Heartbeat Road (Completed)

(II)

Pinindot ko ulit yung doorbell, hoping na baka mali ang nasa isip ko. This time may nadinig ako ingay galing sa pinto, dahilan para mapa-atras ako ng bahagya.

Sobrang bilis ng kabog sa dibdib ko. Parang mabibingi na ata ako.

Pigil ang hininga kong inantay na tuluyang bumukas ang pintuan.

Agad na kumunot ang noo niya nang makita ako. Mabilis kong pinasadahan ang itsura niya. Nakasuot na siya ng uniform pero... Mukha siyang bagong gising. Namumutla din ang mukha niya.

Para siyang may...sakit?

"Van?" mahina, may bahid ng pagtataka ang boses niya.

" A-ano—Quine?!" mabuti na lang at agad akong nakalapit at nasalo siya matapos nitong biglang mawalan ng malay.

Nang mahawakan ko siya ay agad kong naramdaman ang sobrang init niyang katawan.

Tama nga ako. Isip-isip ko.

"Quine?...Quine?"mahina kong tinapik-tapik ang pisngi niya para gisingin, pero wala na talaga siyang malay.

Binuhat ko siya sa braso ko saka ginamit ang aking paa para maisara ang pinto. Agad akong umakyat sa kwarto niya at dahan-dahan siyang ibinaba sa kaniyang kama.

Anong gagawin ko? Kagat-kagat ko ang daliri ko habang nakatingin sa walang malay na si Quine.

Jusko po. Kailangan niyang magpalit ng damit at sa tingin ko ay... kahapon pa niya suot yun.

Bumaba ako sa may kusina saglit para humanap ng malaki-laking bowl, saka iyon nilagyan ng malinis na tubig. Mabilis akong nagtungo sa banyo para kumuha ng malinis na tuwalya pagkatapos.

Nagtungo din ako saglit sa may closet niya para humanap ng damit na pwede niyang gawing pamalit. Sobrang laki ng loob nun at napakadami ding cabinet. May nakita pa akong cabinet na puno ng mamahaling brand ng pabango. Yung malaking parang lamesa naman sa gitna ay cabinet din, pero lalagyan ng ibat-ibang klase ng alahas at bag. Ilang cabinet pa ang binuksan ko bago ko nakita ang mga damit pantulog niya. At syempre, kinailangan ko ding kumuha ng underpants niya.

Wag sana niyang ikagalit lalo ang gagawin ko. Dasal ko sa isip ko.

Nakasabit sa braso ko ang mga damit niya habang hawak-hawak ko naman yung bowl at tuwalya paakyat sa kwarto niya.

Inilapag ko sa nightstand niya yung bowl saka ako umupo sa tabi niya. Nagdasal muna ako saglit, god knows that I needed to do this.

Tinanggal ko muna yung coat ko at isinampay iyon sa may railings. Ini-upo ko siya sa kama, saka ko sinimulang tanggalin ang coat na suot niya. Sinunod ko ang white long sleeves, saka yung bra nito. Sinunod ko ang pang-ibaba niya. Matapos siyang mabihisan ay saka ako inumpisahang punasan ang katawan niya. Ramdam na ramdam ko ang init ng katawan niya.

Kumuha ng yelo sa ref at inilagay iyon sa icepack saka ipinatong iyon sa ulo ni Quine. Ganon ang palaging ginagawa ng mama ko kapag nagkakasakit ako.

Habang hinihintay siyang magising ay naghanda ako ng lugaw, may oven naman siya kaya kahit lumamig ay pwede namang initin na lang.

Naghanap-hanap na din ako ng gamot sa bahay niya. Pero puro sleeping pills at pain killers lang ang nakita ko. Kaya naman kinailangan ko pang lumabas para bumili.

Tulog parin ito nang makabalik ako. Kaya umupo muna ako sa gilid ng kama niya. Medyo bumaba na din ang body temperature nito kaya kahit papano ay nakahinga na ako ng maluwag.