جمرة الشياطين... للكاتبة دينا عادل

الفصل العاشر

(جَمرة الشَياطينِ)

-الفصل العاشر-

وقعت تلك الجملة على مسامع "ثُريا" بصدمة كبيرة يمتزجها بعض السخرية وهي تنظر له قائلة :

-أتجوزك ؟

التفت لها وقال بابتسامة هادئة:

-أيوة مالك مستغربة ؟ ، مش أنا ابن خالتك بردو ؟

أدارت وجهها إلى الناحية الأخرى وهي تقول بنبرة ساخرة:

-لا ابن خالتي مات خلاص ، أما اللي واقف قدامي واحد معرفوش بيقتل في الناس .

اقترب منها ببطء يمزجه بعض اضطراب الغضب من حديثها وهي تقول:

-أنتِ لسه متعرفيش حاجة عن حياتي ، وزي بردو ما أنا شايفك واحدة تانية غير اللي كانت بتعتبرني كل حاجة ليها ومشيت وسابتني صح ؟

تنهد قبل أن يكمل بقوة :

-أنتِ كمان اتغيرتي يا ثُريا ، وصدقتي مجدي وفهمك كلام أهبل زيه عني ، وفي الآخر جاية هنا عشان تبقى جاسوسة لِه وتقتليني مش كده ؟

نظرت له "ثُريا" بقوة وتحدي وهي تقول بنبرة مختنقة:

-عشت اللي عشته عشان تلومني ؟ ، اتخدعت في الراجل اللي احتواك وحسكك أنه أبوك وعمل كل حاجة عشانك ، وبعد ما أمي ماتت وأنا معرفش ماتت ازاي ،وبعدها بسنة قالي أنه عرف مين اللي قتلها وحكالي عن واحد واطي عايز يستعبد القرية دي ويقتل الناس الغلابة .

سالت دموعها بغضب وهي تقول:

-الحقيقة هو مثَّل دوره كويس أوي ، أقنعني أنه اسمه زي اسمك لكن مش أنتَ واللي خلاني أصدق الشهادات بتاعتكم ومش كده بس هو قالي إني أسيب القرية وأسافر لحد ما هو ينتقم منك لكن معرفش ، وخطط لكل ده عشان أعرف أخلص منك وأنتقم لأمي .

وقفت مرة واحدة وهي تقترب منه وتبكي وتضربه بعنف لكي تخرج ما بداخلها وتعاتبه:

-هو اللي خلاني بالشخصية دي مش أنا ، يبقى بتلومني ليه ؟ ، أما أنتَ بتعمل إيه ؟ ، عاملي فيها شيطان وبتقتل في الناس الغلابة ، طب تارك ومعاه هو الناس التانية ليه بتعمل فيهم كده ليه بقيت كده قولي ؟ مش أنتَ اللي كنت بتحامى فيه وأنا صغيرة مش أنتَ .

نظر لها "قُصي" وإلى هيئتها وتردد فيما سيفعله لكنه وضع يده على شعرها وربت عليه وعلى ذراعها وهي يقول بصوت خافت:

-أنا مش زي ما أنتِ فاكرة يا ثُريا ، أنا بردوا اتعذبت بغيابك وأنا مش عارف عنك حاجة ، ولا عارف أمك اتجوزت مين ؟ ، ومجدي الكلب اللي قتل أبويا ، وأنا مش بقتل غير اللي شاركوا في موتوا عشان حياة مجدي دي مينفعش حد فيها يعيش ،عايزاني إزاي أبقى زي الأول ؟ .

ومن ثم ظهر على وجهه ابتسامة عابثة وهو يقول:

-يمكن كل واحد فينا اتغير بسبب حاجات بس أنتِ لسه جوا قلبي .