منزل بلا ابواب

الجزء 16

مسائكم عسل 😍

#منزل_بلا_ابواب

الجزء 16
لــ ازهـــــار ذابله..

- يبدو كل شيءٍ هنا في مكانه المناسب ، إلا أنا.

طلعت بوجهي لعلياء مااعرف حسيت بيها لان هي نفسي هم متعلقه بشخص مايحبها وبس هي اتحاول واني گلبي مو وياها والي ماخذه گلبي مو بحالي بس ميخالف شيخه اني اعلمج ..

وصلت لعلياء وحاير شلون اكلها واني اعرفها شكد اتغار ...

بس هي استقبلتني تضحك وفرحانه وحضنتني ...ظليت يمها وكل مااريد احجي اتغير الموضوع واشوف نفسي احجي بشي ثاني ... رجعت للبيت وحجيت لشهاب الصار وشهاب بدأ يصنف..

ــ ههههه والله عمي احظوظ اثنين و حاير بيهن ..واني وحده ومخبلتني ..
ــ هسه ع شنو حاسدني بله؟
ــ مو ع شي بس متزوج وحده زنگيله والخ اتموت وصارت خطيبتك وحضرتك اتريد اتروح اتكول للزنگيله حت اتفلس هههه..

ــ انجب اني مو طماع ..
ــ لعد مااتحبها شكو اتزوجتها؟ لا اتغشم نفسك لو ما طماع جان مااتزوجت وحده اكبر منك بعشر سنين ... وشي ثاني شنو قدمتلها مهر؟ اجرتلها بيت؟ تنطيها مصرف؟ لا تعتبرني شهاب الغبي ترا اعرف شنو بنفسكم مو بس بوجهكم انت والبنات عدكم جشع وطمع بس مااتحسون بنفسكم ..

ــ اهووو كافي يالفيلسوف ..

ــ لا مو كافي وعندي دليل هاي فردوس ليش قبلت بغيث وهي تعرف مستواه يختلف عن مستوانه ليش قبلتوا كلكم وفرحتوا عكس من كلتكم اريد رونق؟ تعرف ليش لان رونق ماعدها شي ماتملك بيت ولا رصيد بالبنك ولا مطعم ..

ــ انت تعرف نفسك شنو تحجي شهاب كافي ترا اذيتني اهوايه ..
ــ اي الحقيقه تجرح لان هذا واقعكم واني اذا اتظل امي مصره ع موقفها اترك البيت ..

ــ لا تتخبل شنو تحجي انت من كل عقلك؟

ــ اي من كل عقلي وخاف اتكول ع مود مره لا مو علمود مره ولا شي بس محد بحالي ولا احد يحس بي كلمن عايش حياته عرض بطول بس يم شهاب اتصيرون شرفاء...

ـــ ولك انت شكد جفصت واني متحملك ترا وصلت حدها وياك ..

ــ يعني شسوي تضربني؟ ضاربني قبل ومفرغ اعصابك براسي ..شسوي تطردني من البيت هو اصلا مو بيتكم وخلف الله ع ابو يزن مكعدكم بي ابلاش ..

ــ انت لو اتصير تافه لو وقح ماعندك حل وسط؟

ــ الصراحه وقاحه؟  لو من اضحك وياكم هاي تعتبرونها تفاهه ؟ وع فكره اني مو تافه ولا وقح بس شسوي حظي امصخم ..

ــ كافي شهوبي لا تقهر نفسك هيج اني هسه احجي ويه امي واقنعها ع رونق بس انت اهدئ..

ــ يله انتظرك روح احجي وياها ( ويباوع صفح)