منزل بلا ابواب

هروب مؤقت

#منزل_بلا_ابواب

الجزء 15

لـ ازهــــــار ذابله.

بدون تدقيق 😁

________________________

كل عيب أحبه فيك...إلا غيابك...

محمود درويش 😍

قنعته بصعوبه وسكت ...واني ظليت احجي ويه علياء ..جنت احجيلها عن امي وشلون معصبه منا وكاعد فوك السطح وهي ظلت اتلح شنو السبب وحجيتلها اتريد اتزوجني هي سكتت عرفتها ضاجت بس لازم تعرف احسن ... بعدني وياها ع الخط وسمعت باب البيتونه انفتح ..

اسمع شخص فتح الباب وعلياء اتصيح الووو الووو اني سديت الخط وظليت ساكن اريد اعرف منو هذا ..

بس حجه عرفته ..

ــ هااا شعواط شكو لاحكني؟

ــ طفت الكهرباء وضجت وين اروح ..

ــ يعني ماعندك غيري اتخبث عليه؟

ــ اكلك عثوو انت اخوي الجبير واني احترمك بس انت تعرف اني مااصبر ومااعرف اتحمل هسه اتكلي شنو سالفتك ..

ــ واذا ماحجيت؟

ـــ هههههههه اروح لخوخه ..

ــ اتهددني يعني؟

ـــ لا فهمتني غلط اروح اتعارك وياها ارفع ضغطها ..

ــ يله تعال احجيلك بس شوف اذا طلع حرف من الي احجي تعرف شسوي بيك ..

ــ كلام رجال والله مااحجي ..

ــ اني من اشتغلت بالمطعم المديره جانت يعني عاجبها بس متحجي وظلت اتلمح واتسولف واني مااحجي لان هي اكبر مني واني هم احب ابنيه ...

ــ هلا هلا منو هاي الي اتحبها ولك طلعت داهيه ولا متوقعك اتحب ..

ــ هسه غير اتخليني اكمل ترا بعد مااحجي ..

ــ يله كمل بعد مااحجي همم ( وسد حلكه بيده)

ــ المهم ظلت اتلمح واكو وحده حركتها لان ظلت اتلح وياي واني اصدها ....

ــ مااكدر اسحكت خرررررب بحظي ولك انت ليش كلها اتحبك هسه ع عيونك لو لان ثكيل ..

ــ انجب واسكت خلي اكمل ... وراها هي صارحتني وكالت متزوج وشتريد انطيك .. اني اهنا رفضت لان احب وهم ماعجبني شنو تشتريني بس هي حلوه ومغريه واني ابصراحه ملت الها ... بس ماردت اخون الحب وبالمناسبه الي احبها ماتحبني ... ورحت صارحتها ورفضتني من رفضتني انقهرت ورحت اتزوجت علياء بس زواجنا جان بشروط اكدر اتزوج وهي بس اهلها يعرفون واني محد يعرف منكم وانظل هيج. .. بس حضرتك اكتشفتني وانت ظنيت اني يعني ادور سوالف تعبانه واني والله ماعندي هيج بس متزوجين ع سنة الله و رسوله ..