စုရီ ကျီနုန်၏ မငြိမ်မသက်အမူအရာတို့နှင့် ေ၀့လည်ကြောင်ပတ်စကားတို့ကြား သံသယစိတ်တို့ပိုကြီးထွားလာသော်လည်း မျက်နှာထက်မဖော်ပြပဲ အေးအေးဆေးဆေးပင်ပြောလိုက်သည်။
"ဒါဆိုလည်း ထားလိုက်တော့ အခုတော့ စာဖတ်ချင်လို့စာအုပ်နည်းနည်းလောက်ယူလာပေး"
"အခုချက်ချင်းသွားယူလိုက်ပါ့မယ်"
ကျီနုန်သွားပြီးမကြာမီတွင်ပင် ကျီလျို့အခန်းထဲ၀င်လာရင်းဟိုဟိုဒီဒီကြည့်ကာ
"သခင်လေး ကျီနုန်ဒီမလာဘူးလား?"
"သူအခုပဲထွက်သွားတာ ကိစ္စရှိလို့လား?"
"ဟုတ်တယ် သူ့ဆီက ပိုက်စံတောင်းစရာရှိလို့"
ပြောပြီးမှ ထိုစကားက နည်းနည်းလေးအထူးအဆန်းဖြစ်နေမှန်း သတိထားမိသွားရင်း စုရီကိုကြည့်လျက် ချက်ချင်းအဓိပ္ပါယ်ရှင်းတန်းဖော်လိုက်ရ၏။
"ကျီနုန်က ကျမတို့လေးယောက်ထဲမှာ နန်းတော်ရဲ့ ဘဏ္ဍာထိန်းလေ ဘုရင့်ကိုယ်လှုပ်တော်တွေ ဒီကိစ္စတွေမှာပါရလေ့မရှိပေမယ့် သခင်လေး မဟုတ်သေးဘူး ကြင်ယာတော်ကတော့ နောက်ကျ ဒီကိစ္စတွေလုပ်ချင်တယ်ဆိုရင် ချက်ချင်းလွှဲပေးပါ့မယ်"
စုရီသူ့ကို စိတ်ပျက်သလိုကြည့်နေမှ သူစကားအများကြီးရှင်းတန်းလုပ်လိုက်မိမှန် းရိပ်မိပြီး ခြောက်ကပ်ကပ်ရယ်လျက်
"ကြင်ယာတော် ကျတော်မျိုးမမှာ တစ်ခြားလုပ်စရာရှိသေးလို့ ခိုင်းစရာမရှိရင်သွားခွင့်ပြုပါ"
စုရီ ဒီရက်တော်တော်လေးထူးခြားနေသည်ထင်ရ၏။ ကျီလျို့က ဘာမဟုတ်သည့်စကားလေးတွေကို ဆင်ဆင်ခြင်ခြင်ပြောနေသလို ကျီနုန်ကလည်း ကပျာကယာတွေဖြစ်နေသဖြင့် ဒီမှာ တကယ်တန်းဘာတွေဖြစ်နေမှန်းမသိသော်ငြား သူ့ကိုမသိစေချင်တာတော့သေချာ၏။ ကျီနုန် စာအုပ်တစ်ချို့နှင့်ပြန်လာသဖြင့် စုရီစာဖတ်လိုက်သော်လည်း သန်းဝေရင်းငိုက်မြည်းလျက် အတွေးတို့က ကျီနုန် ကျီလျို့တို့၏ ထူးဆန်းနေသည့်အမူအရာမှသည် အကျဥ်းထောင်ဆီသို့ပြန့်လွင့်လျက်။
၀မ့်ရန်ရွီးများအကျဥ်းသားအားလုံးသတ်လိုက်ပြီး သူ့ကိုအမှန်မပြောပဲထိန်ချန်ခြင်းလော?ထိုသို့စဥ်းစားမိသည်နှင့် မဖြစ်နိုင်ကြောင်းသာ စုရီခေါင်းထဲရောက်လာ၏။ အကယ်၍များသတ်ခဲ့သော် စုရီကိုထပ်ခြိမ်းခြောက်နိုင်တော့မည်မဟုတ်။ တကယ်လို့ စုရီသာ ၀မ့်ရန်ရွီးကတိတည်မတည် အကျဥ်းသားတွေခေါ်ပြခိုင်းလျင် ၀မ့်ရန်ရွီးအတွက် ထိုသူတို့ကိုသတ်ပစ်လိုက်သည်က ဘာမှအသုံး၀င်မည်မဟုတ်။ ထို့ပြင် ထိုနေ့က အဖြစ်အပျက်ဆီပြန်သွားကြည့်မည်ဆိုလျှင် ၀မ့်ရန်ရွီးက ဓားစာထံတစ်ယောက်ပြီးတစ်ယောက်ပေါ် ဓားသွားတို့တင်ခဲ့သော်လည်း သူ့ပုံစံက စုရီကို ကြင်ယာတော်လုပ်ဖို့အတင်းဖိအားပေးသည်မှလွှဲ၍ သတ်ရန်ဆန္ဒတစ်စုံတစ်ရာမပါခဲ့မှန်းသိသာ၏။ ထိုအကြောင်းသုံးသပ်မိတော့ ထိုအချိန်က သူအတင်းခေါင်းမာတင်းမခံခဲ့သည်ကို စုရီနောင်တအနည်းငယ်ရမိသွားသော်လည်း ထိုအချိန်ပြန်ရောက်ခဲ့သော်လည်းကောင်း ထိုအခြေနေမျိုးထပ်ဖြစ်ခဲ့လျှင်လည်းကောင်း စုရီကတော့ ဘာရလဒ်ပဲထွက်ထွက်လူ့အသက်တို့နှင့်ဘယ်တော့မှအလောင်းစားလုပ်မည်မဟုတ်။
YOU ARE READING
ခယောင်းလမ်းကကြင်ရာတော်(mmtrans)ခေယာင္းလမ္းကၾကင္ရာေတာ္
Historical FictionTitle : War Prisoner(စစ်သုံ့ပန်းစစ္သံု႔ပန္း) Original Author : Li Hua Yan Yu Novel Status : 95chps+bonus Translator.: @Chocolatelover 1412(eng trans) Trans status : completed #Credit all the works and pic to the original author and eng translator
Chapter 43
Start from the beginning
