدما انتهي.
ذهب الي غرفه قمر...طرق الباب.
قمر: مين؟
زين:انا زين ينفع ادخل؟
قمر: اتفضل.
دخل زين لكن ما شاهده جعله مذهول.
**********************
ايه اللي خلي زين مذهول ؟
ياتري زين هيعمل ايه مع حسام ؟
و هل حسام هيعترف بالحقيقه كلها ولا ايه الي هيقوله و هيبقي أثره ايه علي زين؟