Hon, (Completed)

22

From: @sixth_numero
To: @HoneybeedelSol
Sent: Sun, 05/17/2020, 09:01 AM
Subject: That night...

Hon,

Alam ko na magiging masakit ang laman ng email na 'to. Pero gusto ko talaga na sabihin sa'yo ang lahat ng hindi ko nasabi sa'yo noon tungkol sa gabing 'yon. Sa gabing nasaktan kita ng husto.

Kahit sa kasagsagan ng confrontations natin hindi ko kailanman denepensahan ang sarili ko. For I knew I committed an unforgivable mistake. Pero hayaan mo akong ikuwento ulit ang gabing 'yon. Gamit ang mga detalyeng naaalala ko. Mga detalying hawak ko. Allow me to speak my side of the coin, Hon.

It was a Friday night. A year ago. Parehas nating alam 'yon. Ang akala ko no'n nasa Maynila ka pa. Nagkatuwaan kami ng mga classmates ko kasi kakatapos lang ng Finals. So we went to a bar. Sa Adidas Avenue. We were all in one table. Puro Business Ad students. Nagkita rin kami ni Aki roon. Nasa kabilang table naman siya kasama ang mga nursing students din.

I didn't know what gotten into me but I just found myself partying hard. Siguro nga para mailabas din ang naipong isang linggong stress mula sa pag-aaral sa gabing 'yon.

"Body shot! Body shot!" they chanted towards my two classmates.

I smirked and shook my head. Patuloy lang sa pag-inom. O baka naman frustrated lang ako no'n dahil sinabi mong 'di ka naman makakauwi.

"Woo! Bakit sa lips?! Porn na yan huh!" sigawan ulit. Nag-angat ako ng tingin mula sa iniinom at nakita na nga ang paghahalikan ng dalawa. They were rumored to be dating. Kaya naman mas lalong naghiyawan ang lahat.

Ilang oras din kaming nandoon. Naramdaman ko nga na sobrang lasing na ako. My head was spinning so bad but I still couldn't stop drinking.

Hanggang sa maramdaman ko na na may tumapik sa balikat ko.
"Uy, pa'no makakauwi 'tong si Sixth? Lasing na oh!" Dinig ko sabi ng isa kong classmates.

"May sasakyan ba siyang dala?" sabi naman no'ng isa.

"Wala yata. Sumabay lang 'to kay Mark e! Speaking of Mark, nasaan na 'yong mokong na 'yon?!"

"Wala na! Sumibat na kasama si Jaz!"

"Amputa! Pa'no 'to?! Out of way 'yong sa kanila sa'min eh!"

Seriously? Ang ingay nila. Gusto ko lang matulog sa mga oras na 'yon. Marami pa silang pinag-usapan. Nakapikit lang naman ako at nakahilig na ang ulo sa armrest ng sofa.

Hanggang sa dinig ko na ang pagtawag nila kay Aki.

"Tol! Lasing na 'yong kaibigan mo!"

Hindi ko makuha ang naging sagot ni Aki. 'Di ko na nga napansin na nakalapit na pala siya sa mesa namin. Sinubukan kong dumilat. Nahagip ng paningin ko ang nakatayong si Aki kasama ang dalawang babae.
"Oh sabi mo Aki huh, may pupuntahan pa tayo! Sabi mo 'yon!" sabi no'ng isang babae sa kanya. Iyong pinopormahan niya yata.

"Ako na ang maghahatid kay Sixth, Aki. On the way naman 'yong bahay nila sa apartment ko," the other girl volunteered. Kinusot ko ang mga mata ko para maklaro ang mukha niya. It was Leah.

"Sigurado ka, Leah? Okay lang ba? Puwede naman na—"

"Okay lang! Sige na at baka masira pa 'yang diskarte mo kay  Cynthia. Enjoy kayong dalawa."