منزل بلا ابواب

الجزء 31

#منزل_بلا_ابواب

الجزء 31
لـ ازهار ذابله

لا تطرق ابواب قلوبهم
فـ ٳن فتحوا لك الباب
سـ يخجلك سؤالهم
ماذا تريد? ...

ـــ انتي اتعرفين شسويت ع مووودج اتعرفين اني شسويت وانتي شاطره واتعاندين اتعرفين شنو خسرت شنو سويت ... مااتعرفين ولا راح اتعرفين لان خلص بعد مابينا شي ظلي يم اهلج ..

ـــ ماااااعرف مااااعرف خلص عوفني مااريد منك شي لا اريد اتسويلي ولا اريد اتضحي ع مودي ..

ـــ اعرف ماترديني بس اضحك ع روحي واكول اتحبني وبعدها مجروحه وهسه اتسامحني ... انتي ممجربه شعور بشر عايش ع حلم باجر ترجعلي يجي باجر بخيبة امل وهم ما افقد الامل واكول بعد شهر بعد سنه بعد دهر انتظر ماعندي شي بس انتي ماتتغيرين ولا ترديني ..

ــ خلص كلتلك خلص انساني ..

ــ لو بيدي ماانتظرج جان من زمان نسيت وخلصت بس مو بيدي هذاااا ذلني ( ويضرب بقوه ع گلبه)

ــ خلص روح هسه دنيا ليل والبنات نايمات لا يكعدن ع صوتنا كافي فضايح.

ــ اي اييي رايح واذا تردين اترجعين للبيت ماامنعج من حجي الناس هسه ينتقدونج لذلك اتكدرين باي وقت اترجعين اتحمل اكمل المسرحيه هنه ثلاث اشهر وكل واحد يروح لحاله.

ــ اوك تمام ..

راح واني ظليت وكعت بمكاني مااحس برجليه ولا احس بروحي اريد اتنفس مااكدر ... ليش اني شمسويه بالاخير اني طلعت الغلط ردت انطي فرصه واسامحه وانسه كلشي ونبدي من جديد وهو يريد يعوفني .. اي طبعا لان مرته صارت زينه ورجع الها ... بس هو شرجعه منها مو كال ابات يمها ... اوووف منج شيخه خلي يولي لا تفكرين بي انسي انسي ..

صعدت لغرفتي نمت ... كعدت الصبح رحت للمدرسه ومااشوف كدامي من التعب والارهاق وهم رونق وانتصار يحجن واني بالي مو يمهن ... بس خلص الدوام رجعت .. اخذت ملابسي ورجعت لبيت عثمان ... من دخلت شافني وترك البيت وراح ... اني سلمت وصعدت لغرفتي ... رجعت حضرت الغدا وياهم واتغدينا وظليت ساكته مااحجي شي ..

بلقيس ... شبيج شيخه مريضه؟

شيخه ... هااا اني لا ماكو شي.

سندس ... خاف عثمان مزعلج؟

بلقيس ... لا هو عثمان حباب ويحبها اكيد ميزعلها يجوز سوء فهم ..

شيخه ... لا ماكو مشاكل ولا شي بس اني اشويه تعبانه هسه انام واصير زينه ..

بلقيس ... اي روحي ارتاحي ماعدنا شي ..

رحت لغرفتي واشوف موبايل عثمان بالغرفه ناسي لو هو عايفه .. سمعته مرتين يدك صار عندي فضول منو يدك عليه ... اخر اتصال رحت شفته الاسم علياء ... وظلت اتلح وادك ...بداخلي فرحت يعني مو يمها .. وبعدين دزت رساله بس ماكدرت اشوفها اخاف يظل يحجي لو يرزلني ..