منزل بلا ابواب

بين القلب والعقل

#منزل_بلا_ابواب
الجزء الخـــــامس

لــ ازهار ذابله..

ــ روح گد مـــا بيك وارجع
تلگه حبك مستمر
الشمس متغير تفاصيل السمر ..

الشاعر حسين علي المطوري.

لحد ما وصلت شيخه وادخلت بينا وصار شي ماجنت متوقعته ابد ..

شيخه ....

عوف البنيه بحالها شتريد منها؟

جواد ....
وانتي شكوووو منو خلاج وصيه عليها؟

رونق ...

عفيه لا تتعاركون بسببي فدووه كافي الناس انتبهت علينا ..

شيخه ..

تعالي وياي ..

جواد ...

لا مااتروح وياج ولا اتروح مكان اني اوصلها لو انتي غيرانه ..

رونق ..

اسفه منكم اثنينكم بس اني اندل بيتنا واگدر اروح وحدي .. واذا عدكم مشاكل شخصيه لا اتخلوني طرف بيها ارجوكم ..

شيخه ...
اسفه حبي رونق والله ردت اساعدج ماعندي مشاكل ولا شي بس خفت عليج الله يشهد عليه اشوفج مثل اختي ومااحب احد يضوجج حت لو اليوم عرفتج اني هيج مااحب اشوف ابنيه تتعرض للاهانه لو الاستغلال ..  تگدرين اتكولين عقده لان اخاف ع اخواتي ..

رونق ...

حبيبتي والله اني حسيت بيج وبگلبج الطيب عادي مسامحتج بس مااريد مشاكل بسببي ..

جواد ...

اني طلعت الشرير الوحيد اهنا واني اسف ست رونق ازعجتج ماجنت متوقعج هيج ابد يله باي ..

زعل جواد وراح وشيخه اعتذرت مني وراحت واني هم رحت لبيتي واريد اشوف نفسي لشوكت اتحمل قسوة الدنيا ولشوكت اظل وحدي ...

شيخه ..

رجعت للبيت وبديت احضر الغدا والبنات يلعبن وشفت بابه وهم كملت احتياجاته .. يوم مزدحم مثل كل يوم ...

صباح رجع تعبان وضايج وصاحني يحجي وياي ع انفراد اني خفت لان حسيت اكو شي ..

دخلت وراه للغرفه واني قلقه ومتوتره ..

ــ هااا صباح رايدني شنو الموضوع؟

ــ شوفي شيخه هو مو موضوع واحد اثنين و واحد اصعب من الثاني منين ابدي. ..

ــ ابدي من الي يعجبك اني اتعودت ع المصايب.

ـــ اول شي لازم اتسمعيني للاخير واتقدرين موقفي ..

ــ اوك تمام اسمعك.

ــ انتي تعرفين عاداتنا وكلنا نتزوج گرايب واني مگعدج لخالد وهذا الشي بعلمه وجان موافق وكال بس اكون نفسي اتقدم .. واي شخص يجيج اروح احجي وياه ويكول لا بنت عمي متصير لغيري ... بس والله مااعرف شلون احجي لان صدك احس روحي ظلمتج ..