#منزل_بلا_ابواب2
مساء الورد .... بنات والله التفاعل ميت يعني جداا احباط بالنسبه الي ويمكن هاي اخر شي حترك الكتابه 💔
الجزء التاسع ..لـ ازهار ذابله..
ذلك الضوء الذي في اخر النفق ... مجرد خدعه لا يوجد ضوء في اواخر الانفاق من يدخلها يقتله العمى.. !
ام عثمان ... انتي متستحين بنات اخر زمن ..
شهاب ... والله حقها صار شكد حجوا الناس وانتو مغلسين وبعدين هي ممصدكه بشر اتقدملها اتخيلو بس اذا رفضها بسببكم والله اتسممكم ..
عثمان ... لا لا سندس عاقله ..
سندس .... مع الاسف عليك يخوي مو بس اسممهم احرك البيت عليهم.
ظلينا نضحك وهي مسويه نفسها زعلانه وخالتي بس اتصيح عليهم والي يوكع جوه ايدها اتضربه ..
اني سمعت كلام شهاب ورحت لبيتنا وحسن من شافني فرح صعدته لغرفتي ونيمته .. اتصل عثمان اكثر من مره بس ماجاوبته بعدين دز مسج ردي الموضوع يخص حسن .. رديت عليه.
ــ نعم.
ــ حجيت ويه المحامي وگال لازم ام حسن تتنازل عن الحضانه ولازم شي رسمي ولازم بااقرب وقت انسوي وكاله للمحامي حت يباشر شغله ..
ــ بس اني هسه مااكدر اطلع وضعي مو متحمل ..
ــ اعرف بس احجيلج حت اطمنج وبعد ايام مراجعه عندج لدكتوره ...
ــ اتذكر الموعد.
ــ ميخالف اذكرج حت اخذج الها ..
ــ لا لا اتعب نفسك ..
ــ الله كريم يله نامي لا اتضلين سهرانه مو زين عليج ..
سد الخط لان حس ردت احجي شي يضوجه ..
نمت بسرعه مااحس بروحي من التعب. الصبح شفت اريج بالباب ..
ــ صباح الخير..
ــ صباح النور..
ــ كلت اطمن عليج واشوف حسن نزل قبلج ظل بالي عليج ..
ــ شنزله هذا؟
ــ لا اتخافين داليا سمعته يلعب ونزلته ترا اني مااكرهه هو طفل شنو ذنبه يعني اطمني وارتاحي حملج مهدد وانتي منتظرته من فتره طويله ... لا تتحركين اني اجيبلج ريوكج ..
ــ مشكوره مااريد اتعبج ..
ــ لا شمسويتلج قابل ..
هاي حالة اريج مالها موقف ثابت مره ماكو منها ومرات محد يتحملها .. بس بالرغم من كلشي اتظل اتحن علينا لان مو غريبه واتعودنا ع طباعها ..
ظليت بغرفتي وحسن يجي يشوفني وينزل يلعب .. تعبت ومليت اريد الايام تخلص بسرعه حت ارجع لحياتي لدوامي ولحركتي بس المصبرني الطفل الي داخل احشائي جنت من اتذكر افرح اني احمل قطعه من گلبي ببطني .. بس المشكله حياتي ويه عثمان مد وجزر ابد مو مستقره ..
أنت تقرأ
منزل بلا ابواب
Romanceٲلقيت بنفسي من اعلى مكان في الخيال وشعرت بٲنني اطير بلا اجنحه لامست اطراف اصابعي رياح قويه وجسدي يُسحب لـ ارض الواقع بقوة عجيبه ... جاذبية الواقع نخرت عظامي من شدة الارتطام ... كنت انظر بعين واحده واتكلم بلا صوت كنت اطفو بدل السير على الارض كنت فراش...